الفصل الثالث

وجاء اول يوم جامعه وكانت الفرحه تغمر كلتا الفتاتين لانه عالم جديد يكتشفونه سويا وما جعل هذا العالم يزداد جمالا في نظرهم هو دخولهم هذا العالم سويا متشبثين ببعضهم البعض.....

كانت سيدرا تنتظر ملك في مترو الانفاق وكعادة ملک تأخرت ع سيدرا ...

ولكن سيدرا لم تنتبه ع تأخيرها هذه المرة حيث انها كانت تفكر مليا ف العالم الجديد الذي تخطيه ف حياتها تفكر ف هذه المغامره الشيقه التي تود خوضها مع صديقتها وما إن اتت ملك حيث القت التحيه ع سيدرا ولكن سيدرا كانت ف عالم التفكير ولم تنتبه ع وصول ملك ف هزتها ملك وقالت لها: سيدرا حبيبتي انتي تايهه ولا لسه نايمه

سيدرا ردت عليها بفرحه ممزوجة بالحماس: هه لا انا تايهه ف تفكيري تفتكري الجامعه عمله ازاي انا بجد فرحانه اوي!!!

ملك بسعادة مماثلة : وانا اوي بس يلا بقا ...

سيدرا بتعجل : يلا ي موكا

************************************

واستقلت ملك وسيدرا سيارة الاجرة وحددوا للسائق وجهتهم للمكان المنشود(الجامعه) ودلفوا الجامعه سويا وحضروا اليوم الاول للجامعه وتعرفوا ع فتاة تدعى سمر اثناء المحاضرة

وكانت سمر فتاة سمراء اللون تتسم بالاخلاق الرفيعة وكان شعرها المجعد ينسدل ع كتفيها يداعبه الرياح عندما يواجهه

وظل ثلاثتهم سويا ف الجامعه وبعد مرور شهرين اتفقوا ثلاثتهم للخروج سويا وفعلا خرجوا وما إن خرجوا حتي صادفوا أدم ثانيه وكانت هذه صدفة بحق والذي حدث......

كانت سمر وسيدرا وملك جالسين في المطعم حتي يطلبون الطعام

ملك بأنتباه: سيدرا مش ده اللي قابلناه مره ف السينما

وما ان وقعت عيناها عليه وحتي ابتسمت ابتسامه واضحه واخفتها سريعا عندما ادركت ان صديقتيها منتبهين لها

سيدرا متصنعة النسيان : لا مش فاكره هفتكره ازاي

ملك بضحكة خافتة  : ي سيدرا مش عليا انتي ضحكتي اول مقولتلك

سيدرا مكذبة اياها بمرح : ي موكا كنت بضحك لسمر مش كده ي سوسو

سمر بعدم فهم : سوسو اه كانت بتضحك لسوسو اللي هو انا اه

ملك اردفت بعدم اهتمام : ماعلينا يلا مش مهم عموما يعني عايزين نتغدا

سيدرا باقتراح : طب يلا بقا نروح مطعم تاني

ملك باستنكار : فيه ايه ي سيدرا انا رجلي مصدقت استريحت من اللف اللي كنا بنلفه ع المحلات ناكل وبعدين نقوم

سيدرا تنهدت وقالت : خلاص تمام

وطلبوا الاكل وأدم لاحظ وجودهم ولكنه كان يتذكرهم يحاول ان يعرف اين صادفهم من قبل!!!!حتي تذكر ...

سيدرا بجدية : خلاص شوفتوا الاكل اللي عايزينه هروح اطلبه من هناك واجيلكوا

فالاتنين أماءوا رءوسهم بالموافقه

وجاء يوسف صديق أدم ......

أدم بغضب طفيف : هو انت ي زفت لو مجتش بسرعه اعصابك بتتعب

يوسف بملل : وانت لو مجبتناش ف المطعم ده كل شويه تتعب انا الاكل هنا حفظته وزهقت منه

أدم بسخرية : مش متعود ع الاكل العدل

يوسف بنفور وملل بادي علي وجهه: بعيد عنك الاكل هنا خلاص حفظته وزهقت منه مهو فيه اكل نضيف كتير محبكش هنا يعني

أدم بلا اهتمام : طب نطلب الاكل ولا هنفضل نستظرف كتير

يوسف بتنهد : لا يلا نطلب الاكل احسن

وفعلا قاموا بأختيار الطعام وذهب يوسف حتي يطلب الطعام لان ادم قصد من ذلك ان يتجنب مقابلة سيدرا ولكن السبب لم يتضح بعد بداخله .....

يوسف كان يقف بالصف لطلب الطعام وأثناء انتظاره رن الهاتف الخاص به فذهب حتي يرد عليه بالخارج حتي يجهز الطعام....

سيدرا براحة  : الاكل جيه اخيرا

ملك بضيق: طب ي حلوه انا هجيب عصير لانهم نسيوه تقريبا

سمر بلامبالاة : طب استني ناكل الاول

ملك برفض علي حديثها : انا الاكل بالنسبالي مينفعش من غير عصير

سيدرا بملل وضعت يديها علي وجنتيها : طب قومي وبطلي رغي

وذهبت ملك لتجلب العصير واحضرته وعند عودتها للطاوله اصتدمت بيوسف صديق ادم ووقع العصير ع قميصه....

يوسف بصوت عالي هتف : انتي عميا مبتشوفيش

فانتبه جميع الزبائن للصوت الصادر

وذهبت سيدرا وسمر لصديقتها التي رأوها تبكي وذهب كذلك ادم عند يوسف.......

سيدرا عندما رأت صديقتها منهاره هدرت به بعصبية : انت بتكلمها كده ليه مكنش قصدها

يوسف بضيق : والمفروض اعمل ايه بقله قصدها واحده عميا مش شايفه قدامها

سيدرا بعند واهانته مثلما اهان صديقتها : احترم نفسك هي مش عميا انت اللي اعمى وقليل الذوق

يوسف بتعجب مما يحدث : انا مشوفتش كده واحده توقع عليا العصير والتانيه لسانها طويل ايه المواهب دي

سيدرا بتبرير وانفعال بادي علي وجهها ونبرتها : انت لو صوتك مش عالي وبتتكلم بأدب ع فكره هنعتذر لكن انت مستنتش وقوام بتزعق وعملت حوار من ولا حاجه

وكان ادم يتابع سيدرا اثناء حديثها وجذبته بطريقتها وحتي وان كان شجار ليس مهم لانه شعر بتميزها وانفرادها ف جرئتها ودفاعها عن صديقتها....

وعندما اشتد الشجار تدخل أدم على الفور بجدية : يوسف خلاص محصلش حاجه وأهدا بقا

يوسف بانفعال وغضب جعل عروقه تنفر بوضوح : أهدا ايه بس انت مش شايف حصل ايه

ملك بأسف حتي تنهي الحوار : احنا متأسفين ع اللي حصل مكنش قصدنا

سيدرا بانفعال واستنكار من اعتذار صديقتها : بتتأسفي ع ايه متتأسفيش

يوسف بتعجب من أسلوبها : ايه قله ذوقك دي

سيدرا بتبرير وعلامات الغضب مازالت علي وجهها : لو مكنتش عليت صوتك كنت ساعتها تستحق الاعتذار لكن كده انت ملكش اي حق اننا نعتذر

ادم بإيجاز لإنهاء الموضوع حتي ينتهوا من هذه المشاجرة التي علي اثرها جعلتهم موضع مشاهده امام مَن بالمطعم: عموما حصل خير

سمر بجدية وأسف: جماعه احنا اسفين والموضوع مش حابب ده كله وانا بعتذر بالنيابه عن صحابي

ويوسف كان سيتحدث ثانيه ولكن أدم رمقه بنظره حاده جعلته يصمت .........

ذهب كلا منهم للطاوله الخاصه به ثم...............

************************************************

يتبع.........

*** قم بتنزيل NovelToon للاستمتاع بتجربة قراءة أفضل!***