الفصل الثالث

...لوحات مُلطخة بالدماء ...

...بِقلمي فطم موفـق 🦅 ...

...لا تنسون التصويت والتعليـق بين الفقرات 📌 ...

...مُتابعة للأنستا fatimalrashd...

^^^•\~•\~•\~•\~•\~•\~•\~•\~•^^^

^^^طلعت من الباب چان الجو تقريبًا مُغربية والجو على ظلام يعني بين الواضح والمواضح وما شاعلين اي نار تنير المكان، ما شفت بس شي اسود عبر من الباب وفتحه بسُرعة وانا صافنة جامدة بمكاني .. سحب شخص ثاني ودخله للبيت وعيوني تدور عليهم حَتى نزلتها للشخص إلي چان گاعد متنچي على الحايط ونزلت عيني أكثر على الدم إلي چان ملوث التراب، ركضت لحضني نفس الطفلة امونة من طلعوا اخذوها ومن رجعوا رجعوها وياهم حضنتها وتراجعت بخوف وشفايفي ترجف بعد ما شفت المكان تنور بالنار من كُل مكان والضوء محاوطنا من كُل الجِهات وشيشة وگعت بنص البيت وبيها نفط ونار ولعت بيها .. سمعت عُمران الي هو نفسه الشخص إلي دمه ملأ المكان يگول بهذيان ما واعي على نفسه : ^^^

^^^- جُنيد راح يحرگون البيت ، جُنيد طلّع نور ... جُنيد نور طلعها من هنا . ^^^

^^^احاول ابلع ريگي ما اگدر من الخوف والرُعب وأنا اشوفه گدامي ينزف ويريد يرفع نفسه بس ما يگدر.. باوعت من الباب مفتوح وأشوف ابوية وعمامي كُلهم واگفين، رمشت بثُگُل وابتعدت من ايد جُنيد ألي چان يحاول يسحبني نطلع من البيت تركت الطفلة بيده ومشيت على كيـف جاي اطلع من الباب لزمني عمران من رجلـي يهز براسه : ^^^

^^^- وين رايحة نور ! خلي جنيد ياخذج منا .. نور راح يحرگون المكان .^^^

^^^بعدت رجلـي منه وخطيت خطواتـي طالعة من البيت وانمحى كُل الخوف الي بداخلـي، حتى دموعـي ما نزلـت ابد.. مشيت بهدوء وانا اشوف عمامي واولادهم والعشيرة كلها متجمعة وبيدهم شُعل نار يريدون يحرگون البيت على الي بيه، غمضت عيني بعد ما وصلتهم وصرت مُقابيلهم همست بِحدة بعد ما فتحت عيونـي : ^^^

^^^- هالتجمُع كُله ما بي واحـد منكم رجـال ولا واحـد ابد، تدرون شنو ؟ انتو لو زلم فعلًا ما چان خليتوا بنتكم تنام عند رجُل غريب، لو زلم ما خليتونـي بحلگ اليسوى وألي ما يسوى على شي تافه واتهام باطل من واحد عديم الانسانية وقذر لدرجة محد يتصورها، انتو عشتوا على شي اسمه دوم البنت خطأ، دوم البنت هي الي تنقتل ودوم هي الغلط بنظركم.. ^^^

^^^تقدمت لأبوية ونزلت دمعتـي وانا احچي : ^^^

^^^- من شبعتني ضرب وطلّعت شعري هذا جدام زلم القرية كلها وملابسي المفتوگة ومشگگة وين چانت رجولتك ؟ ارتاحيت انت من هيچ سويت ؟ رضّيت رجولتك هسه ؟ .. ^^^

^^^ابتعدت منه ومنهم وبصقت على الكُل ورفعت ايدي فوگ : ^^^

^^^- ولا واحد بهاي القرية رجال وشريف، ولا واحد منكم عنده قطرة رجولة، الرسول هو وصّى بالنساء خيرًا يا عديمين الخيـر، فارضين رجولتكم علينا ليش ؟ كُل واحد منكم مگدرته على النسوان بس ومن اجه عُمران كُلكم ختلتوا ببيوتكم ولا واحد طلّع راسه وحچى وگال انا رجال، استقويتوا بس علينا والي يستقوي على النساء بس هذا مو رجال ولا راح يصير رجال بحياته .. الله يلعنكم دنيا وآخرى انتو تستحقون الموت فعلًا ما راح اشفق عليكم ابد .. ^^^

^^^تراجعت بخطوات من صرخة عمي بوجهـي : ^^^

^^^- انتِ عار واختچ عار وامچ عار، كُلكم نزلتوا راسنا .. ^^^

^^^بهالأثناء ما شفت شي بس عُمران شلون گام وشلون گدر يمشي وهو متصاوب ما اعرف بس شفته ساحب عمي وراطمه بالگاع بكُل قوته وعصبية الدنيا كُلها بعيونه، نزل بيه ضرب وصياح بوجهه وكلامه كُله ما مفهوم شي منه.. ^^^

^^^اباوع لجُنيد واگف فاتح عيونه على وسعها وهو يشوف عُمران شخص بي انفصام بشخصيته، ما معقول انسان طبيعي متصاوب وهيج عنده قوة وكُل ضرباته على عمي دَمته بحيث ما گدر يرفع راسه، بينما اولاده يحاولون يطلعونه من ايد عُمران وما يگدرون انگلب وحش وما اعرف شنو الي حرك عصبيته بهالشكل إلي خلاه ما يشوف احد گدامه ولو عمي ميت بيده ما چان راح يهمه اساسًا هو الكلمة المفهومة الي يگولها هي :^^^

^^^- " راح اكتلك، راح احرگكم مثل ما حرگتوا گلبـــي "^^^

^^^وبمحاولة مني أنقذ عمي من ايده انضربت ضربة منه وچاني على صدري حسيت گلبي وگف، تراجعت لورا ودموعي تنزل ونفسي ضاگ، اشوفه حَس على نفسه وباوعلـي بصدمة، أرتفع صدري احاول أسحب الهوا لداخلي بس صعوبة حيـل ما جاي اگدر بعد، راد ياخذني بيده من خوفه عليَّ بس قبل لا يخطو خطوة سبحني عمي عزيز مقيدني وانا روحي تطلع على البطيء .. ^^^

^^^گـــال موجه كلامه لعُمران وهو يقرب شُعلة النار من وجهـي : ^^^

^^^- استسلم عُمـــران كافي ...^^^

^^^توسعت عيون عُمــران بصدمة وبقى صافـن بيه وبالنار الشاعلة يمـي، غمضت عيني منتهية وبدل ما ادعي على نفسي بالموت مثل المرة السابقة چنت ادعي ربي ينقذني لأن انا استحق أعيش، استحق اتنفس من جديد، وحتى لو ما استحق أموت فـ ما اريد الموت على إيد هيچ نماذج .. ^^^

^^^فتحت عيونـي وما زال نفسي ضيگ والنار من قُربها بدت تحرگ وجهـي ^^^

^^^وانا اشوف عُمـران يباوعلي وهو ينزل للگاع بشكل مُستقيم حَتى ثبت على وضعية الركوع، رفـع راسه لعمي عزيز وگــال وعيونه عاكس عليها النار وتلهب بزراقها : ^^^

^^^- استسلم، بس اتركها.. ^^^

^^^نزلت دمعتي بحرگة گلب عليه وهو ملامحه عصبية بس مع هذا تحمل كمية خُذلان وتعب، دفعني عمي بقوة على عُمران وگعت عليه گدر يتمسّك بيه قبل لا ارتطم بالگاع، سحبني لحُضنه ويباوعلي يشوف شلون وضعـي بينما صوت عمي عزيز چان يهز المكان هز وهو منطينا ظهره يمشي ووياه الكُل عدا كم واحد من ولد عمي وكم واحد من زلم القرية بقوا وصار يگول عمي عزيز : ^^^

^^^- احرگـــوهــــم اثنينهــم مع بعض وخلصـونا من كابوس اسمه عُمــران .. ^^^

^^^بينما عُمــران صافن بيه يحاول ينقذني من الوجع الي جاي احسه ما هامه لا عمي ولا اي رجُل ثاني واگف على راسنا يغرگنا بالنفط منتظر موتنا، ولا سمع كلام عمي اصلًا فاصل عنهم وباقي يمسح وجهـي ويرفعني اكثر حتى يساعدني اتنفس ويردد بأسمي على لسانه ما وگف ابد.. رفعت عينــي لعينه وهمست بتعب واضح : ^^^

^^^- عُمــران هاي نهاية الطريــق، كافــي هزيمة منهم، ما راح يتركوني بحالي ابد، انا لازم اموت حتى يهدون وبنات القرية تستقر حياتهم، هسه عليهم استنفار كُلهم اي وحدة يشوفوها يعيروها بيه ويشكون بيها، عُمــران بموتي يرتاحون هواي بنات ما الهم ذنب . ^^^

^^^مسح على خدي وصوته رايح وعيونه ذبلت : ^^^

^^^- انا ما ركعت لعدوي حتى اخليچ تموتين، انا ما اركع غير لله ركعت لعمچ بس حتى انقذچ منهم تريدين هسه اخليـهم يقتلوچ بسهولة ؟ ^^^

^^^مسح الدم الي يم شفتي ورفعني اكثر لحُضنه وهو يباوع للولد يخلون النفط دائر مدارنا ويضحكون بينما عُمــران يباوع لكُل الجِهات وكأنه يخطط لشي چبير، رجـع نزل عينه عليَّ سمعت صوت جُنيــد وهو يصيح التفتت شفته بعيد عنا بأمتار هواي وهو شايل سلاح جبير اطول منه .. التفتوا الولد تحرك عُمــران باوعت اله سحب حبل من ظهره لفه على ايده وهمس بصوت گوة ينسمع : ^^^

^^^- ولا حركة غمضي عيونـچ .. ^^^

^^^سحب نفسه مني على كيف بيد ماخذ حبل قوي والايد الثانية اخذت حجرة من الگاع، مشى بخطوات بسيطة ولف الحبل على رقبة واحد والثاني ضرب الحجرة براسه وگع، التفت على الباقي وهو يگول : ^^^

^^^- بلـــغ عزيز الشُعلة الي حرگت خدها بحرارتها ، بنفسها راح احرگ القرية بمن بيها ووعد الحُر دين وعار عليَّ ما اوفي بوعدي ولو كلفنــي هذا حياتــي . ^^^

^^^راد واحد منهم يرمي الشُعلة المشتعلة بنار على عُمــران كونه غرگان بالنفط وما ان لامست النار جسمه يولّع ... لكِن اجته طلقة طايشة من سلاح جُنيــد وهو يضحك بقوة ويگول : ^^^

^^^- والله خوش اول مرة اجرب اطلق النار، وهم عادي قبل كم سنة طلقت على واحد عار حاول يدنى على بيتي وقتلته بمكانه بس بأعتبار خريج سجون وطلعت منه هسه تعتبر هالطلقة الاولى، هذيج راحت بعذاب سنين بالسجن . ^^^

^^^التفت عُمــران عليه خزره وترك ابن عمي الي چان بيده خانگه بالحبل و گــال اله : ^^^

^^^- عفيت عن ارواحكم كُلكم بس لو شفتكم مرة ثانية صدگونــي اسوي بدمكم عصير واشربه، وهسه بوجهم ورا چلبكم الچبير ووصلوله كلامـي إني راجـع وراح احرگ القرية كُلها عليكم . ^^^

^^^دفرهم جُنيــد باعدهم من هنا تقدم عليَّ عُمــران وهو ينحني شايلنـي من الگاع بدون ولا كلمة، مشى للبيت دخلنـي للغرفة گعدت على الفراش وگام هو طلع صحت وراه : ^^^

^^^- عُمــران .. ^^^

^^^التفت عليَّ بكامل جسمه : ^^^

^^^- هــا نــور هــا.. ^^^

^^^باوعتله بعيون مدمعة : ^^^

^^^- اتركهم، بعضهم ما الهم ذنب . ^^^

^^^غمض عينه ورجع فتحها بهدوء جـــاوب : ^^^

^^^- صيري عديمة رحمة لِأن الي حواليــچ ما يستحقون اي رحمة، وبعد ما شفتي شي ترقبي الاسوء والرُعب الأكبــر . ^^^

^^^گالها ومشى طالع من الغرفة، مسحت على صدري وانا اسمّي بالله على گلبــي الي يأذيني من ضربة عُمــران، رجّعت راسي للحايط ودموعـي على خدي ادعي كل شي ينحل، ادعي كون كل شي صار هو مجرد كابوس بس مستحيل هذا الي عشته والي تحملته يكون كابوس، هذا كابوس واقعي مو بحلم . ^^^

^^^بعد وقت لا بأس بيه دخـل للغرفة بيده ملابس وهالمرة ملابس نسائية باوعت مستغربة من دخلت بنت وراه تشبهه كُلش ونفس عيونه، ابتسمت بحزن وهي تگعد يمي وبيدها ولد يطلع عمره عشر سنين تقريبًا نسخة مستنسخة من عُمــران والبنت حسبالك ثلاثتهم اخوان خاصة عيونهم مكحلة ثلاثتهم مستنسخين عيونهم لبعض .. ^^^

^^^گعدت يمي واخذت الملابس من عُمــران وانا بس صافنة بوجههم گــال عُمــران بعد ما كعد يمي : ^^^

^^^- هاي اختي بتــول .. ^^^

^^^التفتت عليها وانا بصدمة ما فاهمة اي شـي بعـد، ابتسمت وسلّمت عليَّ بعدها قدم عُمــران الملابس الي و گــال : ^^^

^^^- هسه بتول تساعدچ تبدليـن مثل ما ساعدتچ بالمرة السابقة . ^^^

^^^عقلي ما جاي يستوعب اي شي من كلامهم، زين ليش چذب وكال انا بدلت الج !؟ ليش ما عرفني عليها من قبل ؟ كام بعد لحظات وأشر للولد وهوّ يگول : ^^^

^^^- خليل بابا تعــال .. ^^^

^^^باوعت اله صافنة بيه وبالولد شلون ركض لحضنه شاله وهوّ يبوس بيه ويشمّه بقوة برغم بُنية الولد ضخمة يعني مبين چبيـر، طلعوا وسد الباب حچت بتول مبتسمة : ^^^

^^^- يلا اساعدچ تغيرين ملابسچ وهم اخليلچ المرهم احسن ما يتلوثن جروحچ بسبب النفط الي عليكم . ^^^

^^^هزيت راسي گومتنـي طلعنا من الغرفة باوعت چان عُمــران گاعد ويلاعب الولد ومتونسين مع بعض، شعور داخلي ما اعرف افسره مو استغراب وصدمة لأن مبين عليه چبير بالعُمر مو صغيـر ومتوقعته متزوج وعنده عائلة اكيد هاي بس الي زاد استغرابي احس إني شايفته هو وهالولد الي بحضنه، احسهم قريبين حيل لگلبي وشعور الآمان الي احسه وياه غريب ! ^^^

^^^كأنه شخص اعرفه من زمان طويل وشايفه عيونه الزرقاء المُميزة بس وين ؟ ليش هالشعور بداخلي ؟ .. ^^^

^^^اخذتني من ايدي للحمام وبدت تنزعنـي ملابسـي وانا ما وياها صافنة واحاول افهم شي من الي جاي يصير ولمن ما خلصت غسل جسمي انا ما فهمت ولا اكو اجوبة لأسئلتي .. لبسّتني الملابس وطلعنا بعد ما لفت شعري بالمنشفة، دخلنا نفس الغرفة وبدت تمسح جسمي وتدهنه بمرهم اعتقد هيّ مسويته وطول الوقت هادئة ما حچت اي كلمة الا انا سألتها : ^^^

^^^- صدك هذا الولد ابن عُمــران ؟ ^^^

^^^ضحكت وجاوبت : ^^^

^^^- لا ابني بس هو ينادي خاله عُمــران بابا . ^^^

^^^تسائلت مستغربة : ^^^

^^^- ليش وين ابوه ؟^^^

^^^سكتت لدقائق وبعدها جاوبت : ^^^

^^^- چان مسجون، وتوفـى هنــاك . ^^^

^^^التفتت الها متأسفة لكِن چان وجهها ما يوحي بالحزن ابد، استغربت حيل ليش هي ما زعلانة على زوجها ! مُمكن چان شخص مو زين هو صدك مو زين لو زين شيسوي بالسجن !؟ ... تأسفت منها وعدلت ملابسي وگعدت لمت شعري مبتسمة تكول : ^^^

^^^- شعرچ حيـل حلــو وكذلك ملامحچ حلوة وهادئة . ^^^

^^^جاوبتها ببرود وانا صافنة بالفراغ : ^^^

^^^- شنو فائِدته اذا حياتي تعب وهلاك وهزيمة وكُل شي يجي ببالج انا عشته بهاليومين . ^^^

^^^ربتت على كتفي مبتسمة : ^^^

^^^- مُمكن قدرچ احلى من قدر غيـرچ، مُمكن خلصتـي من القرية المنحوسة ذيچ . ^^^

^^^- ما راح اخلص منها ابد، راح يبقون يطاردون وانا انهزم وطول حياتي ما راح استقر بمكان ولا أخلي الناس تستقر . ^^^

^^^سكتت ما جاوبت بعد، اول ما خلصـت كامت بعد ما مددتني بفراش نظيف واخذت الاغراض المتوسخة وطلعت برا الغرفة، بقيت صافنة باللمپات المشتعلة وانا اتحسس خدي الي تحسس من النار وچان شوية ويحترگ، كُل هالشي آثار بس آثار تدل على شنو ما جاي اعرف، ما جاي اربط شي بشي من كُثر الاحداث الي جاي تصير ما عدت افهم . ^^^

^^^بقيت هيچ ما ادري شگد بس صافنـة اريد افهم شي من حياتـي ما گدرت، اندگ الباب مال الغرفة مرتين والثالثة انفتح ودخل عُمــران ووياه بتول والولد، عدلت نفسي ركض الولد الي مبتسم وبيده وردة باوعت اله مبتسمة : هاي الي ؟ ^^^

^^^هز راسه بنعم اخذتها منه وشميتها، چان ولد فاهم وعاقل حيـل من ردت ابوسه ابتعد وهو يباوع لعمران ما اعرف شنو يريد منه، واول ما عُمــران هز راسه بالقبول تقدم الي وباس خدي ورجع حضنّي بقوّة، رفعت إيدي وعيني بعين عُمــران حضنت هالولد وأحس طفولتي رجعت وكأنه حُضن أُمي مو حُضن ولد صغيـر، غمضت عينــي وبداخلـي فاض شعور الآمان والحنية، شددت حضنتي عليه وما ودي اتركه حتى گلبــي الي چان يوجعنـي اختفى وجعه مُجرد ما احتضني .. ^^^

^^^أبتعد مني وراح ركض لعُمران گعد وگعد يمه ومبين مغسّل وچان مبدل ملابسة، همــس بأبتسامة : ^^^

^^^- شلون صرتي ؟ ^^^

^^^- الحمد لله بخير ؛ وانتَ ؟ ^^^

^^^هز راسه مبتسم : لا تخافيـن عليَّ جروح الجسم ما تأثر . ^^^

^^^سكتت عنه التفت على بتول وگال : ^^^

^^^- خوية بتول سويلنا شي ناكله گلبــي جاي يوجعني من الجوع ها صار يومين .^^^

^^^كامت بتول وراح ابنها وراها، التفت عليَّ عُمــران : ^^^

^^^- خدچ بعده يحرگ ؟ خليتي اله مرهم ؟ احترگ چثير مو ؟ ^^^

^^^سأل هواي اسئلة بنفس جرة النفس، جاوبته بهدوء وانا ارفع ايدي لخدي متحسسته : ^^^

^^^- لا تخاف ما بيه شي ولا يحرگ تطمن . ^^^

^^^بقينا ساكتين الا ما دخلت بتول وبيدها صينية اكل، خلوها كدامي وگعدوا حوالينها، ابتسمت وانا اشوفهم مجتمعين وشعور داخلي ما اعرف افسره بس حلو أنُ اشوف عائلة حتى لو من نفرين يگعدون حول صينية اكل وانا الي انحرمت من هذا الشي صارلي كم سنة وابوية ما يخليني اكعد اكل وياه لو يجيب زلم من القرية وياكلون سوا وانا وحدي .. تأملتهم مبتسمة وعيوني تلمع بدموعـي وبديت اكل وياهم مرتاحة .. ^^^

^^^.. مَر كم يوم والوضع هادئ عُمــران يطلع ومحد يسأل ولا احد يعرف وينه، وبتول وأبنها بقوا هنا عندي والولد ودي طول الوقت احضنه يمشي تصير عينــي عليه يلعب تصير عينــي عليه، بقيت اريد بس اعرف وين شايفه شكله هو وعُمران ما جاي اتذكر، بهالأيام فقدت كُلش متهسترة وجسمي كُله يون عليَّ... ^^^

^^^چانت بتول تنطيني علاج وتشربني اعشاب ما اعرف لشنو هي وانام وأحس الوقت كُله دايخـة ومو بوعيي نهائيًا بس أقلها يخفف الوجـع، بيوم چان بليل بالغرفة بس أنا وبتول وعمران والولد ينامون بالغرفة الثانية، اختنگت حيل وتجمعت الدموع بعيوني اريد بس ابچي بقيت بفراشي استغفر وما هدأت ابد .. ^^^

^^^گمت على حيلي بهدوء ومستندة بالحايط لأن دايخة حيـل، فتحت الباب على كيف وطلعت چانت تمطر خفيف... باوعت اكو نار شاعلة بالمكان طلعت للمسطبة الي عُمــران دوم يگعد عليها ويرسم ما اعرف شنو يرسم بس اشوفه من الغرفة من ينفتح الباب..^^^

^^^گعدت ورفعت راسي للسماء ونقط المطر ينزل على وجهـي، ابتسمت وهدأ گلبي وخَفت الخنگة بعد دقائق من گعدتي جوا المطر الخفيف ونسمات الهوى البارد ..تذكرت وجه اختي بآخر مرة شفتها بيه چان عمري 15 سنة وقت گالت وهي تضحك بوجهي : ^^^

^^^- اليوم راح التقي بيه ادعيلنا انتِ گلبــچ صافي، ادعيلنا ننجمع .. ^^^

^^^وبنفس اليوم كشفها ابوية واختفت هي وحبيبها إلي چان يريد يتزوجها بس بكُل مرة چان ابوية يرفضه لأنه فقير وهو چان يريد ابن سلطان يصرف عليه من نذالته وحقارته ضحّى ببنته وهدر دمها بسبب طمعه الحقيـر .. ^^^

^^^لو أختي الثالثة إلي حتى ما اعرف شي عنها مُجرد اعرف عندي أخت ثالثة وهم بسبب أبوية اختفت ومحد يعرف وينها، امي چانت تعرف بس اخذت السر وياها للموت، انا وخواتي ثلاثتنا كُل وحدة هسه بمكان ولا وحدة تعرف عن الثانية شي، مثلًا خواتي هسه يعرفون انا هذا وضعي ؟ يعرفون اختهم عايشة !؟ ^^^

^^^نزلت دمعتي وانا ارفع راسي للسماء وببچي همست وداخلي يغلي : ^^^

^^^- يا رب ما اريد تجمعنـي بيهم بس احفظهم وين ما چانوا وإذا النا لِقاء بالدنيا راح نلتقي وإذا ما النا راح نلتقي بجناتك، بس احميهم يا الله ولا يمسهم شر . ^^^

^^^مسحت دموعي وتراجعت بخوف من شفت باب الحوش ينفتح ردت اصرخ بأسم عُمــران لولا شفته هو الي داخل للبيت، باوع الي مستغرب قفل الباب وتقدم وهو يغطي ملابسه حتى لا انتبه، باوعت بتركيز وانا افتح عيونـي على وسعها گمت على حيلي ومشيت نحوه باعده إيده من الملابس واشوفها مطفر دم عليها وريحتها مو حلوة .. ^^^

^^^رفعت عينــي عليه بخوف دفعته بطرف ايدي وانا أصك على اسناني : ^^^

^^^- قتلت منو ؟ نفذت وعدك مو ؟؟؟ عُمــران شنورهذا الدم عـ... ^^^

^^^ردت اكمل بس ما گدرت خلا ايده على حلكي سكتني وهوَ يحچي : ^^^

^^^- جرحي ينزف .. ^^^

^^^رفعت عينــي اله متوسعة بصدمة وخوف بنفس الوقت، طالـت نظراته وهو مدنگ عليَّ بسبب فرق الطول بيننا، عيونه تلمـع ودوم تعكس النار الشاعلة على عيونه وتحلّى اكثـر.. انتبه لنفسه وبعد ايده من وجهـي مشى عايفني يمسح على جبينه، التفتت اله گعد على المسطبة ورفع قميصه توسعت عيوني وانا اشوف الجرح ينزف فعلًا، ركضت يمه ما اعرف شسوي وانا متوترة وخايفة اريد اساعده واسحب ايدي وارجع اريد اصيح بتول وكل هذا ما واعية عليه اسويه بتوتر وخوف.. ^^^

^^^الا ما مسك ايدي سحبني اله ورفع عينه بعيني : ^^^

^^^- اهدي ماكو ش ي يخوف . ^^^

^^^- شلون اهدأ شوف دمك ! ^^^

^^^كعدني على المسطبة گدامه وحچى ببرود : ^^^

^^^- مو شي يخوف اهدي، هسه انا اعالجه انتِ ليش گاعدة ؟ ^^^

^^^انا صافنة على الجرح ما مركزة وياه وويا كلامه، حسيت بإيده صارت على الشال وبعدها على حنچي يرفع راسـي بس الشال على ايده ما لامس بشرتـي، صارت عينــي بعينه الزرگة همــس بصوت مبحوح : ^^^

^^^- نورا ... ^^^

^^^- هـا عُمــران .. ^^^

^^^غمض عينه بتعب ورجـع فتحها بتعب اكبر وگال گوة مسيطر على روحه : ^^^

^^^- ساعديني اروح لغرفتـي اريد اتمدد .. ^^^

^^^هزيت راسي وانا ناسية نفسي لا ايدي تتحرك ولا رجليَّ گوة يعينوني مو انوب اساعد شخص .. گمت على حيلي وگومته واحد مستند على الثاني وأثنينا متوجعـين فتحت باب الغرفة ودخلنا بالگوة يمشي وأحسه فقد كُلش، نزلته بفراشه وعيني على ابن بتول نايم ما حاسس، مددته بمكانه وغطيته وهو يون من الوجع، خليت ايدي على راسه ما مصخن هواية رجعت عينــي على جرحه بعده يطلع منه دم.. ^^^

^^^تركته بمكانه نايم ودخلت الغرفة الثانية ودنگت على بتول اگعدها وهي گمزت من مكانها تصيح شكو شصار !؟ جاوبتها بخوف : ^^^

^^^- عُمــران .. عُمــران رجع وجرحه جاي ينزف وهسه يهذي ما واعي على نفسه . ^^^

^^^توسعت عيونها بصدمة وخوف گامت ركض للغرفة الثانية ولمن ما لحگتها چانت گاعدة يم عُمــران وتشوف حرارته وتنزل لجرحه، بعدها گامت وصارت مدري شتحضر اعشاب ومرهم وشي شراب شربته واستمر هذا للصبح نحن گاعدين يمه وهو غافي ما حاسس لكن الجرح وگف الدم بعد ما بتول عالجته والصراحة ما فهمت شي شلون تعالج واختفى الدم ! ^^^

^^^چانت الليل كُله گاعدة يم راسه وصافنة ايدها على خدها، انتبهت الها اكثر من مرة تنزل دموعها وهي تباوعله وتباوع لأبنها وما سألت لأن ما من حقي إني اسأل ، مو زين منهم مگعديني عندهم وعُمــران انقذني من عمامي اكثر من مرة ومُمكن هالجرح بسببي.. ^^^

^^^من سمعت صوت الأذآن گمت على حيلـي وتوضيت برا ورجعت للغرفة الثانيـة صليـت بصعوبة صح لأن ما اترك صلاتي لو مهما صار، رفعت ايديَّ لله وانا بسجادتـي وبدأت ادعـي لنفسي والله يحمي عُمــران من عمامي وينصر الحق دوم وللأبد ... ختمت دعائي ولأول مرة ادعي التقـي بخواتـي إلي ما اعرف همَّا عايشين لو ميتين.. اشوف اخوية وينه وليش ما سأل عني !؟ معقولة كُلهم تركونـي وما فكروا بيه ابد ! ^^^

^^^انهيت هذا الدُعاء بدموع وأنهيار ومية الف فكرة وسؤال براسي بس ما الهم جواب، حسبي الله ونعم الوكيل بأبوية الي خلاني بهالحالة وكُل هالأفكار والأسئلة براس بنت بعُمري، حسبي الله بيه لأن زرع شعور الخوف والنُقص والقرف والخُذلان بگلبــي وما خلاّ اي احد من عائلتنا مرتاح وفرحان ولا لم شملنا ابد.. صرنا كُل واحد بديرة بسببه وهوَ الي يهمه القرية ومرجلته گدامهم . ^^^

^^^گمت على حيلي وانا أسبح لله واتحمد على كُل شي .. ^^^

^^^رجعت لغرفة عُمــران وانا اباوع لبتول نايمة على چتف عُمــران وهو كذلك غافي بس من تعبها الواضح ما گدرت تقاوم النعاس اكثـر، تقدمت وانا اخذ البطانية وغطيتها، رفعت عينــي صارت على خليل تقدمت على كيف وكُلي خوف احد يحس عليَّ، چان نايم ما حاسس ابد قربت ايدي لشعره ومسحت عليه بحنية ودمعتـي بطرف عينــي ما اعرف ليش حبيته واحس بشعور غريب كُل ما اشوفه ما اعرف شنو الشعور هذا بس راح اتخبـل منه، دنگت عليه وبسته براسـه وانا أشم عُطره البريئ .. ^^^

^^^ابتعدت بسرعة خفت احد ينتبه الي، طلعـت من الغرفة وانا اباوع الهـم مبتسمة ودموعـي بعيـني على بتول وعُمران ما اعرف ظروفهم شنو بس حلو أنُ الأنسان يكون عنده اخ وأُخت.. حلو الأنسان يكون عنده أُم تحن عليه وتمسح على راسه وقت يكون متألم ونايم .. ^^^

^^^سديت الباب ومعاها نزلت دموعـي على حالي ووضعـي، على وحشتي ووحدتـي وانا عايشة بين ناس غريبة برُغم انا عندي اهل، عندي اخ واخوات وأب بس وينهم ؟ كُلهم نسوا أُختهم نسوها نسيان ولا كأنه بيوم لعبنا مع بعض بخوش البيت ! ولا يوم طلعنا مع بعض وزگينا الزرع إلي چانت امي زارعته.. نسوا كُل هاي الطفولة ونسوني معاها . ^^^

^^^مشيت للمسطبة وگعدت وعيني بكُل مكان بالبيت ودموعـي ما وگفت ابد، طلع ضوء الفجـر وصار يجي صياح الديچ ومر الوقت وصار صبح وانا ما زلت على نفس گعدتـي، انفتح باب الغرفة التفتت شفتها بتول من شافتني استغربت گعدتي هنا تقدمت وهي تحچي : ^^^

^^^- نورا شمگعدچ لهسه ؟ ^^^

^^^- اساسًا ما نمت بقيت گاعدة ما اجاني نوم .. ^^^

^^^مسحت على شعري بحنية : ليش حبيبتي شفتي كابوس شي ؟ ^^^

^^^هزيت راسي بلا وجاوبت : ^^^

^^^- چنت افكـر ليش محد تذكرنـي والكُل نسانـي ! ^^^

^^^تبسمت بحزن وربتت على كتفـي : ^^^

^^^- ماكو انسان ينسى انسان يحبه، اكيد زعلانة لأن اهلچ ما سألوا عنچ بس تعرفين عادات القرية انتِ . ^^^

^^^ضحكت وهزيت راسي : ^^^

^^^- انا الي اعرفها على كُلٍ مو مُهم انتِ ليش گعدتي ؟ ^^^

^^^- رايحة عندي شغلة بس عينچ على عُمــران ما اطول انا مشوار وارجـع . ^^^

^^^استغربت طلعتها الصبـح بس ما بينت هزيت راسي بقبول وهي اخذت عبايتها وطلعت، بقيت گاعدة حايرة شسوي هنا وشنو اتصرف بقيت وقت غارقة بالتفكيـر والأسئلة الي براسي اريدلها جواب.. بهالأثناء سمعت صوت جاي من الغرفـة گمت على حيلي بعدها ودخلت چان ببالي عُمــران محتاج شي ويناديني لأن چان يلفظ أسمي .. ^^^

^^^باوعتله نايم بقيت صافنة شبي هذا ناصب عليَّ؟ ردت اطلع لولا نطقها مرة ثاني : نورا .. ^^^

^^^التفتت عليه چان نايم بس يهذي بأسمي، تقربت منه وگعدت خليت ايدي على گصته حرارته مرتفعة شويه بقى يهذي بأسمي الا گعد خليل وبقى صافن بخاله وحالته الغريبة هاي، تقدّم اله ويحاول يصحيه بينما عُمــران فاقد كُلش وما زال ينطق بأسمـي، قربت إيدي لإيده لزمتها مستغربة : ^^^

^^^- عُمــران .. انا هنا . ^^^

^^^باوعلــي خليل صافن بيدي الي بيد عُمــران ورجع باوع لعمران وهو يهمس : ^^^

^^^- نورا لا تتركيـني. ^^^

^^^الوضع بيه غرابة ليش يطلب مني ما اتركه شبيه ! ^^^

^^^ضغط على ايدي قوي وهو يفتح عينـه بتعب وشفايفه ترجـف وتلفظ اسمـي ^^^

^^^الا ما صحى على نفسـه باوع النا بعيون ذبلانة، ساعده خليل ينتچي على الحايط وما زالت ايده بيدي، نزل عينه على ايدينا وبقى صافن بيها ثواني ورجع يباوعلي تركت ايده بنفس اللحظة وتراجعت بتوتر : ^^^

^^^- انا.. انا بس چنت تهذ.. اقصد چنت تناديني وانا لزمت ايدك اطمنك انا يمك. ^^^

^^^گمت على حيلي تاركته صافن بيه ما مستوعب شي .. ^^^

^^^دخلت الغرفة الثانية وسديت الباب بقوة وگلبــي ينبض بقوّة، افكر شنو يگول عليَّ وشنو يفكر من شاف ايدي بيده وانا إلي لازمتها، غمضت عيوني من الفشلة ومن القهر إني لمسته بأرادة ومو وقت الحاجة بقيت استغفر والقهـر والندم ياكُل بيه .. ^^^

^^^بعد وقت مو طويل اندگ الباب رفعت راسي بخوف وبقيت صافنة بالباب لحظات الا صوت عُمــران طلع التفتت اله طلع هو وخليل سانده، فتح الباب چانت بتول ابتسمت وهي تدخل وبيدها سلة بيها مغطاية، خلتها على المسطبة ونزعت عبايتها ملتفتة على عُمــران : ^^^

^^^- طلعت لبيتي جبت شوية اغراض وهسه رجعت . ^^^

^^^هز راسه مميله يباوعلها : ^^^

^^^- ليش رحتي وحدچ يا عينــي ما يصير ... ^^^

^^^ما ردت عليه مشت للمطبخ ووياها السلة، مشى عُمــران لبوري المَي وغسل وجهه سمعت صوت بتول تناديني : ^^^

^^^- نورا تجين تساعديني لو ما بيچ حيل ؟ ^^^

^^^- لا جايتچ حبيبتي .. ^^^

^^^دخلت المطبخ وبدت تحضر الريوگ واسمع صوت عُمــران يحچي مع خليل بس ما افهم صوتهم ناصي، بينما بتول تحاول تحچي وياي هواي حتى لا تحسسني بالغرابة.. بعد ما كملنا بعد وقت الريوگ اخذناه للحوش فرش عُمــران فرشة بالگاع وخلا الصينية وگعدوا هم حول الصينية صبت بتول الچاي وعمران يگول موجه كلامه الي : ^^^

^^^- نورا خلصي عندي شغلة اريد اشوفچ اياه .. ^^^

^^^تساءلت بفضول مُغلف بحماس :  شنو هي ؟ ^^^

^^^هز راسه مبتسم : ^^^

^^^- شوية وتعرفين لا تستعجلين على شي كل شي مكتوبلچ راح تشوفي بوقته . ^^^

^^^سكتت منزله راسي كملت الأكل بسرعة اشرت بتول للغرفة وگالت : ^^^

^^^- اكو شراب تشربي بعد الأكل الصبح وبعد الأكل بليل حتى يخفف وجع الجروح الي بجسمچ، مشيت للغرفة اخذ الشراب وشربت منه شوية وتركته باوعت لوجهـي بالجام مال المكتبة ما چان يبين من الجروح والزراگ بسبب الضرب، الناس شلون جاي تباوع بوجهي عادي انا بنفسي خفت !؟ ^^^

^^^نزلت دمعتي وانا ارفع اكمام الدشداشة واشوف ايديه جسمي كُله مُشوّه ! ^^^

^^^ما اعرف اتحسب على منو واعوف منو، محد حَس بيه ولو شوية كُلهم اتفقوا على موتي، مسحت دمعتـي ومشيت للباب ردت اطلع لولا صوت عُمــران وبتول يحچون، ما اعرف ليش بقيت واگفة هيچ اسمع شنو يحچون !؟ ^^^

^^^چان الموضوع يخصني ويگول الها : ^^^

^^^- ما راح يتركوها بتول، تعرفين ما يتركوها الا احد يتزوجها . ^^^

^^^حچت بعصبية بالگوة مسيطرة على صوتها : ^^^

^^^- تزوجها انت عُمــران، ماعندها غيرك . ^^^

^^^باوعلها فاتح عيونه على وسعهم بصدمة : ^^^

^^^- انا ! انا اتزوجها بهالوضع !؟ شبيچ بتول لخاطر الله افهميني ! ^^^

^^^قدّمت وجهه عليه وهمست بعصبية : ^^^

^^^- عُمــران لا تخبلني انت من البداية ردتها هسه ليش ما تتزوجها !؟ ^^^

^^^ضرب گصته وعيونه گلبت حُمر.. گام على حيله ويمسح وجهه بعصبية بعدها رجع گعد يريد يطلع الكلام ما يعرف شلون يحچي ويطلع السالفة من حلگه .. بقى ثواني هو يحاول يطلع الكلام وما يعرف شلون، دغته بتول وحچت : ^^^

^^^- عُمــران شبيك فهمني ؟ ^^^

^^^رفع ايديه لوجهه وبعدها التفت لبتول يمتمت بالحچي : ^^^

^^^- بتول افهميني، البنت نضربت ضرب انا رجال لو بمكانها ما چان تحملته ، بتول البنت مايصير تنضرب هيچ ضرب هي بنت ! ^^^

^^^غمته بتول ورفعت ايدها صاكة على سنونها : ^^^

^^^- يعني شنو شنو الي صار صار هاي هيَّ والبنت هسه عايشة وما بيها شي الحمدلله شتريد يعني ؟ ^^^

^^^گام وهو يضرب المسطبة بعصبية رافع ايده لراسه ويفتر بالمكان چانوا بس هو وبتول گاعدين خليل ما اعرف وينه ، رجــع بعصبية صاك على سنونه وگـــال بوجه بتول : ^^^

^^^- هي مو بنت .. مو بنت بتول مو بنت . ^^^

^^^توسعت عيونها بصدمة وحچت بخوف متسائِلة : ^^^

^^^- شقصدك عُمــران !؟ شنو مو بنت !! ^^^

^^^بلعت ريگي وانا اباوع الهم ودموعي تنزل بخوف واحس رجليَّ ما تحملني من الصدمة، ضرب رجليه وهو رافع ايده بوجه اخته : ^^^

^^^- مو اجيتي وغسلتي الها معقولة ما انتبهتِ ؟ من جبتها هنا چانت منتهية هي بسبب هالشي حيلها راح . ^^^

^^^من الصدمة ما صرت اشوف گدامي ردت استند بالباب بس عبرت رجلـي واجيت اوگع لولا صار ايد گدام بطنـي، وويه ما وگعت على هالأيد شكو شي بمعدتي استفرغته واحس گلبــي راح يطلع وياه .. انحل جسمي اكثر وما عاد سيطرت عليه ولا الي ماد ايده سيطر عليَّ نزلت للگاع ووگع الشال ونزل شعري بطوله يمكن مُقدر لهالشعر يتعذب وياي كُل ما تعذبت من شي نزل هذا الشعر بالتراب نفسها الي ينزل بيها دَمي وتنفتح جروحـي .. ^^^

^^^درت وجهـي اشوف وجه عُمــران مغوش من الدموع المتجمعة بعيوني، ومن الجهة الثانية بتول وخليل همست بترجّي وشفايف ترجف : ^^^

^^^- عُمــران .. ^^^

^^^مسح الدموع من وجهـي وحچى بخوف : ^^^

^^^- عيونـــي .. ^^^

^^^رجف گلبــي وانا اهمس بكلمات بعد فُقدان الأمل والخُذلان والذل والأهانة والأتهامات الباطلة بعد كُل شي عشته تأكدت انا ما الي حياة حلوة مثل ما فكرت بالبداية انا ما راح ارتاح، راحتي الوحيدة هي إني أموت، حتى لو عشت راح تبقى هاي الجروح ندبات مُستحيل يمحيها الزمن، الي عشته وجاي اعيشه مو سهل هو بنفسه جاي يگول انا رجال وما اتحمل هذا الضرب والمُعاناة الي عاشتها بنت بعُمري فَكيف انا راح اتحمل ؟ بعد شنو راح اشوف وشنو اكشف وبعد چم صدمة راح انصدم ! ^^^

^^^نــور : اقتلنـي وريحّنــي الله يخليك، اتركني لعمامي خلي يقتلوني وهم يخلصون وهم انت تخلص وانا اخلص . ^^^

^^^اخذ من بتول القماش ومسح شفايفي وخدي الي متلوث بالتراب والي فرغته من معدتي، ومسح بنطلونه الي توسخ هم، وبعدها رفعنـي شايلني وهامس : ^^^

^^^- بتول لمي شعرها وخلي شالها .. ^^^

^^^رجع باوع عليَّ بنظرات تحدّي : ^^^

^^^- ما اتركـچ تموتين بهيچ تُهمة باطلة وتبقين على لسان اليسوى والي ما يسوى سنين طويلة، القرية هذيچ راح تنمحي من الوجود بس صبـر . ^^^

^^^گعدنـي على القماش الي چان مفروش بالگاع وگعد يمـي يمسح على ايدي وعينه بعينـي چان گاعد وانا ساندنـي على كتفه، حسيت بيه بعد الشال لم شعري زيـن ورجع خلاه ولفه زيـن هامـس بصوت ناصـي : ^^^

^^^- اهدي محد يعرف ولا احد راح يعـرف بشي . ^^^

^^^جاوبته بروح مسلوبة : ^^^

^^^- الدليل الوحيـد الي يثبت انا بريئة من كُل التُهم الباطلة هسه ماكو اي دليل يثبت، خلاص انتهيت انا . ^^^

^^^- انتِ ما تحتاجيـن دليل حتى تثبتين الهم انتِ بريئة، انتِ بريئة وطاهرة گدام رب العالميـن وهذا يكفـي . ^^^

^^^غمضت عينــي حابسة دموعـي وايدي على گلبــي اريده يهدأ ما هدأ ابد وبتول تمسح بوجهـي وتغسله وما فاد شي ولا هدأت ابد... بعد دقائق من هذا كُله اندگ الباب بعدنـي عُمــران منه وصاح بتول تگعد ورايَّ حتى استند عليها، گعدت وگام هو.. ^^^

^^^فتـح الباب وما صرت اسمـع بس بهلا بالحبيب وهلا بالأخو.. ^^^

^^^دخـل الشخص إلي چان يحاجيه عُمــران وظهره عليَّ چان ببالي جُنيــد بس هذا صوته يختلـف ومو غريب عليَّ ابد بس من دوختـي وتعبي ما ميزته ، باوع الي عُمــران مبتسم ورجـع باوع للشخص هذا وگـــال : ^^^

^^^- نــور اختـك هنا .. ^^^

^^^توسعت عيونـي بصدمة وانا اباوع للشخص بعد ما التفت عليَّ مصدوم، بقيت صافنة عليـه ما مستوعبة شي !! بلعت ريگي بخوف وصدمة وانا اهمس بحروف متقطعة ما مستوعبة منين يعرف عمران وشجابه ووين چان كُل هالمُدة تاركنـي !، سندت ايدي على المسطبة وگمت واهمس بأسمه وشفايفي ترجـف : ^^^

^^^- علـــي ..! ^^^

^^^ يتبــــــع 💀 .. ^^^

*** قم بتنزيل NovelToon للاستمتاع بتجربة قراءة أفضل!***