Mahendra & Dewi Manjawati

Selama di perjalanan ke rumah, Si Dewi cuma cengengesan aja sendirian. Dia ga nyangka kalo abangnye punya tingkah se koplak itu. Cuma kalo dia inget tuh terong berurat, Merona lagi wajahnye. Sekarang dia baru tau kalo punya lelaki tuh kaya begitu bentuknya dan emang beda sama dia punya.

Cuma yang dia heran, kenapa pas liat begituan kok seluruh tubuhnya kaya begetar. Terus dalem hatinya kaya tumbuh suatu rasa yang belom pernah dia rasain sebelomnya. Tapi dia pernah denger dari babehnya, kalo laki sama cewe itu punya nafsu. Maka sebenernya ga boleh laki sama cewe bukan muhrim itu di satu ruangan. karena nanti dateng pihak ketiga yang godain buat bikin dosa.

Barulah dia tau ternyata yang dia rasain tadi itu nafsu. Dewi merasa beruntung abangnya lakuin hal yang konyol hingga nafsunya buyar berganti kocak. Kalo kaga, mungkin Dewi bakal samperin abangnya ke kamar mandi.

Tapi biar gimana, pengalaman itu malah bikin dia jadi makin suka sama Mahendra. Dan selama perjalanan pulang, si Dewi niat mau dandan. Buat siapa lagi kalo ngga buat abang nye. Ga tau kenapa ni hari dia pengen banget keliatan cantik di depan mahendra.

Sampe rumah dia ga liat babehnya. Mungkin lagj nyari kayu ke tengah hutan. Kebetulan di kamar babehnya emang ada alat rias bekas mantan bininya si Babeh yang selingkuh dulu. Si Babeh sengaja simpen karena dia beli alat rias asli arab dari Wan Abud di condet. Harganye ya mayan mahal.

Dan sengaja babeh simpen juga buat nanti kalo si Dewi nikah, mesti tuh alat rias kepake. Dan mulai dah dia berdandan. Tapi ya begitu, Karena emang belom pengalaman, make gincunya ketebelan, udah gitu rada mengsong. Mana pake bedaknya ngasal bae lagi. Sampe tu muka ga karuan ketebelan bedak. Pan malah jadi mirip badut.

Tetep aja dia mah ngaca sambil kerlang kerling merasa dirinya dah cantik kaya bidadari. Tapi biar gimana, aslinya dewi tuh cantik. Idungnya mancung. Bibirnya rada tebel merekah merah. Kulitnya kuning langsat. Rambutnya hitam lurus sampe ke dada. Kalo dari perawakanyye kaya ada campuran arabnya.

Secara dulu emang babeh sempet kenal sama orang tua si Dewi yang sepasang jagoan dari sungai ciliwung. Emaknye Dewi emang masih ada turunan yaman arab sono. jadi ga usah dandan pun emang cantik alami.

Ketimbang sama jande inceran Mahendra ya masih cantik Dewi dah. Agak lumayan lama si Dewi dandannye. Terus dia juga ganti pakean merahnye jadi pakean kebaya. Lagi-lagi bekas punya mantan bininya si Babeh.

Abis itu dia masak aer panas buat bikinin kopi abangnye kalo nanti pulang. Terus ada sisa terigu sama pisang di dapur langsung aje dia bikin gorengan. Jujur Biasanya dia ga pernah begitu. Mahendra kalo dirumah kalo apa-apa ya bikin sendiri. Ga pernah se umur-umur dewi yang bikin. Kalo dia nyiapin paling buat babehnya. Bukan buat mahendra.

Nah kali ini dia mau dandan sama masak demi Abangnye. Sebenernya kaya cerita aye seminggu kemaren, semenjak dewi di peluk abangnye semaleman di dalem tenda, dia udah tumbuh rasa demen sama abangnya. Nah tambah lagi pas tadi pagi liat terong abangnya. Makin demen aja udah.

Kalo inget kejadian tadi pagi, Si Dewi senyum-senyum aje sambil goreng pisang.

Hari dah mulai siang. Si Dewi dah kelar masak aer sama goreng pisang. Seharusnya Mahendra dah dateng bawa nasi uduk. Dan bener aje. Dia dah denger suara abangnye depan rumah lagi ngobrol sama siapa tahu. Langsung dah Dewi siap-siap. Kopi dua cangkir buat dia sama Mahendra. Plus pisang goreng buat dimakan berdua.

Tapi alangkah kecewanya Dewi. Begitu sampe ruang tamu, Dewi liat abangnye lagi ngobrol beduaan sama Mpok Dian di teras. Udah gitu tuh cewe dah gelendotan bae disamping Mahendra. Dari obrolan yang dia denger, kayanye si Mahendra emang dah nekat mau ngenalin Mpok Dian ke Babeh. Apalagi kalo bukan buat jalin hubungan ke jenjang yang lebih serius lagi.

Ga berasa tiba-tiba aer matanya ngalir basahin pipinya yang tebel sama bedak. Tangannya begetar liat abangnye mesra banget sama tuh jande. Sampe tuh kopi diatas nampan mau tumpah. Sakit bener rasanya tuh hati kaya di iris-iris piso. Tapi ada rasa membara juga yang tumbuh dalem hatinya.

"Dasar jande kegatelan. Lu ga bakal bisa ngambil abang gua. Awas aja lu gua kerjain. Tunggu lu ya.." Ancem si Dewi cuma dalem hati nya yang lagi membara.

Ntu nampan isi gorengan sama kopi di taro aja di meja ruang tamu terus Dewi ngacir ke dalem kamar Babehnya.

Dia inget kalo Babehnya punya kitab yang ngajarin ilmu mistis. Terus dia inget juga di satu halaman ada satu ilmu yang bisa buat ngerjain tuh jande. Cuma dia lupa mantranya. Akhirnya dia buka lagi tuh buku buat di apalin mantranya.

Setelah apal dia pergi ke dapur. Terus ngambil cabe sebiji. Entah buat apaan terus dia balik lagi keruang tamu. Pas liat tuh jande makin nempel sama Mahendra. Maka makin panas aja hatinya Dewi.

Ga pake lama sambil baca mantra dia pilin-pilin tuh cabe pake jarinya. Abis tu dia liat ke tuh jande yang mulai gelisah terus raba-raba lehernya kaya orang lagi birahi.

Si Mahendra yang liat pun jadi keheranan. Sementara tuh jande berasa bagian dalem kemaluannye kaya ada yang milin-milin. rasa nya geli ga karuan. Jelas aje jadi belingsatan.

(Mungkin buat pembaca yang ngerti mistis, tau nih ilmu apaan. Behahaha. Soalnya jaman dulu ga sedikit yang lakuin beginian buat ngerjain cewe).

"Lu kenape Mpok? Kenape jadi begini sih?" Ujar mahendra yang kaget liat kelakuan Mpok dian yang mirip uler keket.

"Ga tau nih bang kenape aye kaya begini." Sebenarnya Mpok Dian mau jelasin. Cuman kan malu dia.

Sementara di Dalem, si Dewi menyeringai kegirangan liat mantra nye berhasil.

"Hehehe..rasain luh jande gatel..sebentar lagi lu bakal gua bikin lemes.."

Crotttt...

Achhhhhh...

Tuh Cabe tetiba di pencet sama Dewi sampe moncrat isinya. Sementara tu jande seketika itu juga mendesah panjang.

Mahendra yang liat pun jadi makin keheranan kaya kebo bengong. Entah apa yang terjadi sama Dian sampe kaya uler keket terus mendesah lemes.

"Heh lu kenape mpo?" Tanya mahendra yang jadi panik begitu liat mukanya Mpok Dian yang pucet.

"Ah..ah...aye kayanya ga enak badan bang. kayanye aye mo pulang. Permisi bang.." Saut Mpok Dian yang langsung ngacir begitu aje.

Mahendra pun nyusul buat nganterin sampe ke rumahnye. Nah didalem si Dewi ketawa puas banget liat tuh jande kena kerjain ma dia.