( اول لقاء )
اشرقت الشمس في مدينتها عروس البحر الابيض دخلت اشعه الشمس غرفه بطلتنا ( منه ) .
دلفت ليلى غرفه ابنتها
ليلى : منه انتي يا بت قومي يلا بلاش كسل ندى مستنياكي بره .
منه : في ايه يا ماما على الصبح بس ؟؟
ليلى : بقولك ندى بره بتقول انكوا متفقين تنزلوا تجيبوا هدوم للسنه الجديده .
منه : اااه ندى انا نسيت خالص .
قفزت منه من السرير و دلفت الى المرحاض و قامت بغسل وجهها و خرجت وفتحت خزانتها و اخرجت بنطلون جينس ازرق و تيشرت لونه اسود و ارتدت ملابسها و صففت شعرها ذيل حصان و خرجت .
ندى : كله ده نوم احنا مش كنا متفقين .
منه وهي تاكل الساندوتش : معلش اصل راحت عليا نومه يلا بينا .
ندى : يلا .
منه : مش عايزه حاجه من بره يا ماما .
ليلى : لا يا حببتي شكرا .
خرجوا البنات من البنايه و اخدوا تاكسي للمول .
_____________________________________
في السياره
رن هاتفه
محمد : ايه يا ابني وصلت فين ؟
مازن : انا دخلت اسكندريه هروح بس اشتري بدله من المول واروح الاجتماع على طول بس انا مش عارف ان ليه مجتش بدالي انت عارف اني بحب افضل قاعد في القاهره .
محمد : معلش اصل هنا في شغل لازم اعمله بنفسي فبعتك انت تخلص الاجتماع اللي في اسكندريه .
مازن : ماشي سلام .
محمد : سلام .
اغلق مازن الهاتف و ترجل من سيارته و دخل الى المول في نفس الوقت الذي دخلت فيه منه و ندى .
ندى : بصي في محل فوق حلو اوي تعالي نجيب منه .
منه : لا اللي فوق ده مش بحبه روحي انتي انا هدخل المحل دا .
ندى : طيب براحتك .
دلفت منه المحل و اختارت عده اشياء و ذهبت لتدفع الحساب عن الكاشير في نفس الوقت الذي انتهى فيه مازن وتوجه الى الكاشير ايضا ، كانت منه وقفت امام الكاشير ولكن ظهر امامها فجاه مازن .
منه : انت يا اخينا وسع كده دا دوري .
مازن بتكبر : دور ايه احنا في ملاهي .
منه بغضب : لا مش ملاهي بس من الذوق انك لما تلاقي حد واقف تستنى مش تدخل على طول زي الطور كده .
مازن بغضب : طور !! ايه قله الذوق دي انا مش فاضيلك دلوقتي عشان اعلمك الادب لأني مستعجل .
منه : تعلمني الادب !! لا انا متعلمه و متربيه كويس جدا انت اللي مش متربي و متعرفش حاجه عن الاخلاق اصلا وانا مش هسمحولنفسي اني اقف معاك اكتر من كده .
وقفت منه بعيد حتى ينتهي من حسابه ، انتهى ثم نظر اليها نظره غضب و خرج من المحل ، تقدمت منه من الكاشير واعطته الاشياء و حاسبت عليها ثم خرجت من المحل لتلتقي بندى .
( حقيقه )
خرجت منه من المحل وتوجهت الى ندى بوجه غاضب
ندى : خير في ايه ؟
منه بغضب : واحد غبي متكبر و رخم جه خد مكاني في الكاشير وقل ادبه عليا .
ندى : وانتي عملتي ايه ؟
منه : نسحت بكرامته الارض و وقفت بعيد لحد ما هو خلص وبعدين روحت انا احاسب .
ندى : جدعه والله كده احسن .
منه بغرور : طبعا جدعه .
ندى : مغرورة اوي 😂😂 ، بس قوليلي الولا ده شكله ايه ؟
منه : بصراحه مووز اوي بس خساره في الحلاوه دي .
ندى : ما علينا يلا بينا عشان منتأخرش .
منه : يلا .
______________________________________
في سياره مازن
مازن في نفسه : واحده غبيه و رخمه بس بصراحه قمر .
_______________________________________
دلفت منه منزلها
منه : ماما انتي فين ؟
ليلى : تعالي يا حببتي عايزاكي .
دلفت منه غرفه والدتها وجلست بجانبها .
ليلى : عايزة احكيلك على حاجه واوعديني اني لو حصلي حاجه هتعملي اللي بقولك عليه .
منه : بعد الشر عليكي يا ماما ليه بتقولي كده !!؟
ليلى : الموت مش شر يا حببتي واوعديني يلا .
منه : اوعدك يا ماما .
ليلى : بصي يا منه الللي هحكيهولك ده حصل من قبل جوازي انا وباباكي " اهل باباكي لما كان عاوز يتجوزني رفضوا الجواز و باباه قاله لو عايز تتجوزها امشي من القاهره و اعتبر ان مالكش اهل وفعلا باباكي خدني واتجوزنا و جينا قعدنا في اسكندريه وبعد ما توفى باباكي عمك جالي و قالي نيجي نقعد معاهم بس انا مرضتش عشان مكنتش متأكده من رده فعل جدك مع انه اكدلي ان جدك بعد كده وافق على الجواز وان انتي ليكي ورث كبير اوي بس انا رفضت بس يا منه لو حصلي حاجه روحي عيشي معاهم انا اديت رقم عمك لام ندى عشان لو حصلي حاجه ييجو ياخدوكي " .
منه بصدمه : يعني انا عندي عم وجد ؟
ليلى : لا جدك اتوفى من خمس سنين بس عندك عم وابن عم كمان .
منه : انا مش مصدقه و ازاي اروح لحد انتي مكنتيش مآمنالهم .
ليلى : لا يا حببتي هما ناس كويسين خالص وكمان مرات عمك كانت صحبتي .
منه : خلاص يا ماما قفلي على السيره دي .
خرجت منه من غرفه والدتها و دلفت غرفتها وتسطحت على السرير و غفت .
_______________________________________
# احببتك يا ابنه عمي .
( موت )
استيقظت منه و ارتدت ملابسها وخرجت من غرفتها
منه : ماما ماما انتي فين ؟
دلفت ليلى المنزل في هذه اللحظه .
منه : كنتي فين يا ماما ؟
ليلى بتوتر : ا...ك......كنت بجيب حاجه من تحت .
منه بشك : متأكده .
ليلى : اه طبعا .......بس قوليلي انتي لابسه كده ورايحه فين ؟
منه : عندي عيد ميلاد واحده صاحبتي هروح انا و ندي .
ليلى : ماشي يا حببتي بس متتأخريش .
منه : حاضر سلام .
خرجت منه و وجدت ندى امام البنايه .
ندى : على فكره انتي هتشليني قريب .
منه : ليه بس ؟
ندى : اخنا المفروض نتقابل هنا الساعه كام ؟؟
منه : ٣ .
ندى : والساعه دلوقتي كام ؟؟
منه : حم...حم......٤ .
ندى : يعني انتي عارفه اني واقفه كده بقالي ساعه حرام عليكي هتشل منك .
منه : الله هو في ايه مينفعش انام يعني ؟
ندى : منه حببتي احنا العصر .....لا عصر ايه العصر اذن من ساعه .
منه : خلاص خلاص محسساني انك امي نش صحبتي واختي حببتي .
ندى : بطلي بكش ويلا عشان منتأخرش .
منه : يلا .
__________________________________
في شقه ام ندى
ام ندى ( ابتسام ) : يعني الدكتور قالك ايه على التحاليل ؟
ليلى بحزن : قالي اني عندي كانسر و ايامي معدوده .
ابتسام بحزن اكتر : يعني ايه ؟
ليلى : يعني منه امانه في رقبتك لو حصلي حاجه دلوقتي او بعدين خلي بالك منها و اتصلي بعمها عشان تروح تقعد معاهم .
ابتسام : متقوليش كده انتي ان شاء الله هتشوفيها وهي بتتخرج و هتجوزيها وتشيلي عيالها كمان .
ليلى : ان شاء الله .
___________________________________
في فيلا محمد الشاذلي
محمد الشاذلي : ها يا مازن عملت ايه في الاجتماع ؟
مازن : الحمدلله كله تمام .
محمد : يعني بعد كده ابعتك انت تخلص شغل اسكندريه .
مازن : لا لا انا شغلي في القاهره وبس .
محمد : يا ولا حد مايحبش هوا اسكندريه واهل اسكندريه .
مازن ( افتكر منه ) : اهلها اسكندريه بذات لا ميتحبوش .
محمد : على راحتك .
رحل محمد من الفيلا وتوجه للشركه وتبعه مازن الى الشركه ايضا .
__________________________________
دلفت منه منزلها و توجهت الى غرفه والدتها وفتحت باب الغرفه
منه : ما........صدمت منه وجدت والدتها مغمي عليها هرجت منه من منزلها وصعت لمنزل ابتسام وطرقت الباب بشده
ابتسام : ايوه يالي بتخبط .
فتحت ابتسام الباب وجدت منه
ابتسام : خير يا منه في ايه ؟
منه : ماما .......ماما دخلت الشقه لقتها مغمى عليها .
ابتسام بخضه : يالهوي جايه معاكي استني هطلب الاسعاف.
اتصلت ابتسام بالاسعاف واخذوا ليلى الى المشفى
في المستشفى
خرج الدكتور من الغرفه
منه بخوف وقلق : خير يا دكتور ماما كويسه صح .
الدكتور بحزن : للاسف حاله كانسر متأخره جدا .....البقاء لله.
منه ببكاء وهستريا : لا لا .....لا هي بتهزر معايا عشان ....عشان انا بعصبها بس شويه لكن هي كو.....كويسه وبعدين كانسر ايه ....امي كان عندها كانسر......ازاي ......ازاي .
ابتسام : اهدي يا حببتي اهدي والنبي عشان خاطري وحدي الله .
منه : انتي كنتي تعرفي يا طنط كنتي تعرفي انها بتتعذب ومتقوليليش .
ابتسام : هي مكنتش عايزه تقولك عشان كليتك ومستقبلك كان نفسها تشوفك مهندسه كبيره زي باباكي .
منه بغير وعي : لا لا هي ممتش هي معايا انا حاسه بيها .
اغم عليها و اخدها الممرضين للغرفه وعلقولها محلول .
__________________________________
# احببتك يا ابنه عمي .
( اهل )
فاقت منه و غادرت المشفى وتوجهت الى منزلها لتقوم بالعزاء .
جاء اللي وجميع الناس غادروا وتبقى ابتسام وندى و منه
ابتسام : ما تيجي يا حببتي تباتي معانا انهارده .
منه : لا يا طنط انا هنام هنا لوحدي .
ابتسام : على راحتك با بنتي لو عوزتي حاجه ناديني .
منه : شكرا .
غادرت ابتسام و ندى
دلفت منه غرفه والدتها و القت نفسها على السرير و ظلت تبكي حتي اشرقت الشمس ثم غفت .
في الصباح استيقظت منه و دلفت الحمام وارتدت ملابس سوداء عباره عن بنطلون جينس اسود و تيشرت اسود و رفعت شعرها ذيل حصان .
دق الباب ذهبت منه لتفتح ، فتحت منه وجدت ابتسام .
ابتسام : انا قولت انتي اكيد مفطرتيش .
منه : لا مليش نفس اكل .
ابتسام : لا يا حببتي مينفعش الكلام ده كده غلط عليكي لازم تاكلي كويس .
منه : طيب هاكل .
ابتسام : منه حببتي امك وصتي قبل ما تموت اني اكلم عمك .
منه تذكرت حديث والدتها : ليه ؟
ابتسام : عشان ييجوا ياخدوكي تقعدي معاهم .
منه : انا تقيله عليكوا للدرجه دي .
ابتسام : لا يا حببتي خالص انا لولا انها وصيه امك مكنتش عملت كده ده انتي بنتي التانيه بعد ندى .
منه : اعملي اي حاجه مش فارقه .
ابتسام : ناشي يا حببتي .
منه : بس انا في اخر سنه مينفعش احول في اخر سنه القاهره .
ابتسام : متخافيش يا حبيتي هنلاقي حل .
خرجت ابتسام وتوجهت الى منزلها دلفت غرفتها واخذت الرقم و قامت بالاتصال به
ابتسام : سلام عليكوا .
محمد الشاذلي : وعليكم السلام مين معايا .
ابتسام : انا ابتسام جاره ليلى مرات اخوك .
محمد : اهلا وسهلا خير في حاجه .
ابتسام : الحاجه ليلى اتوفت امبارح وكانت قايلالي اني اكلم حضرتك عشان نشوف هي هتقعد فين وكده .
محمد : بنت اخويا هتقعد معايا طبعا في القاهره .
ابتسام : كويس بس هي اخر سنه في كليه هندسه ومينفعش تنقل .
محمد : متقلقيش اما هتصرف وهنقلها لجامعه للقاهره وهبغلها بكره ابني عشان ياخدها .
ابتسام : ان شاء الله شكرا مع السلامه .
محمد : مع السلامه .
اغلق محمد الهاتف و كان متجه الى الشركه .
دلف محمد للشركه وتوجه لمكتب مازن
دلف محمد المكتب
مازن : خير يا بابا في حاجه .
محمد : اه يابني عندك مشوار بكره لازم تروحه .
مازن : مشوار ايه ؟
محمد : هتجيب بنت عمك من اسكندريه .
مازن : بنت ايه .....عمي هو انا عندي بنت عم .
محمد : ايوه يابني عمك زمان اتجوز واحده من القاهره بس ابويا كان رافض وخيره بين الورث و بين مراته بس عمك اختار مراته وراح قعد في اسكندريه .
مازن : طيب اديك قولت اتبرى منه اهو .
محمد : مهو بعد كده وافق على الجواز وكان عايزه يرجع بس هو كان استقر هناك وبعدين هو وصاني قبل ما يموت اني اخد بالي من بنته وانها تاخد ورث ابوها .
مازن : بس انا ما عنديش بنت عم ومش رايح في حته .
محمد : انت بترفض اوامري يا ولد .
مازن : يا بابا انا مش سواق وبعدين ابعتلها اي حد من السواقين يجيبها .
محمد : ينفع يعني ابعتلها سواق بذمتك .
مازن : وفيها ايه هو هياكلها ؟
محمد : ماشي يا مازن على راحتك انا هجيبها بكره .
مازن : احسن بردو .
خرج محمد وتوجه لفيلته
_______________________________________
# احببتك يا ابنه عمي .
( مثل ابي )
في اليوم التالي استيقظت منه وحضرت اغراضها وارتدت ملابسها السوداء وكانت تشبه القمر
خرجت من غرفتها وجدت ابتسام و ندى
منه : هتوحشوني اوي اوي .
ابتسام : وانتي اكتر يا حببتي .
ندى : هتوحشيني اوي مين هيشلني بعد مده كده عشان ننزل سوا .
منه : هبقى اجي في الاجازات واقعد معاكو انا مقدرش ابعد عنكوا اصلا .
ابتسام : يا حببتي هتوحشينا اوي .
جاء اتصال لابتسام
ابتسام : ايوه سلام عليكو
محمد : وعليكوا السلام انا تحت البيت خلي منه تنزل يلا .
ابتسام : حاضر .
اغلقت الهاتف وقالت : يلا يا منه عمك تحت مستنيكي .
منه : حاضر .
نزلت منه و وجدت عمها قال : ما شاء الله الله اكبر قمر شبه ابوكي يا حببتي تعالي ف حضني .
اخذها محمد في حضنه وذكرته بأخيه
منه : هو حضرتك عمي .
محمد : ايوه يا حببتي انا عمو محمد ، تعالي يلا اركبي عشان نروح القاهره .
ركبت منه و انطلقت السياره
في فيلا محمد الشاذلي
منال : مازن انت خارج .
مازن : اه يا ماما عاوزه حاجه .
منال : مش هتسلم على بنت عمك .
مازن : قولتكوا قبل كده انا مش معترف انها بنت عمي ولا هعترف بعدين .
منال : براحتك يا بني .
خرج مازن من الفيلا وتوجه للشركه دلف الشركه و دخل مكتبه .
دلف في هذه اللحظه صديق عمره منذ الطفوله ادهم
ادهم : ايه يابني مالك متعصب ليه كده .
مازن : بنت عمي جايه انهارده وهتقعد معانا .
ادهم : بنت عمك انت عمرك ما قولتلي ان عندك بنت عم .
مازن : عشان مكنتش اعرف غير امبارح بابا قالي وهو راح يجيبها .
ادهم : امممم وشكلها ايه واسمها ايه وعندها كام سنه قولي بقا .
مازن : وانا اعرف منين ؟
ادهم : مش بتقول بنت عمك .
مازن : لا مش معترف بيها اصلا .
ادهم : ليه ؟
حكي مازن الحكايه القديمه
ادهم : يا بني ما هو جدك اعترف بيها في الاخر عايز ايه تاني .
مازن : مش عارف خلاص بقى .
ادهم : على راحتك ومنال هانم عملت ايه لما عرفت ؟
مازن : تخيل انها عملتلها الاوضه اللي جنبي مخصوص و خضرتلها اكل ليها مخصوص و قال ايه الاكل دا ترحيب بيها و لازم كلنا نستقبلها و هيعملولها حفله بمناسبه رجوعها .
ادهم : كل ده ؟
مازن : تخيل وانت معزوم على فكره هي موصياني .
ادهم : اوك هاجي .
_____________________________________
وصلوا الى الفيلا ونزلت منه من السياره وتبعها محمد
محمد : تعالي يا حببتي ادخلي نورتي بيتك .
منه : شكرا يا عمو .
دلفو الفيلا
منال : اهلا وسهلا اهلا اهلا نورتي بيتك يا قمر .
منه : شكرا يا طنط .
محمد : دي منال مراتي ودي منه يا منال .
منال : اهلا اهلا قمر والله تعالي يا حببتي اقعدي استرحي .
منه : شكرا .
محمد : انا هروح الشركه اخلص شويه اوراق واجيب مازن ونيجي عشان نتغدى سوا كلنا .
منال : ماشي يا محمد .
منه : هو حضرتك و عمو محمد وابنكوا بس اللي قاعدين هنا .
منال : لا في ناريمان بنت اختي قاعده معانا من وهي صغيره عشان مامتها اتوفت .
منه : البقاء لله .
منال : ونعم بالله ، قوليلي هي ليلى فين ؟
منه ترقرت الدموع بعيونها : ماما اتوفت اول امبارح .
منال : البقاء لله يا حببتي .
منه : ونعم بالله .
منال : كانت اميره امك حتى بعد ما مشيو زمان كنت بكلها لحد في مره رقمها اتغير ومعرفتش اجيب رقمها تاني كنت بكلمها كل يوم كنا صحاب اوي .
منه : هي حكتلي .
منال : طيب يا حببتي اطلعي ارتاحي وتعالي اوريكي اوضتك .
صعدت منه لغرفتها و دخلت حقائبها و غفت على السرير .
قبل الغداء استيقظت منه و نزلت وجدت منال جالسه
منه : انا عايزه اطلع اتمشى بره شويه .
منال : هو انتي تعرفي حاجه هنا .
منه : وانا جايه شوفت جنينه قريبه من هنا هروح اتمشى فيها وهاجي على الغدا .
منال : ماشي يا حببتي خلي بالك من نفسك .
منه : ماشي .
خرجت منه من الفيلا وتوجهت الجنينه .
لمزيد من التشغيل واللعب ، يرجى تنزيل تطبيق MangaToon
