"Hehh jaga tuh mulut ndra. Enak aja lu ngomong. Tahu dari mana lu kalo adek gua penghianat hah..?" Tanya si Mat Jaim ngotot.
"Lah ga usah basa basi lu im. Gua tahu komplotan lu juga ada kongkalikong sama Anj*** NICA. Jangan kira gua ga nyelidikin juga komplotan lu ye im. Lu sama adek lu tuh sama aja. Sama-sama babunye menir VOC. Dan asal lu tahu aja Im. banyak pejuang yang meregang nyawa gara-gara adek lo. Lu semua sama komplotan lu harus tanggung jawab. Atau jangan Kaget kalau suatu saat markas lu gua grebek.." Ancem Mahendra ga kalah sengit.
Padahal jelas adeknya Mat Jaim sering nyantronin markas kumpeni buat laporin pergerakan pejuang yang lagi ngerebut kemerdekaan di Batavia.
Cerita ini berlatar jaman penjajahan belanda di batavia. yang sekarang jakarta. Cerita ini juga hanya fiktif belaka. Bila ada kesamaan Nama dan tempat aye mohon maaf.
Karya ini diterbitkan atas izin NovelToon Bang Jigur, isi konten hanyalah pandangan pribadi pembuatnya, tidak mewakili NovelToon sendiri
Dewi tukang rusuh bag 10
Ujan makim deres. Si Dewi belom bangun juga. Malah keliatan tambah pucet dan badannya menggigil. Mahendra yang liatin keadaan Dewi jadi makin cemas.
"Duh wi. Gua bingung nih mesti ngapain. Lu tu biar adek tapi cuman seperguruan doang. Kalo gua meluk lu tar gua juga yang kaga nahan. Mana badan lo bongsor lagi. Lu bukan adek gua yang masih balita yang dulu gua gendong dan gua mandiin. Tapi lu dah gede. Ya tuhan..maafin Baim deh ya..habis mo pegimane lagi..?" Si mahendra berguman sendirian sambil berdoa nengadahin palanye keatas terus masang wajah melas.
Bukannye ape. dia juga punya imron yang mesti bereaksi kalo ketemu kue apem. tapi akhirnye dia pendem juga tuh imron dalem-dalem Demi keselamatan si Dewi.
Dia peluk Si Dewi dari belakang. Berasa bener badan si Dewi dingin bukan maen. Pas lagi meluk, dia inget kata-kata gurunye, kalo ilmu rengkah bumi ga bisa sembarangan di pake. Karena dijamin mesti nguras total energi dalam tubuh. Kecuali Babeh yang dah paham bener seluk beluk Ilmu itu.
"Kan maen dah lu wi. Seharusnya lu ga gunain tuh ilmu..." Ujar si mahendra walau ga ditenggepin Dewi karena ya masih pingsan. Bahkan Mahendra rasain badan si Dewi makin dingin dan makin menggigil.
Akhirnye mahendra ngeluarin tenaga dalem buat angetin badan si Dewi. Asep keluar dari tuh badan mereka. Di tengah ujan badai tuh tenda ngebul. Padahal ga ada yang nabun. Tapi ini efek dari tenaga dalem mahendra yang sekuat tenaga digunain buat angetin badan Dewi.
Alhasil berhasil. Suhu badan dewi kembali normal. Pucetnya ilang. Ga lama kedengeran dah suara ngoroknya tanda si Dewi dah tidur pules.
"Hett dah ni bocah babon juga kalo molor ya...?" Keluh si Mahendra gegara dia yakin ga bakalan bisa tidur ni malem.
Tapi dalem hati Mahendra bersukur adeknya dah mendingan. Cuman pas dia mo lepas pelukan masih ga tega. Masalahnye biar ujan dah reda, cuaca masih dingin bener.
Nah pan si Dewi badannye dah anget. Timbul masalah baru. Imron nye si Mahendra mulai ngajak perang. Biar gimana juga dia punya nafsu. Bayangin aje di cuaca dingin kaya begitu dia mesti meluk cewe yang bukan sodaranye.
Karena kaga nahan dia lepas juga tuh pelukan. terus dia balik badan dan berusahe tidur dan lupain si imron yang lagi manteng. Ga mao dia kelabasan. Kalo terjadi, bisa di pilin lehernye ma si Babeh.
Malem pun berlalu. Matahari mulai nongol nerangin dalem tenda. Kokok ayam besahutan di pagi hari itu. Bekas aer ujan masih netes di pinggir tenda. untung mahendra bikin lantai bambu agak tinggi. Jadi dia ma Dewi kaga kena genangan aer.
Mahendra mendusin. Matanye melek terus dia nguap. Tapi pas mau bangun dia kaget. Karena badannye dah dipeluk ma Dewi dari belakang. Rapet bener. Cengkramannye juga kuat ga bisa di lepas. Karuan aja tuh Buah kembar si Dewi berasa nonjol banget di punggung Mahendra.
Kenyal-kenyal empuk gimane gitu rasanye. Nah jelas aje si Mahendra gelagepan lagi. Biar dikata iman di dada dah di tahan-tahan, Tetep aje si imron mah ga bisa di bilangin.
Istilah kate. Biar di keplak tuh imron juga ga bakalan ngarti. bukan ape. Dia ga mau si Dewi jadi ladang pembantaian si Imron pagi ini.
"Bahaya bener dah. Mana rapet bener pelukannye. Woiii Dewi..bangun luh...Woii..." Tereak si Mahendra sambil goyang badannye biar si Dewi bangun.
"Apaan si, orang gua dah bangun dari tadi juga..." Jawab si Dewi yang ternyata dah bangun sedari tadi.
"Nah tu lu dah bangun. Napa lu masih meluk gua sih. Lepas nape..!! Suruh Mahendra gegara ga kuat lagi nahan si imron.
"Ga..masih dingin.." Jawab Dewi maksa
"Lah bocah kaga ngarti yak. Eh wi lu tuh dah bukan balita lagi yak. Yang dulu gua gendong sama mandiin. Terus suka meluk lu kemane-mane kalo maen di taman. Sekarang lu dah gede wi. Anu an lu juga dah gede. Lu ngarti kaga..?"
"Apaan si anu an bang? Kaga ngarti gua.." Jawab Dewi masih sambil meluk erat abangnye.
"Dada lu bego...dada lu dah montok. Berasa di punggung gua. Gua punya nafsu tolol. Tar kalo gua ga nahan, gua garap juga lu mao..?"
"Dih dasar punya abang mesum bener dih..iya dah gua lepas bang.." Ujar si Dewi sambil ngelepasin pelukannye.
Tapi yang ga di duga terjadi. pas lagi lepas pelukan si Dewi sempet nyentuh sesuatu yang keras dan panjang di bawah perut abangnye..
"Ihh..apaan tuh bang? Keras amat. Sejak kapan lu punya pedang? Perasaan Babeh ga ngajarin ilmu pedang dah.." Si Dewi ngoceh sambil ngerutin jidatnye keheranan. Mereka pun akhirnya bangun terus duduk beradepan. Si mahendra lega karena Dewi dah lepas pelukan.
"Mang lo dasar bocah. mau tau aje. Dah pulang nyok ah. tar babeh nungguin di rumah.." Mahendra nanggepin terus bangkit. Cuma masih di tahan lagi ma Dewi.
"Tar dulu bang. gua masih penasaran tau. coba liat bang, apaan si tuh nonjol gitu dibawah perut lu.."
"Muke gile lu wi.. Bodo amat.. Gua mau pulang. Terserah lu mau ikut apa kaga..tar babeh cemas nunggu di rumah tau.." Si mahendra gertak sambil hentakin tangan dewi biar lepas. Abis tu dia ngacir ninggalin Dewi.
Karuan aje si Dewi ikut bergegas ambil bungkusan trus nyusul abangnye sambil lari trus senyam-senyum seneng karena ni malem berarti banget buat dia. Entah kenape dalem hati Dewi kaya makin tumbuh rasa demen sama abangnye. Demen yang bukan sembarang demen
🌹🌹🌹