Kuch kahaniyaan likhi nahi jaati… woh bas dil se nikalti hain.

Ye ek aisi kahani hai ek ladki ki, jo sabke beech hokar bhi akeli hai.

Woh hansti hai, baatein karti hai, sabko lagta hai uski zindagi perfect hai…

Lekin sach yeh hai ki uski rooh andar se tooti hui hai.

Uska ek raaz hai… ek tamanna.

Ek aisi mohabbat ki tamanna, jo sirf uske khayalon mein hai.

Ek aisa chehra jo usne kabhi dekha nahi, ek aisi awaaz jo usne kabhi suni nahi—

par phir bhi woh uski zindagi ka sabse important hissa hai.

This is not a love story between two people.

This is a journey of one heart… searching for someone who never existed.

A love so deep, yet so invisible…

A desire so strong, yet so unreal.

Ye kahani sirf ek ishq ki nahi hai…

Ye kahani hai ek tamanna-e-ishq ki.

Some stories are not written… they are born from the heart.

This is the story of a girl who looks surrounded, yet lives in loneliness.

She laughs, she talks, and the world believes her life is perfect…

But the truth is, her soul is quietly breaking inside.

She carries a secret… a desire.

A desire for a love that exists only in her dreams.

A face she has never seen, a voice she has never heard—

and yet, it feels like the most important part of her life.

This is not just about love…

This is about a longing — TAMANNA - E - ISHQ

NOW THE STORY STARTED :

Raat ka sannata hamesha uske dil ko aur zyada bhari kar deta.

Din mein woh ek normal ladki thi—doston ke saath hansi-mazaak, family ke saath pyari si beti, aur duniya ke liye ek strong aur khush insaan.

Magar jaise hi andhera chhata, uska asli chehra samne aata… ek aisi ladki jo khud se lad rahi thi, jo khud ko samajhne ki koshish kar rahi thi.

She was surrounded by people, yet she was alone.

She was loved by many, yet she felt empty.

She laughed the loudest, yet cried the hardest when no one was watching.

Woh roz raat bed par late hue apne dil se ek hi sawal poochti —

"Kya kabhi koi aayega jo mujhe waise samjhe jaise main hoon? Jo mere muskaan ke peeche छुपा dard dekh sake?"

Aur phir uske khayalon mein ek chehra ubhar aata…

Aisa chehra jo usne kabhi dekha nahi tha, par mehsoos kiya tha.

Aisi aankhein jo uski rooh tak dekh leti… aisi baatein jo uske zakhmon par marham ban jaati.

Uska dil maanta tha, ek din woh shaks uski zindagi mein zaroor aayega.

Lekin uske dimaag ko pata tha… shayad woh shaks kabhi exist hi nahi karta.

Aur tabhi uske dil se halki si aawaaz nikalti—

"Kya tum waaqai ho… ya sirf meri tamanna?"

Usne apni balcony me chand ki roshni me usko mohsoos kiya per usko pata hai kohi nhi hai wo akeli hai tab wo apne bad per lat gahi for sochne lagi ankhe band karke for wahi nazar ah raha tha jisse me mehsoos karti hai

Raat aur gehri ho gayi thi.

She turned on her side, clutching her pillow tightly, jaise us pillow mein hi uski duniya simat gayi ho. Aankhein band karte hi woh apne khayalon ki duniya mein chali jaati thi… ek aisi duniya jahan woh akeli nahi hoti.

Uske sapne mein ek chehra tha — na poora clear, na poora dhundhla.

Aisi aankhein jo usse dekh kar kehti thi “tum meri ho”.

Aisi muskaan jo uske dil ki saari khamoshi tod deti thi.

"Tum itni udaas kyun ho?"

Usne dheere se uske kaan ke paas kaha, uski saanso ki garmi uske dil ki thandak tod rahi thi.

Ladki ne aankhen jhuka kar kaha—

"Kyunki main tumhe chhoon nahi sakti… tum meri duniya mein ho hi nahi."

Woh shaks halka sa muskuraya, uska chehra apne haathon mein lete hue—

"Main tumhare dil mein hoon… aur dil se nikle hue log kabhi door nahi hote."

Uske hoth uske hothon ke bohot kareeb the, jaise agla pal sab kuch badal dega.

Par jaise hi usne usse chhoone ki koshish ki… sapna bikhar gaya.

Aankhen khuli toh sirf khamoshi thi, ek suna sa kamra aur takiye par geeli nami.

Aur usne dheere se khud se kaha—

"Shayad tum kabhi the hi nahi… par fir bhi, main tumse mohabbat karti hoon."

Subah ka suraj kamre mein ghus aaya tha.

Woh khidki se aati roshni ke saath aankhen kholti hai, jaise zindagi usse fir ek din jeene ka hukm de rahi ho.

Mirror ke saamne khadi hoke usne apne chehre par wohi muskaan lagayi jo duniya dekhna chahti thi.

"Tum strong ho, tum perfect ho, tumhe kuch nahi hua..." - yeh shabd woh roz apne aapko kehti thi, jaise koi mantra.

College mein doston ke beech woh hamesha funny girl bani rehti thi.

Sabko lagta tha woh duniya ki sabse zyada khush insan hai.

Hansi, mazaak, selfies, insta stories... sab perfect.

Par har joke ke baad ek chup thi jo sirf usse sunayi deti thi.

Har selfie ke peeche ek aansu tha jo kabhi samne nahi aata.

"You are so lucky yaar, tumhari life kitni perfect hai!" - dost aksar kehte.

Aur woh sirf muskura kar kehti, "Haan, shayad..."

Lekin uske dil ke andar ek aawaaz roz fhoot padti-

"Kaash koi ho jo is mask ke peeche mujhe samajh sake... jo meri hansi ke andar छुपा dard dekh sake."

Aur har raat ki tarah, din ke beech bhi uska dil usi ek shaks ko yaad karta...

jo sirf uske sapno mein tha.

Us din college ke canteen mein sab dost hansi-mazaak kar rahe the.

Table par jokes chal rahe the, kahaniya, future ke plans... sab khush the.

Tabhi uski sabse achhi dost apne boyfriend ka haath pakad kar usse introduce karwaati hai.

Woh dono ki muskaan, unki chhoti chhoti nok-jhok, unke beech ki woh chhupi si chemistry... sabne uske dil par ek chot kar di.

Sab dost has rahe the, woh bhi hansi.

Par uski hansi mein ek khamosi thi jo sirf usne mehsoos ki.

Dil ke andar awaaz aayi-

"Mere paas aisa koi kyun nahi hai? Kya main itni buri hoon... ya meri kismat itni adhoori?"

Usne turant phone nikala, apna mask maintain karne ke liye ek aur selfie kheench li.

Filter lagaya, muskaan chipkai aur insta story mein post kar diya-

"Life is beautiful 💕✨"

Aur sabne reply kiya- "Wow queen!" ... "so pretty yaar!" ... "perfect smile 😍"

Par koi nahi samjha ki us smile ke peeche ek aisi khwahish thi jo kabhi poori nahi ho sakti.

Sham ko ghar aakar woh apne kamre mein gir gayi.

Diary kholi aur likha- uski diary ka name heart hai .

"Aaj fir ek din guzra... jisme sabko laga main strong hoon.

Par main strong nahi hoon... main sirf ek natak kar rahi hoon.

Mujhe sirf ek chehra chahiye jo meri khamosi ko samajh le.

Woh chehra jise main har raat apne sapno mein dekhti hoon...

Aur jaanti hoon, woh kabhi meri zindagi mein aayega hi nahi."

Uske haath diary par the, par aankhon se aansu beh kar pages geela kar gaye.

Aur us raat bhi usne dua ki-

"Ya Khuda, agar woh haqeeqat nahi hai... to meri khwahishon ka silsila kyun hai?

Rote Rote wo so gahi base zindagi se bhagkar uske pass jana chahti hai jo uska intezar kar raha hai.

Us raat neend aayi, par neend ke saath uski wahi duniya aayi-

sapno ki duniya, jahan woh sirf uska tha.

Chandni raat thi, hawa halka sa chal rahi thi.

Woh ek purani bench par baithi thi, jahan uske paas woh aaya.

Uski aankhon mein ek nasha tha, ek sukoon tha, jo usne duniya mein kahin mehsoos nahi kiya tha.

Woh uske paas aakar baitha, aur uski taraf dekh kar muskaraaya-

"Tumne mujhe yaad kiya... aur main aa gaya."

Uski aankhon se aansu beh gaye, par usne jaldi se palak jhuka li.

"Tum kyun aate ho har raat? Tum to meri zindagi mein ho hi nahi...", usne poocha.

Woh haans kar bola,

"Shayad isiliye, kyunki tumhe sabse zyada meri zarurat sapno mein hi hai.

Main tumhara sach nahi hoon... par tumhari tasalli zaroor hoon."

Usne uska haath thaama, aur uski aankhon mein seedha dekh kar bola-

"Par main tumhe chhod kar kahin nahi jaaunga. Jab tak tum chaho gi, main tumhara hoon."

Usne us dil se fir se ek sawal uthaya...

"Agar tum sirf mere imagination ho... to kya tum mujhe waise hi pyaar karte ho jaise main karti hoon?"

Aur uski aankhon mein ek chamak thi jab usne jawab diya-

"Pyaar insaan se hota hai ya rooh se? Agar rooh se hota hai... to tumhara pyaar sach hai.

Aur main tumhari rooh ka hissa hoon."tumhara hu sirf tumhara

Wo chup ho gayi... uske dil mein ek ajeeb sa sukoon tha.

Ek khayali sukoon.

Ek aisi mohabbat... jo asal mein thi hi nahi, par phir bhi sabse gehri thi.

Usne usko gale lagaya base ke wo uska kab se intzar kar rahi thi rohi itna ki usko ehsas nhi ki wo kaha hai bhut usko mehsos ho raha tha wo wahi hai uske pass.

Or fir usne uske kano me dheere se kaha me fir ahuga tumhe esa hi pyar karne sukoon se sulane jase hi sapne me uske jane ka ehsas hua tu wo dar kar jag gahi dekha ki subha ho gahi usne apne khuli diary dekhi or likha

"Kya mohabbat zaroori hai insaan se? Ya sirf ek tasavvur bhi zindagi chalane ke liye kaafi hai?"

Subah jaise hi khidki se dhoop andar aayi, usne apne aap ko muskaan pehna di.

Chehre pe wo nakli roshni thi jo har din duniya ko dikhani padti hai.

Dil to raat ki thakaan se abhi bhi bhara tha, par duniya ko to bas ek "strong girl" chahiye.

collage pahunchte hi logon ki khilkhilahat, hasi-mazaak shuru ho gayi.

Sab apne apne doston mein masroof the...

Par wo sirf apne aap ke saath.

Ek dost ne hansi udate hue kaha:

"Tum na hamesha chup rehti ho... boring ho bilkul."

Dusre ne hans kar taana maara:

"Dekho iski life mein koi hai hi nahi... isi liye itni udas rehti hai."

Unki baaton ne uske dil ko chhuri ki tarah chhed diya.

Chehre pe muskaan lagi rahi, par dil ro pada.

Usne bas itna kaha:

"Main theek hoon."

Aur wapas apni duniya mein kho gayi.

Shaam tak muskaan ka bojh utna bhaari ho gaya ki bas chalna mushkil ho raha tha.

Ghar laut kar jaise hi darwaza band kiya, saari taqat nikal gayi.

Aansu apne aap behne lage.

Usne diary kholi aur

Dil ne khamosi mein ek hi naam pukara-

"Kaash tum hote..."

Aur jaise uske dil ne khud se jawab diya ho, woh saamne aa gaya.

Na poori tarah real, na poori tarah sapna... lekin utna haqeeqi ki uski saanson ki garmi mehsoos hone lagi.

Usne dheere se kaha-

"Tum ro kyun rahi ho?"

Aankhon ke aansu uske galle par behti rah usne kaha "Kyuki main thak gayi hoon... sabko apni muskaan dikhate dikhate.

Sabko lagta hai main strong hoon, par asli main andar se toot chuki hoon."

Woh ek kadam kareeb aaya, uska chehra apne haathon mein le kar-

"Tumhe sab ke liye strong ban'ne ki zaroorat nahi. Tum jaisi ho, waise hi khoobsurat ho. Tumhari kamzori bhi ek khoobsurti hai."

usne ne aankhein jhuka li.

"Duniya kabhi mujhe samajh nahi paayi... mujhe lagta hai main hamesha akeli rah jaaungi."

Woh muskuraya, uske ansu apni ungliyon se poochte hue-

"Duniya samjhe ya na samjhe... par main hamesha tumhe samajhta hoon. Tumhari khamosi bhi mere liye ek kahani hai."

Dil zor se dhadakne laga usne dheere se poocha-

"Tum to sirf mere sapne ho na? Tum kabhi meri zindagi mein nahi aaoge?"

Woh uske aur kareeb aaya, uski saanson ki garmi uske hothon tak pahunch gayi.

"Main tumhari zindagi mein hoon ya nahi... iska kya farq padta hai? Main tumhari rooh mein basa hoon.

Aur jab tak tum mujhe chahti ho... main hamesha yahin hoon, tumhare paas."

"Aaj mujhe bohot bura laga... unhone kaha ki main boring hoon... ki meri zindagi mein koi nahi. Kya main waise hi akeli rah jaaungi?"

Woh kareeb aaya, uske aansu pochhne laga-

"Unka kehna tumhari sachchai nahi hai. Tum boring nahi, tum gehri ho.

Log gehraai ko samajh nahi paate... aur woh tumhare layak bhi nahi."

usne kaha "Par mujhe lagta hai main kabhi khush nahi ho paungi..."

Woh muskuraya aur uske kaan ke paas jhuk kar kaha-

"Jab tak main tumhare sapno mein hoon... tum kabhi akeli nahi ho.

Aur ek din tum samjhogi, ki tum meri ho... sirf meri."

Heroine ne aansuon ke beech hansi nikali.

Dil ne khud se kaha-

"Kaash tum sach hote..."

Aur phir sapna bikhar gaya.

Kamra phir se khaamosh ho gaya.

Sirf diary ke panne geele ho rahe the... aur ek khwahish chal rahi thi:

"Tamanna-e-Ishq... tu kab haqeeqat banegi?"