🖤الخيانة🖤

بقلم: زينة العلي

#الجزء-الأول

راح عرفكن على حالي، أنا وتين، عمري 23 سنة،دارسة سنتين حقوق، بس ماكملت لأنو نضربت على قلبي وحبيت وياريتني ماحبيت،أهلي حالتن المادية فوق الريح، يعني وضعنا ممتاز، وأهلي ناس حبابين كتير،وطبعاً لأنو أنا أخر العنقود والمدللة، ماكان يرنفضلي طلب، يعني كنت عايشة حياة بتجنن، لحتى أجا هداك اليوم، وشفتو، كان ماشي بكل رجولة، وكل البنات يلي معي بالكلية ما شالو عيونن عنو، طويل بجسم رياضي وعيون شهل، يعني بالمختصر بجنن، أنا أول مرة بشوفو بجامعتنا فصرت أسأل رفقاتي مين بكون، وحسب ما سمعت أنو هوا الدكتور الجديد "كرم المجد"، فرحت كتير، يعني راح صير شوفو كل يون تقريباً

المهم صرت كل يوم ألبس أحلى لبس وكون أول وحدة بمحاضرتو، رفقاتي لاحظو أهتمام الدكتور فيني وأنا لاحظت هالشي، وكنت مبسوطه كتير بأهتمامو، المهم مرق الوقت وتقريباً كل يلي بالجامعه صارو يعرفو أنو أنا وياه منكن مشاعر لبعض، لحتى أجا هداك اليوم العترفلي بحبو ألي، ما كنت عاطيا فرحتي لحدا بهداك اليوم، طبعاً عشنا قصة حب حلوة كتيرر وأتفقنا بس خلص السنة يجي يخطبني وبالفعل خلصت السنة التانية ألي بالجامعه،وأجا خطبني، حالتو المادية متوسطة، وعندو بيت وسيارة، ودكتور بالجامعة عمرو 28 سنة، هيك حكيتلن لأهلي عنو، وبالفعل أهلي ماكان عندن أعتراض عليه، بس حكولو أنو يعطيهن كم يوم ليسألو عنو،

بابا: وتين حبيتي تعالي شوي

وتين: أي بابا

بابا: قعدي جنبي

وتين: في شي

بابا: أنا سألت عن الشب وبصراحة حكولي أنو الشب مسموعياتو بالبناية عندهن مو منيحة يعني أحم بجيب بنات عالبيت

وتين: كذب بابا أنا بعرف كرم منيح أكيد عم يكذبو

بابا: يابنتي لا تستعجلي

وتين: بابا أذا بدك راحتي وافق عليه

بابا: طيب هاد أختيارك أنا مارح أمنعك عنو بس دائماً تذكري أنو أنا حذرتك

وتين: بابا خلص بكرا بتشوف قديشو منيح

بابا: ماشي راح أحكي معو وقلو بكرا يجيب أهلو ويجي

قربت وحضنتو،وبالفعل، أجا تاني يوم هوا وأهلو وتمت الخطبة، أنخطبنا سنة كانت من أحلى السنين بحياتي،وأجا اليوم المنتظر وتجوزنا، أنا من أول ليلة حطيت شرط أنو ما بدي ولاد لسنة أو سنتين، وهوا وافق، مر شهرين على زواجنا وكان منيح كتير معي، وأنا كنت عاطتو الثقة التامة، يعني لا بسألو وين رايح و وين جاي وتلفونو ما بقرب عليه أبداً،وهيك لحتى أجا هداك اليوم وعرفت أنو عم يخوني.

...........

{ الخيانة الأولى}

" ~خذلتني وكأنني لم أكن بقلبك يوماً ما~ "

وقتها ضاع تليفوني وكان بدي رن من تلفون كرم هوا كان عم يتحمم، مسكت التلفون منشان دق لتلفوني وفجأة أجت رسالة كان مضمونها" حبيبي وينك صرلك أربع ساعات مختفي شتقتلك" صرت قلب بالمحادثة وأنصدم كلام حب وغزل وباعتتلو صورها، ما كنت متوقعا أبداً أنو يخوني عالقليلا يستنا شوي لسا ماصرلنا شهرين متجوزين، سمعت صوتو طالع من الحمام مسحت دموعي ورجعت كلشي متل ماكان وما حسستو بشي أبداً، كان رايح عالجامعة، لبس تيابو وقرب علي وباسني من خدي وطلع من البيت، قعدت وصرت أبكي، أنا يلي كنت متل الجدبة واثقة فيه وما بدخل فيه أبداً وبعد، كل الحب يلي عشناه يخوني، المشكلة أني ماني مقصرة معو بشي، بلبسلو أحلى لبس،ودائماً بيتي نضيف وعم يلمع، لك حتى طلباتي خففتا منشان ما كتر عليه مصروف، أكيد مارح أرجع عند أهلي هلق لسا ما صرلي شهرين متجوزة، صرت فكر شو بدي ساوي لحتى خطرت على بالي، مر اليوم وأجا كرم وكنت لابسة ومتمكيجا والبيت نضيف ومجهزة الأكل، يعني متل كل يوم، مرق ساعتين وفات يتحمم وكرم بعادتو، أنو بطول كتير بالحمام، فوراً أول ما سمعت صوت المي، مسكت التلفون أنا بعرف رمزو من أيام الخطبة، مانو مغيرو لأنو بيعرف أني واثقة فيه، المهم فتت عالمحادثة وحسب ما فهمت أنها معو بالجامعة ومن الصور عرفت مين،صرت صور المحادثة على تلفوني وصورت حساب البنت وأخدت صورها، ورجعت كلشي متل ما كان، أنا بتذكر أنو هالبنت يتيما الأب وعايشة مع أمها وأخوها الكبير وبتذكر كمان أنو أخوها كان يدخل فيها كتير، أبتسمت بشر، وتسطحت عالتخت

فقت تاني يوم كان كرم رايح بسرعة مسكت التلفون وعملت حساب وهمي وفتت على حساب البنت" هديل محمد" هاد كان أسمها وفتت عالأصدقاء شفت حساب أخوها مازن بعتلو

وتين: مرحبا

ستنيت شوي لحتى رد

مازن: هلا...مين

وتين: أنا فاعلة خير وبدي قلك دير بالك على أختك وشوف مع مين عم تحكي ولمين عم تبعت صورها

مازن: أنتي شو عم تخبصي أختي أشرف من الشرف

وتين: هههه أي شريفة أنا معي الدلائل أذا بدك ببعتلك ياهن

مازن: أنتي وحدة كذابة

بعتلو المحادثات والصور وكلشي أخدتو من هاتف جوزي

وتين: هدول شوي بس من المحادثات والصور ولسا في صور والعياذ بالله يعني ما حسنت أبعتهن خفت تنجلط من المنظر

مازن: مين أنتي

وتين: قلتلك فاعلة خير

ماعاد بعت شي أبداً،مرق كم يوم وتصلت على رفيقتي يلي بالجامعة بتقرب هديل عملت حالي أنو عم سلم وهيك وسألتها عنها

وتين: أي وهديل كيفها

راما: ليش ما خبرتي

وتين: لا والله خير

راما: أخوها جوزها لواحد عمرو 60 سنة وسافرت معو عالأمارات

حاولت داري الأبتسامة: يييي ياحرام ليش هيك عمل

راما: شو بعرفني شيلينا منن أنتي كيفك

صار المسا وأجا كرم وأنا ملاحظة عليه قديش زعلان

هه زعلان على حبيبة القلب

مر شهر وماعاد شفتو حكا مع حدا كل مايفوت عالحمام فتش تلفونو وما لاقي شي فكرتو تاب وماعاد يحكي مع حدا بس لاء دنب الكلب بضل أعوج كمان هالمرة عرفت أنو عم يخوني.

...........

{الخيانة الثانية}

" ~أحياناً تخسر أشياء ليس لأنك أهملتها بل لأنك أهتممت بها أكثر مما ينبغي~ "

عرفت أنو عم يخوني مع جارتنا تخيلو، يلي بعرفو عنها أنها مطلقة وأبوها وأمها ميتين وعايشة مع عمامها،

هالمرة مو متل هديك يلتقو بمطعم أو بكفتيريا هالمرة كانو متفقين يلتقو بفندق، نار وشعلت بقلبي وأنا عم أتخيلهن سوا، صرت قلب بالمحادثات لحتى وصلت لهاد الكلام

رنيم: بيبي بلكي مرتك عرفت بيلي بيناتنا أو شافت المحادثة بتفضحني بعدين

كرم: لا تخافي وتين على نياتها فيكي تقولي هبلة وواثقة فيني كتير تخيلي

قديش صرلنا متجوزين ولهلق ما مسكت تلفوني

رنيم: أي أذا هيك منيح

هه على نياتي لكن أنا بفرجيك والله لندمك، صورت المحادثات وأخدت صورها وعنوان الفندق والوقت يلي راح يلتقو فيه، يمكن هديك كانت شوي محترمة بس هي بالمرة يعني أكيد فهمتو علي، وبالفعل طلع كرم من الحمام ولبس أحلى لبس وتعطر ومشط شعرو لكن أكيد مارح يروح شلون منكان لعندها

وتين: شوو لوين رايح ومتلبس هيك

كرم بتوتر: أحم لوين يعني بدي روح شوي مع رفقاتي

قمت وصرت ظبطلو تيابو

وتين بابتسامة: أي بيبي تتهنا

كرم: بحبك

أخدت نفس عميق: أي وأنا ما بتتخيل شو بحبك

كرم: يالله بدك شي روحي

وتين بأبتسامة: بدي سلامتك يا قلبي

ختفت أبتسامتي تدريجياً أول ما شفتو طلع قمت عالسريع أخدت التلفون وبعتت لعمها الكبير، حسب ما بسمع من جارتي يلي جنبهن أنو عمامها كتير متشددين وحاسبين عليها النفس، أتصلت بعمها

وتين: مرحبا كيفك أبو محمد

أبو محمد: يا هلا... مين

وتين: أنا جارتكن يلي تحت

أبو محمد: أي عرفتك خير يابنتي في شي

عملت حالي عم أبكي: بهون عليك ياعمي يلي عم تساويه فيني بنت أخوك رنيم

أبو محمد: خير خير شو ساوتلك

وتين: بنت أخوك حايما حولين جوزي وبدها تاخدو مني

أبو محمد: شو هالكلام

وتين: والله ياعمي أنا معي الدلائل هلق ببعتلك ياهن وأحم وكمان لحقها لأنو راح يلتقو عالساعة خمسة يعني ضل نص ساعة

أبو محمد: وأنا شو بيضمنلي حكيك

وتين: قلتلك هلق ببعتلك الدلائل والصور وكلشي

أبو محمد بعصبية: طيب ماشي

وتين: لحظة قبل ما تسكر بترجاك ياعمي ما تعملو شي لجوزي أنت هلق شوف المحادثة وبتعرف أنو جوزي ما دخلو وأنو هيا ضلت وراه لحتى رضي ويعني جوزي متل أيا رجال بيضعف صح، يعني أي فشو خلقكن وعملولو بدن مرتب وبس غير هيك لاء وكمان لا تقلو أنو أنا حكيتلك يعني بعدين بطلقني

أبو محمد: خلص متل ما بدك وحقك على راسي

وتين: تسلم يا عمي تسلم

بعتلو لعمها المحادثات والصور عنوان الفندق والوقت

مر ساعة وسمعت الباب نفتح قمت بسرعة وشفتو كان مبين أكل قتلة مرتبة حاولت داري أبتسامتي

وتين: يييي خير خير حبيبي شو في ليش هيك وجهك شو صاير

كرم: أخخخ مافي شي تخانقنا أنا ورفيقي

وتين: ليش تخانقتو

كرم: شغلة تافها

شوي وبلشنا نسمع صوت جيرانا

أبو محمد: يا واطيةة والله لأقتلك والله

عمها التاني: أنتي شو وليه فوق مانا دايرين بالنا عليكي هيك بتساوي

وبلشو ضرب فيها

رنيم بصراخ: أخخخ منشان الله ياعمي وليييي

وتين: يييي شو صاير عند جيرانا

كرم بتوتر: شو بعرفني شو بدنا بالعالم نحنا

وتين: فعلاً شو بدنا بالعالم

كرم: أحم قومي لبسي خلينا نروح نزور أهلك صرلنا زمان ما زرناهن

وتين: بس أنت تعبان أجلها لغير يوم

كرم: ما فيني شي قومي يالله

وتين: طيب متل ما بدك

مر يومين وسمعنا خبر وفات رنيم بحادث سيارة اكيد هدول عمامها قتلوها، بدكن الصراحة، أنبني ضميري عليهن، بس قسي حالي بهالكلام ،هنن يلي عملو بحالهن هيك التنين بيعرفو أنو هوا متجوز، طبعاً لهلق جوزي ماعرف أني كاشفتو وعم يداريني مداراي منشان ما أكشفو والهداية عبو البيت وأنا متل ما أنا معو يعني ما حسستو بشي، وأمي عم تحاول تقنعني جيب ولد بس أنا معندا بعد يلي صار مستحيل جيب ولاد لحتى يتوب مر شهرين وما عاد شفتو خانني أبداً، كنت قاعدة وقت رن التلفون وكان الشب يلي حطيتو منشان يراقب كرم

وتين: أي أحمد صار شي معك

أحمد: مدام وتين الأستاذ كرم طلع من الجامعة ومعو بنت وراحو عالمطعم

وتين بعصبية: خليك عم تراقبن وخبرني كلشي بصير أول بأول

أحمد: حاضر

............

بقلم: زينة العلي

{الخيانة الثالثة}

" ~لقد طعنتني ثم تظاهرت بأنك أنت الذي ينزف~ "

مو معقول قديش كنت مخدوعة فيه ياما بابا وأخواتي حذروني منو بس أنا متل الحمارة قال شو بحبو، لاء ورحت تركت الجامعة كمان منشان دير بالي عليه وما ألتهي عنو، لك ريتو الله أخدني قبل ما شوفو، كان مغير رمز التلفون أذا قلتلو ليش مغيرو راح يشك لهيك قررت أعمل شي تاني هالمرة بدي أكمشو بالجرم المشهود وخلص راح أنهيها معو، ضليت عم راقبو وعرفت عنوان البنت وعرفت كمان أنهن من عيلة فقيرة كتيررر وحالتن المادية صفر المهم رحت وتعرفت على جارتهن وعطيتها مصاري وقلتلها أنو تقلهن أني بقربها وتعرفني عليهن وبالفعل رحت لعندن وتعرفت عليهن كانو ناس بسيطين ومناح كتير طبعاً قلتهن أني متجوزة، وتعرفت عالبنت وصرت صحبا معها وهيا طيوبة بزيادة وبسرعة بتوثق، المهم صارت تحكيلي أسرارها وأنو في واحد حاببها وضل وراها لحتى وافقت ترتبط معو، أنا عرفت أنو هوا كرم وحكتلي أنو حاكيلها أنو هوا أعزب يعني مانو متجوز فهمت أنو البنت ما دخلها بشي وأنو مضحوك عليها ، طبعاً أنا ساعدتهن كتيرر لأهلها بحجة أني حبيتهن وانا فعلاً حبيتهن، المهم كنت قاعدة عندها وقلتلها تعطيني تلفونها منشان أحكي فيه لأنو تلفوني خلص شحنو عطتني ياه وقامت تعمل قهوة أنتهزت الفرصة وفتت عالمحادثات لقيتو مواعدها بكرا عالساعة 8 أنصدمت وقت شفتو باعتلها عنوان بيتنا بكرا خميس وأنا كل خميس بروح بنام عند أهلي، شفتها جاي طلعت بسرعة من المحادثة وعملت حالي نسيانة الرقم عطيتها التلفون وقعدت شوي ورجعت عالبيت قبل ما يرجع كرم منشان ما يشك بشي هالمرة غير كل مرة لبست وتظبطت وعملت سهرة رومانسية وقعدت أستناه يجي مافي شوي لقيتو فتح الباب وفات

قربت عليه وحضنتو"بحبو أي لساتني بحبو رغم كلشي عقلي بقلي أوعك أوعك تسامحيه وقلبي بقلي يمكن يتغير يمكن عملت هالسهرة لحتى ودعو ويمكن لحتى خليه يتذكرني بلكي بغير رئيو وبيلغي الموعد"

كرم بأبتسامة: شوو شو كل هاد

وتين: كل يوم بعمل هيك أنا

ركز بعيوني وحكا: ما بعرف فيكي شي متغير مو نفس النظرة يلي بتطلعي فيها علي

قربت عليه أكتر: كيف يعني شبها نظرة عيوني

كرم: قبل كانت كلها حب وكان فيهن لمعة بس هلق فيهن كره وحقد

وتين حاولت داري دموعي: هههه شو هالحكي نظرة عيوني مانها متغيرة ولا شي

كرم: يمكن أنا متوهم

وتين: كرم بدي أسألك شي

كرم: أي سألي

وتين: ممكن يجي يوم وتخوني

كرم بتوتر: ششو هالحكي من وين جايبتيه

وتين: ما بعرف خطر على بالي

كرم: أكيد لاء أنا بحبك و مستحيل خونك

وتين: بتمنى هالشي

كرم: شوو

وتين: لا ولا شي

كرم: شيلينا من هالسيرة...شتقتلك

وتين: وأنا كمان

فقت تاني يوم لقيت كرم رايح

قمت ضبيت شنتايتي وحطيتها بالخزانة مر الوقت وأجا كرم وحطيت الغدا

كرم: أحم شو ما بدك تروحي عند أهلك

وتين: أي لكن هلق بشيل الغدا وبخلي السواق يجي ياخدني

كرم: أي

وتين: ليش حاسستك مستقلع مني

كرم: شو هالحكي أنتي بتعرفي منيح أني مستحيل أستقلع منك

وتين: أي بعرف

عملت حالي نزلت وستنيت شوي بعدين فتت عند جارتي كنت مفهمتها أنو جوزي عم يخوني وأنو بدي راقبو فتنا عالبرندا وأنا عم أستناها تجي شفتها نازلة من التاكسي وعم تتلفت حوليها طلعت عالبناية وأنا فتت عالصالون ستنيت شوي وسمعت صوت ترسة الباب كان معي نسخة من المفتاح فتحتو شوي شوي بدون ما طلع صوت وفتت كان باب الغرفة مفتوح شفتو كيف حاضنها والنار شعلت بقلبي عيوني دمعو لا أرادين

وتين: شوووو سيد كرم عم تخوني

فاتن: وووتيننن

عملت حالي مصدومة: فاتننن ما لقيتي غير جوزي

فاتن: والله ماكنت بعرف أنو جوزك حكالي أنو مانو متجوز

وتين: بعد كلشي عملتو معكن هيك بتجازيني

صارت تبكي وأخدت شنتايتها وطلعت من البيت ألتفتت على كرم وعيوني مدمعين ما قدرت أكتم الدمعة أكتر من هيك وحكيت كلشي بقلبي

كرم: وتين سمعيني

وتين: شوو على أساس مستحيل تخوني

كرم: وتين روقي

وتين بصريخ: لك جايبها على بيتي وبغرفتي وعلى تختي ولسا عم تقلي روق خلص

طلعت شنتايتي من الخزانة وطلعت من البيت وهوا عم يلحقني ويحاول يبررلي مرو يومين وكل شوي بجي منشان يراضيني طبعاً أهلي حكولي أنو نحنا حزرناكي وهاي نتيجة أختيارك ومن هالحكي

وبيوم كنت قاعدة بغرفتي وقت سمعت صوت جاي من البرندا فتحت الباب وشفت كرم واقف

وتين: بسم الله أنت شو عم تعمل هون

كرم: وتين أنا بحبك وأنتي بتحبيني عطيني فرصة تانية مو معقول تتركيني من أول غلط

وتين: اااا ليش أنا ما عطيتك فرصة تانية خليني ذكرك يمكن نسيان الفرصة الأولى هديل تتذكرها ورنيم جارتنا

كرم: ششو عرفك

وتين: أممم شو عرفني ماا بتعرف ليش كان يصير شي قبل ما تقرب منهن

كرم: شو قصدك

وتين: خليني بلشلك بهديل كان صرلنا بس شهرين متجوزين يعني لو منتظر شوي كنت ببررتلك بس لساتني عروس خلينا بالمهم إنا بعتت صورها والمحادثات لأخوها وياحراام أخوها جوزها لواحد ختيار وباي باي سافرت

كرم: أنتي يلي كنتي وراها

وتين: أيي...ورنيم جارتنا المطلقة يلي كنت مواعدها بالفندق كمان أنا يلي حكيت مع عمها وعطيتو العنوان وطبعاً قلتلو أوعكن تساوو شي لجوزي حبيبي يعني بس كم بوكس خفاف ويا حرااام ما مرق يومين وماتت أيهه الله يرحمها شو كانت شريفة ههههه تتذكر كنت قايللها أني هبلة وعلى نياتي

كرم: أنتي شيطانة

وتين: أنت يلي ساويتني هيك بشو كنت مقصرة معكك لك كنت مدللتك أخر دلال بعد كل الحب يلي عشناه تخونني ومو مرة لاااء تلت مرات ولو ماني كاشفتك كنت خنتني ألف مرة بس خلصصص أنا كرهتك معك يومين تبعتلي ورقة طلاقي يا أما راح يصير شي ما يعحبك

كرم: ما كنت متوقعك هيك أبداً

وكان راح يروح

وتين: لحظة يعني معقول أئذي كل هدول وأنت خليك ولووو ما أنت حبيبي...خود

كرم: شو هاد

وتين: هاي تنازلك عن البيت والسيارة بأسمي

كرم: كيف يعني شلون

وتين بأبتسامة: أولت مبارح السهرة كنت حاطتلك منوم بالأكل وستنيت لحتى نمت وبصمتك عالوراق شو رائيك بهالمفاجئة

قرب علي ومسكني من الكنزة

وصار يهزني

كرم: أنتي شيطانةة

وتين: أعطيك يلي أقوة من هيك

أطلع علي نظرة أنو شو راح تعملي أكتر من هيك

وتين بعياط: وليييييي لحقونيييي بدو يقتلنيييي باباااا مامااااا

فات بابا بسرعة وشافو كيف ماسكني من الكنزة ومصدوم

بابا: أنت شو عم تساوي ياواطيي بعد عن بنتي

ركضت عند بابا وأنا عم أبكي

وتين: قلي أذا ما بتراجع عن الطلاق راح يقتلني

أخي: يا أبن الحرام نقلع من بيتينا وورقة طلاق أختي بدها توصلها بكرا سامع يا أما بصير شي مارح يعجبك

طلع من البيت وهوا مصدوم وأنا حاسة بالنصر أني قدرت أكسرو ما مر كم يوم وأجتني ورقة طلاقي وخبرت أنو كرم سافر وما عاد يرجع لهون، زعلت كتيرر لأنو أنا عنجد حبيتو، فاتن صارت رفيقتي المقربة كملت دراستي وصرت محامية قد الدنيا، طبعاً أجاني عرسان كتير بس أنا أرفض لأنو ما بدي أرجع عيش نفس الشعور وبس هاي قصتي

شو رأئيكن بتصرفي كان صح ولا غلط.....

" ~الخيانة هي الشيء الوحيد الذي يجعلك تكره من تحب حتى لو كان حبك عظيماً~ "

النهاية