عتت ادينها مني عفت ادينها بحركة
منها رادت تضربني راشدي بسرعة
تفتديت ضربتها
ام شمس - حيوووان
حسين - اسود عيشتج ام شمس اسودها والله اسودها لج ولااختج رجعت وراح العب بيكم اللعب واعلمكم شلون تذلون شمس بغيابي
ام شمس - بسيطة انه اعلمك حسين
المسربت ابو الشوارع
خلت ومشت صحت وراها '
والله بس اسمع كاتله شمس اطب بنص
بيتج واكتلج كدام بتج
ام شمس - تفوووو
تفلت عليًّ ونزلت بسرعة نزلت شفت زينب ...
زينب - العصر نروح نخطبها لك انه وعمة
حسين - امها بربوك ماتنطيها
زينب - بلكت تنطيها
حسين - بربوك اعرفها ماتنطيها
زينب - كول يالله
حسين - يالله
العصر طلعت بره كلت خل احجي ويه
انوار اخو شمس دكيت الباب طلعت
بوجهي ام شمس تخزر بي ...
ام شمس - هاا شتريد ؟
حسين - روحي صحيح الانوار
ام شمس - شتريد منه ؟
حسين - شعليج صيحي
بعدها ماراده اجه انوار ...
هلأ حسين شلونك
خلت وطبت جوه "
هلأ بيك انور الحمدلله بخير أنت شلونك ؟
انوار - على الله الحمدلله تفضل
حسين - دام فضلك بس حبيت اكلك جم حجاية
انوار - اي احجي؟!
حسين - انور انه مو خطبت شمس على سنه الله ورسوله وانتو انطيتوها الي ليش هسة امك
ماتقبل تنطيها وتضرب وتهين بيها ؟!
انوار - والله ياحسين هي امي ماتعرف
بنفسها شسوي ماسوي
مو بوعيها ؟
حسين - شكو انور قلقتني ؟
انوار - خالاتي حسين سون سحر الشمس
والله ماضل دكتور مارحناله
بس ماكو علاج الها
حسين - علاجها أهل البيت (ع) ودوها للعباس(ع)
انوار - الله كريم
خليت ورجعت كعدت امي وزينب يردن يرحن خطابة ماقبلت كلت لا ترحون هسة خل تنظف من السحر العليها هي وامها يلا ترحون
المهم ثاني يوم ودوا شمس لزيارة أيام يلا رجعوا انوار كال شوي احسن صارت ردت ادز اهلي يخطبونها الي وصادف عدهم عيد
ميلاد بت خالتها ومسوين العيد ميلاد بيت اهلها علمود جبير عازمين نسوان وزلم مسوين حفلة صعدت فوك السطح والصدمة الي
شمس فوك السطح كاعدة وتبجي صوت
شهكاتها وصل لعندي بسرعة
طفرت على سطحهم
حسين - شمس منو وياج ؟
رفعت راسها عيونها مليانه دموع
وجهها احمر دم صاير ...
حسين - احجي شمس منو وياج ؟
شمس - امي ضربتني بالصوندة ؟
حسين - عليش ضربتج ؟
شمس - علمود ماكنست البيت ورديت بوجه خالتي
حسين - انه اعلمها
شمس- حسين وين رايح ؟
حسين - اربي امج البربوك وخالاتج
شمس- عزززة العزاني حسييين تعاال ولك حسسين
جانوا مخلين صوندة بخزان الماي من ينترس يذب الماي خارج السطح جريت الصوندة وطبكتها ونزلت عليهم شمس وراي تعيط وتصيح ...
وانه بحركة اعصاب كتلت النسوان والزلم وحتى ام شمس وخالاتها كتلتهن بالصوندة صارت مشكلة من مشكلة علمود طبيت بنص بيتهم وكتلت
نسوانهم وزلمهم اجوي اهلي والجوارين اخواني شحطوني شحط ابوي خطية تعبان ومريض حجه ورزل بي ماكو فايدة قافل انه على امها
وخالاتها ثاني يوم صارت كعدة عشائرية ماخلوني اكعد بالكعدة وعاد فضت بالتراضي رجع ابوي من الكعدة غادي بارود كتلني كتله معدلة
كال ماصارلك جم يوم من رجعت ورجعت تسوي مشاكل بس كلي شكلت النفس من كتلت نسوان وزلم وبنص بيتهم ولك لو غير ناس فصلوك فصل مربع احمد ربك واشكره الناس يعرفونه
ويعرفون اخبالك. ...
المهم فترة منعوا شمس مني وانه التحقت كلية عسكرية ويه ابن عمي حسن ومن انزل ماشوف شمس امها تعرف بي شوكت انزل تاخذ
شمس وتروح لزيارة لو تروح لبيت أهلها لما التحق انه يلا ترد وانه كل يوم ادز امي وزينب وزهراء خطابة على امها وامها ترفض ماتنطي
شمس كايله لامي حركها وماانطيها الحسين ...
المهم فديوم نزلت بدون مااحد يعرف بي اليوم نزولي والحمدلله كدرت اشوف شمس كالعادة ضعفانة أكثر من قبل وخلصانة ..
ومكتوله من امها "
- سباح قلبي ليش هيج ضعفانة شنو ماتاكلين ؟
- امي موتتني حسين
- وتالي ما نخلص من امج ؟
- حسين تكلي بعد ماعليج بحسين وبس
اشوفج يم حسين اذبحج
- علمود اذبحها بمنجل اعمى
- عزززة
- شمس انه احبج واريدج على سنه الله
ورسوله ليش ماتقبل تنطيج ؟
- من وره خالاتي
- هسة شلون انزل اكتل خالاتج البرابيك
- حسين اخاف يجي يوم وتعوفني ؟
- وعد مني الج ماعوفج إلا وانه بنص تابوت
- بعيد الشر عنك حسيني
المهم مرت الأيام بسرعة وانه تخرجت من كلية العسكرية برتبة ملازم الدورة سبب أوضاع العراق جانت سنة و٤ اشهر تخرجت
الاول على الدورة خريج دورة قناصين ...
وصرت انه قريها من نزل أو بلدوام بـ الاتصال اقريها دخلت بكالوريا فديوم نزلت للبيت بوقتها
جنت تعبان اتصلت بي
- هاا حسيني اجيت ؟
- اي
- شبيك صوتك مايعجب ؟
- تعبان واريد انام
- ماشي ارتاح بعدين اشوفك فوك السطح
- هاهي
سديت الاتصال وتمددت بفراشي جنت بين النايم والكاعد حسيت بشمس اجت نامت بحضني وجرت ايدي وخلتها جوه راسها تأكدت حقيقة من
حضنتني حيل وكالت "
حسيني أنت الامان مالتي
فزيت بسرعة وهي نايمة بحضني"
شمس كومي وين نايمة؟! ....
رواية # النمر الأسود
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .
ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ البارت 5}ــــــــــــــــــــــــــــــــــــــــــــــــــــــــــــــــــــــــــــــــــــــ
سديت الاتصال وتمددت بفراشي جنت بين النايم والكاعد حسيت بشمس اجت نامت بحضني وجرت ايدي وخلتها جوه راسها تأكدت حقيقة من
حضنتني حيل وكالت "
حسيني أنت الامان مالتي
فزيت بسرعة وهي نايمة بحضني"
شمس كومي وين نايمة؟! ....
- ماا
- شمس كومي لا يشوفونج اهلي وتصير مشاكل
- خل صير
- ولج حرام وين نايمة ؟
- خليني يمك حسين انه اثق بيك
- لا إله إلا الله هي مال ثقة لو حرام ؟
- مو تكول انه مرتك ؟!
- اي اكول بس بعدج ماصايرة مرتي كومي بسرعة
دفعتها عني كعدت منزعجة وانه خايف بس يشوفونها اهلي تصير مشاكل وراح يفكرون صاير شي بيناتنه وأصلا شلون اجت لغرفتي ؟
- شلون اجيتي لغرفتي ؟
- زينب ساعدتني
- بالخير عليًّ .. راح اطلع امن المكان و
اطلعي بسرعة هسة امج تستفقدج
وماتلكاج وتكب العيطة
- حسين ماتريدني ؟
- استغفرالله العظيم شمس اللي جاي تسوي غلط وراح يوكعنه بمشاكل ومراح يخلينه
نصير البعض فهمتي
- ماشي
كمت بسرعة فتحت باب الغرفة اهلي كلها نايمة كمت جريتها من ايدها وصعدت فوك السطح وصلتها لسطحهم باوعتلي بعيون مليانة دموع
- مليت مني ؟
- سجينة بنص قلبي هاي حجايتج
- لعد ليش وخرتني منك ؟
- شمسي لو مااحبج واخاف الله بيج جان ما واخرتج جان عفتج نايمة يمي بالحرام انه احبج واريدلج الحلال واريدج بالحلال ماريدج بالحرام
- صعب نصير بالبعض
- مادام الله موجود وأهل البيت (ع) خليج على ايمان تام راح نصير البعض وانه اوعدج المره الألف ماراح اعوفج وازوجج يعني الزوجج
- والله مراح تعوفني ؟
- وحق هاي الظهرية مراح اعوفج و
اكمل وياج اخر أيام عمري
- احبك حسيني
- وانه اهم احبج شمسي. .. يلا
يروحي قبل لا تجي امج
- باي هههه
مسحت دموعها وراحت تركض وانه فرحان
بيها تحبني ههههه نزلت جوه
صارت بوجي زينب
زينب - خطية جانت تتوسل بي علمود شوفك
حسين - زينب اتمنى ماتنعاد مرة ثانية
زينب - مو تحبها ؟
حسين - احبها مو اخليها يمي بالحرام زينب البنية حساسة وهواي ومتاذية من اهلها لدرجة صارت ماتميز بين الحرام والحلال وانه اخاف الله
بيها وماريد تصير مشاكل وتخرب علاقتنا
وتصعب أكثر من ماهي هسة مصعبة
زينب - الله يفرجها بوجهكم
حسين - آمين يارب العالمين
عفت زينب ورحت ونمت شمس متعلقه بي مو شلون مجان واليوم تجرأة واجت نامت يمي وهذا التصرف حرام وعيب وإذا شافوها اهلي راح يفكرون صاير
شي بيناتنه وأبوي مناه مريض وتعبان لازم
اخلي امها تقبل تنطيها الي ...
المهم ثاني يوم جايبة كتبها وجايتني فوك السطح جانت امتحانات سادس وصعب كلش وهي ضغوطات الحياة كلها فوك راسها
- حسيني قريني
- مو تدللين
- من اجي يمك يصيبني أمل وتفائل
- اويلي يابة ههههه
- يلا قريني بلكت انجح من السادس واخلص
- والعباس جاي اشوف نجاحج
- الله يسمع منك
- دعائي مستجاب ههههه
- فديت الضباط ودعائهم هههههه
- غير احنا الضباط فقراء ومساكين
- اي هواي
- هههه ماتصدكين
- مو كلكم حسيني مساكين وفقراء
- هسة انه مسكين فقير بنظرج ؟
- ههههه
- هااا تضحكين ؟
- مرات احسك فقيرون ومرات لا وكح
- شوكت موكح وياج ؟
- ويه العالم نهار كله تكتل بيهم
- هم العالم مو اوادم انه شعلي ...
هاج حلي هاي المسألة
- ماعرف ههههه
- لا هواي نجحتي ركزي وياي ركزي
- هههه
المهم قريتها وبقيت اقري بيها كل يوم وامها تدري شمس عناد تكسر كلام امها وتجي يمي وانه كلما تجي يمي ام شمس تعارك وياها
آخر امتحان ماخلت شمس تجي يمي اقرأ دزت امي عليها خطية راح ترسب وانه ادري بيها بس تنقهر تتخربط عاد امي جابت شمس واجت لبيتنه
ضلت يمنه بالغرفة وانه اقري بيها كملت اقراية راحت وابوي ماعاحبه هذا الوضع لأن اهلها مايقبلون ينطون البنية والبنية متعلقه بي وانه متعلق بيها
المهم وره ماكملت الامتحانات دزتلي رسالة "
- حسيني انه خايفة ارسب
- وعلي نجاحج مضمون هههه
- سويتلي وساطة ؟
- يم الله واهل البيت (ع)
- هاهي لعد اعتبر نفسي ناجحة
- اي بحيل الله واهل البيت (ع)
- حسيني شوكت حبيتني ؟
- اول يوم شفتج بي حبيتج
- عززة ههههههه
- وعلي من هذاك اليوم ولهذا اليوم انه ميت بيج
- ياهنيالي بيك حسيني
- والله انه هنيالي بيج شمسي ولج شمسي
- عيوني ؟
- والله اريدج اليوم قبل باجر يمي
- اجيك هسة ههههه
- خرب بيومج هههههههه
- شسويلك لعد مو تريدني كلت اجيت
عليك من فوك السطح
- الله يساعد السطح علينا
- اي وعلي شاهد على حبنه وعركات امي
- امج نفس كوه حجار بنص طريق هربان وكفتلنه
- اي والله
حسين اخاف تعبان روح نام ؟
-بس احجي وياج يروح كل التعب اروحلج فدوة شمسي هو انه شعندي غيرج وترديني
تتعب وماحجي وياج
- اريد اسمع صوتك
- اخاف اكو احد يمج
- لو اكو احد يمي اكدر احجي وياك
- هاهي راح اتصل
اتصلت بيها وبيقنا سالفة تجر سالفة وبلاخير قريت لها قصيدة تحب تسمع صوتي ... وكل سنة بمحرم اشارك بالمجالس أبد ماقطع مشاركاتي
والحمدلله والشكر صرت ملا معروف بالمنطقة كلها وكل العالم تحبني إلا ام شمس ماتحبني ابنها يحبني ورجلها هذا عار منتهين منه يسمع كلامتها
ويخاف منها .. المهم طلعت نتيجة شمس ناجحة وبمعدل مقبول ههههه رحت بشرتها طارت من الفرحة كالت مايهمني المعدل العالي
كل همي معدل مقبول وزين لأن انه
اريد اصير محامية ....
- هاهي صرتي محامية
- اي ههههه فرحانة فرحانة حسيني وأخيراً نجحت
- اي مو كتلج تنجحين
- اي والله كلتلي وطلع كلامك صدك هههه
- احبج شمسي
- وانه اموووت عليك حسينييييي
- هسة تسمعج امج وتكتلج بالصوندة هههههه
- مايهمني المهم نجحت
- الحمدلله والشكر ...
ام شمس - ولج شمس وينج تعاي نظفي
البيت راح يجينه خطار
حسين - روحي نظفي البيت المغرب
انتظرج فوك السطح
شمس- ماشي حبيبي
سديت الاتصال وطلعت ادور لها على كلادة المحامية دورت يم ابو الذهب مالكيت كال إلا تسوي لها وحدة وتطول يعني انه اليوم اريد افرحها بهدية
عاد رحت على محلات الاكسسوارات والمجوهرات التقليد واخذت لها كلادة محامية ورجعت للبيت المغرب صعدت لكيت شمس قبلي صاعدة
- خرب بيومج قبل الموعد الكاج ههههه
- شعبالك لعد ههههه
- وين وين ؟
كامت واجتني طايرة تريد تحضني ماخليتها "
- ليش حسيني ؟
- بوية مايصير من نزوج اشبعج حضون هاج
- هاي شني ؟
- هدية نجاحج
- شجايبلي ؟
- والله ردت احيبلج شي غالي بس مالكيته
اعذريني شمسي والله وعد مني
الج اجيبلج نفسها غالية
فتحتها بسرعة وضحكت '
وأخيراً لكيتها حسيني هههههه
- شلكيتي ؟!
- ولك حسيني جانت بالي من زمان هاي الكلادة وشكد دورت عليها مالكيت وهسة أنت
جبتها الي احبك
بسرعة شبكتني كل حيلها نوب هي قصيرة
وانه طويل شبعت ضحك و
بعدتها عني بالكوه
- شمس فضحتينه ههههه
- عادي هههه تجنننن
- عجبتج والله؟
- اي والله تخبل لبسنياها
- مايصير
- حسين لبسني الكلادة لو ازعل
- هاي شلون ورطة
-والله ازعل
- يابة كلشي ولا زعلج انداري
- بسرعة
انطتني ظهرها لبستها الكلادة بسرعة اديه صارت ترجف ماعرف شجاني بسرعة بعدت عنها لزمتها بايدها وتضحك نوب مشاعري فاضت
عليها بسرعة طلعت عذر ...
- شموسة يلاا انزلي
- شكو ؟
- عندي اتصال مهم من الفوج
- هاا اخذ راحتك
- راحتي من راحتج حبيبتي
خلت ونزلت وانه بقيت اشم بايديه ريحة عطرها بقت لازكة باديه ربي شوكت صير من نصيبي
مو تعبت وماريد ادش بيها بالحرام ....
قبل لا التحق بيوم اتصلت بي تبجي "
- اخذتي قلبي صاير شمس ؟
- حسين خل نشرد انه وياك ونزوج
- صدك جذب شمس هي هاي هم حجاية تحجينها ؟
- شسوي لعد حسين خالاتي وبناتهن خبثن عليًّ يم اهلي وموتوني من الكتل وانه ماتحمل بعد لو
نشرد لو ننفصل لكالي حل حسين مو تعبت
- كولي يالله شمس هسة ادز اهلي على
اهلج وإن شاء الله خير
- قافلين هي القفلة وتدري امي شتكلي
تكلي تحركج ومانطيج له
- غصباً على راس امج اخذج واخذيها مني
- ياريت
- هسة راح ادز اهلي بلكت تقنع
- بلكت
المهم سديت الاتصال ورحت حاجيت
امي ابوي ماقبل تعارك وياي
ابو محمد - ولك عوف البنية مو حركت سلفة سلفاها
حسين - يابة هي تحبني وتريدني
ابو محمد - صوجك انت علقت بت الناس بيك
حسين - الاثنينه متعلقين بعض وانه
اريدها على سنه الله ورسوله
روحوا اخطبوها الي
ابو محمد - نفس كل مرة ادز امك وترجع
فشلانه ولك افهم اهلها ماينطونها
حسين - والعباس ابو فاضل احركهم
أبو محمد - وتالي وياك حسسين
خليت وطلعت ضايج ويه طلعتي شفتلك فاطمة بالباب بقت تباوعلي وتضحك اجت بالي اروح الزمها اطيح حظها وحظ الخلفوها مسربته بتها
على ولد العالم وراده على بنات العالم ...
غيرت طريقي مامر بالطريق اللي هي بي رحت مكان بعيد عن البيت وبقيت اشرب جكاير جكارة وره جكارة روحي طالعة من الدنيا كلها
شوكت شمس صيرلي وارتاح ؟!
رجعت للبيت كالتلي زينب امها ماقبلت تخبلت خبال ردت اهد على امها ابوي ماخلاني وتعارك وياي من شفت أبوي تعب سحبت نفسي وكعدت ...
اول مهمة الي للموصل ماكلت لأهلي رايح للموصل كتلهم طالع مهمة دورة خارج العراق عاد صدكوا رحت ودعت شمس ورحت للموصل
انه وربعي ويوسف صديقي اما حسن ماراح ويانه لأن غير فئة وصنف جان ... المهم صار الواجب وطلعنا اول واجب الي وشفت غرائب
وعجائب بالموصل " ...
مرت الايام صار عدنا واجب محدد واخذت اطفال وبنات مشينا يومين متتالية من عبرنا نص الصحراء بالليل ناموا بقينا نحرس بيهم شفنه تحرك
سيارات طلعوا داعش شتابكنا...
وياهم حساب خبرتنا وتدريبي قناص تمكنه منهم تقدمنا الفجر اكو اسمها ريحانة خلت رجلها ع عبوة مخلفات الحرب ومتعرف كلشي
ريحانة - يمكن دست على عبوة
يوسف - مامنها نفاذ الكل تتحرك بسرعة
حسين - شلون يوسف نعوف البنية تموت ؟
يوسف - مانكدر نسوي شي اتحركوا
حسين - لازم نلكه حل نخلصها ؟!
يوسف - ماكو خلاص واجه أجلها
اتحرك حسيين اتحرك
حسين - مستحيل نعوفها
يوسف - تقترب لها تنفجر عليك وتكتلك وتكتلها وتكتل الكل نضحي بشخص احسن ما نضحي
بالبقية اتحرككك اجوي دواعششس
صاح بي دفعني بعدنه عن البنية خطية شالت رجلها وانفجرت صارت اشلاء وبعض من شضاية العبوة صابتني انتهيت مابي حيل اتحرك شالني شيل
يوسف وختلنه بيت مفلش تفلش بقيت بس انزف وحدة من البنات جانت ممرضة اجت عليًّ يوسف شك ملابسي وهي كعدت تطلع بالشظية
الحمدلله والشكر كدرت تعالج الاصابة وانه فقدت الوعي وراها ماحسيت على نفسي إلا
وانه بنص الفوج مالتنا ...
حسين - صار بالبنات والأطفال ؟
يوسف - نقلوهم للمخيمات
حسين - كلهم ؟
يوسف - اي
حسين - شلون وصلت لهناه ؟
يوسف - بلغت على مكانه واجوي انقذونه
حسين - لازم تشابكت وياهم ؟
يوسف - اي صار اشتباك واجت
القوات وطفروا الانذال
حسين - تلفوني وين ؟
يوسف - صار بدالة
حسين - اهلي بالهم عليًّ
يوسف - اي هاك تفضل
أخذت التلفون وكعدت مابي حيل الإصابة تاذيني اتصلت بامي وطمنتها عليًّ رجعت اتصلت بشمس تعاركت وياي وانه مابي حيل اتعرك تعبان
ترخصت منها ...
بالليل رجعت أتصلت بي ...
- حسين ليش ماترد على اتصالاتي ؟
- دورة ممنوع الاجهزة
- لعد شلون هسة التلفون بايدك ؟
- وقت محدد ينطونه الاجهزة وراها يسحبونها
- حسين أنت وين ؟
- خارج العراق
- اخاف بالموصل ؟
- لا يابة جابني على الموصل انه دورة ضباط بعدني مبتدء شلهم بي ماخذيني للموصل الموصل يرادلها رجال اهل خبرة بالقتال مو مثلي ههههه
- امم كل هاي الخبرة وتكلي ماعندك خبرة
- اي ميلي
- اممم مشتاقتلك شوكت ترجع ؟
- مادري والله شوكت ارجع
- ماكالولك شكد مدة الدورة ؟
- لا ماحددوا
- شعجب
- بكيفهم المهم شموسي امج شلونها وياج ؟
- لا زينة
- الحمدلله وأنتِ هم ماعليج منها ولا
عليج بخالاتج وبناتها
- لا معليه بيهن بعد
- يعرج العين والروح والنفس نزل نزوج
- والله ؟
- اي والله متحزم احزام لامج بس انزل اعرس
- انتظرك ههههه
- عدي الأيام مابقى شي وتصيرين مرتي
- والله حلم هذا
- وراح يتحقق
- ياريت والله
- هههه يلا عمري انه اترخص راح
يسحبون الاجهزة
- أخذ راحتك حسيني من يسلموك
الجهاز اتصل بي
- إن شاء الله حبيبتي الله وياج
- دير بالك على نفسك
- وأنتِ هم ...
مر اسبوع وصرت زين رجعت للقتال بالليل وره ماخلصت الاشتباكات ويه عناصر داعش كعدنا
بيت خابرتني ساعة ١١ بالليل كالت
شمس - اقرالي قصيدة
حسين - ياقصيدة تردين ؟
شمس - ياريح الهاب وياك وديني
حسين - تدللين
- ياريح الهاب وياك وديني ...ازور أحباب غياب عن عيني ...سفرهم طال وأنا بهالحال ...ازور أحباب غياب عن عيني ...عليله وذاب دلالي خلص بالآه والونه ...أبوي حسين فارگني وخبر
لليوم مأمنه ...
أخذ وياه كل أهلي قطع رجواي والضنه ...أريد وياك تأخذني يا ريح إلهاب واتعنى ...على النسمات يا ريح خليني ... واشوفن وين وياي دليني ...ضعنهم شال وأنا بهالحال ...ازور أحباب غياب عن عيني ...
شمس - صوتك علاجي وأماني
حسين - روحي شمسي
نهيت الاتصال وياها والظهر صارت اشتباكات عنيفة كلش ويه داعش وصوب يوسف ركضت على يوسف خليت راسه بحضني واضغط على بطنه اجته ضربه
قناص باوع بوجهي وشاهد "
أشهد أن لا إله إلا الله، أشهد أن محمدًا
رسول الله، أشهد أن عليًا ولي الله.
شهك شكهة موت وانكطع خيط النفس
منه كمت اضرب بوجه '
حسين - يوسف ولك يوسف لا تروح
يوسف ارجع يوسف
نور - الله يرحمه ...هنيئاً له الشهادة..
حسين - يوسف مو كلتلي نكمل دربنه سوه
ليش بنص الطريق عفتني ورحت ؟!
نور - ربك حبه واخذه خلني اسد عيونه
سد عيونه نور جروا من حضني ومدوا بالكاع وانه بقيت ابجي عليه بعده بعمر الورد راح بلمح بصر برغم القهر والحزن رجعت اقاتل وراه
ماانتهت الاشتباكات نقلوا الشهداء والجرحة وانه قلبي مفجوع ومجروع على الشهداء والجرحة كساع واكع شهيد وجريح بانفجار لو بعبوة
لو بقتل على يد عناصر داعش الكفرة .
مروا شهرين وانه بالموصل مانازل قلبي مات من كثر المشاهد المروعة اللي شفتها جثث مطشرة بكل
مكان وحيوانات تاكل بالبشر جلاب تنهش
جثث بشر وحتى صارت تهاجمنه تريد تفترسنه هيج توحشت الحيوانات وأصوات مرعبة صارت تطلع بالليل عياط وصراخ بعض الاماكن نسكنت
سكنها الجن وصارت مهجورة ...
كاعد بالكاع حاضن سلاح القناص ماكلني الضيم والتعب والتراب ماشايفين ماي بعيونه اللكمة
الأكل حسرة علينا اتصلت بي شمس ...
- هلأ شمسي شلونج؟
- مو زينة حسيني
- منو وياج ؟
- بنات خالتي يكللي عليش تلبسين عباية
وأنتِ عندج علاقة بحسين
- خل يولن
- حركلي قلبي
- من اجي احركهن
- مو طولت ؟!
- شبايدي شمس هاي دولة وكساع
بقرار شكل طالعت لنه
- يعني ؟
- مادري والله شوكت انزل
- حيل شتاقيتلك
- وانه هم
صار اشتباك بسرعة سديت الخط بوجهها وصرت ارمي وره فترة نزلت كاتلني الضيم والظلايم وضعفان وتعبان اهلي شكوا بي جنت
بالموصل اخواني يدرون بالموصل ومهمة عندي بس ماحجوا وماكلوا لأن هي هاي حياة العسكري
كلها مخاطر وحروب سبحت وبدلت
وجابولي الغدة تغديت..
ابو محمد - شلون حربكم بالموصل ؟
حسين - ياموصل يابة
ابو محمد - مو غشمر كدامك شايف نفسك صاير ولا عبالك أنت متغير وضعفان هذا شكل واحد جان خارج العراق بدورة تدريب شكلك مال واحد بنص الحرب لا شايف ماي ولا شايف اكل
ام محمد - ماتحجي شبيك ساكت ؟!
حسين - هذا واجبي
ام محمد - جنت بالموصل حسييين ؟
حسين - اي جنت بالموصل اقاتل
خليت وكمت تعاركوا وياي بعد ماتروح وتترك العسكرية انه اترك وغيري يترك لعد منو يحامي البدل على حجي أهلي نسلم العراق الداعش
وننقتل وتروح نسوانه وجهالنه سباية ...
العصر كلهم كاعدين وفتحت موضوع
خطوبتي من شمس ...
حسين - اريد اخطب شمس
ابو محمد - وتالي وياك حسين ماجوز من شمس
حسين - يابة شبيك وياي ؟!
محمد - عوف شمس حسين ماوراها غير المشاكل
حسين - شبيكم صرتوا ضدي ؟
عباس - امها ماتقبل تنطيها ونهار كله
تكتل بيها من وراك عوف
البنية حسين عوفها
حسين - والله ماعوفها
خليت وكمت رحت لبيت اهلها دكيت الباب طلعت بوجهي امها ابوها مجان موجود ولا
اخوها مادري وين رايحين ؟!
حسين - هلأ خالة شلونج ؟
ام شمس - لا هلأ ولا مرحبا بيك شتريد جاي ؟
حسين - جاي اخطب ايدج بتج شمس
على سنه الله ورسوله
ام شمس - منين ماجيت ارجع مالك مره عندي
حسين - لا تختبرين صبري
ام شمس - صبرك ونعالي يلااا ولي
حسين - خليني خوش ادمي وياج ومحترمج ..
ام شمس - اتفضل اطلع برره لو ابليك بمصيبة
واخذ منك فصل بررره يلاااا
طلعت شمس تركض وكالت '
يمة انه اخبه واريده
ام شمس - صخام براسج وبراس الخلفوج شمس
شمس - احبه واريده ليش ماتنطيني له
ام شمس - فضحتيني فضحتيني. ..
لزمت شمس موتتها من الكتل جريت شمس من ادينها شمس تبجي وامها تغلط وتسب بيها
بين اديه وشمس تفقد الوعي
ام شمس - متبرية منج إلى يوم الدين
تفلت عليها وطبت جوه بسرعة اخذتها وطلعت بسيارة عباس امي وياي جانت حالتها كلش تعبانة ونفس كل مرة تعبانة ومريضة ...
اجوي اخواني كالوا اتصلنه بابوها كال انه خارج المحافظة ديروا بالكم عليها لما ارجع امها زعلانة منها وماراح تجي عاد كتلهم انه ابقى يمها
باجر الصبح تطلع من المستشفى امي رادت تبقى يمها ماقبلت امي تعبانة ومريضة ..
المهم رجعوا اهلي بقيت يمها بالغرفة حجزت لها غرفة خاصة على حسابي وبقيت يمها اجت
الدكتورة فحصتها وكالت
الدكتورة - الله يشافيها زوجتك كلش تعبانة ؟
حسين - مو زوجتي
دكتورة - العفو لعد شتقربك ؟
حسين - خطيبني
دكتورة - ربي يحفظكم ..خطية عدها
نقص الحديد وفيتامين وفقر
دم حاد ليش ماتاكل ؟
حسين - ضغوطات ومشاكل وجانت سادس
الدكتورة - مابيها غير العافية
وراها راحت صحت شمس رادت ماي انطيتها ماي وبقيت يمها نامت بالليل وانه باوعلها وابجي
مقهور عليها وماعرف شنو تاليتها ؟
ويانه وراح تصير الي لو لا ؟!
اجت الدكتورة مسحت دموعي بسرعة
شافت شمس رجعت كالت ...
الدكتورة - برغم حالتها التعبانة بعدك
متمسك بيها وتبجي عليها ؟
حسين - الإكتفاء بمن تحب لذة لا
يعرف قيمة شباه رجال
الدكتورة - ههه اي والله ربي يحفظها لك ..
صدك وين اهلها ؟ اشو محد اجه ؟!
حسين - رايحين لزيارة
الدكتورة - وعايفينها الوحدها ؟
حسين - مو هي اقاربي وأهلها كل مرة يعوفونها يمنا
الدكتورة - هاا مو اكول مابيها غير العافية
خلت وطلعت شمس تباوعلي صفح كمت كعدت يمها
حسين - هاا شمسي شلون صرتي ؟
شمس - شكو تحجي ويه الدكتورة ؟
حسين - خرب بيومج ههههه
شمس- اموتك حسين بس تحجي وياها نوب
حسين - توبة إذا احجي وياها هههه
شمس- عليش تسأل بيك وتسأل على اهلي شعليها
حسين - شعلينا بيها المهم أنتِ بخير
شمس- اريد اطلع
حسين - بعد وكت
شمس- شوكت اطلع ؟
حسين - الصبح
شمس- هواي تعبانة حسين شوكت ارتاح ؟
حسين - ترتاحين والله يلا ارجعي نامي
والله نامت وانه بقيت مكابلها لوجه الصبح اجت الدكتورة كتبت لها العلاج رحت جبته وراها طلعنا من المستشفى هناك جان اكو محلات قريبة..
شمس- انت بخيل
حسين -ليش؟
شمس- غير تشتريلي
حسين - هههه عمي هسة اشتريلج لتردينه يلا تعاي
طبينه للمحل اشترت حلويات واندومي ...
حسين - شكبرج أنتِ جاهل تأكلين اندومي
شمس - هاااا ليش عصبت ماريد
رجعه وتقبل يضل
بنفسي ؟
- لا ماقبل بس مو زين ؟
- لا زين وانه احبه هههه
- عمي اخذي ههه
- اريد هذاك الدب
- هاهي
اشتريتلها دب والحلويات واجه اخوي عباس وامي اخذونه تونه وصلنا كدام باب البيت وخالها وخالاتها جانن موجودات امها نزلتها من السيارة
وبالشارع كتلت شمس وانه تعاركت وياهم صرنا ملخ ردت اضربهم ماخلوني اخواني . هسة صاروا شرفاء من تخربطت بتهم محد منهم وصل مستشفى
وكال اطمن عليها انذال ...
خالها - ام شمس بتج وحدة ساقطة دواها الذبح
حسين - شوف كدام ناس كلها اذا انت زلمة واخو اخيتك حجي وجيب اسم شمس على
السانك ثق بالله العلي العظيم ....
كص السانك وانت تعرفني فعل سابق
خالها - تهددني ؟
حسين - اهدد وافعل افعال هاي كدامكم إذا صار شي بشمس ثقوا بالله ماخلي واحد بيكم عايش
حتى نسوانكم اكتلها افتهمتوووا
صارت عركة من عركة بيناتنه شحطوني اخواني للبيت للعصر اجه عم شمس واول مرة اشوفه هذا ولا اعرفه وماعرف عليش يكرهني. .؟
عم شمس - اسمع ولك شمس متاخذها
هنا كوه لازم نفسي عليهم على مودها كلت ماريد اعيد خطأ القديم واسوي عركة وتصير كعده
وانطرد من المنطقة والعشيرة ...
حسين - ميخالف
عم شمس - خلص من اليوم أنت بطريق
وبتنا بطريق وان شفناك بطريقها
نزيحك بطريقتنا
حسين - خوش
خله ومشى اهلي حجوا وياي وكالوا هاهي بعد اكطع نفسك من شمس وخلي البنية خطية لا يرحون يذبحونها وانه ادري بيهم كواويد وساقطين
بس على شمس ناذرين لو هم زلم صدك ويخافون على عرضهم مجان خلوها الوحدها بالمستشفى وانه يمها مخافوا عليها مني هسة صاروا زلم براسنه
كله من وره امها وخالاتها ..
صارت مشكلة بيتهم عمها تحسة مرة يدخل بكلشي عليها شمس خابرتني كالت تعاركوا وامي كتلتني وحتى عمي وخالي كتلوني وطعنوني
بشرفي وابوي كاللهم خل يزوجها وهم ماقبلوا تخبلت خبال عليهم ردت اهد عليهم بالسلاح لزموني اخواني وابوي تخربط ونقلنا للمستشفى ...
وراها التحقت للدوام للموصل قتال وره مانزلت الأوضاع هدوء بيت شمس قرب موعد
التحاقي خابرتني شمس ...
شمس - حسين عندي مقترح نسوي
انة وياك علمود نشاوف ؟
حسين - شنو هو ؟
شمس - نروح كربلاء مشتاقة زور وهم اشوفك
حسين - ماشي راح اضبط الموضوع من يمي
شمس- هاهي
المهم سديت الاتصال منها ورحت كلت الأمي روحي بيت شمس كليها عازمين شمس بنات
ونروح كربلاء ويانة
ام محمد - حسين ماجوز ؟
حسين - يمة إذا تحبيني سوي المطلوب
ام محمد - وابوك
حسين - مايدري راح اروح وياكم
ام محمد - شلون ؟
حسين - انه راح التحق على اساس ومناك اجي اشوف شمس والتحق لدوام وراها
اطمني محد راح يعرف
ام محمد - خوش
راحت امي عزمت بنات خالتها يكيفن يرحن وراحت لامها بالأول رافضه من سامعة انه ماروح وراح التحق قابله تروح وجناين واخوي عباس
وأخوها انوار يرحون ...
صادف يوم الاثنين موعد التحاقي اخذت جازة يومين وطلعت الكربلاء هناك التقيت بشمس الوحدنا
ضلينا بين الحضرتين كاعدين ونحجي ...
شمس - احلف بذولة سباع انت تحبني ومراح
تخوني وماتباوع على غيري
حلفت وبها الأثناء بنية تباوع علينا وتضحك ...
شمس - روح خطبها الك عجبتك
جيب رقمها شكو تباوع هااا
- هههه انه شعلي هي تباوع وتضحك
شمس - تعال خل اغطيتك
حسين - ولج شتغطين
شمس - تعال احسلك
جانت جايبة وياها ثوب مال صلاة ...
شمس - نام هنا
حسين - خرب شراح سوين ؟
شمس - نام احسلك
حسين - ياطلابة الماتخلص ههههه
خليت ونمت غطت وجي ثوب الصلاة خربت من الضحك غطت وجي في حيث ماتباوع عليًّ النسوان ادري هسة من حورني اشو اجلح املح هههه
حسين - شمس هم يلا ترجعين
بعدت ثوب الصلاة اباوعلها جانت صافنة بي ...
حسين - هييي شمس وين صافنة ؟
شمس- شوكت اشوفك واكعد وياك كدام الناس
حسين - عن قريب يلا عيني كومي ارجعي
شمس - وأنت ؟
حسين - راح التحق
شمس - دير بالك على نفسك
حسين - وأنتِ هم ديري بالج على نفسج
وماوصيج ماعليج بيهن
شمس - ماشي
ودعتها وطلعت بدون ماحد يشوفني ويحس بي التحقت عدل للموصل وره يومين اتصلت بي تبجي عبالك واحد ميت عدها اخذت قلبي. ..
- شكو شمس ؟
- اظفري نكسر
- خر... ابوج خر... امج وكعتي كلبي هاي
سالفة اظفر طلعت وانه شوف
شعبالي صاير بيج ؟
- مو أحبه
- تحبينه هيج تبجين ولج قلبي وكع
بالكاع شوف شعبالي صاير
- اسفة
- هي مال آسفة شمس انه بيا حال وأنتِ بيا حال
- شبيك ضجت ؟
- شمس بطلي هاي السوالف رحمة
لابوج جاي بعدين احجي ...
وياج في امان الله
سديت الخط وكمت رجعنا واجب جان كلش صعب تحرير مناطق رجعنا للفوج بعد واجب بالليل ساعة ١ ونص كل تعبان ونايم صرخت صفارة
الانذار جهز نفسك وطلع واجب وين
محد يعرف على طريق تعرف؟!
يتبع ....
تنزيل على الفور
novel.download.tips
Comments