When Your Girlfriend Is Addicted To Bl Series

"Baby, samahan mo na kasi ako manood!"

Patuloy kong niyuyugyog ang balikat ng boyfriend kong si Clint. May bago na kasing release na episode 'yong pinapanood kong BL series at gusto kong ipanood din sa kaniya 'yon.

"No," Nakasimangot nitong tanggi.

"Sige na kasi! Papakita ko lang sa'yo!"

"E, straight nga ako tapos panonoorin mo ako ng ganiyan."

Napailing naman ako sa kaartehan niya.

"Isang episode lang 'yon, ipapakita ko lang sa'yo!"

Muli lamang ako nitong inilingan. Uminit naman bigla ang ulo ko sa inasal niya.

"Ang arte mo! Ipapanood lang naman e! Bahala ka nga kung ayaw mo!" Singhal ko sa kaniya bago magmartsa papasok sa kwarto.

Bahala siya sa buhay niya. Kalalaking tao ang arte. Ipapanood lang naman, siya pa may ganang tumanggi. Ang gwapo-gwapo pa naman ni Sarawat at Tine.

Sa kalagitnaan ng panonood ay biglang bumukas ang pinto ng kwarto ko. Hindi na ako lumingon dahil alam kong si Clint 'yon.

Dahan-dahan nitong ipinulupot ang braso niya sa baywang ko. Biglang nanuot sa ilong ko ang bango niya ngunit hindi ko 'yon pinansin.

"Baby, I'm sorry..." Bulong nito.

Tutok na tutok lamang ako sa panonood. Titili na sana ako dahil sa kilig nang maramdaman kong isinusuksok na ni Clint ang kaniyang mukha sa leeg ko.

"Ano ba, Clint? Nanonood ako."

Namumungay ang mata nito nang mag-angat siya ng tingin. Sumimangot siya nang makita ang magkasalubong kong kilay.

"Mamaya ka na lang manood. Akala ko ba magb-bonding tayo?" Nakasimangot nitong tanong.

"Kaya nga kita niyayayang manood, e! Ito 'yong bonding na tinutukoy ko!" Pagturo ko pa sa laptop na nasa kandungan ko.

"But this is not the bonding that I've expected. Uuwi na lang ako, Klein. Manood ka na lang dito."

Hindi ko na pinansin ang pagd-drama niya't ipinagpatuloy na lamang ang panonood.

"Omyghad! I-kiss mo na! Bilis!" Tili ko habang sinasabunutan ang sarili.

Kahit pa nakatodo na ang aircon ay ramdam ko ang pagtagaktak ng pawis sa noo ko.

Adik na yata ako.

Napahinga naman ako nang maluwag nang sa wakas ay natapos na ang 4 parts ng isang episode na 'yon. Next Friday pa ang update kaya manonood na lang muna ako ng iba pang series para hindi mabore.

Nagtaka ako nang hindi man lang nakareceive ng kahit isang message mula kay Clint.

Is he mad? Dahil lang sa hindi kami nakapagbond? E, siya naman 'yong may ayaw e.

Kaagad naman akong nagtipa ng mensahe.

To: Clint

Uy, Clint! Galit ka ba? Sorry ha? Kasalanan mo naman kasi, e. Ipapanood lang naman sa'yo. Good night, sleep well and I love you.

Pagkasend ng message na 'yon ay naghintay ako ng ilang minuto para sa reply niya ngunit walang dumating. Napasimangot na lamang ako bago itabi ang cellphone.

Baka nga galit 'yon.

Kinabukasan ay nagising ako dahil sa ingay na nagmumula rito mismo sa kwarto ko. Nang bumangon ako ay bumungad sa'kin si Clint.

Nandoon siya sa couch at hawak-hawak ang laptop ko.

"Good morning, baby. Bilisan mong mag-asikaso, magd-date tayo." Nakangiti nitong sambit habang ang mata'y nakatutok lamang sa screen ng laptop.

"Hindi ka galit?"

Umarko ang kilay nitong tila nagtataka.

"Why would I? E, hindi ko naman kayang magalit sa'yo."

Ramdam ko naman ang bahagyang pamumula ng pisngi ko kaya't dali-dali na akong nag-asikaso.

Pagkalabas na pagkalabas ng walk in closet ay nakita ko ang maayos na pagkakalatag sa baba ng kama ko. May mga pagkain na rin do'n at nakabukas na ang flat screen TV sa harapan namin.

"Huh? Dito tayo magd-date?"

Napatingin ako bigla sa dress na suot ko. Marahan nitong hinila ang kamay ko bago paupuin.

"This is what you want, right? And what my baby wants, my baby gets."

Mangha akong napatitig sa kaniya. Agad niyang pinindot ang remote control at sumalubong sa akin ang tugtog ng isa sa mga paborito kong BL series.

"If you're addicted to BL series then let's be addict together. I love you so damn much, Klein."

written by john patrick

***Download NovelToon to enjoy a better reading experience!***