001 : THE SOULS

001 : THE SOULS

It is finally the summer break! Tapos na ang klase ng mga estudyante at wala na silang mga pasok. Kagaya ni Ica, tahimik at mahilig magbasa ng libro. Summer ang isa sa mga araw na pinaka hinihintay niya dumating kasi gusto na niyang magpahinga sa lahat ng pagod sa school na iniinda niya.

Ngayong summer ay naisipan ng pamilya niya na magbakasyon sa isang sikat na resort na kilala sa magagandang view nito lalong lalo na ang falls nito na pinag-uusapan talaga ng lahat. Pero hindi kagaya ng kanyang pamilya, ay matamlay at parang hindi masaya si Ica sa planong iyon ng kanyang pamilya.

Si Ica kasi ay isang introvert. Mas pipiliin niyang manatili na lamang sa loob ng kanyang kwarto, magbasa ng libro, magdrawing o di kaya naman ay magsulat ng storya na galing sa kanyang makulay na imahinasyon kaysa ang lumabas at gumala kahit saan.

Ngunit kung ganun naman ka kulay ng kanyang imahinasyon ay ganun naman ka walang ka-buhay buhay ang kanyang personalidad.

Hindi naman sya takot sa tao, pero umiiwas siyang makihalubilo sa iba.

Gustuhin man ni Ica na magpa-iwan nalang sa bahay ay wala na itong nagawa. Dumating na nga ang araw at oras na para sila ay bumyahe. Madaling araw pa lamang ay nakahanda na sila, sakay ng dalawang puting van.

Dahil sa insomnia at sa katotohanang hindi makatulog sa byahe ay tanging si Ica at ang Driver na lang ang nanatiling gising sa buong byahe.

Kung minsan ay nagbabasa ng libro, pero kadalasan ay nakatingin sa bintana si Ica, pinagmamasdan ang mga tanawin na kanilang nadadaan, lalong lalo na ang magandang sunrise na nag-pangiti ng patago sa kanya. Labis niya itong nagustuhan at kinuhanan pa niya ito ng litrato gamit ang kanyang cellphone. Dati ng fan ng kulay asul na langit at mga ulap, ngayon lang unang nasilayan ni Ica na ganito kaganda ang sunrise, at simula ngayon ay aabangan na niya ito araw araw.

Makalipas ang 4 na oras ay narating na nga nila ang Resort. Kasabay ng paghinto ng makina ng sasakyan ay unti-unti namang nagising ang mga kasamahan ni Ica sa van. Ginising nito ang 7 years old na pinsan, si Joshua na natutulog sa tabi nito saka bumaba. Tumungo ito sa likod upang tumulong sa pagkuha ng mga gamit nila ng biglang dumating ang mama nito at pinigilan siya.

" Nak, hindi. Kami na ng mga kuya at Tita mo dyan. Pasyalin niyo na lang ang buong resort ng pinsan mo para mag-enjoy kayo ", sabi nito. Napa-atras naman si Ica sa paglapit ng mama niya sabay kuha ng mga maleta nila.

" Two weeks naman po tayo dito, Ma. Marami pa pong oras para maglibot ", sagot naman nito.

" Atleast ngayon masisimulan niyo na. Sige na, kami na dito ", wika ng mama niya at hindi na nga ito naka-angal pa. Tumango na lamang ito bilang pagsang-ayon sa ina, umatras at dumiretso sa kanyang bagpack na kanina ay dala niya pero ngayon ay nakapatong na sa maleta ng Kuya Aaron niya.

Binuksan niya ito at mula sa mga laman nitong libro ay kinuha niya ang isang makapal na notebook saka ballpen. Nagpalinga linga ito sa mga kasama na ngini-ngitian naman siya, hinahanap niya ang pinsang si Joshua para makasabay sa kanyang paglilibot pero hindi na niya ito mahanap kaya naman umalis na lamang siya mag-isa.

Mula entrance ng resort hanggang sa pool ay nilibot nga lahat ni Ica ang bawat attraction. Sa ma ziplines, Vikings, Pool. At sa sobrang dami at ganda nga ng mga tanawin ay halos hindi na napansin ni Ica na malayo na ang kanyang narating, halos nakalimutan niya na mag-isa lang pala siya at takot sa mga tawo dahil enjoy na enjoy siya sa kanyang nakikita.

Habang patuloy na naglilibot ay nahagip ng mga mata ni Ica ang pinsang si Joshua at ang pagkadapa nito sa damuhan, kaagad naman itong tumakbo papunta sa pinsan.

" Josh! Ok ka lang? ", nag-aalalang tanong nito ng marating na ang pinsan na nakadapa sa damuhan.

Tinulungan niya itong bumangon at napangiwi ito dahil sa sakit. Napatingin naman si Ica sa dumudugong tuhod nito.

" Ate Ica ", iyak ni Joshua sa kanya.

" Patay ka sa mama mo wala pa tayong isang oras dito nasugatan ka na agad ", wika nito sa pinsan na ngayon ay mas umiyak pa dahil sa sinabi niya.

" Ate Ica please wag niyo po akong isumbong kay Mama ", hagulhul nito.

" Yun ay kung hindi niya makikita ang sugat mo, pero pag nakita niya, Josh alam mong bawal tayong magsinungaling ".

Umiyak lang ng umiyak si Joshua. Tinitignan at pinag-aaralan ni Ica ang sugat ng pinsan at sinusubukang tigilan ang pagdurugo nito. Itinayo nito ang pinsan saka naghanap sila ng mapag-uupuan. Sa di kalayuan ay may isang bench, akay akay ang pinsan ay tinungo nila yun. Nang maka-upo ay ginamit ni Ica ang kanyang panyo at ipinahid sa dugo, ngunit hindi pa rin ito tumitigil. Hindi na alam ni Ica kung ano ang gagawin kaya naman nagpaalam ito sa pinsan para maghanap ng gamot.

" Dito ka lang, wag na wag kang aalis kung ayaw mong isumbong kita sa Mama mo, ok? ", utos nito sa pinsan. Tumango naman sa kabila ng hagulhol ang pinsan. Inilapag ni Ica ang notebook at ballpen sa tabi ng kanyang pinsan saka umalis.

Hindi alam kung saan siya makakahanap ng gamot ay nagpalinga-linga lang sa daan si Ica. Hanggang sa may makita siyang elevated na kubo na maraming tao at parang mga naka-unipormeng staff s ng resort ang nasa dulo ng kubo, kaya tinungo na lamang niya ito.

Pagdating duon ay tinanong kaagad niya ang isang staff sa reception desk kung saan makakabili ng gamot sa sugat. Tinuro naman ng staff sa kanya ang first aid kit na nasa gilid. Mula duon ay kumuha si Ica ng band aid pati narin ng isang 500ml bottle ng alcohol saka mga bulak. Nagpasalamat sya sa receptionist bago lumabas.

Paglabas ay hindi alam ni Ica na maka-kasalubong pala niya si Ivan, si Ivan na pagkalabas niya ay nakita siya agad at napatigil pagkakita sa kanya, si Ivan na crush niya sa school nila. Hinihintay na mapatingin sa kanya si Ica ay nakita nito ang hawak na band aid, bulak at alcohol.

Napatingala si Ica at gulat na makita si Ivan sa harap niya. Napatigil din ito at natulala. Hindi nito inaasahan na sa lahat ng lugar ay dito pa niya ito makikita uli, buong akala kasi ni Ica ay hinding hindi na nito makikita ang crush dahil graduate na ito this year sa school nila, habang siya ay 4th year college palang sa susunod na pasukan.

Mas lalong hindi rin alam ni Ica kung ano ang gagawin kasi naiilang parin ito sa crush dahil last week lang bago magtapos ang school year ay nag-confess ito kay Ivan. Hindi man ni-reject ni Ivan pero hiyang hiya pa rin ito sa ginawa.

Hanggang sa pilit na ngumiti si Ica, at binati ng mahina ang crush. Napangiti naman si Ivan at binati rin siya. Hindi niya ito inaasahan. Maliban kasi last week sa pagconfess niya ay ito palang ang pangalawang beses na makakausap niya ang crush.

" Ica! Kamusta? Ayos ka lang? Bat may alcohol at band aid ka na dala? ", pag-aalalang tanong nito sa kanya.

" Ok lang ako, salamat. Yung pinsan ko lang nadapa kaya nasugatan ", nauutal na sagot ni Ica. Pinipilit niyang pakalmahin ang sarili kasi kinakabahan siya sa tuwing kaharap ang crush.

" I see, asan siya? ",

" Nasa bench sa baba ",

" Tara baka makatulong ako ",

" Hala hindi, hindi na baka naabala pa kita ",

" Hindi ok lang. Sige na para makilala ko din pinsan mo ",

Wala ng nagawa pa si Ica dahil kinuha ni Ivan ang bote ng alcohol sa kanya at siya ang nagdala nito. Nagtanong ito kung saan ang direksyon saka ngumiti kay Ica at nauna ng maglakat.

Naiwan namang tulala at halos hindi makapaniwala si Ica. Halos hindi niya akalain na nangyayari ngayon ito sa kanya, parang isang panaginip isip niya.

" Nagbabakasyon din pala kayo dito ", kwento sa kanya ni Ivan habang naglalakad sila patungo sa bench. Nasa likod si Ica kasi nag-ooverthink na ito kung ano ang gagawin para hindi mailang ang crush kaya halos hindi niya narinig ang sabi ni Ivan.

Lumingon si Ivan sa kanya para tignan kung ok lang ito at kung nakasunod pa ba ito sa kanya. Napabalikwas naman si Ica. Napatawa naman ng mahina si Ivan dahil sa reaction ni Ica.

" Sorry ", sabi ni Ica sabay yuko.

" You don't have to. Just relax Ica, its just me. I know that you're shy and I am making you nervous but, please, I am just an ordinary person like you, be comfortable with me ", sincere na wika ni Ivan na nakangiti.

" Salamat ",

" So uhm, hanggang kailan kayo dito? ",

" 2 weeks ",

" I see ",

" Kayo? ",

"1 month ",

" Wow ",

" Ate Icaaaaaaa!! ",

Agad na napatingala si Ica ng marinig ang iyak ng kanyang pinsan. Napalingon uli si Ivan sa kanya pero napatakbo na si Ica papalapit sa pinsan dahil sa pag-aalala.

" Joshua anong nangyari? Ok ka lang? May masakit ba sayo? ", nag-aalala at nagpapanic na tanong nito sa pinsan na napaluhod sa damuhan. Tumakbo din kasunod niya si Ivan.

" Akala ko po hindi niyo na po ako babalikan ate, natakot po ako ", hagulhol ng pinsan. Niyakap naman ni Ica ang pinsan at pinakalma ito.

" Sorry, Josh hindi ko sinasadya ",

" Is this the mighty Josh that Ate Ica was telling me about? ", biglang wika ni Ivan sa likod ni Ica. Kumalas naman sa yakap si Joshua at napatingin sa taong nasa harap niya sabay kunot ang noo.

" Sino po kayo? ",

" Hi Josh, I'm Kuya Ivan, kaibigan ni Ate Ica mo. Sorry natagalan sa pagbalik ang Ate Ica mo, kinausap ko pa kasi siya ", nakangiting wika nito sa bata na parang matagal na niya itong kilala at parang sariling kapatid lang ang turing kay Joshua.

Pinahid ni Joshua ang luha sa pisngi gamit ang braso nito saka ngumiti kay Ivan. " Hi Kuya Ivan! Ang pogi niyo naman po, para po kayong prince sa story book na binabasa ko at ang puti puti niyo pa po ",

Napatawa naman si Ivan dahil sa sinabe ng bata saka napatingin kay Ica na nakayuko.

" Kaya nga ako crush ni Ate Ica mo eh ", nanlaki ang mata ni Ica dahil sa sinabe ni Ivan at mas lalo pa itong napayuko, umaasang makakatago pa siya mula sa nararamdaman.

" Crush ka po ni Ate Ica? Hala, naalala ko na! Ikaw po yung nasa sketchpad ni Ate Ica. Kaya naman po pala ",

Napataas naman ng kilay si Ivan dahil sa narinig.

" Wala, dali na gamutin na natin sugat mo baka ma-impeksyon pa to ", pag-iiba ni Ica sa usapan.

Kinuha nito ang alcohol kay Ivan ng nakayuko at hindi tumitingin tas nag-focus lang ito sa paggamot sa sugat ng pinsan.

Umiiyak man dahil sa hapdi ay pinapakalma at nililibang ni Ivan si Joshua hanggang sa malagay na ni Ica ang band aid sa sugat nito.

" Good boy, Joshua ", masayang bati ni Ivan sa bata, napangiti naman ito sa kanya.

Napatayo naman si Ica ng tumunog ang phone sa bulsa niya. Tumalikod siya kina Ivan at sinagot ang tawag.

" Ma? Opo, kasama ko po si Joshua. Ok po, babalik na po kami ",

" Babalik na po tayo? Pano po si Kuya Ivan, Ate? ", tanong ni Joshua bago pa man makarap uli si Ica sa kanila.

Napatawa naman si Ivan sa tabi niya. Napalapit na nga ang loob nito sa bata. " Ok lang ako, Joshua, babalik na din ako sa cottage namin. Bukas nalang ulit ",

" Ok po Kuya Ivan, bye bye po ",

" Bye bye din, Mighty Josh ", wika nito sa bata saka napatingin kay Ica na naiilang na tumingin sa kanya.

" Bye Ica, ingat kayo sa pagbalik sa cottage niyo, bukas uli ", nakangiti nitong wika.

" Salamat, ingat ka din ",

Habang naglalakad palayo ay naiwan si Ivan na nakangiting nakatingin sa imahe nila Ica. Masayang masaya ito na makita muli si Ica at makasama sa loob ng dalawang linggo. Nagtapos man ang school year, kagaya ni Ica ay hindi din nito inaasahan na mas makakasama pa niya ito ng matagal, at mas makikilala dito sa resort.

Naalala ni Ivan ang sinabi ni Joshua tungkol sa drawing ni Ica sa kanya na nasa sketchbook niya, napangiti ito dahil bumalik sa alaala niya last January na may nagbigay sa kanya ng regalo at portrait niya ang laman, at last week niya lang nalaman na kay Ica pala yun galing.

For 5 months, hindi niya alam na si Ica pala ang anonymous girl. Siguro kaya sila nagkita ngayon uli dito sa resort para magawa na niya at masabi kay Ica ang hindi niya nagawa last week. This time, he will not hesitate but tell her how he truly feels about her.

THAT SUMMER

***Download NovelToon to enjoy a better reading experience!***