BAD NEWS

Pag kauwi ko ng bahay galing sa school nadatnan ko si mama na umiiyak. Ma, bakit ka po umiiyak? Unang beses ko syang makitang umiiyak ng ganon. Masayahin kasi si mama at sobrang positibong tao.

Niyakap nya ako ng mahigpit.

“Anak lagi mong tatandaan na kahit anong mangyari mahal na mahal ka naming ng papa mo.” Ma, ano po bang

nangyayari? Bakas ang pag aalala sa tinig ko.

Ang papa mo… natuklasan ko na may iba na syang pamilya sa ibang bansa. Kaya pala hindi na sya umuuwi kahit natatapos na ang kontrata nya yun pala ay may iba na syang pamilya.

Natulala ako at di nakapag salita. Bumuhos na lang ang luha sa mga mata ko. Galit ako kay Papa. Galit ako sa kanya kasi sinaktan nya si mama at di nya pinahalagahan ang pamilya naming.

“Anak, alam kong magagalit ka sa papa mo dahil sa ginawa nya pero hindi dapat. Lagi mong tatandaan na kahit anong mangyari sya pa din ang tatay mo. Masakit, nakakapanglumo hindi ko alam kung pano magsisimula ulit pero

kailangan natin magpatuloy sa buhay.” Niyakap ko ng mahigpit si mama. “Ma, pangako di po kita iiwan. Lagi lang akong nandito para sayo. Mahal na mahal po kita.

Pagkatapos ng paguusap namin ni Mama ay umakyat ako sa kwarto para makapag isip at iproseso sa utak ko lahat ng pangyayari . Di ko napigilan ang sarili ko na hindi mag message kay papa. Gusto kong malaman kung anong maling nagawa namin para gawin nya ito sa amin ni mama. gusto kong malaman ang reason bakit nya kami ipinagpalit sa iba. Hindi nya ba kami mahal kaya nya ginawa sa amin ito?

Pa, Bakit? Bakit mo po kami sinaktan ng ganito?Anong nagawa naming masama ni mama? Pumunta ka po dyan sa ibang bansa para mabigyan kami ng magandang buhay ni mama pero ito po ba yung magandang buhay na yon? Magandang buhay po bang matatawag ang pagkawasak ng pamilya natin? Kung may nagawa po kaming masama sana po nagsabi po kayo para naayos po natin yung problema. Kung may pagkukulang po kami bilang anak at asawa sana po nagsabi kayo para nakapag adjust po kami. Hindi yung ganito na akala namin okay pa ang pamilya natin yun pala sira na.

Sabi ni mama wag daw po  akong magalit sayo pero sa totoo lang po hindi ko alam kung paano hindi magalit dahil sa ginawa mo.

Anak, patawarin mo ako. Hindi ko gustong masira ang pamilya natin. Nadala ako sa sobrang kalungkutan at pangungulila sa inyo. Alam ko na hindi sapat na rason ito para pagtakpan ang pagkakamaling nagawa ko sa inyo ng mama mo pero sana dumating ang panahon na mapatawad mo ako.

Binasa ko ang sagot ni papa sa message ko. Hindi ako kuntento sa paliwanag nya. Hindi namin deserve ni Mama na masaktan ng ganito. Bakit sya lang ba ang nalungkot? Sya lang ba ang nangulila? Kami din naman ni mama nangulila sa kanya. Ang sama sama nya!

Sa kakaiyak di ko na namanlayan na nakatulog na pala ako.

Ginising ako ni mama para kumaen ng hapunan. Bakas sa mga mata nya ang sobrang kalungkutan pero pilit syang ngumingiti para ipakita sa akin na okay lang sya.

Hanga ako sa katatagan na ipinapakita ni mama. Alam ko na sobrang sakit para sa kanya ang ginawa ni papa. Nakita ko kung gaano nya kamahal si papa at kung gaano nya tinitiis na hindi ito makasama para mabigyan

lang ako ng magandang kinabukasan.

Sana masamang panaginip lang lahat ng ito. Sana pag gising ko bukas maayos na ulit ang lahat. Sana buo pa din ang pamilya ko at hindi totoong niloko at ipinagpalit kami ni papa.

***Download NovelToon to enjoy a better reading experience!***