الفصل الثاني

رغم أن خالد كان يتسم بخفة الظل والروح المبهجة، إلا أن حبه لمنى ورفض أبيها الدائم له، جعل الحزن وشاحا دائما على وجهه... حتى لاحظ جده (-والذي كان يقترب من عامه الثمانين، وكانا يعيشان سويا منذ وفاة والدي خالد-) حزنه الشديد بعد رفضه لتلك المرأة، واقترب منه وسأله:

- انت لسه زعلان؟.. انت المفروض خلاص اتعودت..

رد خالد:

- مش متخيل إني اشوفها لحد غيري.. ومش عارف ابوها عايز إيه.. مش عارف إن زمن المعجزات انتهى

- وانت هتقعد جنبي كده حاطط ايدك على خدك؟!

- طب هعمل ايه؟

ضحك الجد مداعبا له:

- لا.. انت احسنلك تدفن نفسك في سرداب..

فلمعت عينا خالد.. وكأنه تذكر شيئا ما:

-السرداب..

وأكمل:

- جدي.. انت فاكر لما كنت صغير، وكنت لمل اعيط تحكيلي عن قصة السرداب الموجود تحت بلدنا.. وأنك نزلته من أكتر من خمسين سنه؟

رد الجد مبتسماً:

- ايوه طبعاً فاكر لما كنت بتعيط.. تحب افكرك بأيامك..

ضحك خالد:

- لا.. تحكيلي عن السرداب.. ونزولكم له..

فصمت الجد متذكرا:

- يااه..دي ايام فاتت من زمان.. كنا اربع شبان بنحب الشقاوة.. وسمعنا كلام كتير عن كنز موجود في سرداب بيعدي تحت بلدنا.. وأن السرداب ده زمان كان مخزن كبير للاغنيا وقت اي غزو..

-الكل كان عارف أن السرداب موجود فعلا.. بس محدش جرب ينزله لانه مسكون بالعفاريت، وان الي هينزله مش هيخرج منه.. بس احنا رمينا الكلام ده ورا ضهرنا.. وقلنا لازم ننزل..

كنا عارفين إن باب السرداب موجود في بيت مهجور في البلد.. وأن هناك صخرة كبيرة موجودة على الباب ده.. وفي ليلة توكلنا على الله.. ورحنا للبيت ده في السر وقدؤنا نحرك الصخرة وبدأنا ننزل واحد ورا الثاني.. ومع كل واحد فينا لمبة جاز.. وبعد ما نزلنا سلم طويل لقينا نفسنا في نفق.. ومشينا كام خطوة في النفق ده لحد ما بقينا مش قادرين ناهذ نفسنا.. و فجأة انطفت لمبات الجاز كلها في وقت واحد.. وصرخ واحد فينا: "عفريت".. وبعدها كل واحد خد ديله في سنانه.. ورجعنا جري على برة.. وركبنا بتخبط في بعضها.. ومن وقتها ومحدش فكر إنه ينزل هناك.

فضحك خالد:

- بس هتفضل ذكرى حلوة.. كفاية انكم مخفتوش تنزلو.. حتى لو اخدتوا ديلكم في سنانكم..

فعقد الحد حاجبية مازحاً:

- متقولش لحد حكاية ديلنا دي..

*****

بعدها عاد خالد إلى حجرته.. وحاول أن ينام، ولكنه لم يغمض له جفن.. يفكر كثيراً فيما أخبره به جده.. هو يعلم أن ما سمعه يبدو أسطورة.. ولكن السرداب موجود بالفعل، وجده لا يكذب قَط.. ثم نظر فجأة إلى الورقة المكتوب فيها سبب رفض والد منى.. أنه يؤيد شخصاً فريداً.. شخصاً يرضي جنونه..وحدث نفسه..أنه بن يتزوج غير منى وألا فلن يتزوج..ثم علا صوته:

- فيها إيه لو نزلت السرداب.. افرض كان فيه كنز موجود فعلا..

ثم صمت، وتحدث لنفسه وكأن شخصاً آخر يحدثه:

- كنز إيه.. ده كلام مجانين.. متنساش أن السرداب مسكون عفاريت وأشباح..

ثم عاد مجدداً:

-لو كنت جبان متستحقش منى.. انت عاجبك حياتك كده.. خريج كلية تجارة وشغلك ملوش أي صلة بالتجارة.. درست أربع سنين عشان تخرج تشتغل في مخزن أدوية.. ولولا انك عايش مع جدك كان زمان مرتبك خلصان نص الشهر.. لو كنت بتحب منى اثبت لفسك ولها انك بتحبها فعلا..

- لو لقيت الكنز ده هتكون أشهر واحد في البلد دي.. لأ في مصر كلها.. لأ في العالم كله.. لو ملقتوش، كفاية انك حاولت..

ثم انتفض من سريره.. وأخرج صورة لمنى.. ونظر إليها قائلاً:

- انا هنزل السرداب ده.. هنزل مهما حصل.. وان كان ابوكي مجنون.. فأنا أوقات كثيرة بكون الجنون نفسه..

*****

السرداب؟

خالد؟

منى؟

جد خالد؟

والد منى؟

هيحصل ايه يا ترى خالد هيعمل ايه؟

*** قم بتنزيل NovelToon للاستمتاع بتجربة قراءة أفضل!***