أعلان

⚜️ ﷽ ⚜️

⚜️

تحت كسرة العيـن تنـام الأُحجية

"عِرق الرونـق صرخة مُستباحة "

⚜️

بِقلم القرعاء : زينـة أحمد ⚜️

بـين سُهد العـين وتورق الديـن نَشب لنا عِرقٍ صغير ساكن تحت كسرة العيـن

عندما أقسم الأنسان ونسى الدين وتذكر حور العين نسى أبنتهِ عند الدين

تلك الوصية وتلك العينين وقـع على دفترًا مِن طَيْسَل الغَيْهَب المأجور ..

قارورة صغيرة ووصية ابدية أيسكنوها وسط الضَّيْمَ؟

سحرًا مسوّد

وطلسم مُرتد

وماردًا مُختل

مـــن نحن ؟

نحنُ مِن أقسم الكتاب المقدس علينا نحن وصايا الرسول نحن الصلابة والدهاء في العقول نحن المربكات ونحن مُنقذات خُلقنا مِن ضلع ثابت مُحكم نحن بنات حواء

مِن أنتَ يا ابن ادم ؟

تضرب و تترك

تقسى و تحَن

تتخلى و تعوّد

هل أستقويت علينا وجعلت عظامنا تُسحق أمام الجمـيع في التخلي لأن الله جعل قلبكَ أقسى ؟

في نهاية لماذا أنتَ هكذا يا أبن أدم فَ نحنُ بنات حواء !

المَشهد الأول ⚜️

_ رُفعت رأسيّ بثبات وأحاول أبقى قوية أمامهم قدر المُستطاع وما أظهر شعراية مِن خوفي وأبين مهزومة الهـم أو ضعيفة وأحتاج مُساعدة أو شفقة منـهم ، أردفت وأني أضلاعي ثابتة مثل ما روحي ثابتة أمامهم :- شكو واحد راح يندگ بيَّ شواربة تطيح فدوة الـي .

حصلت لگمه على نهاية فگي سقطت على الأرض لضعف جسدي وخفته ، ما أهتميت نهضت مرة ثانية أبتسمت بخبث وگلت بأبتسامة آثارت غضبهم : تروحون كُلكم فدوة الي .

_ شايفة نفسج هواي !

مسحت الدم على نهاية شفتي السُفلية ونطقت بشراسة :- لأن أستاهل تروحون فدوة الـي .

المَشهد الثاني ⚜️

_ فزيت على ريحة الحريق الي عبة المكان وما كادرة لا أتنفس ولا أشوف أي شخص أمام لأن دُخان كان كثيف جدًا ، أصرخ بدون فائدة وكُل الي موجودين وناموا يمي أختفوا فجأة ، احاول أشوف مقبض الباب حتى أطلع مِن غرفة ماكو المكان صار عبارة عن نار حمراء دا تاكُل أثاث والأغراض وتتقرب الي ، حضنت نفسي مثل الجنين ومددت على الأرض وگلت بخنگه :

_ والله رادو يكسرون غصنج وكسرو ، وراح تموتين وتنتهي قوتـج يا روانـق .

فجأة صوّت غريب نشب بيـن مسمع أذنـي وهوَ يردد الكـلام حتى نطقة أكثر مِن ثلاث مرات وأختفى :

_ أنتِ روانقـي الحديدية صلبة مثل الحديد مراح تنكسرين ولا غصنج ينخدش لو بشي بسيط .

بلشت أفقد وأصيح بينـي وبيـن نفسـي نفسـه هوَ نفسـه هوَ مُنقـذي .

المَشهد الثالث ⚜️

_ لا تحاول تكسر ظهري بهل طريقة أني ما يهابني شي حتى هل سالفة ، أبتعد عنـي لا أخلي ليلك وليلهم جحَيم وأقلب عليكم أعصار يسوّد كُل حياتكـم وأعيشكم بجحيم ألأسوّد .

_ راح أكسرج يا روانق .

المَشهد الرابـع ⚜️

_ صمي آثمج مابيج شي لا تبقين تمثلين بهل طريقة عليَّ حتى أعطف عليج !

باعدت خصلات شعري ونهضت مِن قاع آلمي وجعي وخزرته بنظرة قاسية وكُلها عتب وگلت بأشمئزاز مِنه : الـي مو گد الشـي لا يحجي ، وخاف امك دزتك شوف شنو بيّ بشرهة ما فطست بعدني عايشة وسوالف الأستعطاف اكرها منك ومِن أمثالك مابيه شي أني ولا طلبت مِنكم ساعدوني .

رفعت رأسيّ لأعلى سقف وضحكت بغرابة آثارت خوّف داخله

وگلت بهمـس : مِن تروحون فدوة الـي ، انـي ادور شفقة مِن أحد شگد أغبياء ؟؟؟؟

أهلًا بكَـم حللتـم في روايتـي

الغلاف مِن تصميمي ⚜️



تصنيفها " اكشن ، سحر ، دين ، غموض " 

ولعوها ما أوصيكم 😭🔥🔥🔥🔥🔥

______________

هل مرة رواية جدًا مُختلفة تحچي عِن أشياء جديدة وغريبة اكو هواي غُموض راح تواجهون بالبداية بَس بعدين راح ينكشف أكبر وأعظم سر بهل رواية

*** قم بتنزيل NovelToon للاستمتاع بتجربة قراءة أفضل!***