الملك والمملوك

ليلة الدخلة!!

كنت جالس أنا وزوجتي التالتة"ملاك"داخل غرفتنا المزينة بالهداية والورود، كنا جالسين على على سريرنا الأبيض نضحك بصوت عالي ونتونس

^^^"خلاص يا طاهر خلينا ننام دحين بعد كل دي المشية في العرس والله مررررة تعبت ويه!"^^^

"لا بدري الليلة طويلة~علينا!خلينا نتونس أكتر..ياخي عيونك حلوة ان شاء الله بعد ما ننام ما اصحى مصدوم خهههههه."

^^^"وي!هههههه إش تقصد تراني حلوة بمكياج ولا بدون يلا بابا أبغى أنا~مه..نعسانه"^^^

في دي اللحظة دخلت علينا زوجتي التانية "أميرة" تمشي بهدوء لابسه فستانها الأبيض وكعبها الأحمر الطويل إلي كانت لابستهم في يوم عرسنا بدون ما تبتسم

..."كيف حالك يا عروسه؟نورتي البيت"...

^^^"ها!..هلا والله بنورك يا أبلتي الغاليةبخير إنتي كيفك!؟"^^^

..."طبعا بخير"...

طالعتني زوجتي أميرة وبتسمت إبتسامة ما أرتحت لها

..."أهلين بسيدي وزوجي أهلين بالعريس!"...

رديت عليها بهدوء وأنا مبتسم "أهلين يا أميرتي الحلوة!كيف حالك!؟"

..."الحمد لله زي حالك قبل خمسة سنين"...

طالعت فيها مستغرب من الرد ولا رديت عليها حرف

إلتفتت لزوجتي"ملاك"وقالت :

..."يلا تبغو أي حاجة أسويها لكم؟"...

ردت عليها زوجتي"ملاك" ووجهها على ملامح الإستغراب :

^^^"لا،سلامتك"^^^

أنا " سلامتك"

خرجت زوجتي"أميرة" زي ما دخلت وسكرت الباب بشويش وراها،ومباشرة سألتني زوجتي"ملاك" :

^^^"وي؟!إش فيها دي؟! إش تقصد بكلامها؟؟"^^^

قلت لها وأنا أفكر في الي قالتو ومنزعج من داخلي

"والله مدري في أي بير ترمي حصاها ههههه ما عليكي فيها شكلها تمزح بس"

^^^"أممم يب ممكن ليش لئ"^^^

"يلا يملاك خلينا ننام صار الليل"

^^^"لا ما رح أنام من اول أقول لك خلينا ننام ونتا الليل طويل الليل^^^

^^^طويل روح نام أنا بجلس أشوف كورة"^^^

"خههههه من متى ونتي تتابعي كورة يلا خلاص يا بنتي أنا

آ~سي~فنن"

^^^"هههههه خلاص بابا!يلا ننام!"^^^

"بس إحتياطً روحي للحمام الله يكرمك عشاني سمعت إنك توسخي فراشك بعد ما تنامي هههههخخخ!!" (بمعنى تشخ الله وهيا نايمة يكرم السامعين)

^^^"لاعععع!!مين قالك!..مين قالك لك كدااا~!"^^^

"خخخههه سر ما رح أقول لا تحاوليهههه"

^^^"بليييييز~ماي لوووv~"^^^

"نو ويه بيبي هههههه"

جلسنا نضحك أنا وزوجتي في داخل غرفتنا وما أكتفينا بالضحك،بدأنا نرمي بعض بالمخدات الي مكتوب عليها "My love" ونمزاح بعض بالكلام.

وفجأة سمعنا الباب يندق بأدب "طق.طق.طق"

ناظرت فيني ملاك وكنها تسألني مين على الباب

تركت المخدة الي في يدي ورحت للباب وأنا أفكر "مين يدق علينا الباب ؟!"أميرة"بالعادة الوقت هدا تكون نايمة فمين إلي يدق علينا" المهم فتحت الباب ولقيت زوجتي"أميرة" في وجهي

"أهلين بالغالية هل صارت حاجة؟ليش لابسة عبايتك ونقابك؟؟"

ردت عليا بدون ما تطالع في وجهي والغريب انها كانت لابسة عبايتها وخمارها

^^^"ممكن لحظة من وقتك؟"^^^

"أبشري يا أميرة بس دقيقة أخبّر ملاك حتى ما تقلق"

^^^"مجرد لحظات بس تعال معايا ما بتتأخر عليها"^^^

"طيب يلا"

سكرت الباب ومديت يدي لزوجتي حتى تمسكها لكنها لفت راسها بعد ما طالعت في يدي كني أطلب منها أشحت منها فلوس

زعلت من الموقف لكني كتمت في قلبي ولا وريتها اني زعلان

كنت جنبها وحنا نازلين من الدرج مسرح في تفكري "ليش جالسة تعاملني بدا الأسلوب هل أنا أسأت لها؟هل ضايقها كلامي؟"

وفجأة طاحت على ركبتها بقوة ودحرجت على الدرج لكن والحمد لله لحقت عليها وهيا مسندحة على الأرضية تتنفس بصعوبة

"أميرة!!أميرة!!"

أسندتها على يدي وخليتها ترخي ظهرها للخلف بعدها بدأت أضغط على صدرها حتى أساعدها في عملية التنفس

^^^"كح كح!!اه آه لا..لا..تلمسني!!"^^^

رديت عليها وأنا على اعصابي من الموقف إلي هيا في

"معليش يا أميرة لأني ما قدرت أمسكك قبل لا تطيحي!!...دحين ح..حاولي انك ما تتكلمي وخذي نفس"

ردت عليا والدموع تجري من عيونها بصوت مخنوق

^^^"ليش..تتزو..ج عليا!!؟هل..أنا قص..قص.رت معاك في شي!!؟"^^^

في دي اللحظة تصورت كل الي صار من أميرة وليش كانت نظراتها غريبة حاولت إني أتصرف كرجل حكيم ولا أصعب الأمور : "إنتي إرتاحي دحين ون شاء الله يوم تصير صحتك أفضل رح نتكلم في..."

^^^"ما يهمني...ولا رح تفهمني..ف.في يوم بعد ما..سويت فينى...ما رح أتوقع منك خير..أخ.رج..من بيتي"^^^

برد جسمي وحسيت كني انعزلت عن الواقع لكم ثانية بعدها رجع لي عقلي وبدأ قلبي يحرقني والقهر ياكل فيني ما كنت عارف إش أقول أو إش أسوي تحملت الألم عشان زوجتي التالتة ما تعيش اول أيامها في حزن وتكون لها ذكرى زواج حزينة

"عسى الله يفرجها علينا"

شلتها بيديني ورحت للصالة ورقدتها على الكنب الأبيض الي في وسط الصالة الكبيرة والمقابلة لمدخل الفلة إلتفيت وبدأت أمشي كني جسد بدون روح.

كانت عيوني غرقانه بالدموع لكني حاولت اني ما أنكسر قدامها

^^^"تعال قبل لا تروح يا طاهر"^^^

جاوبتها وأنا أول مرة أسمع إسمي منها رافع راسي حتى ما تلاحظ دموعي

"هلا إش تبغيني أسوي لك؟"

أشرت لي بيدها قايله :

^^^"شفت الصندوق الي عند باب المدخل؟"^^^

"إيوا شايفو تبغي؟"

^^^"إيوه جيبو ليا"^^^

رحت للصندوق وشلتو كان الصندوق لونو أخضر ووزنو خفيف ما أهتميت بالي داخل الصندوق أكتر من إهتمامي بقلبي إلي أحتاج إني أطفي نيرانوا

كنت ماسك الصندوق بيديني ولما وصلت عندها قالت لي :

^^^"خلي في يدك قلت"^^^

بعدها سألتني

^^^"تعرف إش الي في يدك؟"^^^

قلت لها "لا طبعا"

قالت لي

^^^"هدا إنتا"^^^

"ما فهمت عليكي؟؟هه.هه"

^^^" لا تضحك هذا إنتا يوم كنت ترقد عند أبواب الناس مخدتك الأرض إلي تدعسها الناس بجزمها وملابسك المشقوقة والخضرة إلي ما عندك غيرها ولا أحد أهتم...فيك..غيري أنا يوم شفتك تنبح من الجوع ولا لك صاحب يأكلك أو يشربك فأخذت وسكنتك عندي ولبستك ونتفخت كرشتك في بيتي"^^^

سمعت كلامها من أولو لآخرو كأنها صخرة نزلت على صدري ونسفت قلبي

بكيت عيوني بحرقة إلي ما كانت تبكيها طعنات الخناجر

وخنقتني العبرة

^^^"تبكي؟ ما يهم إفتح الصندوق"^^^

ما قدرت أرد عليها حسيت بالضعف وكأني فقدت أكبر شي أملكو والي هيا كرامتي

فتحت يديني الصندوق بدون ما أسألها عن شي يخص الصندوق

فتحت الصندوق وأول ما فتحتو فاحت منو ريحة وسخة خلتني أطرش وأنا جالس أستفرغ سمعتها تقول

^^^"لا تستغرب!!خرا الكلب هدا يمثل قلبك بعد ما فاحت ريحتو وبانت لي قيمتك الحقيقة الأصل"^^^

هنا ما قدرت امسك نفسي حسيت بنبضات قلبي تقل ويخف صوته طحت على الأرض ووجهي مقابل لوجهها وكانت عيون تغمض بوتيرة بطيئة لحظت فمها وهيا تبتسم ببشاشة هذي كانت آخر حاجة أشوفها....

.............

صحيت والدنيا مظلمة حولي ما أشوف الا الظلام

سمعت صوت ممرضتين يتكلمو مع بعض

"شوفي كيف أدبت زوجها خلتو مشلول بشوية كلمات صراحة زوجها حساس بالأصح المشلول~"

إنفجرت الممرضة الثانية بالضحك وهيا تقول

^^^"بوهههههههه أم خشم ههه..هههه والله ضحكتيني أستغفر الله^^^

^^^أبو الهول تسمعني قوم صليخهههه..."^^^

"خههههههههه من جدك مروه أبول الهول في سبات عميقهههههه..."

أنا أحدث تفسي: "هذول يتكلمو عن أي مريض؟! الله يعنو ويصبرو عليهم والله إنهم قليلات أدب حسافه عليهم من ممرضات"

انسحبت ستارة عن يساري وسمعت صوت ممرضة تالتة قريبة من راسي تصارخ عليهم وتقول

..."عيب عليكي إنتي وهيا! إحترمو نفسكم هدا مريض المفروض نخفف عنو إلي هوا في مو نزيدو هم فوق همو!"...

قربت أكتر عند راسي وقالت