شمس - انه متمسكة بيك ومستحيل اعوفك
حسين - حتلوه لازم اوكفهم عد حدهم
شمس - بس تهد عليهم راح يعرفون التقيت بيك ويوصلون الحجي لاهلي ويكتلوني حسين تعبت
من الضرب والإهانة تعبت فدوة رحتلك
اكعد وخلهم يولون ...
حسين - وهاي الخاطرج كعدت
شمس - اي فدوة رحتلك عوفهم يولون
جرت ادينها وكعدت كدامي جرت حجابها من كصتها جانت ضامه كصتها من شفت جويه بكصتها تخبلت ولزمت وجهها بكفوف اديني مصدوم...
حسين - هاي منو مجويج ؟
شمس - امي جوتني
حسين - امج ؟
شمس - اي
كامت تبجي وانه تخبلت مابقى عقل براسي شلون جويها بكصتها خليت وكمت اريد اروح اهد
عليها جلبت بي حيل وتجر بي
شمس - عليك الله لا تروح
حسين - شلون ترديني اسكت بعد الشفته شمس
شمس- بس تنزل راح يذبحوني
حسين - شمسوية ويذبحونج ؟!
شمس - عليك الله اكعد وانسى لصار
حسين - شنسى شمس شنسى سحورتهم لو ضرب امج لج شوفي كصته محتركة ..شلون انطاها
قلبها جويج بكصتج شلون ؟!
شمس - حركة اعصاب
حسين - لا تدافعين
شمس- حسين امي هاي
حسين - وإذا امج مايحق لها تضربج وتحركج بالنار
شمس - المصلحتي
حسين - شنو المصلحتج شمس ؟
شمس - إذا تحبني صدك اكعد وانسى السالفة
حسين - شنسى شمس شوفي كصتج
شمس- عادي مايهمني اكعد
جرتني حيل وكعدتني بصفها غصب عني انه قلبي وعقلي يكلولي كوم هد على امها واحركها بكصتها نفس ماحركت شمس وعذبتها ...
شمس - حسيني
حسين - اففف
شمس - دباوعلي شبيك
حسين - عوفيني شمس
شمس - ماشي راح انزل وباجر اشوفك
حسين - الله وياج
خلت وكامت طفرت على سطحهم وانه بقيت اكل بروحي اكل شمس جاي تتعذب بسببي لازم ازوجها واخلصها من هذا العذاب لأن مال اعوفها
تروح لغيري هاي من سابع المستحيلات ...
المهم ثاني يوم العصر طلعت افتر بالمنطقة واشوفلك ام شمس تمشي الوحدها ولاحكتها سيارة سودة
بيها اثنين تقربت من يمهم واسمع
اللي بالصدر يكللها "
يحلو ماتجي تصعد ويانه نوصلك لبيتك
ام شمس - صدك ماتستحي على نفسك
تصجم وحدة بكد امك
الرجال - اموت على الأربعينية ههههه
الثاني - بوية مو مره قنبلة وتمشي
بالشارع ..اوف الكذلة شلت
حالي هههههه
نزلت للكاع شلت جلمودة بايدي وشمرتها على جامة السيارة نكسرت طفوا السيارة بسرعة ونزلوا
يشوفون منو كسر جامة السيارة ..
ام شمس - من سودة بكصتج جابك ؟!
حسين - فرحانة ولد بكد ابنج
تتغزل بيج امشي للبيت
ام شمس - وأنت شعليك
الرجال - انعل ابوك يابو الخلفوك هاي سويت ؟
حسين - بعدني كلشي ما مسوي عزيزي
..امشي مناه لو اخليج فوكهم امشييييي .. شعندج مسربته الوحدج وين ابنج وين ولد اختج عنج
ام شمس - اكل خر..وانحب ولا تدخل
الرجال - الظاهر جلدك يحكك
اثنينهم اجوي عليه بسرعة نزلت شلت حصو بايدي ورجمتهم خلص الحصو هدوا عليه وانه مناه ملاكة طيحت حظهم طيح مابيهم فايده بطرك
الكلام صارت هوسة من هوسة والعالم طلعت واتصلت بالشرطة اجت الشرطة شالتنه حتى ام شمس شالتها الشرطة علمود العركة ..
وبالمركز الحقيرة افترت عليًّ وذبت الصوج كله بي وبطلعان الروح يلا ابوي وصديقه حمد دفعوا كفالة وطلعوني من السجن تخبلت خبال عليها
فوك زينيتي لها البربوك تفتري عليًّ وتكول انه العلت بالزلم وكتلتهم بدون سببب وصلنا للبيت هديت عليها دفرت الباب مالتهم وطبيت عليهم اصيح
وابوي وصاحبه حمد وراي "
حسين - هاي زينيتي الج بربوك تفترين عليًّ وتكولين انه العلت بيهم ولج بربوك مو جانوا لاحكينج ويشمرولج حجي لما انه جان هسة
اعلم شسوون بيج ....
ابو محمد - حسين مو احجي وياك تعااال ارجع
طلعت هي ورجلها وابنها انوار '
ام شمس - وأنت شعليك بيِ ؟
ابو شمس - تعوذ الشيطان وليدي وارجع لبيتكم
انوار - يمة فوتي جوه
ام شمس - خل يولي حاسبيلة ألف حساب هذا شنو تخافون منه ..اسمع ولك إذا شفتك كدام باب بيتي ومحاجي بتي لو ابني لو رجلي ياويلك مني افتهمت وانه ماناقصني لا ايد ولا رجل ولا اللسان اكدر ادافع على نفسي وهذا درس لك علمود مرة الثاني
ماتدخل بشي مايخصك
حسين - هيج صارت ؟!
ام شمس - وازود صير افتهمت يلا ولي مناااه
ردت اهد عليها جرني ابوي وخرطني راشدي معدل وشحطني شحط للبيت تخبلت خبال وردت ارجع اخنكها طببني للغرفة وقفل عليًّ الباب
بقيت اصيح واغلط واسب بام شمس الحقيرة افترت عليًّ ...الليل يلا فتحولي الباب طلعت توضيت وصليت وره العشة اجوي اهل الزلم
يدورون فصل لا هاي العايزة فوك ماهم الغلطانين طلعوا اهل الراهي ويدورون فصول من وره البربوك هسة صدك ثبتت هي وحدة رخيصة وبربوك
من فترت عليًّ وسترت على المتحرش بيها جيب عمك وجيب خالك وابوي خطية حار بالسالفة والفصل وصارت كعده من كعده
عدنا والحمدلله والشكر تنازلوا عن الفصل وابوي حلف بس اتعارك مرة الثاني يدزني العمامي بالكربلاء اخواني ضاجوا مني ماقبلوا على تصرفي
كالوا طبها مرض هي عاحبها الوضع شعليك بيها تروح تخلصها هاي اول مرة واخر مرة تدخل وتتعارك افتهمت كافي موتتنه يوميه مسويلك عركة
وبالينه بيها اليوم خلصت باجر ماتخلص منها وتوكعلك بواحد يطيح حظك وحظ الخلفوك وياك خليت وسكتت كلمة وياهم ماحجيت ...
بالمدرسة شمس اجت لعندي تبجي ...
شمس " حسين عوف المشاكل
حسين - اللهم مطولج ياروح
شمس- ماعليك بامي بعد وشتحجي ابقى ساكت
حسين - تسمعين اخباري خانك امج
وشامرها بالمجاري
شمس- حسين ؟
حسين - مليت منها ومن بربكتها عينك عينك تفتري عليًّ بالمركز وخلت العارات ولد العارات يشيخون براسنه ويدورون فصول تالي عمرنه
الكواويد تشيخ علينا
شمس - حسين اندري بسوالف امي
حسين - مليت منها مليت
شمس - تحمل حسين
حسين - إلى متى أبقى متحمل شمس إلى متى ؟
شمس- لما الله يفرجها بوجهنا
خلت وكامت كمت وراها رجعنا لصف انتهت المدرسة رجعت على البيت لكيت اهلي محظرين الأغراض نروح لكربلاء يم عمامي وره الغدة طلعنا
الكربلاء عمي عنده بنيتين وثلاث ولد الكبار مزوجين وحسن بعمري وزهراء وزينب اكبر مني المهم كعدت بالليل اسولف ويه حسن ولد كلش حباب
وطيوب حلمه يصير ضابط بالجيش وانه بلا حلم وبلا وجهة عندي كل حلمي ازوج شمس هو يحجي وياي وانه ولا يمه بالي يم شمس
هسة صار بيها ؟ اخاف امها ضربتها اخاف عذبتها ؟! اخاف سجاد يسويلها شي وانه بعيد عنها
المهم بقينا أسبوع بكربلاء...
وأبوي كال بنات عمكم خوش بنات صايرات ناخذهن لعباس ومحمد خابرهم وكاللهم كيفوا بيهن وكالوا
اي موافقين بس ننزل نخطب
وانه هنا شكيت بيهم يحبونهن بس مايحجون علمود عاشوا بيت عمي وزحمة يكبلون ويه بنات عمهم حبهم بينهم وبين نفسهم خلوا ...
رجعنا على البيت العصر صعدت فوك السطح انتظر شمس شمرت حصوه على بابهم والله شوي واشوفلك شمس اجت من شفتها تخبلت متغيره ؟.
طفرت على سطحنا ...
حسين - سباح قلبي وشرياني الإبهر هاي صاير بيج ؟
شمس - تمرضت بغيابك
حسين - ياريتني ميت ولا هاي حالتج
شمس- بعيد الشر عنك بيش طالب بروح بالموت
حسين - خايبة الموت اهون الي من
شوفتج بهاي الحالة
شمس- عادي اطيب تعال اكعد مشتاقتلك
حسين - وانه ميت بيج شمسي
كعدنا تباوعلي وباوعلها سالفة تجر سالفة وطفرت من سمعت صوت امها تصيح عليها وانه نزلت مرت الايام وانه وياها كل يوم فوك السطح نلتقي
يوم من الايام شمس تخربطت ونقلوها للمستشفى ردت أروح ماخلوني اهلي وابوي حلف بس
اروح وتصير مشكلة يتبرى مني ...
بقيت اكل بروحي اكل اتصل بمنو واعرف اخبارها اخاف اتصل باخوها يروح يكل لامه البربوك وتجي تهد علينا وأبوي يطردني من البيت خليت
وكعدت على نار اعصابي والله بالليل رجعوا وماشفتها راحت امي شافتها طمنتني
عليها كالت زينة مابيها شي
المهم ثاني يوم للمدرسة مارحت صعدت فوك السطح شفت شمس فوك السطح كاعدة تنتظرني طفرت على سطحهم وجهها ليمونة صفرة جانت ...
ذبلانة حيل ذبلانة شلون الورد من ينقطف
من شتلته يذبل هيج جانت ذبلانة
حسين - شمسي شبيج ذبلانة ؟
شمس - حسين تعبت
حسين - منو وياج ؟
شمس- سجاد ابن خالتي
حسين - شبي نعاال ؟
شمس - اجاني خطابة ورفضته
حسين - رفضتي خوما تتمرضين ؟
شمس - مو احبك
حسين - اي ادري تحبيني بس خوما تتمرضين
علمود اجاج خطابة ورفضتي ؟! صاير شي
شمس وانه مادري بي ؟!
شمس - مو مارضيت بي وكلتله احب حسين حجه عليًّ وكال متمسكة بحسين اكيد بيناتهم شي حسين طعني بشرفي واهلي سكطوني من الكتل
حسين - لا يانذل
طفرت على سطحنا هي تصيح وراي "
حسين وين رايح حسييين ؟! تعال ارجع حسين لا تفضحني حسسيين ؟ولك حسسيين ...
حسين - اليوم انهي هالكلب ابن الكلب
نزلت ركض من فوك السطح عدل لبيت ام جاسم طبيت جان الباب مفتوح واصيح على سجاد من الحوش طلع سجاد وامه واخواته
لزمته طيحت حظه كفرت بي كفران امه واخواته يعيطن ويصيحن لموا عليًّ الجوارين كوه خلصوه
من بين اديه جنه جثة هامدة بالكاع
اجت امي ولد الجوارين سحلوني سحل للبيت ارجف من العصبية اريد اروح اطلع روحه هالكلب ابن الكلب مارضت بي طعنها بشرفها وخله اهلها
يعذبونها ويكرهونها ...
طلعوا ولد الجوارين امي مكابلتني وتبجي ...
ام محمد - يمة حسين ليش هيج موتت الولد ؟!
حسين - الحيوان يطعن شمس بشرفها
ام محمد - ولك عوف شمس عوفها
تولي مو راح تضيع نفسك
وتضيعنه وياك
حسين - اموت وماعوفها
عفت امي وكمت لغرفتي فترة ورجع ابوي نار وشرار صاير عليًّ لزمني موتني من الكتل طيح حظي يكول سجاد مكسر ونايم بالمستشفى واهله يدورون
فصل من وره شمس راح ابيع البيت واكعد على الحصيرة ثاني يوم اخواني اجوي من الدوام تعاركوا وياي صرنا ملخ يردوني اجوز من شمس
وانه ماجوز منها احبها واموت عليها وماكدر لحظة وحدة بدونها وهي مخليه كل امالها بي والله صارت الكعدة ونصبوا جادر بالشارع وشيوخ وأمه
الدنيا نكلبت كلاب انه مخلوني اكعد بالكعدة بقيت نفس الحية المكتولة على النص هناك وين وكبيت من سمعت وحدة من نسوان الجوارين كالت
لأمي ابنج الغلطان ومتهجم على الولد بدون سابق إنذار وهسة يردون فصل خليت وكمت طلعت
بره وبوجي لجادر طبيت اصيح ...
حسين - سجاد يستاهل الكتله لأن
طعن بشرف بت خالته ...
وتهمني انه وياها
الشيخ - عدها اهل وعمام هم ياخذولها
حقها أنت شعليك نطب بيت
الرجال وتضربه ؟!
حسين - المره مرتي ترى وانه خاطبها
من زمان واطيح حظ كل واحد
يسمعها حجاية
عمها - منين جاية مرتك ؟ البت بتنه لا
مخطوبة ولا محجوزة
حسين - مخطوبة الي من زمان وهذا
ابوها كدامك واسأله
ابو محمد - حسين اطلع بره بلا كلام زايد
حسين - لاخر مرة اكولها لكم وسمعوا كلامي زين البنية مرتي وليوصل يمها لو يحجي عليها بحرف واحد وحق العباس ابو فاضل اصلخ
جلده عن عظمه ...
واحد من الزلم رد "
والله أنت مبين عليك سبع وعندك جرأة
بس هاي بلوة وكعت نفسك بيها وراح
توديك للهلاك عوف البنية
حسين - اموت وماعوفها .. البنية انه خاطبها من زمان وابوها كال من تتخرج تزوجون شنو هسة مايقبل ينطيها ويريد ينطيها لابن خالتها..
.شنو احنا مضحكة كدامه ؟!
ابو محمد - طلعوا بررره
جروني اخواني محمد وعباس وطلعوني بره الجادر
محمد - ولك شبيك تخبلت مو فضحت
نفسك تحبها وعندك علاقة بيها ؟!
عباس - شكد زمال ياربي
حسين - اي احبهاا وخل يسمعون شمس مرتي وماخلي رجال يوصل يمها ليواصل
يمها تنشال اجنازته
سد حلكي عباس '
انعل يومك على هاللسان شيله محمد
تكابلوا عليه وشالوني شيل للبيت طببوني للغرفة وقفلوا الباب عليًّ وانه نار من العصبية مر وقت طويل واجه ابوي فتح باب الغرفة
وخرطني براشدي معدل وكال بصيح "
ابو محمد - حسين بعد مايبقى هنااا
محمد - شوف زمال مو اكلك لا سوي طلايب وطيحنة بمشاكل هي شمس على
حلاتها جنة قرد
ابو محمد - من باجر الفجر تطلع لعمامك مالك
محطه رجل بعد بهذا البيت وبهاي المنطقة
تذيرت افتهمت تذيرت ...
عباس - الفصل طاح بس أنت تذيرت من المنطقة لسنتين مالك محط رجل بهاي الديرة مناه السنتين يلا يمة لمي اغراضه الفجر يطلع ويه عمامي
عمامي كلهم اجوي للبيت كلها تحجي عليًّ وعلى سوايتي علمود بنية هيج سويت وكسرت ابن خالتها وكلت بنص جادر الزلم احبها واريدها ...
حيل ختنكت وامي تبجي وتعزل باغراضي والله الفجر وره الصلاة طلعت ويه عمامي مخنوك و
مقهور حيل ومكسور خيبت ظنها بي
رحت كربلاء ' خلوني يم حسن ابن عمي حسن عكسي ولد هادئ وماعليه لا بالرايح ولابالجاي ونقلوا مدرستي الكربلاء اجه ابوي تعارك وياك
وكال من باجر تطلع تدور شغل وتشتغل وتعتمد على نفسك وماتقبى نايم يم عمك تروح تنام
بالشارع افتهمت كتله فهمت يابة
ابوي خنكني مو شلون ماجان وصل
عتبه الباب ورجعلي يهدد ..
ابو محمد - واخاف بالك ترد وره السنتين وتدور شمس تحلم ازوجها لك افتهمت
حسين - ليش هيج سوي ؟
خرطني براشدي خله اذاني تصفر ....
لا تقاطعني كلب ابن الكلب من وراك سيرتي صارت على الكل السان ابني عده علاقة ويه بت الجوارين وكتل ابن خالتها وتذير من المنطقة
طيحت هيبتي وكرامتي من وره مره ..ابو حسن ماتخلي بالبيت من اليوم يطلع يدور على شغل ولسمعت بيك ملفي وتوكل وتشرب بلاش
لا اعرفك ولا تعرفني بعد
ابو حسن - لتريده ابو محمد
خله وطلع ابوي وانه طلعت وره ابوي عدل لشارع مقهور دموعي حابسهن ماخليهن ينزلن بس غدرن بي ونزلن بقيت امشي بالشارع ادور على شغل
لكيت شغل بالعلوة حمال كال باجر تعال وباشر بالشغل الحمدلله والشكر لكيت شغل المهم رجعت لبيت عمي كلتله لكيت شغل
ابو حسن - هاهي وليدي اشتغل واعتمد على نفسك انه اعرفك سبع وماينخاف عليك ..ولا تضوج من ابوك ترى هم حقه كل يوم مشكلة وطلابة
مسويلك ويركض وراك
حسين - لا هاهي عمي بعد ماعليًّ لا بالرايح ولابالجاي تسوي زينية تطلع مو خوش ادمي خليك مو خوش ادمي كلها تحبك وتحترمك
ابو حسن - هي هاي دنيانه العوج تمشي
وياه صح والصح تمشي وياه اعوج
حسين - امشي اعوج وياها على
والله تمشي وياي صح
ابو حسن - خلي املك بالله واهل البيت (ع)
حسين - ونعم بالله واهل البيت (ع)
وره العشة كعدت اقرأ انه وحسن بالغرفة نوب بتليت بي اقري هههه تذكرت شمس بي ثاني يوم الصبح رحت للعلوة اشتغل كملت الشغل واخذت
كروتي جانت ١٠ ألف ورجعت للبيت سبحت وبدلت ورحت للمدرسة دوامنه جان ظهري مقسمين الدوام ثلاث ايام ظهري ويومين صبحي ويانه مدرسة
ثانية المهم رحت للمدرسة مامتعود عليهم وماعرف احد بس حسن ابن عمي المهم مرت الأيام وتعودت على المدرسة بس بالشغل انطردت
تعاركت ابو العلوة جان مو خوش ادمي ويريدني حسب مزاجه وانه عندي دوام بالمدرسة ماكدر اشتغل حسب مزاجه وكلتله بحالتي
بالاول قبل وهناك وين اختلف المهم طردت شوارع وشوارع وكلشي اشتغلت بهاي الفترة وحتى كمت مارجع للبيت انام بالشارع جكاير صرت اشرب
من القهر والحزن على شمس واهلي جاي اطك على شوفه امي وشمسي اجرت سيارة ورحت للمنطقة شافوني اهل شمس ولد خالتها وصارت
عركة من عركة وابوي تخبل خبال من شافني طبيت للبيت وحضنت امي ماخلاني اشبع من امي شحطني شحط واتصل بحمد ورجعني لكربلاء تعارك
ويه عمي وكاله حتى بيتك بعد مايبقى يروح يهج يروح يشوفله ديره ظلمه يسكن بيها ماريد
اشوف وجه بالمنطقة خاف يكتلونه ...
المهم أخذت اغراضي وطلعت من بيت عمي نمت بالشارع حالي حال المجادية لو انام بمحل فارغ لو انام بمكان معزول لو انام بهيكل بيت
هيج كضيت أيام بس المدرسة ماتركتها أبد شفت الضيم والظلايم بكربلاء هواي تعبت بس أبد مانكسرت ولا انذليت ولا استسلمت
كلت انه رجال واكدر أعيش واكدر اكون نفسي من الصفر والله ورحت ادور على شغل لأن كل شغله لشتغلها تعكس هناك وين وياي وانطرد منها ..
وصلت وياي حتى بيت عمي مالتقي بيهم بس حسن بمدرسة اشوفه تعبت بس انه كلبي وتفكيري يمها ماتت نسوان بعيوني عليها اشتغلت كصاب
بمحل جان ابو محل كلش عصبي
عود شقي ومن ذولة سرسرية يوم من الايام ضليت نام بالمحل مالته لأن هو اختبرني خل فلوس وطلع عباله بوك ومن ذولة ولد الشوارع ...
حسين - خالي لكيت فلوس
٧٥ الف هاك تفضل
ضحك واخذهن من ايدي وكال "
عرفتك ابن حلال وزلمة ..عفية عليك هيج خليك سبع وأمين علمود الله يوفقك ...
حسين - إن شاء الله خالي معتاز
شي أريد اروح اصلي ؟
ابو المحل - سلامتك ابني روح اذكر ربك
فرحت كلش بكلامه جنت معوز كلام حلو وشخص حنون حتلوه يضحك بوجهي ورحت مديت
سجادة صلاة وصليت ورة ايام صارت
عركة مال كصاصيب كله ساطور وطبر ضليت كاعد مادخل بشي شعلي كل مرة جنت ادخل وكلشي ماقبض غير الاذية وانه تعلمت
بعد ماعليًّ بالعالم ..
واحد ضربوا بالوزن ع راسه وسجاجين محد يدخل كلها تخاف بعد عركة كصاصيب وكلهم سرسرية
شفت واحد خطية نكصت اذنه
دخل عليًّ للمحل يركض دخيلكم هذا ضربة
مسوي اوشام وجسمه ضخم وسمين
كلش اكرع روحي طالعة
حسين - الولد دخيل عندي ممنوع تتقرب هنا
ثق بالله علكك بدال لحم الهايشة
الرجال - وخرررر
دفعني هناك وين وراد يدج الرجال الدخيل بالسجين بسرعة ضربته على راسه بالوزن لزم رأسه وتخربط وتكابلنه انه والدخيل عليه وعلكناه من الفالينة
مالته باب المحل وصحنا على ربعه "
حسين - خلصت العركة تعالوا اخذوا الثور
مالتكم لو نصلخ جلده عن
عظمه ونبيعه لحم
هدوا علينا للمحل وهدوا ربعنا الكصاصيب عليهم نزلوا الرجال وراحوا يتحلفون ههههه صدك استمتعت بهاي العركة هواي صارلي مامتعارك الرجال
الدخيل تشكر مني وراح خطية كصوا اذانه وصار بلا أذان ناس صدك تخرب ضحك وتتعارك على شغلات تافهة المهم مرت الأيام وماشفت شكولاتهم
بعد اهل المحلات بالسوك كلها تحلف برأسي وتحبني وانه ولازم كتابي واقرا بي " وتفكيري بشمس شصار ماصار بيها من اتصل بامي ومن اجيب طاريها
تغير الموضوع اخواني يجون يشوفوني وينطوني مصرف ماخذ منهم انه عندي مصرف ومعتمد على نفسي من اسأل على شمس يضوجون مني ...
مرت الايام بسرعة وتزوج اخوي محمد وره شهر تزوج اخوي عباس بنات عمي زينب وزهراء وماحظرت العرس شكد انقهرت بوقتها ...
وتخرجت من سادس الاعدادي فرع العلمي بمعدل كلش حلو وعالي ورجعت لبيت عمي هنا
حسن ابن عمي كال
حسن - حسين اكو تقديم دورة عسكرية
نصير ضباط شرايك لو نقدم عليه ؟
حسين - منو يقبلنه ضباط ؟
حس - شبيك حسين طولك كلش حلو
وجسمك معدل واهم شي المعدل
عالي ومعدلك عالي
حسين - ولما نقبلنه اعلكك بدل اللحم بالمحل
حسين - هاهي هههه يلا كوم خل نسوي فايلات
بعد جم يوم ينفتح التقديم
حسن - نتوكل بالله
رحنا سوينه فايلات ورجعنا اتصلت بامي
وكتلها راح اقدم على كلية عسكرية
ام محمد - هاهي يمة لتشوفه صح سوي
حسين - احلفج بالعباس ابو فاضل
يمة شمس شلونها ؟
ام محمد - يايمة صارلك سنتين ومانسيت شمس
حسين - صعب تنسي يمة شلونها ؟
ام محمد - والله يايمة ماجذب عليك
المدرسة بطلت والبنية حال
العدايم حالها هسة
حسين - يمة شبيها شمس؟
ام محمد - عمل عليها يمة
حسين - رجعت سحرتها البربوك رجعت
ام محمد - كافي حسين ماعليك بيهم عليك بنفس خلصت المدة مالتك وبعد لازم ترجع على البيت وبس ترجع ماريد مشاكل وطلايب ابوك تعبان ومريض
حسين - أبوي شلون صار ؟
ام محمد - الحمدلله شوي احسن
محمد راح يجي يأخذك
حسين - ماشي
سديت الخط من أمي وراه أيام قدمنه على كلية العسكرية واجه محمد اخذني قلبي يخفق سريع مامصدك راح ارجع لبيتي واشوف اهلي واشوف شمسي مشتاقلها كلش هواي ...
وصلت المنطقة حسيت قلبي راح يطلع من صدري يخفق سريع نزلت الجامة وصرت اتنفس هو المنطقة شميت ريحة المنطقة حسيتها ريحة شمسي ...
وصلنا الفرع مالتنا تلكتنا امي براس الفرع تنتظر هي وعباس وصلنا يمهم بسرعة فتحت الباب وجيتت على امي حضنتها كل قوتي وابجي
مامصدك شفتها بعد كل هذا الغياب بعدت عنها ودنكت بست رجلينها جرتني جر وتبجي رجعت حصنتها من ودي اخليها بنص صدري
من كثر اشتياقي لها ...
شوي وهدينه سلمت على عباس وطبينه جوه ابوي كاعد مبين عليه التعب والمرض سلمت عليه رد السلام وكعدت بصفه اجوي جهال محمد
وعباس بنية ولد جانوا يستحون مني كمت ركضت وراهم يعيطون واخواني يضحكون عليهم زينب شالت ابنها وشردت بي وزهراء عافت
البنية شلتها بحضني وابوس بيها تعيط خطية تستغرب مني عضيت خدها وخليتها
تنكز من العياط صاح بي محمد
محمد - حيوان بتي عوفها
حسين - حليوة هههه يلا لامج هههه
انطيتها لأمها ورجعت كعدت يم ابوي...
ابو محمد - سمعت مقدم على كلية عسكرية ؟
حسين - اي قدمت
ابو محمد - خير إن شاء الله
حسين - خير يصيبك يابة
ابو محمد - صرت خوش رجال وابو مسؤولية
حسين - الحمدلله والشكر
ابو محمد - خلص بعد ماريد مصايب ومشاكل رجعت سد دفاتر القديمة وركز بحياتك وابني
مستقبلك وراك زواج ومسؤولية
حسين - الله كريم يابة
خليت وكمت سبحت وتمددت بفراشي مشتاق لكلشي بالبيت حتى لفراشي وغطاي خليت ونمت كعدت على صوت تلفون اجاني مسج
شلت التلفون شفت الرقم غريب ؟!دازلي مسج فتحت الرسالة ( شلونك حسيني عرفتني ؟
انه هنا كلبي طار حسيت هاي شمس ماكو
غيرها بس هي تكلي حسيني
بسرعة دزيتلها رسالة
- شمس هاي أنتِ ؟
- اي انه شمس وين عفتني صار سنتين ؟
- انجبرت اعوفج والله
- ليش هيج حسيني عفتني ورحت ؟!
- مو بايدي والله مو بايدي
- تعبت بخلافك تعبت وانذليت
- ماعاش ليذلج وانه موجود
-والله انذليت
- وغلات كل دمعة منج إلا اذلهم كلهم
- وين صفة بيك الدهر وشصار بدراستك ؟
- تخرجت من السادس وقدمت على كلية عسكرية
- بالتوفيق
- الله يوفقج وأنتِ ؟
- تركت
- ليش شمس تركتي؟
- تعبت حسين تعبت ضرب واهانة وذل من
اهلي كلي بعد شلون اكدر اقرأ واركز
بهاي الضروف الصعبة
- راح اتصل بيج اكو احد يمج ؟
- لا ماكو اتصل
اتصلت بيها بسرعة فتحت خط من سمعت
صوتها شوي ارتاحيت ...
- مشتاقلج شمسي
- وانه هم حسيني قلبي طاك عليك وعلى شوفتك
- اريد اشوفج
- مو هسة حسين مو هسة
- شوكت ؟
- اهلي دروا بيك رجعت وامي رزلتني
وكالت بس اشوفج يم حسين
اطيح حظج
- وتالي ويه امج البربوك ماتابت
- حسين تعال ارجع وخلصني من الظلم والعذاب ترى انه منتهية وتكسرة بس باقية عايشة على
امل ترجع وتخلصني منهم
- والله رجعت وراح ارجع اخذج منهم
- اي فدوة اخذني وخلصني من شماته
- منو بلا يعيرج ؟
- بنات خالتي يعيرون بية حسين
لو بي خير ماضحك عليج
وعافج نفس جلبة
- برابيك ماعليج منهم أيام وادز امي تخطبج
- وإذا ماقبلوا ؟
- احرك البيت فوك رأسهم شنو مايقبلون
غير أنت مرتي من زمان
- مادري اجت امي
بسرعة سدت الخط بوجهي اجت البربوك مانخلص منها احنا ثاني يوم الظهر اتصلت بي ...
- حسين اصعد فوك
- وعلي جايج
سديت الخط وطلعت بركضه فوك السطح شافتني زينب بس غلست تدري بي ولهان على شوفه شمسي صعدت فوك السطح شفتلك شمسي
متغيرة كلش هواي ولا عبالك هي عبالك وحدة غيرها من شافتني ضلت ابجي ..
- شمسي هاي صاير بيج ؟
- نذليت عكبك
- والله إلا اذلهم بسيطة بعيني
- كافي مشاكل حسيني ماريد تروح من ايدي
- والله ماروح بعد
- خاف حسين تروح وماتردلي
- والله رديت وبعد ماروح تعاي اكعدي
تقربت لها جانت بنيتي احضنها بس حرام محرمه عليًّ كعدت بصفي اباوعلها وبقهر وهي
تبجي وتمسح بدموعها
- كافي تذبين دموع شمس مو دموعج راح تخلص
- ماتخلص
- شمس
- تعبت
- كافي اسكتي وخليني باوعلج
- شتباوع صايرة العب النفس
- لا بالعباس تفتحين النفس صايرة طكين بالكاع
- ميلي جلد على عظم
- هو هذا الحلو والمميز بيج جلد على عظم هههه
- تضحك عليًّ؟!
- لو اضحك عليج مامكابلج وكاعد ولج انه
ميت بيج تعرفين شنو ميت بيج
- اي ههه
- اي عفية هيج اريدج تضحكين
فزينه اثنينه من ام شمس صارت كدامنه جتفت ادينها وتضرب بنعالها بالكاع قوي شمس قطرة دم مابقت بوجهها بسرعة كامت تبجي
وانه كمت صرت...
كدام شمس واخزر بامها
ام شمس - اجيت مناه صرت تواعد بتي مناه
حسين - بتج مرتي
ام شمس - منين جاية مرتك منين ؟
حسين - انتِ انطيتيها الي
ام شمس - حجي زمان مات وندفن اما هسة بتي ماانطيها لك لو تبقى اخر رجال بهذا الكون كله مانطيك شمس... امشي انزلي خاتون
تتواعدين الظهاري فوك السطوح
حسين - هذا الحجي مايمشي يمي واسمعي كلامي زين ام شمس إذا نجاست شعره وحدة من شعر شمس وحق العباس أبو فاضل اطبلج
للبيت واحركج حرك أنت ورجلج
ام شمس - تحرك منووو ؟
اجت لعندي شمس اشردي على سطحهم بركضه خطية هواي تخاف من امها رادت تدفعني لزمت ادينها الاثنين باديتي حيل...
حسين - اكسر ادينج مو عبالج قبل حسين الجاهل تتعاركين ويا وتضربي يبقى ساكت والله اكسر
ادينج واعلكهن باركبتج ...
يتبع ....
تنزيل على الفور
novel.download.tips
Comments