الحياة تمشي، طفل ينولد بالجنوب وشايب يموت بالشمال وحرمه تولد بالغرب واثنين يعرسون بالشرق
كل واحد تختلف حياته عن الثاني والرفاهيه مب عند كل شخص.
هالة وسراج هُم شخصين تزوجو زواج تقليدي وحبوا بعض بعد الزواج بكم شهر ربي رزقهم هبه مولودة وسموها وُصايف، عادات وتقاليد القبايل قديماً كانت "متخلفة" وجاهلة ويوم دروا ان مولود سراج وهالة هي بنت قاموا يواسونهم بدال لا يباركون لهم، وطبعاً سراج كان من اكثر الناس المتمسكين بالعادات والتقاليد بس ما رضى على بنته وزوجته.. خلنا نرجع لذيك الليله قبل لا يسافرون سراج وهالة لجدة
*بعد شهر من ولادة وصايف بنت سراج وهالة، كانوا جالسين ف خيمتهم*
سراج : علامس يا مره زعلانه؟ شصاير وشبلاس؟
هالة : تسألني شفيني يابو وصايف؟؟ منت شايف الناس طالعه راده عندنا بس يعايرونا ببنتك؟ بس يقولون لي ياعزتي لتس والله يصبركم!! ترضى علينا هالكلام؟
سراج : وانتي تسمعين لهم؟ .. ترا والله يا بعدي من يمشي ورا كلام الناس ما يعيش ولا يسلم..انتِ بس قولي لي شتبين اسوي؟ امريني يا بعدي وما يصير خاطرس الا طيب
هالة : ابي نطلع من الديرة
(نهاية المقدمة)
NovelToonتم نشر هذا العمل بترخيص من وصايف NovelToon ، والمحتوى هو فقط وجهات نظر المؤلف الخاصة ولا يمثل الموقف الذي يشغله
سمرة الغروب تعليق