من الظلام للنور

سما كانت طالبة في اولي ابتدائى كان عندها وحمة كبيرة في جنب وشها وماثرة علي نفسيتها وكانو دايما زمايلها في المدرسة يتريقو عليها وفي نفس الوقت كانو بيحقدو عليها لانها كانت شاطرة جدا

اما عن الاب فا كان متوفي

كان عندها اخت في خامسة ابتدائى اسمها ملك

سما كانت عندها هواية الرسم واهلها كانو مهملين فيها ومهتمين ب ملك جدا

الام كانت دايما بتفرق بين ملك وسما وسما كانت بتاخد بالها من ده

الام كانت مهتمة ب ملك في كل حاجة اكل وشرب ودروس ومذاكرة وسايبة سما مش مهتمة بيها في اي حاجة

سما كانت طموحة جدا برغم من صغر سنها كانت بتحب تسمع قرأن علي اليوتيوب وكانت بتحفظ مع الشيخ اللى بيقرأ

سما بقت تهتم بنفسها عشان لقت مفيش اهتمام من حد بيها وكانت الام بتديها مصروف اقل بكتير من ملك

في يوم المدرسة عملت مسابقة قرأن وسما وملك قدمو فيها واللى كان ادائها كويس جدا كا حفظ وتجويد واحكام وصوت ونبرة سما

اما ملك كانت بتقطع والاحكاام والتجويد ضعيف فا كسبت سما واتكرمت من المدرسة

بس مكنش عندها ثقة في نفسها عشان دايما مامتها تحاول متخليش طموح عندها وبرغم ذلك الا انها مصره على ان تكون شئ كويس وتقولها مش هتنفعي وانتى فاشلة وصلت سما للصف الخامس الابتدائى وملك وصلت لتالتة اعدادى كانت ملك دايما تجيب ملاحق بالرغم من الاهتمام الكبير والفلوس اللى بتاخدهم من مامتها علي عكس سما

سما نجحت في خامسة ابتدائى بتقدير امتياز اما ملك جابت ملحقين و60٪لما ملك جابت 60٪ امها كانت مصدومة فيها لانها كانت عايزاها تدخل ثانوية عامة

وتلف الايام وملك تدخل تجارة وسما تكمل لحد ما توصل تالتة اعدادى بدون اي اهتمام من حد او دروس وتفوقت وبذلت مجهود وجابت 97٪ ودخلت ثانوية عامة وامها فرحت بيها جدا

لكن سما مكنتش مهتمة بفرحة امها بيها وكانت دايما متجنباها تماما كأنها عايشة لوحدها تاكل وتشرب وتذاكر في اوضتها

وتلف الايام والام تتعب ويجيلها سرطان في العضم ومكنش حد واقف جنب البنات ولا في فلوس الام تتعالج او حد يجبلها علاج

ملك موافقتش تشتغل ولا ترعي امها

قررت سما تنزل شغل وتشتغل وتجيب علاج مامتها وتعالجها فضلت تشتغل وتودى مامتها تاخد جلسات كيماوى وترعي مامتها وتصرف علي البيت والعلاج وتتعب وملك بتلف مع الشباب ومش شايلة هم حاجة

فضلت الام تتعالج من السرطان لمدة سنتين وتعافت وبقت كويسة بصحتها وافتكرت اللى كانت بتعمله مع سما زمان وقلة اهتمامها بيها وندمت انها فرقت بين بناتهاواعتذرت الام لسما وسما تقبلت اعتذارها وتحسنت علاقة الام بسما

بالرغم من ان سما كانت بتكره ملك بسبب ان مامتها كانت دايما بتفضلها عليها لكن الام صلحت الفكرة دى اخيرا والاختين حبو بعض وعاشو حياة سعيدةاما عن زملاء سما اللى كانو كل ما يشوفوها يتنمرو عليها الا ان سما عمرها ما يأست او فكرت في كلامهم كانت دايما قوية وبتحب شكلها جدا وكانت طيبة مع زملائها جدا وكانت بتساعدهم وتقف جنبهم زملائها حبوها جدا وشافوها طيبة جدا وروحها جميلة اوى فا تغيرت نظرتهم تماما لان الجمال ليس جمال الشكل بل انما جمال الروح وسما روحها كانت جميلة جدا

تحسنت علاقة سما ب مامتها وب زملائها وعاشت حياة سعيدة لانها كانت قوية وعندها طموح

سما كانت طموحة وقوية واستحملت كتير وربنا وقف جنبها وكان بيراضيها

#ميوش

*** قم بتنزيل NovelToon للاستمتاع بتجربة قراءة أفضل!***