Di kerasnye kehidupan pinggiran Betawi, ada bocah tengil bernama Jambul yang mulutnye ceplas-ceplos tapi nyalinya kagak kalah sama jagoan gede. Bareng gurunye yang nyentrik, si Babeh Kribo, Jambul belajar silat, akal-akalan, sampe cara bertahan idup di dunia yang penuh tipu daya.
Dari satu masalah ke masalah lain, Jambul sering kejebak urusan sama rampok, buronan, sampe rahasia gelap yang ngumpet di balik hutan dan kampung. Tapi dengan gaya santai, tingkah kocak, dan kemampuan yang makin hari makin jadi, dia pelan-pelan ngebuktiin kalo dirinya bukan bocah sembarangan.
Penuh tawa, bahaya, dan ambisi, perjalanan si Jambul jadi kisah seru tentang keberanian, kecerdikan, dan mimpi besar… walau kadang dimulai cuma dari niat sederhana: nyari duit sama petualangan.
Karya ini diterbitkan atas izin NovelToon Bang Jigur, isi konten hanyalah pandangan pribadi pembuatnya, tidak mewakili NovelToon sendiri
Latihan sama buaya
Si Babeh berdiri santai di atas batu, matanye merhatiin si Jambul yang masih plonga-plongo, kayak belom ngeh sepenuhnye sama situasi.
“Heh, botak… kalo lo masih bengong aje, bentar lagi nih aer sungai bakal pasang. Kalo udah pasang, dijamin tuh buaye piaraan gua pada nyaplok lu, hehe…” ledek si Babeh sambil nyengir lebar.
Si Jambul langsung nelan ludah. Mukanye makin tegang. Takut? Jelas. Tapi di sisi lain, dia tau—kalo dia ga gerak sekarang, tamat udah nasibnye.
“Oke, Beh… siap-siap aje aye tangkep!” seru si Jambul, berusaha nampilin pede.
“Hupp!”
Wusss!
Si Jambul lompat dari batunye, ngarah langsung ke batu tempat si Babeh berdiri. Gerakannye cepet, penuh nekat.
Tapi—
Wusss!
Si Babeh malah udah melesat duluan, pindah ke batu lain dengan enteng, kayak ga ada beban.
“Tap.”
Kakinye mendarat ringan.
Sementara itu, si Jambul—
“Hoiii…!”
Hampir aje kepleset pas mendarat. Kakinye sempet goyah gara-gara permukaan batu yang licin. Dia buru-buru jaga keseimbangan, tangan kebuka ke samping biar ga jatoh.
“Wah… licin bener nih!” geramnya.
Dia nengok ke bawah. Air sungai ngalir deras. Di sela-sela arus… bayangan buaya masih muter pelan.
Jantungnye makin deg-degan.
Pas dia liat lagi sekitar, baru ngeh—
hampir semua batu di situ ketutup lumut hijau tebel.
Bukan cuma licin…
tapi bener-bener jebakan.
Si Jambul ngangkat muka, ngeliat si Babeh yang udah berdiri santai di batu seberang, masih dengan senyum ngeselin.
“Gimane, Mbul?” celetuk si Babeh. “Baru satu lompatan aje udah goyang. Mau nangkep gua… apa mau jadi sarapan buaye?”
Si Jambul ngekepal tangan.
“Huh… tunggu aje, Beh… kali ini aye serius!”
Dia narik napas dalam.
Matanye mulai fokus.
Karena emang licinnye bukan maen, si Jambul akhirnya mulai ngeluarin ilmu peringan tubuhnye. Napas diatur, langkah diperingan, dan fokusnya dikumpulin. Seketika itu juga, lompatan dari satu batu ke batu lain jadi makin cepet dan ringan.
“Was wus… was wus…!”
Tubuhnya melesat, kakinye cuma nyentuh permukaan batu sepersekian detik sebelum loncat lagi. Air sungai muncrat kecil tiap dia mendarat.
Beberapa kali dia hampir banget nyentuh si Babeh.
“Hampir dapet!” serunya.
Tapi tiap kali itu juga—
Wusss!
Si Babeh selalu berhasil lolos dengan santai, pindah ke batu lain kayak bayangan. Gerakannye ringan, stabil, seolah batu-batu licin itu ga ngaruh apa-apa buat dia.
Sementara si Jambul makin ngebut…
sampai akhirnya—
krek!
Kakinye salah pijak di satu batu yang lumutnye paling tebel.
“Huaaaaa!!”
Byuuurrr!!
Dia jatoh ke sungai.
Air muncrat tinggi. Arus langsung nyeret badannye dikit.
Untung aje di sekitar situ buaye lagi agak jauh. Tapi begitu mereka liat ada yang nyemplung—
air mulai beriak.
Satu… dua… tiga bayangan buaya langsung muter arah.
Nyamperin.
“Waduh! Mampus gue!!” teriak si Jambul panik.
Tanpa mikir panjang, dia langsung berenang sekuat tenaga.
“Wusss! wusss!”
Tangannye ngibas air, kakinye nendang keras, ngibrit menuju batu terdekat. Jantungnya kayak mau copot.
Hampir aja—
crot!
Dia berhasil naik ke batu lain dengan susah payah.
Selamat.
Tapi—
badannye basah kuyup.
Napas ngos-ngosan.
“Brrrrrr… dingin, Beh… hampir aje brrt…” keluhnya sambil menggigil, tangannye meluk badan sendiri.
Di seberang sana—
si Babeh malah ngakak lepas.
“Behahahaha! Gimana? Enak, kan? Dingin, kan?” ejeknya tanpa ampun. “Hampir aje lu tinggal tulang sama kentut doang dicaplok buaye!”
Si Jambul manyun, tapi masih merhatiin.
Si Babeh lanjut, nadanye mulai agak serius walau tetep santai.
“Itu dia… ilmu peringan tubuh lo kagak dilatih bener. Makannye lo kagak bisa ngimbangin. Keseimbangan sama pijakan itu penting, Mbul… bukan cuma cepet doang.”
Dia geser dikit ke batu lain, matanye nantang.
“Nah sekarang—ayo. Tangkep gua.”
Si Jambul ngusap mukanye yang basah, terus narik napas dalam.
Rasa dingin masih nusuk…
tapi matanye mulai panas lagi.
“Oke, Beh… kali ini aye kaga bakal jatoh lagi,” gumamnya pelan.
Lalu—
Wusss!
Dia melesat lagi.
Kejar-kejaran makin lama makin panas. Si Jambul yang tadi sempet kocar-kacir sekarang mulai nemu ritmenye. Nafas diatur, langkah diperingan, dan tiap lompatan makin presisi. Dari satu batu ke batu lain dia melesat cepat, air muncrat tiap telapak kakinye nyentuh permukaan licin itu. Di bawah sana, buaye-buaye pada muter, moncongnye nongol ke atas, mulut mangap lebar seolah nungguin siapa yang bakal jatoh duluan. Pemandangan itu bikin jantung makin deg-degan, tapi justru bikin si Jambul makin nekat.
“Was wus! Was wus!” gerakannye makin gesit, matanye fokus ngunci pergerakan si Babeh yang masih keliatan santai. Beberapa kali jarak mereka tinggal sejengkal. Si Jambul nambah kecepatan, ngambil ancang-ancang dari batu yang agak tinggi, lalu lompat jauh ke arah si Babeh.
Wusss!
Kali ini tepat. Kakinye mendarat pas di batu yang sama. Tanpa buang waktu, si Jambul langsung nyamber badan gurunye, tangannye melingkar kenceng di pinggang si Babeh.
“Dapet lu, Beh!” serunya penuh kemenangan.
Si Babeh sempet diem sepersekian detik, lalu nyengir tipis. “Hehe… belum tentu, Mbul.”
Tiba-tiba tubuhnya kayak berubah. Licin. Bener-bener licin kayak dilumurin minyak. Si Jambul yang tadinye udah ngerasa pegangannya kuat, langsung kaget karena tangannya mulai melorot.
“Jurus belut putih,” Gumam si jambul
Dalam sekejap, badan si Babeh meleset keluar dari cekelan. Si Jambul berusaha nahan, tapi percuma—pegangan itu lepas begitu aja. Wusss! Si Babeh udah lompat lagi ke batu lain, berdiri santai seolah ga terjadi apa-apa.
Si Jambul bengong sebentar, lalu mukanye langsung berubah kesel. “Woiii! Curang, Beh! Aye udah dapet tadi! Masa bisa lepas gitu aje?!” teriaknya sambil nginjek batu dengan gemes.
Si Babeh malah ngakak keras, suaranye nyaring di atas aliran sungai. “Behahaha! Itu bukan curang, Mbul… itu ilmu!” jawabnya santai. “Di dunia beneran, lawan lo kagak bakal diem kalo udah ketangkep. Mereka pasti punya cara buat lepas. Kalo pegangan lo lemah, ya pasti lolos.”
Si Jambul ngepalkan tangan, kesel tapi juga mulai mikir. Air sungai terus ngalir deras di bawah, buaye-buaye masih muter dengan sabar, nunggu kesempatan. Di tengah tekanan itu, si Babeh masih berdiri santai, tapi matanye tajem ngeliatin muridnye.
“Ayo lagi,” lanjut si Babeh sambil nunjuk ke arah batu-batu di depan. “Kali ini tangkep gua tanpa bisa gua lepas. Kalo lo mau jadi jagoan… jangan cuma cepet. Lo juga harus pinter.”
Si Jambul narik napas dalam, ngusap mukanye yang masih basah, lalu matanye berubah lebih fokus. Rasa kesel berubah jadi tekad. “Oke, Beh… sekarang aye bener-bener serius,” gumamnya pelan.
Tanpa ragu, dia melesat lagi. Kali ini bukan cuma ngejar—tapi mulai baca gerakan lawan.
