رحنا للفلوجة منطقة اسمها هياكل فلوجة اكو هيكل مال مدرسة دخلوا جنود وضابط بهالمدرسة
نحصرنا من كل جهات وعلينا تعرض
قوي مستحيل احد يطلع لو تواصل لنا إمداد هنا زحفت زحفت من مكان مكان صعدت مكان عالي نمت وطلعت جنطة بيها سلاحي القناص كل
رصاصة جثة هامدة خليها عدد جبير
كتلت منهم طلعت القوة محصورة من مكان جبرتهم ع الإنسحاب هنا كل يكول طلع لقب( النمر الأسود ) سبب شدة قتالي رجعنا واجب وكان كلش كلش صعب منطقة ضيكة بيوت كلش صغيرة تفتح باب برجهك يطلع واحد صارت معركة
وياهم بسلاح الابيض
( سجاجين والحريات) كلش قوية معركة صارت الحمد لله طلعنا خلصنا واجب مالتنا بيوم نزل صار تعرض علينا توجهنا للموصل جانت أصعب
الايام هنا دخلنا منطقة حي زهور تقدم
كلش صعب سبب الشوارع مفخخة وغيرة ضيكة همر متدخل لازم نشكل حضاير راجلة ندخل بيها
على شكل تيمات أثناء تقدم اكو بيت
صاير بشارع فوكة شقق اسمع
صوت وعياط مرآة ....
المره - وين اهل الغيرة وين جيش
العراقي الحكوا علينا
ركضت على بيت وهنا منظر كلش صعب وحدة
حامل جانت بوضع كلش صعب نزعت
بدلة عسكرية مالتي وغطيتها بيها أثناء ما جاي أعالج ونادي على الإسعاف تدخل تأخذها اصوبت
طلع علينا واحد لحيته حمرة وصخ
ضرب طلقات وكبل صار الإنفجار هنا نضربت بطني ضليت قاوم بس نزف مادري شي حار من بطني نزل بسرعة تعالجت والإصابة خفيفة جانت ...
المهم رجعت عفت جماعتي ورحت وحدي دخلت
مكان حسبالي محد بي طلع بي دواعش قتلت منهم ٦ ضليت عالم بهل الأمور اثناء مواجهات صارت
عدنا واحد نفقد طلبت من الأمر روحله
دخل منطقة صارت ...
بيها مواجهات القوية لأن جندي ختفى
حسين - سيدي لازم ندوره ؟
الأمر - مايصير تخاطر بروحك على مود
واحد يجوز جثة تلكاه من قوة
عصف الإنفجار ..
خليتهم انشغلوا وطلعت ادور على رافد والله لكيته مصوب ويزحف بالكاع ماخذه النزيف نزلت لعنده بسرعة علكت السلاح باركبتي وشلته
على ظهري رجعت شايله على ظهري هنا كل
استغرب شلون رجعت وأنت كلك
دم وتراب مصوب ما ميت ؟!
حسين - ماترك أحد اكل وشرب وبيناتنه
زاد والملح يوكف بعيني ...تعالوا
اخذوا ..اخخخ ..
توجعت لأن جنت مصاوب جروا رافد مني
وبسرعة اجت الاسعافات الاولية
عليه الأمر ضحك وكال ...
الأمر - انت شكد شجاع كلبك ميت
رافد - جنت واثق منك راح تجي متعوفني من شفتك تصلي وعليك رصاص والهجوم
وانت ما مهتم رافع ايدك للدعاء
حسين - إن شاء الله ماقصر وياكم
كعدت اجوي الاسعافات يعالجون جرح
بطني هواي تأذينه ...
مرت الايام وشمس راحت للكلية وكل يوم مشاكل ويه بنات خالاتها لأن بنفس الكلية ونفس الخط هي وياهن وانه كل يوم ادز امي وزينب عليهم
وامها ماتقبل تنطيها قافله هي القفلة علينا ...
المهم وراها التحقت واخذت مكان أحد جنود مصوب وطريت اكون بدالة اللحظة جنت واحدًا من المرتبطين في النقاط الأمامية
داخل عجلة الهمر المصفحة، حيث كان يؤدي دورًا حاسمًا باستخدام سلاحة الرشاش ماجان عندي خير سوى مواجهة الهجوم الإرهابي المباغت الذي شنته
عناصر داعش، التي حاولت فتح ثغرة
للمحور الممسوك من ...
قبل أبطال جهاز مكافحة الارهاب لكن دافعت بكل شجاعة وثبات لم اتردد في الوقوف أمامي بكل عزيمة تصديت للهجوم بحسم وقتلت ٣ من المهاجمين الذين حاولوا الوصول
إلى نقاط المرابطة
لكن لم تنته المعركة بعد في لحظة حاسمة وقبل وصول قوة الإسناد تعرضت العجلة إلى إصابة مباشرة بقذيفة آر بي جي شظايا
الانفجار جانت عنيفة وصوت الانفجار جان كلش عالي وصاوبت نمت على التراب ماحسيت
بشي بعد فقدت وعييي ...
لكن لم تنته المعركة بعد في لحظة حاسمة وقبل وصول قوة الإسناد تعرضت العجلة إلى إصابة مباشرة
بقذيفة آر بي جي شظايا
الانفجار جانت عنيفة وصوت الانفجار جان كلش عالي وصاوبت نمت على التراب ماحسيت
بشي بعد فقدت وعييي ...
ماحسيت على نفسي إلا صعقات كهربائية سارت بأنحاء جسدي هناك وين اختفى الصعقات الكهربائية وبديت احس على نفسي اصوات غريبة
يمي وأصوات أجهزة حركت واحد من اصابعي احسه جسمي مشلول !؟ فترة من الوقت وكدرت استعيد وعيي فتحت عيوني انه بغرفة الواحدي ...
فاجأة انفتح الباب ودخل الدكتور ويا شخص ثاني اجه فحصني وانه مابي حيل احجي احس الساني ثكيل مابي حيل احركة وانطق. ...
المهم فترة من الوقت وكدرت احجي وشفت اهلي خطية صاير بحالهم وامي تبجي الكافر حالتها جانت وعرفت انه صارلي أيام داخل غيبوبة
والدكاترة مايأسين مني وكايلين مايعدي جم يوم ويفارق الحياة .. سألت على شمس ..
حسين - شمس شلونها ؟
محمد. - البارحة طلعت من المستشفى
حسين - ليش شبيها ؟
محمد- من سمعت بيك بين الحياة والموت
تخربطت وفقدت الوعي وهاي
البارحة طلعت ...
حسين - سودة عليًّ
المهم ثلاث أيام وطلعت من المستشفى حيل تعبان وشمس بين عيوني صايرة " عالم صارت تروح وترد وتطمن عليًّ واهل شمس اجوي إلا امها مااجت
ولا خلت شمس تجي ماخذه شمس ورايحه لأهلها الحقيرة المهم مرت الأيام وصرت زين وبالشفعات يلا كدرت اشرد من بيت اهلي والتحقت مايقبلون
التحق وانه أحب العسكرية واحب شغلي ومستحيل اترك علمود خوفهم هناك واتصل بي
رقم غريب فتحت الخط
- الوو ؟
- الوو حسين شلونك
- شمس ؟
- اي حسيني شمس شلونك حبيبي ؟
- زين أنت شلونج وينج ماكو ؟
- امي اخذتني وراحت لبيت أهلها ماتخليني اجي
- هاي شبيها امج تخبلت ؟!
- حسين جاي اموت عليك شلون صرت ؟
- زين شمس زين خوما تأذيج ؟
- اي قبل شوي موتتني من الكتل
ونوب خالي كتلني
- شبيهم وياج ؟
- يردوني اقبل بسجاد وانه
ماريده اريدك حسين
- انعل ابو سجاد يابو الخلف امج وخوالج
- شوكت تنزل ؟
- وعد مني الج بهاي نزلتي ازوجج
لو ادري اسوي الدم لركب
- التحقت حسين ؟
- اي
- ليش رحت حسين ليش ؟
تريد تموووت وتعوفني
- الموت لا بايدي ولا بايدج الموت بايد ربج ومادام الموت محتم ماريد اموت جبان اريد اموت شجاع ودفاعا عن وطني وادعيلي تنكتب الي
الشهادة واروح شهيد لبلدي
- لا تكول هيج حسين ماتحمل
انه ماتحمل افراقك
انقطع الاتصال منها ماعرف ليش رجعت اتصلت طلع مغلق انقلقت عليها جانت عدنا مهمة لازم نطب
نطلع ذولة عوائل تقدمنا عليهم سيراً...
على الأقدام لأن مكان كله عبوات وهالأمور صارت اشتباكات وياهم بين شارع والدنيا تمطر وجو كلش وكاع طين وهنا خلصت الذخيرة....
العدنا ومنكدر نعبر شارع ولا توصل إمدادات
النا مهم كلت ولد اسمه حيدر
حسين - حيدر روح شوف عمار
كله يجيب النه عتاد
حيدر - حاظر سيدي
كمت قبل حيدر توني وصلت عتبه الباب وانضرب برجلي متت من الألم اجاني حيدر يركض جرني جر كعدت متوجع حيدر يضغط على الاصابة
يحاول يقطع النزيف فترة وصل الدعم والتعزيزات لنه وصلت وياها الاسعافات عالجوا اصابتي وراها نزلت للبيت تلكوني أهلي دك رزايل امي
خطية منتهية من القهر وراي ...
العصر كاعد بالغرفتي طبت شمس
من شفتها راح طل التعب ...
وكمت اضحك ..
حسين - هاي جابج ؟
شمس - حبك جابني هاي صاير بيك
؟ شبيها رجلك مجبسة؟
حسين - صاوبت
شمس - مو كنالك لا تروح بس تروح تمووت
حسين - الاعمار بايد ربج
شمس - بي ولا بيك حسيني
كعدت بصفي تباوع لرجلي ونوب كامت تبجي ..
حسين - شمس عليج الله بلا بجي
كل مااشوفج تبجين
شمس - ماشي ماابجي
مسحت دموعها وكامت تضحك وانه باوعلها واضحك سالفة حر سالفة وكامت جابت قلم جاف من اغراضي كامت توقع على جبس رجلي
وتحجي وانه مركز بيها حيل مشتاقلها "
شمس - اكلك هناك هم اكو نسوان وياكم ؟
- لا وين اكو نسوان وأصلا شنو كلمة نسوان ؟
شمس - حسييين ؟ لا تشلع قلبي
واحجي اكو نسوان
حسين - لا وين اكو نسوان
شمس- لعد شنو هاي البنات اللي تطلع بالتلفزيون وعلى الانترنيت وياكم يمشن مو نسوان
ذني حسين تضحك عليًّ أنت
حسين - قصدج المراسلات
شمس- - اي
حسين - واحنا بيا حال وأنتِ بيا حال هناك كاتلنه الضيم والظلايم شربه الماي حسرة علينا بحال نسوان والله بطرانة شمس بطرانة
شمس - اسمع حسين إذا اشوفك لو اشك بشي
اشرب من تدمك أنت مالتي
حسين- شنو مالتج بت الحيوان ادري
كدامج جيس جبس
شمس - أنت اندومي مالتي لاحبها ههههه
حسين - خبلة مالومج
شمس- مخبلة بيك حسيني ههههه
ربع ساعة وراحت كامت كل يوم تجي تشوفني تساعدها زينب تنزل من فوك السطح صرت زين وفتحت صب من رجلي ردت التحق
اهلي ماقبلوا كالوا بس تلتحق نتبرى منك المهم خليت وسكتت خليتهم الظهر نايمين أخذت أغراضي وخابرت تكسي وطلعت لدوام بدون علمهم ...
وصلت لفوج نزلت سلمت على ربعي
وكعدت اتصلت بي شمس ...
شمس- حسين أنت وين ؟
حسين - بالدوام
شمس- لا اشك بيك مزوج بالسر
حسين ارجع احسلك
حسين - اعذريني مارجع
كامت تعيط نفس الجهال وتصيح . أنتِ ماتحبني وعندك غيري وانه حساسي بمكانه
مزوج وعندك مره غيري ....
حسين. أنت أذية الي الله دزك اذية.
حسين - بلا كلان خ.. شمس انه بالدوام
وفدشوي طالع واجب وإذا
متتت بريني الذمة
سديت الخط بوجهها انه بيا حال وهي بيا حال رجعت اتصلت بي غلقت التلفون ..والله طلعنا واجب
صار تقدم على منطقة توفت تقدم سبب عبوات ناسفة لازم معالجة تتقدم لأن زرع شريط
على شارع لازم يكون ...
تقدم من شارع جديد نسوي اجة ابو شفل يتقدم ويسوي شارع يشيل سواتر مخليها وبهاي الاثناء انفجر عليًّ عبوة صار دنيا مغرب
والوضع خطر تقدم لازم ...
بالليل يصير الهجوم هنا صعدنا على بيوت منطقة صارت تقدم جانت اكو قناة ترافقنا اسمها
ببسي الأمريكية توثق تقدم ....
والحرب هنا طلعوا علينا
عوائل مخلين رايات بيض ماعلينا بيهم نساعدهم وننطيهم الحماية لأزمة صعدنا على
بيت نور اجه كالي ...
نور - سيدي اقرالنه قصيدة
حسين - هههه مو وكتها
نور - والله بقلبي قصيدة سيدي
حسين - بعدين عزيزي بعدين الوضع مو زين صار
نور - براحتك سيدي
نزلنا من البيت بسرعة لان صار هجوم علينا نزلنه نضحك لأن تعودنا على الحرب وصارت
جزء من حياتنه اليومي .
ثاني يوم تفرقنا عن المجموعة صار انفجار قوي كلنا فزينا وكمنا الولد اجوي يصيحون سيارة مفخخة جانت بالبيت اللي بي نور وجم ولد
استشهدوا خيم الحزن والمهموم على. جميع الضباط والجنود لأن كلش صعبة علينا جانوا ويانه بكلشي ناكل نشرب وتضحك هيج بلمحة بصر راحوا منه
رجعنا خلص الهجوم بقينة بنص مكان بالليل
كاعدين نشرب جاي اكو ولد
اسمة مهند كوبرا
مهند كوبرا - بأجر إذا صار تقدم لازم نجهز كل قواتنا
لأن طبة هاي كلش صعبة ولازم نتقدم سيرا على الاقدام لأن منطقة عبوات وخطرة
الأمر - الله كريم
ثاني يوم طلعنا مشي واكفين باب بيت نعبر مدنين من شارع الشارع وثناء ناس تقدم واحد لابس حزام ناسف ونفجر بيهم استشهد حيدر ومهند كوبرا ضلينا نتقدم عليهم وتحرر عوائل لأن انه قناص صعدت
على بيت وجان أبو بيت
كلش انسان زين هو وعائلة مالتة استأذنت منهم وكتلة لازم صعد ع بيتك لأن مكان عالي وبي مكانات التقط بيها الأهداف منهم عدهم بنية
شابة ذكر اسمها
لينا هم من ديانة مسيحية طلبت منهم مي اصلي واقرا قران ضلوا صافنين شنو صلي وانت بهالحرب وضغط مهم بالليل صوبت وهذا
ابو لينا انطاني علاج...
وضليت يمهم يومين بالضبط طلعت من بيتهم ودعتهم لان صدك ناس طيبين صار تقدم والحمد لله نعبر من بيت البيت نفلش حايط لو هم مسوين
نفق من بيت على بيت
الهم كيفية تقدم هنا كنالهم ماعندة شي خلي يطلع ينسحب من منطقة مكان جان مرعب ماكو بناية إذا مو مفلشة وصار تقدم من شارع الشارع هنا نادوا
عليًّ لازم تكون بهل مكان لأن اكو قناص منعرف مكانة ولا نكدر معالجة غير قناص وهنا صعدت على سطح التقيت بقناص جان كلش صعب
صارت مواجهة فردية
قناص لقناص الحمد لله تمكنت منة لأن بوقتها صار غبي وشفت لمحة الضوة ندليت مكانة من عالجتة تقدم صار سهل القطعات فقط تمشيط ماكو قناص
يوقف تقدم بالليل صار تحرك من أحد عمارات سكنية طلع داعشي منهم احنا فريق قناصين مطشرين كل مجموعة أو ثنين ٤ أشخاص مكان موزع
هنا اتصلت عليًّ شمس ...
شمس- وينك حبيبي ؟
حسين - ابريني ذمة شمس يجوز استشهد
بسرعة قفلت الجهاز قلبي يدك حيل كلت محتمل استشهد لا محال لآن الوضع خرب فد مرة و
كساع صاير انفجار واكعين شهداء ...
هنا الوضع خربان هناك كلش خربان عدنا طيارات تقصف بمواقع داعش كلت خل اكوم اصلي الموت لا مفر منه ولازم اذكر ربي إذا متت بدون ماذاكر
ربي بيا وجه الاكي ربي ؟!
مجان اكو ماي اتوضى بي بالتراب وضوء التيمم وتوضيت وكمت اصلي وثناء ماجاي اصلي صار علينا رمي من بيت بس رمي كلش قوي ما اهتم
لأن كاعد ع سجادة صلاة واحلى مكان الحمد لله خلصت صلاة وانتهى رمي ثاني يوم الصبح اكو
ولد اسمه سيف يفتح عبوات هذا
ذولة فريق هذا شغلهم ...
وثناء هاي فتح جلكان ونفجر عليهم أستشهد سيف وية ٤ صارت الأوضاع كلش صعبة تزداد صعوبة
لأن قاطع مالتنا اقوى قاطع عن بقية
صار وضع كلش صعب هنا تقدم من بيت على بيت وصلنا مكان وجان من شدة مواجهات وصعوبة
تقدم لأن مكان ضيق شوارع صغيرة ...
وبعد تعبت طويل كدرنا نطهر الموصل من منظمة داعش الإرهابية...هنا تجمعت كل افواج جهاز مكافحة الاهارب بهالمكان سيد علي اعلن بجهاز
إلى جميع قطاعات إعلان تحرير
العراق من دنس الإرهاب ...
عم الفرح والسرور بعد ماتحررت الموصل من داعش هنا يلا قررت ارجع لأهلي لأن صارلي فترة كلش طويلة ماشايفهم ومانزلت بيقت بالدوام
لأن اعرفهم بس انزل مايخلوني التحق بعد نزلت للبيت اهلي زعلانين مني وكعت عليهم ابجي مشتاقلهم مشتاق لامي الحنينة لابوي
اخواني جهال اخواني الكلشي مشتاق المهم تصالحوا وياي وكالوا بعد ماتروح ضحكت وكتلهم خلصت الحرب هههههه كاموا يضحكون فرحانين
خلصت الحرب ...
وانه كل يوم ادز امي تروح تخطب شمس وامها ترفض طفح الكيل منها ردت اروح اهد عليها ماخلتني فديوم من الايام...
صعدت فوك السطح ودزيت لها رسالة
بسرعة صعدت تركض
كالعادة تعبانة ومريضة وتبجي '
- ولج منو وياج ؟
شوفتني جف رجلها محترك حرك وصاير فراكيس
- هاي منو مجويج ؟
- بت خالتي ذبت عليًّ فحم النركيلة
- ياهي منهن ؟
- فاطمة
- وين لكتج ؟ وهيج حركتج ؟
- جنت واكفة جاي اغسل بالمواعين وهي تحمي الفحم النركيلة الخالي عود بالغلط وكع من ايدها على رجلي حسين بالقران بالعمدة حركتني ...
- بسطة انه اعلمها
- كتلتها ترى
- كتلتيها ؟
- اي تموتتها من الكتل وطكيت الماعون برأسها
- ايييي عفية بالسباعية
- بس امي من شافتني كتلتها تموتتني من الكتل هي وخالي ويكلولي مجلوبة شلون تضربين بنية اكبر منج ومحد طلع عينج غير حسين
المسربت ابو الشوارع ...
- خلف الله عليهم انه مسربت وابو شوارع ؟
- يغارون منك
- خل يولون تعاي اكعدي
بعدها ماكاعدة يمي واجت امها تعاركت
ويانه وجرت بتها تكتل بيها
جريت شمس منها ....
حسين - مو كافي موتيها
ام شمس - بكبر شعليك أنتِ تعاي بربوك تعااي
حسين - عيب عليج عيب
ام شمس - ولج أنت وحدة ساقطة وبربوك وحالفه عليج بلا شرف صافية تفووووو ...
هي حجت هيج لو انه تخبلت خبال عليها غلط وسب بيها والتموا اهلي وأهلها وابوها من شاف الوضع
هيج حامي بيناتنه وامها تطعنها بشرفها ..
أبو شمس - خلص باجر تجون تكطعون مهر
ام شمس - شنو بكيفك تنطي البنية
أبو شمس - انه كلت كلمتي شمس الحسين صارت تعالوا باجر واكطعوا مهر .. اششش ولا كلمة ماريد اسمع حسج كافي فضحتينه مناك العالم
كل يوم مسويتلج مشكلة وبلية وضاربه بتج بتج تريد الولد والولد يريدها وخطبها من زمان وانطيناها له بس كله منج ومن اخواتي وصلنه لهاي
المواصيل وانفضحنه بين الناس ...
ام شمس - ماانطيها
حسين - غصباً على راسج اخذها افتهمتي
ام شمس - اجي احط النعال بحلكك بتي
ماانطيها احركها وماانطيها
حسين - والله احركج واخذها فوك جثتج
ابو محمد - حسين ..كافي ام شمس عيب مناك العالم اصواتكم فوك السطوح ننزل جوه ونتفاهم بيناتنه إلى متى نبقى بهاي المشاكل لازم نحلها ...
ابو شمس - شرفونا للبيت هسة
كوه لازم اعصابي شمس نزلت تركض احس هاي الزمة من امها النه بيها صالح وراح تجمعنا مع بعض والله نزلنا جوه رحنا لبيت اهلها امها تعيط
ماتريد تنطيها ابوها انطاها قرينا الفاتحة باوع لام شمس صفح واضحك من بين عيوني شمس
تضحك طايرة من الفرحة ...
اتقفنا على كلشي وباجر نكطع مهر والله اجه اليوم وكطعنا مهر جنت اسعد انسان على الوجه الأرض وشمس كذلك خالتها زعلن وعمها زعل وخالها زعل كلها زعلت وماحظرت شلون تنطي شمس
الحسين احنا مو نريدها ...
المهم صارت مشكلة جبيرة بين عمامها وخوالها ويه ابوها ابوي كال ماتبقى هنا اعزل بيها بغير
منطقة المهم رحت جرت بيت واثثته ...
ردت اعرس وره العرس نكطع مهر محكمة شمس ماقبلت كالت ماريد لا عرس ولا شي خل نروح الكربلاء هناك نعرس ماريد كلشي
حسين - مايصير شمس لازم نسوي عرس
شمس - كلشي ماريد حسين اخاف منهن ماراح يكعدن راحة وهاي امي زعلانة ماتحجي وياي كلت لابوي نزوج بكربلاء كال هاهي اروح وياج
حسين - براحتج بعد
رجعت للبيت كلت لأهلي وافقوا مادام هي ماتريد عرس وتفقنا الأحد نطلع الكربلاء المهم اجه اليوم ورحنا الكربلاء اهلي كلهم ويه بس ابوها
وأخوها اجوي وياها امها مااجت ماقبلت
وكالت لها إن شاء الله ماتتهنين
بزواجج ماراضيه عليج ...
كلش انقهرت من كلام امها وطول الطريق تبجي كدرت اهديها شوي وصلنا كربلاء بين الضريحين سوينه أجواء بسيطة وتزوجنا زواج بسيط
وراها رحنا للفندق وصارت مرتي امام الله ورسوله وكدام الناس وأخيراً بعد هذاك التعب والمعاناة
شمس صارت مرتي العصر طلعنا
انه وياها خلت وكعدت باب المحل تريد اللعابة
شمس- لو تشتريلي اللعابة لو ماكوم
حسين - صدك جذب شمس شكبرج
وشكدج وتدورين اللعابة ؟
شمس - ماعليًّ حسين اريد اللعابة
حسين - الا إله إلا الله كومي يابة
اختاري اللعابة التعجبج
شمس- هههه اي
كامت طبت قبلي للمحل اخذت لها اللعابة وطلعنا دخلنا محل مكياج انه ماعرف بالمكياج وانه
ماعرف اللفضة كلت لابو المحل ...
حسين - بلا زحمة خالي متوفر عدكم ايلاندر ؟
شمس - حسين فشلتنا مناك الناس هههه
حسين - جا لعد شسمه ؟
ابو المحل - من هذا قصدك ؟
شمس - اي خوية هذا قطعتين خليلي منه
...ماراح تعرف تلفضه هههه
حسين - اللهم مطولج ياروح
اخذت لها مكياج وأغراض وملابس لأن ماجهزت مناك بعد غير جم قطعة وهي اخذتلي كفوف ملاكمة وكلادة على شكل سلاح قناص هدية عرس منها ورجعنا بقينا جم يوم وراها رجعنا
عدل لبيتنه الواحدنا ...
ثاني يوم عزمنا أبوها على الغدة رحنا وامها ماتطيق تباوع لنه مع بعض بنات خالتها جاننموجودات
وره الغدة فستان شمس دمر
وكامت تريد تغسله انه خليت وكمت وراها لأن اعرفهن ماراح يكعدن راحة منها ...
فاطمة - مو طلبت منج ماي على
السفرة ليش ماانطيتيني ؟
شمس - مو خدامة الخلفوج
فاطمة - هسة صار عندج اللسان وتردين قبل
تجيبين بدون كلام شختلف هسة ؟
شمس- من سقا الكلب دخل الجنة
فاطمة - قصدج انه جلب ياجلبة ؟!
بسرعة طلبت عليهن بالصالة وكتلها "
سالمين فاطمة ؟
فاطمة - مرتك ماتحترمني وتقلل من قيمتي ؟
حسين - ليش حضرتج نسيتي
جنتي شسوين بيها ؟
شمس- يلا حسين خل نمشي للبيت
فاطمة خلت ومشت اجت ام شمس تعاركت ويه شمس ابوها تعارك ويه امها مايقبل على تصرفها المهم أخذت شمس ورجعنا للبيت
المغرب اخذتها ورحنا للمطعم من رجعنا هم اشترت ملاعيب روحها باللعابات والمكياج تحسها
طفلة مو بنية جبيرة ....
مرت الايام وانه وياها علاقتنا كلش حلوة ومتفاهمين من التحق اوديها لبيت اهلي ماتروح لبيت اهلها لأن امها ماتريدها ولحد الان ماتحجي وياها ...
اي وياك نشتري لعابة ومكياج يومها لبست ملابس من شفتها ماعرف وجهها كأنما القمر بليل ١٤ تخبل كعدنا نباوع فلم وهي بحضني كاعدة و
تاكل اندومي وببسي تشرب وانه العب بشعرها
حسين - شعرج يخبل صاير
شمس- اي هاك اكل
حسين - ماحبها
شمس - حسيني
حسين - والله نفسي تلعب منها
شمس - هاي كملت اروح اغسل المواعين واجي
كامت غسلت المواعين واجت انه كمت نمت جفي عنها مبين عليها زعلت لأن عفتها ونمت
كعدتني بنص الليل تنده بي حيل ...
شمس - حسين حسين
حسين - هااا شمس شكو ؟!
شمس- تحبني ؟!
حسين - استغفرالله العظيم خلي انام
شمس- هااا تأكدت عندك غيري وماتحبني
لو تحبني جان كلت اي لو تحبني
ما تنام جاوب حسين؟...
حسين - احبج والله شبيج ؟
شمس - احلف بالله تحبني ؟
حسين - والله العظيم احبج يلا تعاي نامي
جريتها ولفيتها بحضني نومتها يلا نمت مابي حيل وياها تغار من كلشي عليًّ الظهر وره الغدة عفتها ورحت اتمرن بالغرفة كملت تمرين ورجعت
لكيتها كالبة خلقتها '
- هاا حياتي شبيج ؟
- تذكر بيوم رحنا كربلاء ؟
- اي شكو؟!
- البنية باوعت عليك لو ما منطيها عين
ماباوعت تخوني تباوع الغيري
وكل عقلها جانت تحجي بقيت صافن عليها..
شمس - ماتحبني ؟
حسين - استغفرالله العظيم شوكت تخلص
هاي الطلابة شمس شوكت ؟
شمس - احجي تحبني ؟
حسين - اسألي امج احبج لو لا
عفتها وطلعت بره اضوج من تسأل بي هيج اسأله انه لو مااحبها مجان حاربت امها لسنوات واخذتها المهم اشتريت لها حلويات واغراض لأن ادري بس
ارجع راح الكاها مطنكرة والله رجعت ولكيتها مطنكرة انطيتها الأغراض بسرعة قنعت وكعدت تضحك مرت الايام وصادف محرم
رحت بموكب قريت ماعرف منو مصور المجلس ومنزله وبنات معلقات تعليقات يجابية وحلوة وفاطمة جايبة المنشور وجاية
وضاحكة عليها وهاي شابة بيها النار ...
حسين - من كل عقلج شمس ؟
شمس- اي والله شعدهن يصورن وينشرن ويعلقن
حسين - كلشي ماكلج بس الله يهديج
عفتها ورحت اسبح سبحت ورجعت لكيتها متعاركة ويه كل البنات بالتعليقات ومخليه البنية حاذفة المنشور بقيت اصفن عليها هاي شبيها ؟
مو لهاي الدرجة تغار عليًّ وهي تدري بي احبها واموت عليها ومستحيل اباوع لغيرها ...
حسين - عوفي هاي السوالف وكومي خل
اعلمج فنون قتالية علمود تكتلين
النسوان لتباوعلي
شمس - يلا امشي علمني
كتمت ضحكتي ادري شلون اخليتها تنسى وتجي وياي ضليت درب بيها بحديقة فنون قتالية
وهل الاشياء هنا هي تخربطت ...
ماتحملت خذتها للمستشفى
كالوا تحليل جوز حامل ماعرف شعور
صار بي معقولة اصير
اب طلع تحليل...
شمس - لا الحمدالله مو حامل
حسين - ليش ولج ؟
شمس - تعرف شغلة
حسين - هي شنو ولج ؟
شمس-اخاف تجي بنوتة وتاخذك مني تعرف من اول
كتلك حبالة ماريد هسة لحد ما تخرج تريد جيب ضرة الي نوب منو بنتي منع بنات تطلع بنتي
وتاخذك مني اوكف انت تحبني ؟
لو تحب جهالنا ؟!
حسين - همة وينهم بلا احبلي وعود خلفي اكيد طفل يجي يتعوض وانتِ اذا رحتي
متتعوضين شمسي
شمس- اي هيج اريدك ههههه
رجعنا للبيت مرت الايام والأيام وماتخليني انزع الحلقة ليش لو بابدي خليك علامة بوجهك متزوج محد توصل وانه ماخذها على كد
عقلها مابي حيل وياها
شمس- قرب دوام اريد شتري ملابس
حسين - الكنتور مقبط وين نوديهن ؟
شمس- ماعليًّ حسين غير اريد اطلع
جميلة جميلات وحلوة لو تريد
بنات يكولن موحلوة
حسين - يابة تبرعي بالملابس العندج
واشتريلج غيرهن هواي
والكنتور مايوسع
شمس- هاهي من نرجع من السوق اتبرع بيهن
خذتها واشتريت الها ملابس وهيج واهم شي حلويات والاندومي وراها التحقت لدوام وصوبت بمتني ضربة خفيفة بس خياطين خفيفات وهي تخبلت تعيط وكلبت دنيا بجي مهم بدء
دوام رسمي عدهم وهنا
شمس - حسين لبس هيج حلو عباية اليوم مالبس لابسة كووت حجابي نفس اللون
حسين - براحتج عيوني البسي اللي يعجبج
شمس- تعال اقرالي قصيدة وياها
دعاء وقرأن مشتاقة صوتك
حسين - اليوم بـ ٦ نزل للبيت
شمس- حتلوه مراح اشوفك رايحة لدوام
اقرالي فدوة يجوز اموت قبلك
تراضها تبقى بنفسي
حسين - من عمري على عمرج شمسي
انه اموت قبلج مو أنتِ
شمس- لا انه اموت قبلك
حسين - انه عسكري موتي قبل موتج
شمس- مو شرط يلا فدوة حسيني اقرالي
حسين - ماشي ...
قريت لها قصيدة ودعاء وقران مادري ليش قلبي حيل اذاني وحسيت روحي تريد تطلع من جسمي
من خوفي عليها المهم نزلت من الصبح ..
طول الطريق لازك قلبي بايدي احس قلبي مقبوض قبض عبالك ميتلي واحد بالطريق واتصل
بي رقم غريب رفعت الخط ...
- الوو السلام عليكم
- وعليكم السلام اتفضل منو وياي ؟
- أنت حسين ابن فلان ابن فلان ؟
- نعم أني منو حظرتك ؟
- دكتور احمد وياك
- خير إن شاء الله دكتور ؟
- زوجتك شمس بت فلان تخربطت وحاليا
داخل المستشفى ولازم تجي
- بيى مستشفى ؟
- فلان مستشفى
- ماشي دكتور مسافة الطريق وانه يمكم
سديت الاتصال من الدكتور وكلت بيني وبين نفسي اكيد نفس كل مرة فقر دم ونقص حديد وهنا تذكرت آخر فترة سوت تحليل كلشي عدها طبيعي ...
نوب كلت اخاف حامل وصلت للمستشفى وهنا شعور مينوصف مزيج من الخوف والقلق فتحت الباب وجان انضربت باب سيارة حتى
جرح طك دم ضليت ذب دم انة بحال دم
بحال شمس تلكاني دكتور
الدكتور - انت حسين فلان ابن فلان
حسين - نعم شكوووو حجي دكتور شبيها مرتي ؟
الدكتور - تعال امشي وراي
وهناوكلها تباوع عليًّ شوف دم وانه لابس ملابسي عسكرية والصدمة الي من كالي الدكتور مسوين
حادث سيارة الخط مكلوبة بيهم ...
ماعرف وصف شعور كلبي طاير ورجف عليها كلش خايف اول مرة خاف اعرف صار بية مثل مخبل ماعرف شنو حس جناح برجلية طير ..
من كاع وصلت غرفة سمها الانعاش وهنا حسيت كلبي طاح هنا موقف والشعور ماعرف
شلون افسره أو كتبه ...
ماعرف دخلت للغرفة لكيتها لافين رأسها وجهاز على خشمها وحلكها بس شافتني شالت الجهاز من اعلى حلكها وخشمها وكالت بصوت تعبان ...
شمس- دير بالك على نفسك
وغمضت عيونها وراحت لرحمه ربها بهذا موقف والثواني غمة عليًّ وماعرف دنيا وين اريد شي لزمه ماكو دنيا صارت سودة فقدت الوعي
وراها كعدت على صوت الأجهزة و
حجي بجي وامي واهلي...
حسين - انه وين شمس وين شبيها ؟!
عباس- صارلك أيام فاقد الوعي
حسين - شمس وينها وشلون صارت ؟
ابو محمد - أنت مؤمن برب العالمين وكلنا راحلين عن دنيا وكل نفس ذائقة ...والذين إذا اصابتهم مصيبة قالوا إنا الله وانا إليه راجعون
زوحتك انتقلت إلى رحمة الله ..
من عرفت بيها راحت لربها وعافتني حسيت الدنيا ضاعت مني راحت سمعت حياتي راحت شمس
مني عقلي وكف ماكدر نزل من ...
جرباية والله ماكدر ..
حسين - اريد اروح اشوفها
عباس - صير زين واوديك لها ارجع لمكانك
نهاريت من عرفت بيها ماتت اهلي كلهم يمي ويهدون بي وانه ماهدا ماجاي اتخيل شمس ماتت وعافتني الوحدي ماجاي استوعب ...
خرجوني من المستشفى ورحت لبيتنه لكيت لافتة مكتوب عليها اسمها ومسوين حادث نزلوا دموعي طبيت البيت بوجي سبحت وبدلت
وأخذت أخوي عباس ورحنا لنجف مشتاقلها ...
بالطريق طلعت قصيدة باسم الكربلائي لا تضن بعد درب بينك وبيني. وهنا صافن فكر بيها معقولة شمس عافتني وراحت الوحدي بهاي الدنيا ...
وصلت قبرها اخوية عباس عافني وراح ضليت الوحدي ضليت حجي وياها كتلها ...
- شمس ليش عفتيني ورحتي ...
شمس شلونج خوما تراب والظلمة يخوفونج ...انه ادري بيج تخافين من الظلمة شمس ياخاينة ليش رحتي وعفتينييييي كومي اكعدي شمسس. ...
كومي اكعدي لا تبقين نايمة شمس ....
ضلت ابجي واحجي وياها لحد ما حسيت صوتي راح ونفسي نكطع اجاني شالني عباس شيل
من فوك قبرها طلعنا المقبرة ...
رحنا نزور الامام علي (ع) ماتحملت كلت العباس رجعني يمها اريد اودعها ورجعت عليها ماكدر عوفها كوه
رجعني للبيت أريد ابقى يمها
مشت حياتي و كل يوم تخيل راح ترجع من جامعة رجعت بيت اهلي عشت ماكدر ضل هناك وذكرياتها بالبيت صعبة بقيت اقرا على الحسين وداومي والله لهمني
يتبع ...
تنزيل على الفور
novel.download.tips
Comments