مرت الايام وجاء يوم العزومه الساعه التاسعه صباحا في غرفة حوراء كانت تتكلم مع عائشه مكالمه صوتيه
حوراء/تصدقِ الواحد غلطان انه عمال يعمل في لعب من امبارح ده انتِ عيله بارده
عائشه بتذمر/مليش دعوه انا قولتلك اهو ي تجيبي شوكولاته مع اللعب والاسئله واللي يفوز ياخد شوكولاته ي إما مش لاعبه
حوراء بصدمه/نعم يختي والله اي الحال ما انا شريالك امبارح واحده ب خمسه وعشرين جنيه
عائشه/انتِ مستخسراها فيا اه ياني ي عائشه ي بختك المايل في صحابك ي عائشه .....
حوراء/اي حيلك حيلك استني يختي اما أضيف البت رودي معانا
رودي/السلام عليكم ورحمة الله وبركاته
حوراء وعائشه/وعليكم السلام ورحمة الله وبركاته
عائشه/تعالي احضرينا ي رودي تعالي
رودي /يا رب استر في اي ي عائشه ي حبيبتي دي عامله اي اللي مستنياها
عائشه/الاستاذه عايزه تعمل اسئله من غير جوايز
رودي/جوايز اي ي عائشه ي حبيبتي انتِ في في الحضانه لسه ده انت كبيره ي ماما وفي الكليه ومقربه تخلصي
حوراء/قوللها وبعدين ايوه صح انا اصلا جايبه جوايز بس سيباها مفاجأه ...ايوه صح انتِ هتيجي ي رودي
رودي/للأسف لا ي بنات ابن عمي جاي النهارده وبابا وماما موافقوش عشان هتبقي عيبه في حق عمي
حوراء/لعله خير الله المستعان متنسيش احنا قولنالك اي
عائشه/ي إما هقلع اللي في رجلي ده انا شوشو
رودي/عيب عليكم ي معلمين ده انا تربيتكم برده
ليضحك الجميع ثم يغلقون المكالمه لتدخل والدة حوراء عليها
والدة حوراء/انا قولت هدخل الاقيكِ بتلبسي عشان تيجي تساعديني إنما لا ادخل الاقيكِ بتلعبي في الفون والضيوف علي وصول
حوراء بتشنج/اي ي أمي انتِ بتسلطيلي هو انا جيت جمبك وبعدين ضيوف اي ايش حال عائشه ورودي بييجوا كل يوم يقيموامعانا هنا لما بابا وعمرو بيسافروا
والدة حوراء بلوية فم/طااه خلاص يختي قومي روحي محل أم عطوه هاتي من هناك البهارات دي وقامت باعطائها ورقه او ل نقول كراسه بها بهارات
حوراء بفم مفتوح/ اي ده ي امي افرضِ حد منهم مش بياكل اكل فيه بهارات نسممهم مثلا
والدة حوراء/متقلقيش بياكلوا الاكل اللي فيه بهارات
حوراء/يا رب يا رب انا ماشيه ي أمي انا ماشيه
ذهبت حوراء عند ام عطوه جارتهم في الحاره وتكون مرضعتها مع ابنتها فاطمه
حوراء بصياح/ي أمي أم عطوه احاجه
أم عطوه بتذمر/اله في اي ي بت هو انا في الدول المجاوره انا فريحك اهو مطرتش يعني
حوراء/معلش بقي ي أمي خدي هاتيلي البهارات دي
أم عطوه/اي ده هي امك هتعمل اي بدول كلهم
حوراء بغباء/هتطبخ لينا
عطوه/ي ابله حور دول مش اتنين تلاته دول كراسة بهارات
حوراء/مش عارف المهم هاتيهم بسرعه يلا ي امي
(أم عطوه/مرضعة حوراء وجارتهم في الحاره سيده طيبة القلب وحنونه
عطوه/صبي في الخامسه من عمره يكون اخو حوراء في الرضاعه طيب القلب وحنون ومشاكل وسريع الغضب )
بعدما اخذت البهارات وذهبت للمنزل حوراء وهي تدلف من باب المنزل
حوراء/امي احاجه انا جبتلك الحاجات اهي متبعتنيش حته تاني عشان فرهدت
لتغمز لها والدتها بعينها وتشاور لها بعينها
حوراء/في اي ي أمي انتِ عينك بتوجعك ولا اي حطي قطره وهي تصحي تعالي اشوفهالك
والدة حوراء بهمس/ابو أم غبائك هو ده وقته غباء الضيوف قاعدين ي حومااره
حوراء وهي تستخير واخيرا لاحظت وجود الضيوف/احم السلام عليكم
عمرو/سبحان الله الاحترام نزل دلوقت يعني ما كنتي بتشردحي من شويه
لتنظر له حوراء بغضب ليرد عليها الجميع السلام
والدة حوراء/سلمي ي حبيبتي
سلمت حوراء علي والدة عائشه وعائشه وجاءت عند ابيها وادهم ووضعت يدها عند الناحيه الشمال
جاء ادهم ليمد يده
حوراء/مش بسلم واللهِ
ادهم/ليه يعني هاكلك
حوراء/لا حضرتك بس حرام حضرتك لا تجوز لِ
لينظر لها ادهم ب غيظ وغضب
والد حوراء/خودي عائشه ي حوراء وادخلي الاوضه ووقت الاكل والدتك هدخلكوا الاكل
حوراء/حاضر ي ابي
عائشه بهمس/اي ي بت الاحترام ده
حوراء/اسكتي يختي ده انا انفضحت وبعدين اخوكِ غلس اوي
عائشه/ليه يا عيني ده الواد غلبان
حوراء بتقليد/ليه هكلك ولا اي
عائشه/هوص هوص بقولك ما تيجي نرقص
حوراء/أيوه هو ده الكلام هشغل اناشيد استني
وقاموا بتشغيل الاناشيد ورقصوا ولعبوا كثيرا
حوراء/عارفه القاعده ناقصها مين
حوراء وعائشه/البت رودي الرقااصه بيضحكوا الاثنتان بشده
في الخارج
والد حوراء/منور ي عز منور ي ادهم
ادهم/بنورك ي عمي
عمرو/تعالي ي ادهم نقعد في البلكونه
ادهم/ حذيفه جاي النهارده (غيرت اسم صديقهم ل حذيفه)
عمرو/يعني هنبدأ في الشغل الجد بقي
ادهم/اللوا عايزنا ضروري عشان حاجه ضروريه
عمرو/مهمه جديده
ادهم/أيوه
عمرو/لو حد عرف اننا بنشتغل في المخابرات هتبقي مصيييبه
ادهم بغموض/متقلقش ان شاء الله خير حذيفه يرجع علي خير ونروح للوا
♡♡♡♡♡♡♡♡♡♡♡♡
في منزل رودي
والدة رودي/يا بت يا رودي قومي خلينا نروح نساعد مرات عمك
رودي بتذمر/ ي أمي أنا مالي انا ب ابن عمي هسلم عليه مثلا
والدة رودي/ ي حبيبتي مينفعش عمك هيزعل جدا لو مروحتيش
رودي/الله المستعان ...ماما بقولك اي كلمتي بابا في موضوع النقاب
والدة رودي/أيوه ي رودي ي حبيبتي بس هو قالي سيبيني افكر وهرد عليكِ بكره
رودي بامل/يا رب يا رب يرضي ي ماما يا رب
والدة رودي/إن شاء الله يرضي ي حبيبتي متقلقيش
ذهبوا الي بيت عمها
(زوجة عم رودي /امرأه طيبه جدا تحب رودي وتعتبرها مثل ابنتها وتتمني ان تكون من نصيب ابنها )
زوجة عم رودي/ي هلا بالغوالي نورتوا ي حبايب
والدة رودي/نورك ي حبيبتي
رودي بغرور مصطنع/طشول عمري أنور المكان اللي اروحه
زوجة عمها/جري اي ي بت انا غلطانه اني اتكلمت
رودي بتذمر/وه في اي ي مرت عمي بهزر مبتهزريش واصل
زوجة عمها/مالك ي بت عوجتي لسانك كده ليه لا يختي بهزر يلا روحي اقعدي واحنا هنشتغل
رودي/اللهي تستري ي مرات عمي اي العثل ده ي نااس
والدة رودي/ شوف البت طب تعالي بقي
رودي وهي تجري/بيقولوا الجري نص الجدعنه وانا عندي الجري الجدعنه كلها
◇◇◇◇◇◇◇◇◇
في مكان آخر نذهب إليه ل اول مره
مجهول واحد/المهمه الجايه اي ي ريس
الريس/هنهجم علي ميتم نشوف لو فيه حاجه مهمه وبعدين نولع في الميتم باللي فيه
مجهول اتنين/بس اكيد الشرطه مش هتسيبنا يعني كده بنخاطر ب نفسنا
الريس/لا متخافوش انا مظبط كل حاجه يلا روحوا انتم ولو احتجتكم هناديكم
■■■■■■■■■■■■■■■
في مكان ثاني آخر
الطفله/ي عمتو هي ماما مش بتيجي ليه وكمان.....و...... مش بييجوا ليه هما كمان بقالهم اثبوع مش بييجوا
مديرة الميتم ب حنان/هم قالولي ي حبيبتي انهم مشغولين الفتره دي بس وعدوني انهم هييجوا بكره بإذن الله
الطفله بحماس/هييييي انا هلوح اعمل لعب واحضل الاكل والمثليات اللي هناكلها
مديرة الميتم /طب اصبري لبليل
الطفله/حاضر بث بعد ما نصلي المغرب هنحضر انا وانتِ علطول
مديرة الميتم/عيوني
الطفله/بث هما هياخدوني معاهم زي ما وعدوني
مديرة الميتم بابتسامه/أيوه ان شاء الله
لتأتي فتاه/يلا ي زينه تعالي نلعب
زينه/حاضل انا جايه اهو
وذهبت معهم زينه وبقيت المديره تنظر لهم ب حنان
<><><><><><><><>
باااس استووووب وقفنا خلاص لحد هنا أيوه البارت ده مكنش فيه نصيحه بس عشان حبيته يكون حماسي شويه التفاعل بيفرق معايا وبيفرحني صدقا وبيشجعني جدا بجد اسعدوني ب تفاعل وكومنت حلو ومتابعه قمر زيكم وبس سلام عليكم ورحمة الله وبركاته في رعاية الله اشوفكم في الفصل الجاي سلااام
بقلم/أمة الله (منه عبد البصير)🌺
تنزيل على الفور
novel.download.tips
Comments