"Hehh jaga tuh mulut ndra. Enak aja lu ngomong. Tahu dari mana lu kalo adek gua penghianat hah..?" Tanya si Mat Jaim ngotot.
"Lah ga usah basa basi lu im. Gua tahu komplotan lu juga ada kongkalikong sama Anj*** NICA. Jangan kira gua ga nyelidikin juga komplotan lu ye im. Lu sama adek lu tuh sama aja. Sama-sama babunye menir VOC. Dan asal lu tahu aja Im. banyak pejuang yang meregang nyawa gara-gara adek lo. Lu semua sama komplotan lu harus tanggung jawab. Atau jangan Kaget kalau suatu saat markas lu gua grebek.." Ancem Mahendra ga kalah sengit.
Padahal jelas adeknya Mat Jaim sering nyantronin markas kumpeni buat laporin pergerakan pejuang yang lagi ngerebut kemerdekaan di Batavia.
Cerita ini berlatar jaman penjajahan belanda di batavia. yang sekarang jakarta. Cerita ini juga hanya fiktif belaka. Bila ada kesamaan Nama dan tempat aye mohon maaf.
Karya ini diterbitkan atas izin NovelToon Bang Jigur, isi konten hanyalah pandangan pribadi pembuatnya, tidak mewakili NovelToon sendiri
Dewi tukang rusuh bag 11
Sambil nenteng bungkusan yang isinya pala orang, si Dewi pun nyusul abangnye trus langsung gandeng tuh tangan. Namanye dari balita suka begitu, ya dibiarin aja dah ma mahendra. Kecuali ada jande demenanye mahendra yang liat. Mesti dia lepas tuh gandengan.
Dewi masih penasaran sama punya Mahendra yang tadi dia sentuh. Soalnya tau kenapa seneng aja dia tadi nyentuhnye. Baru kali itu dia rada Ser-ser gimane gitu kaya pengen megang sekali lagi. Jadi kadang dia senyam-senyum sambil lirik mahendra. Nah mahendra mah bodo amat dah. ga mikirin lagi dia kejadian tadi pagi. Kalo di ladenin kemauan si Dewi, Terus ketauan babeh, bisa runyam urusan.
"Eh wi soal kejadian tadi malem yang di tenda jangan lu ceritain ma babeh ya..?" Pinta si Mahendra. Nah si Dewi malah diem aje sambil cengengesan lirik abangnye.
"Lu nape jadi kaya orang gila gini si wi? dari tadi mesam-mesem aje ga jelas. Gua tanyain malah nyengir doang luh. Lu ngarti kaga yang gua omongin barusan..?" Mahendra nanya sambil mo lepasin gandengan si Dewi. Tapi boro-boro bisa dilepas. Kuat bener si Dewi cengkramannye.
"Mang napa kalo gua ceritain ke babeh? Pan lu dah nolongin gua bang, jadi mesti lu nanti..."
"Di gedig pala gua ma babeh...terus kaya yang waktu itu mesti gua dikeremin lagi sama piaraanye babeh.." Potong mahendra
"Lah napa bisa gitu bang..?"
"Dih pura-pura bego luh wi. Kalo lu ceritain tentang gua dah meluk lu semalem, mesti kena hukum gua ma babeh."
"Ah kayanya kaga dah bang.."
"Pokoknye jangan lu ceritain. Gua mohon dah ama lu ya...?" Secare melas si Mahendra memohon ma Dewi.
"Iye dah bang..aye ga ceritain.." Jawab si Dewi yang tiba-tiba aje lepasin tangannye terus berenti.
"Bang aye masih penasaran sama yang aye sentuh tadi pagi. Mang tu apaan sih..?" Tanya si Dewi sambil garuk pala penasaran.
Denger pertanyaan gitu si Mahendra jadi puyeng mesti jawab apa. Tapi biar gimana si Dewi kudu paham masalah ginian. Supaya kedepan dia lebih hati-hati lagi ma lawan jenis. Bukannye ape tar punyanye aki-aki ditengah jalan pengen diliat juga lagi.
"Gini wi...lu kan cewe..gua kan laki. nah masing-masing dari kita punya barang yang beda. Punya lu mirip kue apem. Nah..punya gua...punya gua......mirp apa yak...emmm...mirip terong yang lu liat dipasar. Nah lo dah paham lom..?" Mahendra jelasin sambil gelagepan.
"Aye lom paham bang sumpah. kaga ngarti.." Jawab dewi yang masih kebingungan.
"Hadehh bocah ya susah amat..hmmm gini wi. Lu ngencing lewat mana..nah tempat keluarnye bentuknye kaya apa.?" Tanya mahendra yang pipinya jadi merah gegara malu mesti jelasin begituan. Tapi mo ga mao dia mesti jelasin.
"Oohh gitu...nah aye baru paham dah. Trus ko punya abang kaya gitu..ga sama kaya punya Dewi...?" Si dewi nanya lagi yang bikin mahendra makin senewen.
"Lah mana gua tau wi..dah dari sononye..hett dah..ada-ada aja pertanyaan lu. Kalo punya gua sama kaya punya lu, trus lu mao kalo gua dandan menor gitu? Trus melambai-lambai pinggir jalan godain om-om gitu..?"
"Dih jangan bang. Ga sudi aye. masa abang kesayangan aye jadi melehoy. Ga sanggup aye bang liatnye.."
" Nah gitu maksud gua wi. Udah kodrat masing-masing. Lu cewe gua laki. Punya kita juga beda. Coba lu bayangin nih kalo sedunia isinya cewe semua. atau sebalinknye. Nah sekarang gua tanya. Kalo lu buka celana lu sekarang lu malu ga.? Tanya si mahendra. Si Dewi pun mukanya langsung merah.
"Ya malu lah bang. Gile aje aye bugil dimari.."
"Nah begitu juga gua wi. Ga mau punya gua diliat ma siapapun kecuali tar ama bini gua. Mudah-mudahan lu paham ya wi..?"
Agak lemot dikit sih mikirnya si Dewi tapi akhirnya dia paham juga terus manggut-manggut.
"Iye bang aye paham deh..walau cuma dikit. Tapi ada benernya juga omongan lu bang. Oh ya bang. Lu duluan yak pulang. Tar aye nyusul. bilang ama babeh tar siang aye dah sampe rumah..dadah abangku sayang.." Si Dewi Pamit sambil lambai tangan terus ngacir berkelebat. Karuan aja si Mahendra jadi makin senewen. Bukannye ape, tar babeh mesti nanyain. Kalo dah gitu yang kena Mahendra juga.
"Woiii wii lu mo kemane..? Bujug dah nih bocah maen ngayap aje..hadeh..pegimane nih tar kalo babeh nanya.? Ah bodo amat. Mau pulang gua terus molor.." Keluh si mahendra sesudah teriakin si Dewi yang tau-taunye dah ngilang di ujung jalan. Cepet bener lagi ngilangnye. Ga mungkin mahendra nyusul. Karena ilmu peringan tubuhnye juga lebih tinggi si Dewi
🌹🌹🌹