002 : THE SAVED

002 : THE SAVED

Pagkatapos mag-haponan ay dumiretso na sa kanya kanya nilang mga cottage ang pamilya ni Ica. Sa isang cottage ay kasama ni Ica ang Mama at si Kuya Aaron niya. Nakapatay na ang lahat ng ilaw at tulog na din ang lahat, maliban sa kanya.

Hindi alam ni Ica kung bakit gising pa rin siya ngayon, kung dahil ba ito sa insomnia niya or sa pag-o-overthink niya sa nangyari kanina na kasama si Ivan. Hanggang ngayon ay hindi pa rin siya makapaniwala na nagkita sila ulit at makakasama pa niya ito sa 2 linggo ng pananatili nila dito sa resort.

Simula nung magka-gusto siya kay Ivan ay hindi talaga pumasok sa isip niya na mangyayari ito sa kanya.

She is just simply admiring him from afar before, and Ivan was so out of her league.

Gwapo, sa sobrang gwapo nito ay famous ito sa buong school, pero kahit ganun, simple at lowkey pa rin ito. Total opposite ni Ica na isang nobody.

Ngayon friends na sila, pero andun pa rin ang hiya ni Ica na hindi mawala wala. Sinusubukan naman niyang kumalma sa tuwing nakikita si Ivan pero hindi talaga niya macontrol ang sarili. Kaya minsan, kusa nalang siyang lumalayo.

Alas 12 na ng madaling araw, at hindi parin siya makatulog. Kinuha niya ang notebook niya sa bedside saka marahan na bumaba ng kama, binuksan ang pinto saka lumabas ng cottage nila.

Napaka-tahimik ng paligid, sobrang maaliwalas ang ihip ng hangin na bumungad sa kanya. Hindi rin masyadong madilim sa paligid dahil sa ilaw na nagmumula sa malaking buwan, kaya natatanaw pa rin niya ang mga attractions sa di kalayuan at mga katabing cottage.

Nagtataka siya kung saang cottage kaya naroon si Ivan, at kung natutulog na rin ba ito ngayon. Umupo siya sa coffee table sa labas ng cottage nila at napatingin sa langit, sabay buntong hininga.

" Kung ganito lang sana kapayapa ang mundo ", bulong niya sa sarili. Binuksan niya ang dala dalang notebook at nagsimulang magsulat ng journal entry niya ngayong araw, at sa huling pahina nito ay ang guhit niya ng buwan at ang naka-ngiting mukha ni Ivan.

Naalimpungatan si Ica dahil sa maliwanag na ilaw na naaninag niya kahit nakapikit siya. Napakunot siya ng noo at napakurap.

" Good morning, anak. Bat dito ka natulog sa labas? ", bungad sa kanya ng mama niya na kakalabas lang ng cottage nila at parang kakagising lang din nito.

" Nagpapahangin lang po ako kagabi, di ko po namalayan na nakatulog na po pala ako ", sagot nito.

Napangiti naman ang mama niya sa kanya.

Nag-ayos na sila ng mga gamit sa loob ng cottage, naligot nagbihis saka pumunta sa main building ng resort para sabay na mag-agahan kasama ang buong pamilya.

Kaagad na pumunta si Joshua kay Ica at sumabay ito sa pagkuha ng pagkain sa catering. Magkasama din ito sa table, masayang nagku-kwentuhan ang iba pero si Ica ay tahimik lang na kumakain sa gilid.

Nang matapos sila ay nagyaya namang mag-swimming ang Kuya Aaron ni Ica at kaagad naman na pumayag ang iba. Nag-sipagbalikan sila sa kani-kanilang mga cottage para magpalit ng pang-swimming na damit. Suot suot ang kanyang rashguard at hanggang tuhod na cycling ay dumiretso si Ica kasama na ang kanyang pamilya sa malaking pool.

Dahil sa hindi marunong lumangoy at sa takot na baka malunod ay nanatili lamang sa gilid si Ica at hindi bumaba sa pool, tahimik lang na pinapanood ang pamilya niyang masayang lumalangoy sa malawak na pool.

" Ica! Goodmorning ", kaagad na napatingin si Ica sa gilid niya dahil sa pamilyar na boses, at nakita si Ivan na naglalakad papalapit sa kanya. Nakasuot ito ng puting t-shirt at cargo shorts.

" Hi ", mahinang wika ni Ica, pero narinig naman iyon ni Ivan kaya mas lalo itong napangiti.

Napayakap naman sa sarili si Ica hindi dahil sa lamig kundi dahil nahihiya ito sa kanyang suot, hindi kasi ito sanay na magsuot ng mga fitting na damit.

" I saw Josh in the pool and kinda thought you were here also, then I found you here at the side. That's your fam? ", wika ni Ivan ng makalapit na ito kay Ica, at umupo katabi nito sabay turo sa pamilya ni Ica na kasama ni Joshua.

" Yeah ",

" Why not join them? Josh is having a really good fun ", sambit nito habang masaya ding pinapanood si Joshua at family ni Ica sa pool.

" I don't know how to swim ", naiilang na sagot ni Ica.

Napalingon naman sa kanya si Ivan at malungkot na tinignan ito habang nakayuko sa pool.

" I see, I'm sorry. Ako din hindi marunong ", malungkot na wika ni Ivan at tahimik na tinignan si Ica ng hindi nito alam, nakayuko kasi ito sa pool at parang malalim ang iniisip.

If only he could do something. Sa isip niya. Kahit siya kasi mismo ay hindi marunong lumangoy. Napalinga linga siya sa paligid at may nakita. Napangiti ito sa naisip at nagpaalam kay Ica.

Maya maya pa ay nagulat na lamang si Ica kasi may biglang tumama sa kanya. Bubbles.

Napaka-raming bubbles. Nakita niya si Ivan na masayang nakangiti sa kanya hawak hawak ang bubble gun na pinanggagalingan ng bubbles. Kahit anong iwas niya ay tinatamaan siya ni Ivan ng bubbles habang malakas na tumatawa.

" Ivan teka ", wika ni Ica sabay tayo at tumatakbo papalayo kay Ivan na hinahabol siya ng bubbles. Tumungo si Ica sa gilid kung nasaan naka display ang mga bubble guns at kumuha ng isa at tinira ito kay Ivan.

Nagtitirahan at naghahabulan na sila ngayon ng bubbles sa isat isa. Parehong masaya at malakas na tumatawa. Kahit hindi man marunong lumangoy, at kahit hindi man maka swimming si Ica sa pool, masaya parin siya dahil sa naisip na laruin nila ni Ivan.

Dahil sa tuwa ay muntikan ng mahulog si Ica sa malalim na parte ng pool, biglang tumigil ang mundo ni Ica at inakalang ito na ang katapusan niya, pero bago pa man siya tuluyang bumagsak sa pool ay may kamay na mahigpit na humawak sa kamay niya.

" It's ok, I got you! Kapit lang ng mahigpit ", wika sa kanya ni Ivan at buong lakas niyang iniligtas si Ica mula sa pagka-kahulog sa pool.

" Ok ka lang? ", nag-aalalang tanong nito ng mai-angat na si Ica. Tumango naman si Ica bilang sagot pero ramdam parin nito ang takot at kaba mula sa muntikan nitong pagkaka hulog.

" Ica, anak ayos ka lang? ",

Pareho namang napabalikwas sa likod sina Ica at Ivan at nakita ang nag-aalalang Mama ni Ica at sa likod nito ay ang ibang pamilya pa nito na naglalakad patungo sa kanila.

" Ok lang po ako ma ", sagot sa kanila ni Ica.

Napangiti naman ang ina nito at napatingin kay Ivan. " Salamat talaga iho ha sa pagligtas mo sa anak ko, kung wala ka baka napano na si Ica ",

" Walang anuman po, Tita. Ivan nga po pala, schoolmate po kami ni Ica ", nakangiti at marespetong bati ni Ivan sa mama ni Ica.

Mas lalong lumapad ang ngiti sa mukha ng mama ni Ica. " Kaya naman pala, buti at dito rin kayo nagbakasyon. May makakasama na sila Ica at Joshua sa paglilibot, sila kasi ang mga pinaka bata samin ",

" Hi bro, Aaron, kuya ni Ica. Thank you talaga sa pagsagip mo sa kapatid ko ", pakilala ni Aaron sabay lahad ng kamay niya para makipag-shake hands kay Ivan, tinanggap naman ito agad ni Ivan.

" Walang anuman po ", nakangiting bati ni Ivan.

" Kuya Ivan! ", malakas na tawag ni Joshua mula sa likod at patakbong lumapit kina Ivan at niyakap ito sa tuhod.

" Andito na si Mighty Josh!! Kamusta ka? ",

" Ok lang po kuya Ivan ",

" Bat parang mas masaya ata tong mag-habulan sa bubbles. Teka, sinong taya? Kung sino man manalo lilibre ko ng ice cream mamaya! ", masayang wika ng Tito ni Ica sabay kuha sa bubble gun na nasa tiles. Napatawa naman ang iba pati na si Ivan, at nagsimula na nga silang magsipag-takbuhan. Hanggang lahat na sila ay may mga kanya kanya ng bubble guns at tinira tira na ang isat isa.

Pati ang ibang mga turista ay natuwa din sa kanila at nagsipag kuha rin ng mga bubble guns at sumali sa kanila.

Sobrang saya nilang lahat, lalong lalo na si Ica, na tahimik na pinapanood ni Ivan ang bawat mga ngiti nito sa mukha. Ngayon lang kasi nito personal na nakitang masaya at naka-ngiti si Ica, maliban sa mga pictures.

Sobrang cute niya. Sa isip niya, na naging dahilan din ng mga ngiti sa labi niya.

Simula ng araw na yun, tuluyan na ngang napalapit sa pamilya ni Ica si Ivan. Naging parte na ito ng kanilang pamilya, ganun nadin si Ica at ang kanyang mga pamilya sa pamilya ni Ivan. Kasama ni Ivan ang parents niya at ang younger sister nito na si Anice. 22 si Ivan samantalang 12 naman si Anice. Kagaya ni Ivan ay mababait rin ang parents ni Ivan at parehong maalahanin.

THAT SUMMER

***Download NovelToon to enjoy a better reading experience!***