البارت 3
طلعت اتمشي في الجنينه وبكلمهاوفجاء سمعت صوت مرعب ببص ورايا
اتصدمت : يماماااااااا كاااااااااا*االب
(الكلب بمجرد مشافني نبح عليا اووي ومن خضتي جيت اجري دوست علي طرف الدريس ووقعت)
صرخت وغمضت عيني من الخوف
لقيت واحد واقف قدامي بيضحك : سلامة نظرك الكلب مربوط
فتحت عيني بزهول وبصيت علي الكلب فعلا مربوط
اتعصبت وقولت : وانت بتضحك علي ااااي
الشاب : اصل مكنش ليها لازمه الوقعه دي لو كنتي شوفتي انه مربوط من الاول مكنش حصل كده
(عنيا دمعت ماهو ميعرفش اني اكتر حاجه بترعب منها فحياتي هي الكلاب)
الشاب : هاتي ايدك اقومك
رديت بضيق : شكرااا مش عايزه مساعده
قومت من الارض ونضفت هدومي
الشاب : هو انتي اسمك اي
_ اظن دي حاجه ملكش فيها
الشاب باعجاب : لاء وكمان شرسه
_ اللهم طولك ي روح (سبته ومشيت دخلت عند تالين وايان)
تالين :ميس انا مبسوطه اوي
_ مبسوطه ليه ي قلبي
ايان : عشان بابا معانا انهارده وهيعملنا عيد ميلاد
_ بقا كده ي ايان مش انا اللي بدءت اجهز للعيد ميلاد من الاول
تالين : منتي بوظتيه بالتورته بتاعتك دي
_ انا قولت انتو انكم متربتوش محدش صدقني
ليل : اتاخرت عليكم
_ لاء خااالص يلا بقا بسرعه عشان الحق اروح
نوح دخل : انتو هتحتفلو بالعيد ميلاد من غيررررري
قولت ل تالين بصوت واطي : هو مين ده
تالين : ده نوح صاحب بابي
نوح : اتفضلي ي انسه الموبايل وقع منك لما كنتي في الجنينه
خدت التلفون بسرعه منه : ينهاااار اسووووود التليفون بااااظ
ليل باستغراب : انتي طلعتي الجنينه ليه
_ كنت بكلم وامي والتلفون وقع
ليل : ازاي يعني بتكلمي مامتك والتلفون وقع وسبتيه
نوح بضحك : هقولك اصلها شافت الكلب وخافت وهي بتجري وقعت والتليفون وقع منها ههههههههههه
(تالين وايان ضحكو معاه وانا اتكسفت وليل خد بالو)
ليل : هي دي حاجه تضحك يعني
نوح بضحك اكتر : اصل كان شكلها مسخره هههههههههه
_انا رايحه انده لمدام كريمه
(سبتهم ومشيت وانا هموت من الاحراج )
ليل : نوح يتقعد باحترامك ي تمشي من هناا
نوح : وانا قولت اي يعني وبعدين مين المزه دي
ايان : المزه دي تبقا الميس بتاعتنا
نوح : طول عمرك حظك بومب والحريم بتترمي تحت رجليك
ليل بعصبيه : نوووووووووح لم نفسككككك واتقي شري احسنلك
رجعت عندهم تاني : استاذ ليل ممكن تليفون حضرتك دقيقه هكلم ماما
ليل : اها طبعا اتفضلي
كتبت الرقم ورنيت علي ماما
_ الو ي ماما
ماما : ايوا ي حنين قلقتيني عليكي اي اللي حصل
_ مفيش ي ماما انا شوفت كلب وخوفت بس والتليفون وقع اتكسر
ماما : فداكي ي حبيبتي انتي جايه ايمتي
_خلاص هنطفي الشمع وجايه اهو
ماما : طب خلي بالك من نفسك
_ماشي سلام
(اتجمعنا كلنا وطفينا الشمع والعيال كانو فرحنين اوووي وانا شخصيا كنت طايره من الفرحه عشانهم )
_ لولو عايزه حاجه مني بقا انا ماشيه
تالين : عايزاكي تقعدي معانا علطول انا وايان وبابا فرحنين وانتي معانا
_ هو ابوكي ده يعرف حاجه اسمها فرح اصلا
تالين : بتقولي اي ي ميس
_ مش بقول حاجه ي حبيبتي يلا سلام
خدت شنطتي وانا ماشيه في الجنينه وقفني نوح وفي ايدو علبه تليفون ايفون
نوح: هو انتو ممكن تقبلي مني الهديه دي
_ ليه بقا ان شاء الله
نوح : عادي ممكن تعتبرها بدايه صداقه اي رايك
_ هقولك فزوره لو حليتها هاخدها
نوح بحماس : قولي طبعا
_ اخت خالك ومش خالتك تبقي مين
نوح بسرعه : امي
_ عندها بقااا ويلا غور من وشي (سبته ومشيت هي ناقصه تخلف )
نوح بضحك : يابنت المجنو*نه
(ليل كان واقف شايف اللي بيحصل وعنيه بتطلع شرار بس لما رفضت الهديه فرح اووي )
كنت واقفه مستنيه ميكروباص وليل طلع بالعربيه اركبي انا هوصلك
_ نعم توصل مييين
ليل ببرود : هو فيه حد غيرك هنا
_ اتفضل ي استاذ ليل انا مش هركب معاك
ليل : ليه
_ عشان مينفعش وكمان كلامك معايا كده مينفعش
ليل : طب اعتبريني سواق تاكسي اي المشكله
_ انا مش مستنيه تاكسي انا مستنيه ميكروباص واهو جه اهو سلام
ركبت ومشيت
ليل : اي ده هي مالها مجنونه ولا اي
نوح ركب العربيه جنب ليل : وصلني انا بقا طلاما المزه كرفتلك ههههههههه
ليل : بطل برود وانزل انا مش هوصل حد واياك تقول عليها مزه تاني وبالاخص قدام العيال
نوح : ده احنا بنغير بقا بس بصراحه هي تستاهل
ليل بنفاذ صبر: ولاخر مره هقولهالك متتكلمش في الموضوع ده نهائي بدل ممنعك تاجي البيت ده خالص
نوح بتمثيل: اتغيرت ي صاحبي بعتني عشانهاا
ليل لف العربيه ودخل البيت ونزل من العربيه وخد المفتاح ودخل البيت
نوح : ليل عيييييب كده خدني انااااام معااااااااك
_______
وصلت البيت لقيت عمي ومرات عمي في البيت
قولت في بالي : اعوذ بك من الخبث والخبائث
_ ازيك ي عمي اهلا ي مرات عمي
عمي بعصبيه وصوت عالي : اهلا بالمحروسه اللي هتحط راسنا في الطين وهتجبلنا العااااار
تنزيل على الفور
novel.download.tips
Comments