Chapter 15

Mere boss ne mujshe apne cabin mei bulaya. Jaise hi mai unke cabin mei gayi, mere boss muskurate hue bole, "Nisha, baitho." Unko apne samne wali chair par baithne ka ishara kiya. Aj woh ache mood mei lag rahe the. Mai chair par baithne ke bad boli, "Sir, apne bulaya." Woh bole, "haa, you know your paintings was amazing. Everybody appreciated it." Mai muskurate hue boli, "Thank you sir." Woh serious hote hue bole, "Actually, meri wife ko tumhara kaam acha laga. Agar tum chaho toh woh tumhari help kar sakti hai." Mai samjh gayi ki woh kya kehna chah rahe the isliye muskurate hue boli, "Sir, I am so sorry. Par maine kabhi professional ki tarah nahi socha. It's my hobby that's it." Woh thoda udas hote hue bole, "It's ok. I can understand. Har kisi ki apni soch hai lekin kabhi as a professional socho toh mera offer hamesha valid hai tumhare liye." I smiled, "thank you sir."

Woh ek cheque mere ko dete hue bole, "Yeh tumhari painting ka payment hai."

Mai thoda hichakte hue boli, "Sorry Sir, I can't accept it. Maine paintings isliye banayi kyuki apne bola. Aur rahi cheque ki baat. Kyu na hum dinner ka plan kare waise bi kafi time ho gaya pura department ko sath mei kahi gaye."

Woh thoda sochne ke bad bole, "it's great idea. I will discuss it with senior. let's see what they say."

I nodded. Exhibition project success hua tha isliye meri company mei acha environment tha. Ab hum dusre project par kaam kar rahe the. Jab meine apne colleagues ko dinner ki baat batai toh woh ready ho gye.

2 din baad humne dinner ka program banaya. Maine bua ki ko bol diya tha ki aj dinner par apne colleagues ke sath ja rahi hu isliye mere liye dinner na banaye aur raat ko ane mei bi der ho jayegi.

Woh boli, "thik hai. Lekin agar jayada der ho th Raman ya fufa ji ko call kar du lift ke liye."

Mai muskurate hue boli, "bua ji, chinta mat karo apne kisi colleague ko bol dugi."

Woh muskurate hue boli, "apna Dhyan rakhna."

Raat ko dinner par jana tha toh aj maine dress pehenti thi kyuki aj sabhi ache se ready hokar ane wale the.

Jab office pauchi toh sabhi excited the dinner ke liye. Office hours pata nahi chala kam finish ho gaye.

At Last, hum sab restaurant mei dinner ke liye pauch gayi. Hum sab 11 log the. Mere boss ne phele se hi table book kar rakhi toh hum logo ko pauchte hi apni table par settle ho gaye.

Mere boss stood and bole, "aj ka bill Nisha ki paintings se aur joh extra ayega woh mai pay karuga. Toh guys, full enjoy karo aj."

Hum sabne milkar boss ko thanks bola aur clapping ki. Uske baad, hum sabne apni apni pasand ka order kiya. Boss ne drinks bi order ki. Boss ne ek glass uthate hue bola, "It's for Nisha."

Hum sabne ek dusre glass uthaye aur ek dusre ke sath click kiya. I took a sip and it's really tasty. Meri college somya boli, "Nisha, tum kyu exhibition mei nahi ayi? Tumhari paintings ki sab tarif kar rahe the aur puch rahe the ki painter kaun hai?"

Maine apne hairs apne ear ke piche kiye aur boli, "Us din mujhko kuch personal kaam tha."

Sabhi ne hami mei sar hilaya. Phir humne idhar udhar ki bat ki. Aur ek colleague Raju ne jokes sunaye toh hum bahut hase. Isi tarah hum apna dinner enjoy kar rahe the. Kabhi koi kisi baat par cheers kar raha aur kabhi boss ki tarif mei. Yeh baat sach thi ki hamare boss bahut cooperative the. Aur mujshe pata hi nahi chala kab mai 4 ya 5 glass drinks pi gayi. Mujshe thoda chakar sa laga toh mai samjah gayi ki I am drink. But I tried to control myself. Waise bi sabne drink ki hui thi toh sab thoda thoda drunk the. Sab has rahe the aur baat kar rahe the humko time ka pata hi nahi chala.

Tabhi ek colleague boli, "oh shit, it's 11 pm. I think hum sabko ghar jana chahiye." Toh dusri colleague boli, "baith na yaar, wese bi kal Sunday hai. Aj kitne dino baad sab sath mei baithe hai. Aur aisa mauka milta hi kaha hai."

Sabne haa mei sar hilaya. Phir hum log apni apni baat baithne lage. Koi apna experience bata raha tha koi joke suna raha tha. I excused myself and went to bathroom for washing face with water.

After freshing, jab maine apna face pani se saaf kiya toh thoda acha laga. I adjusted my makeup and came out. Lekin jab apni table par gayi toh ek insaan ko dekh kar mai chauk gayi ki yeh yaha kar raha hai?

Mere boss mere ko dekh kar mere ko ane ka ishara kiya, "Nisha, come here." Jaise hi mere boss ne bola, usne meri taraf dekha aur muskaraya. I adjusted my dress and went to my boss, "yes sir."

Mere ko boss ved ki taraf dekhte hue bole, "Mr singhal, it's Nisha. Maine bataya tha na ki apko woh paintings iski thi."Aur meri taraf dekhte hue bole, "Nisha, It's Mr Singhal, exhibition sponsor."

Ved muskurate hue khada hua aur side hug dete hue bola, "Nisha, tumne bataya nahi ki tum exhibition mei participate liya aur mujshe bataya nahi."

Mujshe samjh nahi aa raha tha woh aisa behave kyu kar raha hai woh bi mere colleagues aur boss ke samane. Sab hamko ghur rahe the. Sab kya kare soch rahe the sabke face par clear tha?

Mere boss ne pucha, "tum dono jante ko ek dusre ko?" Ved ne haa mei sar hilaya par isse phele woh muh kholta, maine jawab diya, "Actually, hum family friend hai."

Ved kuch sochne ke bad muskurate hue haa mei sar hilaya.

Mere boss bole, "Nisha, tumne phele kyu nahi batya ki tum Mr singhal ko janti ho?"

Maine jawab diya, "kyuki mai nahi janti thi he is sponsor."

Ved ne bataya, "aur mai nahi janta tha ki yeh yaha job karti hai."

Fir ved mere se bola, "Nisha, you drank?"

Maine haa mei sar hilaya toh woh bola, "Lets go. It's already late. I will drop you."

Maine uski taraf ghur kar dekha toh usne Sunil ki taraf ishara kiya. tab mere Dhyan mei aya ki Sunil bi waha tha. Woh humko ghur kar dekh raha tha. Wese sabhi humko ghur rahe the.

I nodded and boss se boli, "Sir, ab mere ko jana chahiye."

Mere boss bole, "fine... Monday ko milte hai."

Maine apne colleagues ko goodbye kiya and udhar Ved ne mere boss se handshake kiya.

Fir usne mera hath apne hath mei liya. Actually, I was shocked because of his behaviour. Jab hum bahar restaurant aye aur maine dekha mere office ka aas pass koi nahi hai. Mai uska hath jhakte hue boli, "Ved, What is it?"

Usne apna hath jisse kuch der phele mera hath pakada tha woh dekha fir kuch der baad mere taraf dekh kar bola, "Nisha, kyu kya hua?"

Mai gusse mei apne hairs khichna chahti thi ki woh aise innocently kaise puch sakta hai? Usko pata nahi ki usne kya kiya? Maine ek gahari sas li aur boli, "kya tumko pata nahi tumne kya kiya? Tumko sabko batane ki kya jarurat thi ki hum ek dusre ko jante hai?"

Woh mere ko dekhte hue bola, "kyu? Kya tum mere ko nahi janti?"

Mai frustration se boli, "Par sabko batane ki kya jarurat thi? Tumko pata hai ki tumne kitni badi problem create kar di mere liye? Sab hamare bare mei galat sochenge?" .kuch der sochne ke baad bola apne shoulders uchate hue bola, "I don't care what other thinks about me when I am not wrong. Aur Nisha, maine tumhari help hi ki. Last time, tumne Sunil ki nahi bataya tha ki mai tumhara boyfriend hu. Yeh tumhara thank you bolne ka tarika hai."

Mai apne gusse ko control karte hue boli, "Usko mai baad mei sambhal leti lekin ab sab sochenge ki hamare beech mei kuch hai. How will I explain them?"

Woh mere karib ate hue bola, "do you want me to explain them? Let's go inside. I can explain them."

Agar ek murder maaf hota toh sach mei mai usko mar dalti. Maine gusse mei apne pair pathke aur usko thoda push karte boli, "koi jarurt nahi hai."

Usne haste hue mera hath apne hath mei liya aur bola, "ghar chale."

I tried to push my hand away from his hand but usne aur tight se pakad liya. At last, apne har man li aur hum uski car mei baith gaye.

Uski car mei baithne ke baad maine gusse mei apna sar seat ki back par rakha aur ankh band kar li. Usne car start ki. Kuch der baad woh bola, "Woh paintings tumne banayi thi toh Vedika ka potrait bi tumne banaya na?"

Bina ankh khole maine haa mai sar hila diya toh usne phir pucha, "toh tumne sabse jhooth kyu bola?"

I sighed and looked at him. Woh road par dekh raha tha driving karte hue lekin jab usne notice kiya ki mai usko dekh rahi hu toh meri taraf dekh kar muskuraya. Mai window ke bahar dekhte hue boli, "kyuki mai unko batana nahi chahti thi." Woh fir pucha, "kyu?" "Because it's my secret and I don't want to share with you."

Usne baad usne kuch nahi pucha. Maine ankhe band ki aur pata nahi kab mai car mei hi so gayi shayad drink ki wajah se.

Koi mere chehre ko touch kar raha tha. I was feeling comfortable and warm. Koi mere naam le raha tha, "Nisha" Maine hmmm kiya aur jis cheek par hath touch ho raha tha udhar ki taraf apni garden turn ki jisse hath mere cheek ke niche aa gaya. Maine fir apna naam suna, "Nisha"

Maine irritation ke muh banaya aur awaz fir unsuni kar di kyuki mai sona chahti thi aur pata nahi kaun mere neend kharab karna chahta tha.

Tab maine kisi ke hasne ki awaz ki. Fir mujshe yaad aya ki mai ved ki car mei thi last time. Maine apni ankh kholi toh dekha. Ved ka face mere face ke pass tha aur woh has raha tha jabki uska ek hath mere cheek aur seat ke beech mei tha.

Jaise hi maine hamari suitation dekhi, mai sidhe baith gayi. Woh bola, "tum car mei so gayi thi. Mai tumko uthane ke liye awaz lagai par tum sun hi nahi rahi thi isliye...."

I nodded and bola, "thanks lift dene ke liye."

Usne haa mei sar hilaya diya. Jaise hi mai car se bahar ayi woh bi car se bahar se bahar aakar mere taraf aya.

Mai neendo mei thi isliye jaise hi maine chalne ki kosis ki I lost my balance. Lekin mere niche girne se phele Ved ne musjhko pakad liya. Uska hath meri waist par tha aur uska face mere pass jisse mai uski sas apne face mahsus kar sakti thi. Maine uske face ki taraf dekha aur pheli bar mujsko feel hua ki sab thik bolte hai woh really handsome hai. Mai uska face apni fingers se touch karna chahti thi. Hum ek dusre ki ankho mei dekh rahe the.

***बेहतर पढ़ाई का आनंद लेने के लिए नॉवेलटून को डाउनलोड करें!***