احببتُ خاطفي
_عامل ايه يا عزيز؟ طب مش كنت تقول انك عايز تهرب من هنا، كنت سهلتلك الوضع، بدل متتسلل زي الحرامية كدا.
_عزيز: صدقنى يا ريس كنت بس رايح أطمن على بنتى وراجع.
_ياقوت: بنتك!!!! ومالها بقي بنتك؟
_عزيز: إنها مريضة سرطان يا ريس، وداخلة عمليات و لازم أروح أشوفها.
_ياقوت: باسم ايه رأيك في اللى بيقوله دا!!
_باسم: والله انا عن نفسي مش مصدق.
_ياقوت: وانا لو جيت للحق مش بحب التمثيل والكذب.
_عزيز: أرجوك سامحنى يا ريس.
_ياقوت: معقول أسامح خاين.
_عزيز: أرجوك.
_باسم: اللى يخون مرة يخون ألف.
_ياقوت: زين.
_زين: أمرك يا ريس.
_ياقوت: خده فسحه.
_زين: اعتبره حصل يا ريس.
_عزيز: أرجوك لاء بلاش يفسحونى.
سحب زين عزيز حتي أختفي صوت صراخه بالسماح تماماً.
_باسم: حصل ايه علشان تعمل فيه كدا مفهمتش؟
_ياقوت: خاين كان بيسرب معلومات عننا للعدو.
_باسم: فهمت.
_ياقوت: صحيح ايه اخبار العملية اللى بيعملها ماجد؟؟
_باسم: لحد دلوقتي موصلناش اي خبر.
_ياقوت: على.
_على: نعم يا ريس.
_ياقوت: اتصل علي الغبى ماجد شوفه وصل لإيه؟
_على: عُلم يا ريس.
_ياقوت: باسم انا عندي مشوار مهم هخلصه بسرعة و انت هنا مكانى لحد مارجع.
_باسم: ماشى يا ياقوت.
بعد ما مشي ياقوت بساعتين رجع ماجد ولكن كان معاه مصيبه.
_ماجد: أخى باسم انا عملت مصيبه!!
_باسم: مصيبة ايه اللي عملتها يا غبى؟
_ماجد: بعد ما قتلت الراجل وخلاص خلصت عليه واخدت الفلوس، اكتشفت ان فى بنت سمعت كل حاجة وشافت كل اللى حصل اضطريت اخطفها واجيبها هنا، يتصرف الريس معاها بقي، معرفتش اتصرف.
_باسم: يعني البنت شافت كل حاجة فبدل ما تخلص عليها هناك جبتها هنا علشان تكشفنا كلنا صح انت عارف لو البوليس شم خبر هنروح كلنا ف خبر كان.
_ماجد: كنت عايزني اعمل ايه يعني ما انا كنت خايف ومستخدمتش عقلي.
_باسم: وانت من امتى بتستخدم عقلك السميك دا.
_على: اخى باسم عنده حق صراحة، غلطت غلط كبير.
_زين: شكلي هفسحك انت كمان زي ما فسحت عزيز الله يرحمه.
_ماجد: عزيز اتقتل، ليه هو ايه اللى حصل؟؟ الظاهر فاتنى كتير.
وسط كلامهم حد بيتحرك جوا كيس كبير.
_ماجد: أخى باسم البنت فاقت اعمل ايه دلوقتي؟؟
_باسم: هتاخد البنت دي زي مهيا كدا ترميها في الغرفة المقفولة في الدور الأرضى.
_ماجد: يعنى افتح ليها الكيس ولا اسيبها فيه؟؟
_باسم: يا أغبي حد شوفته فى حياتي اكيد...
_على: أخى باسم انا هجوبه.
_باسم: اسمع كلام الناس اللي بتفهم اتفضل يا على.
_على: انت هتسيب البنت زي مهيا مقفول عليها بس هتفتح ليها فتحة بسيطة علشان تتنفس منها.
_باسم: اخرس يا غبى، ملكش دعوه باللى قالوا الغبي دا انت هتاخد البنت دى وتدخلها الغرفة وتفتح ليها الكيس وبعدين تكتم فمها وتربطها علشان لا تهرب ولا تتكلم، لحد ما نشوف ياقوت هيعمل ايه.
_على: فكرة عبقرية.
_باسم: اخرس.
شال ماجد الكيس ونزل بيه للدور الأرضى وفتح باب الغرفة ودخل وبعد ما دخل حط الكيس علي الأرض وقفل الباب بالمفتاح، وفتح الكيس .
_مين انتم يا مجرمين يا قتالين القتلة ؟؟والله لبلغ عنكم البوليس خرجونى من هنا، حد يساعدني.
_ماجد: بصى يا حلوة متتعبيش نفسك محدش هنا هيسمعك او هيساعدك ياريت متتعبيش نفسك وصوتك، ومتصدعنيش كمان أصلى مش ناقصك.
_خرجونى من هنا.
_ماجد: هو العربى انتِ مش بتفهميه ولا ايه!! مش مهم انا كدا كدا هربطك يلا متسمعنيش صوتك بقي.
ربط ماجد البنت زي ما أمره أخوه باسم بالظبط.
بعد نصف ساعة من كل اللى حصل دا رجع ياقوت.
_ياقوت: ها يا ماجد عملت ايه!! العملية تمام.
_ماجد: اه طبعاً والفلوس أهى كمان، بس هو في مشكلة صغيرة قد كدا🤏🏻.
_ياقوت: وايه بقى المشكلة دى يا ماجد؟؟؟ دا انا ما صدقت تنجح عملية ليك.
_ماجد: في الحقيقة...
_باسم: في حد شاف اللى حصل دا، و الغبى ماجد جابوا هنا.
_ياقوت: يعنى ايه حد شاف العملية؟؟؟
_ماجد: يعنى حد شافني وانا بقتل المعلم سيد، وبعدين خطفته وجبته هنا.
_ياقوت: يعنى جبتلنا بدل المصيبه اتنين، الأولي لما شاف الشخص دا العملية والتانية لما جبت الشخص دا هنا.
_ماجد: ارجوك سامحنى علي غبائى يا ريس.
_ياقوت: وفين بقي الشخص دا؟؟؟
_باسم: البنت موجودة فى غرفة فى الدور الأرضى.
_ياقوت: بنت!!!!!
_باسم: مع الآسف بنت.
_ياقوت: ياربى صبرني علي غباء ماجد، في أى غرفة بقي؟
_ماجد: اللى علي الشمال.
نزل ياقوت يشوف المصيبة اللى موجودة فى مقرهم.
فتح ياقوت الباب ولقي بنت مربوطة في كرسى.
_ياقوت: اهو دا بالظبط اللى بيحصلك لما تحشرىي نفسك فى حاجة متخصكيش.
_مممممممممممممممم.
_ياقوت: عايزة تقولى حاجة!!!
هزت البنت رأسها فشال ياقوت اللزق.
_خرجونى من هنا يا مجرمين.
_ياقوت: نخرجك!!!! أول مرة اشوف انسان بيحلم وهوا صاحى.
_طيب يعنى هتعملوا فيا ايه؟؟
_ياقوت: كلك نظر بقي، واحدة مخطوفة مثلاً هنعمل فيكي ايه!!!!
_لو هتطلبوا فيديا فأهلى مش هيقدروا علي دفعها هما بيدفعولى فلوس كليتي بالعافية.
_ياقوت: عادى اصلاً ممكن نقتلك ونبيع اعضائك لتجار الأعضاء.
_السنادى اخر سنة ليا فى كلية التمريض العسكرى لإنهم اكتر حاجة ماشية في البلد وقبضهم كويس أقدر أديه لأهلى وأساعدهم بيه، كان نفسى أطلعهم عُمره، كانت خلاص امتحاناتى علي الأبواب مش باقي غير شهر، بسبب انى خرجت اتمشي شوية واغير مكان مذكرتى، وقعت نفسى في مشكلة وهموت دلوقتى.
_ياقوت: عندى استعداد ارجعك كليتك دلوقتي كدا كدا ساعة ونص بس وتكونى هناك بس بشرط.
_ايه هوا؟
_ياقوت: تمسحى الليلة دي من دماغك خالص ولا كإننا خطفناكى ولا كإنك سمعتى حاجة، قولتى ايه؟؟
_موافقة، بس رجعنى دلوقتي.
_ياقوت: الوقت اتأخر مينفعش، عايزك تعرفى حاجة لو نطقتى كلمة واحدة بس هقتلك انتِ وعيلتك، اقدر اوصل ليهم بسرعة متتخيلهاش انتِ.
_والله مهنطق بكلمة واحدة، بس انا لو مدخلتش الكلية انهاردة مش هعرف ادخل بعد كدا علشان الكلية داخلية وليها مواعيد، والباب هيتقفل انهاردة وهيفتح الاسبوع اللي جى يوم الجمعة.
_ياقوت: انتِ بتكلمي رئيس عصابة كلمتى واحدة.
_تمام هثق فيك، صحيح اسمك ايه بقي؟؟
_ياقوت: المفروض متثقيش في رئيس عصابة مافيا علشان بيغدر عادى.
_بس انا حساك طيب.
_ياقوت: غبية ومغفلة، على العموم اسمى ياقوت، وعمرى29 سنة
_اسم جميل اوى، وايه بقي اللى خلاك رئيس عصابة مافيا؟
_ياقوت: تاني بتتدخلى فى حاجة متخصكيش.
_كنت بسأل عادي!!!!
_ياقوت: ما هوا العادي وفضولك دا اللى وصلك لهنا.
_معاك حق، المهم انا اسمى أسيا وهكمل 21 قريب.
_ياقوت: 21!!! لكن شكلك بيقول مراهقة.
_اسيا: كلكم بتقولوا كدا بس دا طبيعة شكلى وجسمى، بعد ما اخلص الكلية هنزل تدريب لمدة سنتين، وبعدين هاخد رخصة مزاولة المهنة.
_ياقوت: وتحققى احلامك، الطموح حلو بردو.
_اسيا: كل واحد عنده طموح انت بقي طموحك ايه؟؟
_ياقوت: حاجة متخصكيش.
_اسيا: هوا ممكن يعنى تفكنى بقي؟؟
_ياقوت: صح اخدنا الكلام ونسيت افكك، بس شكلك مبسوطة كدا خليكي شوية كمان.
_اسيا: لا ارجوك.....ارجوك.
_ياقوت: انا هفكك بس لو فكرتى تعملى حركة غبية، هتروحى انتِ وطموحاتك في التراب.
_اسيا: فكنى يا ياقوت.
بعد ما فك ياقوت اسيا.
_اسيا: اخيراً بحس بإيدى ورجلى، شكراً يا ياقوت.
_ياقوت: خليكى عاقلة للأخر.
_اسيا: انت هتمشى!!!
_ياقوت: اه همشى عندك مانع.
_اسيا: لا براحتك.
بعد ما خرج ياقوت، صرخت اسيا صرخة قوية، فرجع ياقوت يشوف فى ايه.........
تنزيل على الفور
novel.download.tips
Comments