...رواية # النمر الأسود ...
...#الكاتبة راوء هادي ...
...وقبل كل شيء ، اترك تعليقًا وإعجابًا بين الفقرات....
...قراءة ممتعة للجميع ....
...ـــــــــــــــــــــــــــــــــــــــــــــــــــــــــــــــــــــــــــــــــــــــــ...
...{ البارت 1 }...
...ــــــــــــــــــــــــــــــــــــــــــــــــــــــــــــــــــــــــــــــــــ...
...في إحدى المحافظات العراقية الحبيبة...
...دعونا ندخل إلى أحد بيوت تلك المحافظة الجميلة ونتعرف على أصحاب البيت ونكون أصدقاء ...
...وليس متطفلين ونعيش معهم أجواء ...
...حياتهم الحلوة والمرّة...
الاوضاع بهذا الوكت جانت أبد مو زينة ومخربطة لدرجة الأخ صار يقتل اخوه علمود الفلوس ناس صارت تقتل ناس علمود العيشة ...
وامريكا دخلوا للعراق دمروا ونهبوا خيراته وقتلوا عدد كلش كبير من الشعب والجنود ...
وصارت هواي تغيرات وظهرت هواي منظمات مختلفة في العراق " صار كلمن هو ونظامه ومجموعته الخاصة بي كساع صاير
انفاجر شكل مخفخات
كساع وحدة شكل مفجورة وقاتلة عدد
كبير من الناس الأبرياء ...
صار قتل على هوية الهوية الأمريكية وأحداث ظهور جيش المهدي عجل الله فرجه وظهوره الشريف ) صار قتل بشكل كلش فضيع باللحظات
تطلع بالشارع تحس نفسك بعد مراح تكدر ترجع لاهلك سالم تحس نفسك راح تنقتل بشكل مفاجأ أو تنخطف من قبل منظمات تدعي منظمات الطائفية
كل منظمة تخطف فئة معينه ' ناس تخطف شيعة وناس تخطف سنة ناس تخطف مسيحي كلمن صار يقتل ويخطف بكيفه علمود الفلوس ...
ناس كامت تنهش بلحم ناس ...
الظهر جنت متمدد بالاستقبال وفزيت من سمعت صوت اصراخ مره تصرخ بقلب محترك وصوت رجال يصيح وراها ويغلط ويفشر عرفته
هذا جوارينا ابو رشا إنسان جدآ فاس أخلاقياً ويسكر ويشرب مواد كحولية في حيث مسود عيشة أهله ومدمر مرته دمار موشلون مجان ...
ماتحملت صوت صراخها مبين جاي يضرب بيها وبنص الشارع خليت وطلعت فتحت الباب والصدمة الي المظهر كلش عيب وحرام المرة عارية
الجسم جانت هو بايده صوندة ويكتل بيها رجعت للبيت اركض بسرعة لغرفة امي امي جانت كاعدة تسبح وتستغفر الله هي تسمع صوت اصراخ
المره بس ماتكدر تسوي شي تبقى تاكل بروحها ..
- هاا يمة شعندك ماخذ عبايتي ؟
- يمة ام رشا مصلخة وبنص
الشارع رايح استرها
- من صخام براسه وراس الخلفوه
شلون هيج يسوي بمرته؟!
- واحد حيوان شترجين منه
بسرعة ركضت وامي وراي ركضت دفعت ابو رشا عنها وشمرت عباية امي عليها امي لفلفتها بالعباية ابو رشا ضربني بالصوندة على ايدي
حيل اذاني بسرعة جريت الصوندة من ايده وطيحت حظه بيها هو سكران ومخربط وامي اخذت ام رشا لبيتنه خطية منتهية جانت وترجف خشمها
وحلكها طاكات دم وجهها كله مزورك شمرت
الصوندة عليه وتفلت بنص وجه
- تفووو حيوان بعمرك مراح تصير
رجال وتبقى عار على كل الرجال...
..واحد نكس خنزير
خليت وطبيت جوه امي اخذت ام رشا للحمام تسبح وطلعت لها ملابس سبحت وطلعت خطية بعدها ترجف وتحجي موتني وموت جهالي من
الضرب يجي سكران مايعرف راسه من رجليه ويلزمني بالصوندة ينهيني ويرجع ينهي
الجهال هسة يرجع لجهالي ...
ام محمد - تعرفين رقم احد من اهلج؟
ام رشا - اي اخوي الجبير
ام محمد - كايمة اجيب التلفون
واتصلي بي وكليله
ام رشا - يموتونه
حسين - طبه مرض خل يموتونه هسة
حلوة عمة طلعتي مصلخة بنص
الشارع ويكتل بيج
ام رشا - جهالي ؟!
حسين - اتصلي باهلج خل يجون
ياخذونج وياخذون جهالج احسن
من هاي البهذلة
كامت امي جابت التلفون وانطته لها اتصلت باهلها ماكو نص ساعة واجوي وهدوا على ابو رشا طيحوا حظه بنص الشارع ملخوه تملخ كوه العالم
خلصوه من بين ادينهم شالوا اجنازة وكبل للمستشفى المره خطية جانت تصرخ وتعيط محد طلع لها وخلصها من بين ادينه
صدك الناس ماترحم بالمره ويكولون مره ورجال شعلينه بيهم ..لعد عليش طلعتوا وخلصوا
الرجال من بين ادين أهلها ..؟!
المهم طبت جوه أخذت جهالها وقفلت البيت وانطت المفتاح لأم جاسم جوارينهم وراحت لبيت اهلها بلكت الله يسون لها سورة حل خطية
هواي تعذبت منه هي وجهالها وحتى جهالها جانوا مكتولين منه " اجه ابوي من الشغل سولفتله امي على العركة الصارت تخبل على ابو رشا
وكال حيل بي يستاهل إنسان قذر مايخاف الله ..
المهم ثاني يوم خليت جنطتي بجتفي ورحت للمدرسة اتمشى صادفت حمد صديق أبوي
إنسان كلش محترم ويخاف الله ...
حسين - السلام عليكم عمي شلونك
حمد - وعليكم السلام وليدي الحمدلله
والشكر بخير أنت شلونك
الاهل شلونهم
حسين - الحمدلله بخير
حمد - تعال خل اوصلك للمدرسة
حسين - لا عمي مايحتاج انه اروح مشي
خاف يضربون سيارتك
حمد - تروحلك فدوة السيارة ...
تعال اصعد خل اوصلك
حسين - مسافة واوصل لها
حمد - انه جاي احجي اصعد
فتح باب الصدر صعدت من لا جارة
طبكت الباب وحرك السيارة ...
حمد - أنت بعدك صغير وشايل أخلاق
ورجولة كلش عالية وأتمنى
لو عندي ولد نفسك
حسين- رحم الله والديك عمي على المجاملة
حمد - والديك وليدي لا والله مو مجاملة هاي الحقيقة سمعت بيك مخلص ام رشا وكاتل
ابو رشا كتله معدلة هههه
حسين- لو بايدي اشرب من دمه
حمد - للأسف هاي المره الزينة بي
حسين - واحد نكس خنزير الله يأخذه
حمد - الله ماياخذ النكسين هيج نكسين
ينكسون تراب المقابر
حسين - اي والله حرامات بي تراب المقابر
وصلني للمدرسة الله يرضى عليه دخلت للمدرسة بدء الدرس الأول والثاني والثالث وراها انتهت المدرسة رجعت للبيت العصر طلعت اللعب طوبة
ويه جهال المنطقة وصارت مداهمات امريكيا على واحد ضارب الأمريكي وشارد وهم يدورون عليه بالمنطقة اجوي الأمريكان يركضون علينا هم واسلحتهم كلش يخوفون جانوا
بسرعة تفرفرقنا انه من خوفي منهم صرت اختل وره الشجر شجره شجره وره الحياطين والبيوت والسيارات عبالك جندي محترف هيج جانت
عندي مواهب الاختباء من صغري
آخر شي صاروا قريبين مني لزمت وختلت وره السيارة كطعت نفسي ماكدر اشرد للبيت البيت كلش بعيد فزيت من شخص خله ايده وره ظهري
وجرني جان جندي بقيت جامد بمكاني كلت هسة يكتلوني عافني ويضحك مبين مو امريكي عراقي من حجه عراقي وياي من وره اللثام
المترجم - أنت شنو ماتكلي عجبت الامريكان
بطريقة اختبائك عبالك جندي
بنص معركة ؟!
ماحجيت بقيت ساكت كلهم التموا عليًّ بقيت بس اباوعلهم يحجون ويضحكون ويسون إشارات انه كلشي مافتهم لهم بس افهم كود واحسنت
وهاي الكلمات انطوني حلويات وأشياء
ماعرف شنو بكياس رصاصية
يمكن أكل وهيج شي ؟!
المترجم - شبيك ساكت ؟
حسين - اروح لبيت ؟
المترجم - روح
عفتهم ورحت أمشي اخاف اركض بيناتهم تارسين الشارع ترس والدنيا مغرب باردة تكص كص وهم وسياراتهم ودباباتهم بعدت عنهم شمرت الأشياء
اللي انطونياها على الرصيف
وطلعت عدل لبيتنه قلبي يخفق بسرعة في حيث يريد يطلع من صدري مكان قلبي قبل لا اطب للبيت نكتت ملابسي زين وغسلت وجي من ماي الموطور
جان كلش بارد خليت وطبيت جوه لبيت ...
ام محمد - تأخرت يمة وين جنت وبالي ضل يمك ؟!
حسين - جنت اللعب طوبة ويه ولد
ام محمد - انه مو كتلك لا تتأخر ترجع قبل لا يرجع ابوك من الشغل هسة اجه ومالكاك تخبل
خبال وطلع يدور عليك
حسين - هاي شلون ورطة ؟
ام محمد - طلعلك عذر
حسين - هو اكون ارجع من زمان بس الامريكان داهموا المكان وبعد ماكدرت ارجع
ام محمد - اكسر رجليك بس تطلع افتهمت
حسين - يمة شبيج خايفة ؟
ام محمد - انه كلتلك بعد اكعد
وانجب لا يرحون يكتلوك
خليت وسكتت اخذت ملابسي ورحت للحمام سبحت وطلعت شوي واجه أبوي تعارك وياي وبس تطلع اكسرك تكسر افتهمت انشلع قلبي
من وراك نهار كله مسربت بالشوارع
تكعد تقرأ وتنجب افتهمت
حسين - افتهمت يابة
ابو محمد - غصباً على راسك وراس الخلفوك
مارديت على أبوي عفته يرزل بي المهم وره أسبوع شفت واحد من ولد المنطقة مسجل بنادي لفنون القتالية ملاكمة سوالي واهس والله اسجل
رحت للبيت فاتحت ابوي بالموضوع "
حسين - يابة اريد اسجل بنادي لفنون القتالية
ابو محمد - هاي نوب منين جبتلياها ؟
حسين - اريد اتعلم فنون دفاع عن النفس
لو تريدني انكتل بالشارع
ابو محمد - بدون فنون قتالية ومطيح حظ العالم لو تتعلم شسوي اكعد واسكت وركز بدراستك مابي حيل ادفع فصول من وراك
حسين - شايفني يابة؟!
ابو محمد - سد الموضوع حسين لو اطيحلك حظك
خليت وكمت مقهور رحت يم امي جانت بالمطبخ
حسين - ماقبل
ام محمد.- انسى وخلها تولي وركز بدراستك
حسين - ماكدر اركز بدراستي وهي بالي
ام محمد - شلون بيك حسين شلون ؟
عفتها وطلعت للغرفة زعلان اريد ادخل للنادي اريد اتعلم الملاكمة اريد اصير شخص قوي ثاني يوم رحت للمدرسة وشفت عمي حمد وكلتله
يقنع ابوي ادخل بفلان نادي لفنون القتالية
حمد.- ماعليك انت انه اقنعه لك
حسين - ماتقصر عمي
حمد - تدلل
خليت ومشيت انه أهل المنطقة كلها تحبني لأن ساعد الكل من صغيرها لجبيرها احب اساعد العالم رجعت من المدرسة تغديت وكملت دروسي
وكعدت بالباب ساعات باوع على العالم رايحة جاية جوارينا جاي يسوي واير الكهرباء مالتهم محترك صاح عليًّ رحت ساعته ورجعت كعدت
بمكاني صارت الدنيا مغرب كمت نكتت ملابسي وطبيت جوه شفت امي الحنينة كاعدة يم
صوبة تسبح بسبحتها تقربت لها
وبستها من راسها فوك شيلة البيضة باوعت عليًّ بنظرات حنونة بعدت وابتسمت بوجهها عفتها دخلت جوه غسلت ايدي رحت لفراشي نمت
اجت كعدتني على الصلاة صليت ورجعت نمت ماردت اتعشة كعدت الصبح على صوت صياح ديج طفرت غسلت رجعت كعدت بالمطبخ
انتظرها تجي تسويلي ريوك كلش جوعان
جنت فترة وطبت للمطبخ ...
- هلا يمة صباح الخير
- صباح الورد جوعان ؟
هزيت راسي وكتلها "
اي
- سودة عليًّ يمة نمت بلا ماتتعشه
راحت خدرت الچاي وطكت بيض وانه كمت
حظرت الصينية وراها كعدنا انه
وياها نتريك وكالت ...
- ابوك شغير رأيه
- شنو يمة ؟
- البارحة من رجع من الشغل كال
اودي حسين لنادي اسجله
- والله؟!
- اي
- يمة فرحان وأخيراً قبل يسجلني ههههه
- يمة انه خايفة عليك
- وعلى شنو تخافين ؟!
- مادري قلبي نابزني عوفها تولي وركز بدراستك
- يمة حلم عندي والله العظيم اسجل بيها واصير اللاعب فنون قتالية واصير ملاكم الله بعد
محد بندك بي هههههه
- وانت هذا الهامك محد يندك بيك؟
- لا موهيج يمة تدرين بي احب اساعد العالم مثلا هذلك اليوم ابو رشا كتل مرته وانه كتلته وخلصتها منه هيج قصدي اساعد مو اكتل الناس
البريئة لمالها ذنب
- ماعليك يمة ماعليك بالناس مو كل الناس
نفس ابو رشا جبناء اكو ناس حاقدة
وانه خاف عليك منهم
- مادام الله الحامي لتخافين
- ونعم بالله يمة بس تفادي المشاكل
- متفادي والله أبوي وين ؟
- طلع لشغل
- شعنده اليوم مغبش ؟
- مادري اتصل بي حمد واجه اخذه
- هاا زين شوكت يجون محمد وعباس ؟
- بعد جم يوم يجون
كملت اكلي وكمت غسلت اديه ودخلت للغرفة
غيرت ملابسي لبست ملابس مدرسة من
رجعت للبيت شمرت جنطة صحت
- الحنينة وينج ؟
ماكو سمعت صوت بالغرفة الله أكبر عرفت جاي اصلي دخلت للغرفة باوعلها شلون صلي كملت
صلاة تقدمت لها بستها من راسها..
- تقبل الله يمة
- تقبل مناه ومنكم صالح الاعمال
- اللهم آمين.. أبوي مرجع ؟
- لا
- اتصلتي بي ؟
- اي كال العصر يلا ارجع
- لعد شوكت يلحك يسجني بالنادي ؟!
- هسة شبيك مستعجل ؟
- جوعان
- روح بدل وصلي على ماجهز الغدة
رحت للغرفة بدلت ورجعت توضيت وصليت ورحت كعدت اتغدة انه وامي كملنا غدة غسلت المواعين وانه صبيت چاي النه شربنا چاي وكعدنا
نسولف سالفة جر سالفة وكالت ...
- لعد شبيك ويه ام جاسم ولدها ؟
- مو اوادم
- هاا مو اوادم
- اي
- أول مرة وآخر مرة تتعارك وياهم
- هه
- ولك عيب جوارين
- انعل ابو العيب انه مو جبان اخليها
هي ولدها العارات يحجون
عليًّ هنا وهناك
- منو ضاحك عليك وكايلك حاجين عليك ؟
- اكو منو اللي يوصلي الحجي
- لا تصير عربانة ياهو ليجي يدفعك
- ترى تحجي
- ماتحجي
- بالعباس أبو فاضل تحجي وانه
أكثر من مرة اسمعها تحجي
عليًّ بالباب يم النسوان
- صدك حسين تراقب نسوان المنطقة ؟!
- نفس ماهن يراقبني انه اراقبهن
- بالخير عليًّ زلمتي صاير نفس النسوان
- لا تشبهيني النسوان
- لعد شسمي فعلتك هاي ؟!
- مراقبة
- هاا مراقبة ؟
- اي
- انه حجيت وصيت بعد ابعد دربك
من درب ام جاسم ولدها
- يبعدون ابعد يقربون اقرب
- هيج صارت ؟
- وانكس تصير
خليت وكمت ضايج عدل للغرفة طبيت وطبكت الباب وكعدت اقرأ هم جاسم المذنبة وجاي
تذب الذنب بي انه شعلي بيها
لا يمها ولا عليها تذب الصوج بي وتجي تشكيني يم اهلي المهم رجع أبوي العصر تعبان بعد ماكلتله يسجلني بالنادي وبالليل محد ير يطلع
الوضع مو زين عاد ثاني يوم وداني سجلني بالنادي النادي جان كلش حلو وحلمي طبعا المدرب
جان صارم ومايقبل على اقل حركة سجلني ابوي وراح انطاني ارشادات وتعليمات لازم امشي عليها وأي خلاف مني للمعلومات انطرد
بديت ادرب ويا لفترة صارت عندي تشنجات باديه وبكامل جسمي مرت الأيام وتعودت وبديت اتعلم ويه المدرب واللاعبين النادي جانوا كبار
وصغار الكبار صارمين لدرجة الصغار لا نفسي بس يحبون يتعلمون هناك وين المدرب طرد اثنين من الكبار جانوا مخالفين القوانين انه وبقيه
الطلاب من شفنه هيج بكنه طن هوى لا ننطرد "
نفسهم اجه مدرب النادي وجمعنا كلنا
كدامه صغار وكبار
المدرب - بس اشوف لو اسمع واحد بيكم مخالف القواعد والقوانين حاله من حال ثامر وعقيل ينطرد وماله خط رجعة بعد لنادي فعذر من انذار
وانه حذرت بعد وبعد بكيفكم تردون تخالفون وتنطردون لو تمشون على القوانين
وتكملون وياي
كلنا كلنا بصوت واحد. " نكمل وياك
المدرب - شريد لعد انه تكملون وتوصلون للبطولة ...يلا كلمن على تدريبه
رجعنا ندرب ولد اكبر مني جان
بالمتوسطة قربلي وكال
- تريد الصدك حسين
- شكو ؟
- انه تعبت وراح ابطل
- حرامات
- والله مابي حيل اكمل ومناه مدرسة
- انه هم نفسك مدرسة وعمري صغير وجاي اللعب
- ضروفك عكس ضروفي
- حاول تكمل
- ماكدر والله راح ابطل
- بكيفك بعد
خله وراح للمدرب حجه ويا وراها أخذ الجنطة بجتفه وباوعلي بضحكة وطلع شكد نقهرت من بطل الولد يمتلك الياقة بدنية عالية وخوش يلعب
وره يومين سمعت واحد من الولد ويانه يكول صاير يشتغل ويه خوالة خطاف يخطف بالعالم شكد حقدنا عليه كلنا راح يوم واجه يوم كالوا كاتلي
الامريكان هو وخوالة دمر حياته من وره خوالة اكيد هم لعبوا بعقله وجروا لطريق الحرام..وانه بقيت بمشواري بدراستي متفوق ودرجاتي
كلها كاملة اخذها أبوي فرحان بي علمود اللعب بالنادي ومستواي الدراسي زين اخواني يحمدون بي ومن يجون من كربلاء ينطوني مصرف
هم يداومون بكربلاء ويشتغلون هناك معتمدين على نفسهم احنا حالتنه المادية مو شي المهم العصر رجعت من النادي جنطتي بظهري
صادفتني ام جاسم متخوصرة بالباب "
- شناوي تصير ؟
- اللهم مطولج ياروح مانخلص منج ومن برجج ؟
- انجب طايح الحظ بطول نعالي وما ...
- اقسم بالله العلي العظيم لما سديتي
بوزج انسى أنتِ مره واطرج
نصين افتهمتي
- تطر من ولك ؟
- اطرج واطر امثالج طبي جوووه
- عليمن هاااي ... جاسم يمة تعال شوف
الحيوان حسين يغلط على امك
اجه جاسم - هاا يمة شكو ؟
ام جاسم - تقبل حسين يكلي اطرج نصين ؟
جاسم - انعل ابوك يابو الخلفوك تطر منو
اليوم إذا ماطريتك وسويتك نصين
فلا اطلع ابن امي وابوي
اجه عليًّ بسرعة شمرت الجنطة بالكاع اليوم اطلع تدريبي كله بي اجه يريد يضربني بوكس بسرعة تفاديته وخرطته بوكس بنص وجه ورجعت ضربته بوكس ثاني وكعته بالكاع بقيت واكف بمكاني
ام جاسم كامت تدك على رأسها وتصيح ..
ام جاسم - ياناس ياعالم الحكولي
ابني راح يروح من بين ادين
ياناس الحكوليييييي
طلعوا العالم من ضمنهم ابوي وجاسم متخربط بالكاع جنت ماذي وضاربه ضربه قاضية ومادري بروحي اجه ابوي جرني من ملابسي
وخرطني راشدي كدام العالم ...
ابو محمد - هاي تربيتي لك تكتل العالم
حسين - هو البدء يابة ...
جابني براشدي ثاني وصاح بي "
كدامي للبيت
عفت ابوي ورحت اخذت جنطتي وجاسم العالم مالتمه عليه ناس تصيح جيبوا ماي ناس تكول نودي للمستشفى ام جاسم تعيط وتغلط عليًّ
شمرت الجنطة بالكاع وهديت عليها ردت اكتلها ابوي جرني منها وطيح حظي وشحطني من ملابسي للبيت ولزمني بالبيت طيح حظي من
الكتل وامي ترزل بي انه شعلي ذبوها برأسي هي بربوك كاعدتلي بالباب وتتحرش بي تدري بي
اعصاب وماكدر اتحكم باعصابي
ابن الجوارين جاب جنطتي واسمع بي كول
- خطية جاسم خشمه مكسور
ورها راح رجعلي ابوي للغرفة '
جهز نفسك للفصل
- افصلها بنعال مشكك
- اكل خرر..وانجب تستهزء
- هم العالوا وانه النهيت العيالة
- هاا نهيت العيالة ؟
- اي
- تعاندني حسين تعاندني ؟!
- لا
- انه دخلتك بنادي تتعلم وتصير لاعب تفيد
بلدك مو تهد وتكتل ولد ونسوان العالم
- نسوان مو اوادم وتوز بولدها
- وتالي وياك
- بالعباس انه مالي علاقة بيهم تدري بي من المدرسة لنادي ومن لنادي للبيت هي ماتكعد راحة مني اروح وارجع تحجي وتحجي عليًً يم العالم
- ماكو نار بدون دخان
- نارهم هم يشعلونها مو انه
- تسمع ومشي افتهمت
- بس العار والجبان يسكت
- جفي الشر لو ابطلك من النادي ودزك يم
اخوانك بكربلاء تشتغل وتدرس
- بالعباس اجفي شر بس لا تبطلني
- هذا آخر انذار لك
- هاهي يابة لتريده تصير
خله وطلع بالليل اجوي زلم معكلة على ابوي عمام وخوال جاسم يدورون فصول وانه نار وشتعلت
بي ردت اكب بيهم بس أمي ماخلتني
ماتحملت من سمعتهن يلومون بابوي
خليت وطبيت عليهم اصيح ...
حسين - تذبون الصوج بي بدل ماتذبونه بنسوانكم .. حرمتكم صايرة قطاعة طرق تحجي وتغلط بكيفها لزموا حرمتكم وجفوا شر ولد العالم عليكم
ابو يوسف - تحجي على اختي وكدامي ؟!
حسين - بس العار ليخاف ومايكول الحق وانه مو عار وجبان علمود اخاف منكم وماحجي الحق حرمتكم كل يوم واكفتلي بنص طريق
وتحجي وتغلط بكيفها وانه ماسويت
شي هي هدت ابنها عليًّ وانه
دفاع عن النفس كتلته
ابو غانم - والله انك سبع كتلت رجال مشورب
ابو محمد - حسين اكعد عيب
ابو يوسف - تريد تقنعني هم العالوا بيك ؟
حسين - هذا الصدك هم العالوا بي
انه رجعت من النادي تعبان
ويني وين العرايك
ابو غانم - تعبان مديت رجال
لو ماتعبان شسويت بي؟
حسين - ادفنه
ابو يوسف - سمعتوا ؟
ابو محمد - حسين مو احجي وياك ؟
حسين - تردون تجفون الشر الزموا حرمتكم ولدها وحجوا وياهم خل يبعدون من دربي ترى ماعندي اللحية مسرحة اطب واكتل زلمكم وحرمتكم
أبو يوسف - بالخير عليًّ جهال تهددني
ابو محمد - اطلع بررررره
حسين - الجاهل جاهل العقل مو جاهل البدن وصح انه طفل الجسم بس رجال بالافعال وليندك
بي ادكه واسحل ليطلع وراه
خليت وطلعت مفور عدل لغرفتي امي وراي اجت ..
- ولك حسين مابيك تلزم لسانك ؟!
- لا
- ادري لسان لو رشاشة
- جوزي مني
- حسين أنت الغلطان وصاير أنت ابو الراهي
- انه ابو الراهي هم الغلطانين يمة
- وتالي وياك ماجوز ...
- بالعباس ماجوز إذا ماجازوا من دربي
- ادري بيك ناوي تبيعنه البيت وتخلينه على الحصيرة
خلت وطلعت وره ماراحوا الزلم اجه ابوي للغرفة رزلني وكال دير بالك تتعرض للعالم بعد وإذا
تعرضت ياويلك مني خله ومشى ...
ثاني يوم الصبح صادف جمعة تريكت وكعدت يم امي بالمطبخ جانت تلف كبة كعدت الف وياها وكرصة خبز بصفي لفة بحلكي من الحشو
ولفة بالكبة امي تباوعلي صفح ماتكدر تعيط بي تدرب بي جوعان كملت وياها للأخير دائما اساعد امي بالبيت ماعدنا بنات تساعدها احنا
ثلاث ولد محمد وعباس الكبار وحالياً عايشين خارج المحافظة بالكربلاء يم عمامي هناك يدرسون ويشتغلون معتمدين على نفسهم
- تراضوا
- تراضيهم الجيلة
- حسين
- ياسباح قلبي
- استغفرالله العظيم كوم خلي الصينية بالمجمدة
- تدللين
شلت صينية وخليتها بالمجمدة تجمد وتحولها بالعلاكة سديت المجمدة ورحت غسلت بقية المواعين وامي كامت تطبخ الكبة
على العشة ...
- اليوم مارايح لنادي ؟
- اجازة
- شلونك ويه تدريب؟
- والله زين
- يتعب!؟
- اي بالعباس يتعب
- حسين خوما هملت دراستك؟
- لا يمة ماهملتها هناك أخذ كتابي
واقرا بالفترة الاستراحة
- اي عفية يمة لا تهمل دراستك
- اطمني ماهملها
خليت وطلعت كعدت بالباب البيت لبصفنه جانوا جاي يشيلون مادري وين وعليش راح يشيلون ؟! سالت ابنهم منصور وياي بالمدرسة ...
حسين - هاا منصور وين شايلين ؟
منصور - لنجف
حسين - شعجب هالبعدة ؟
منصور - بكيف اهلي
حسين - وبيتكم بعتوا ؟
منصور - اي
حسين - الله وياكم توصلون بالسلامة
منصور - الله يسلمك
خله وراح يساعد أهله رجعت للبيت ثاني يوم محمد وعباس اجوي يضحكون مفرحانين لكتله جاسم ورزالة ام جاسم يتخبلون منهم
يعرفونهم موخوش اوادم ...
عباس - بوية مو زلمة صاير عدنه صاروخ هههه
محمد - جسمك مشدود
حسين - اي جاي اللعب لياقة بدنية
عباس - محمد راح نتكتل ههههه
محمد - دير بالك تصير اكبر منه وتكتلنه
ترى احنا اخوانك الفقراء والمساكين
و المضلومين ههههه
عباس - كلش فقراء ومضلومين هههه
حسين - ادفنكم هههههه
محمد - خل اكوم ادفنك
عباس - صاير شطولك ولك وكف طول وكف
حسين - جا هو بايدي اوكف طول
محمد - ليشوفك يكول رجال مو زعطوط
عباس - وعلي بعد جم يوم يصير اطول منه
محمد- الجية الجاي اطول منه اطمن ..يمة
عليج الله شتعلفين فحل النخل
وهيج طولان
ام محمد - علف مضبوط هههه
محمد- علفيني من هالعلف المضبوط
وخل اطول نفسه هههههه
عباس - حسين
حسين - هاا
عباس - وجع حليان
حسين - ههههه اليوم انصاب بعين ثلاثية الابعاد
محمد - اي وعلي حليان وطولان لازم نشوفله مره
طب ابوي وكاللهم '
شوفولكم نسوان يلا تشوفون للزعاطيط
محمد - انه مازوج إلا اكمل دراسة
ويصير عندي راتب شهري
عباس - وانه هم
ابو محمد - اقروا زين لعد وصيروا أهل
وظايف ورواتب ..اي حسين هم
مسوي مشاكل مناه مناه
حسين - لا
محمد - خطية حسين فقيرون هن التايهات يجنه
عباس - كلش هههه
كاموا يضحكون ويصنفون نوب يردون يصيرون ضباط ههههه نصبت عليهم كاموا كتلوني ورجعوا كعدوا ابوي مادافعلي حسيته رادلي
هالكتله المهم وره العشة طلعنا لنادي مالتي هم وياي جانت عدنا مباراة ودية ضد غير نادي ولد بعمري جان وانه ضده اللعب المهم قبل لا تبدء المباراة
محمد كال بضحكة "
فدوة رحتلك حسين لا تصخم
وجوهنه وتخلي يدكك
عباس - بيض وجهنه من الله
يبيض هالوجه الاسمر
حسين - اطمنوا انه كدها وكدود
محمد - بس يدكك ام جاسم تسوي
عزيمة شامته بالمنطقة
عباس - وتجيبلك منسف معدل مال شماته
شفت ابوي وحمد اجوي من شفت ابوي اجه فرحت معناها مهتم لامري ومهتم لمباراتي ولازم اربح على المنافس بس اخسر اخسر هيبتي
وسمعتي بالمنطقة واخيب ظن أهلي اجه دوري لبست كفوف الملاكمة الخاصة وخليت حامية بحلكي خاف انضرب على حلكي ماتوكع سنوني
وصعدت للحلبة الخصم جان اقصر مني بس جسمه متروس مو نفسي ضعيف عباس ومحمد متحمسين ويشجعون بي وربعي كلها تهدف باسمي
والله زحمة عليًّ أخسر كدام هاي الجماهير ...
رن جرس بدأ الملاكمة هو بالأول ضربني تفاديتها رديتها له تفاداني جان محترف بعد عده جولات جابني بوكس انه جابني بوكس لو فقدت
وتذكرت ام جاسم ولدها ورده له وهجمت عليه دك بوكسات وبعد عده جولات والحمدلله كدرت اكسب الجولة الاولى باوع لأبوي فرحان اخواني
طايرين من الفرحة اخذنا استراحة ورجعنا لجولة الثانية والحمدلله كدرت اكسبها لصالحي وربحت على منافسي صح تعبت وتاذيت واكلت جم اصابه
بس كلهن يهونن كدام فوزي وفرحة اهلي وربعي وكدرت ابيض وجي كدامهم " المهم بعد مانزلت من الحلبة اجاني المدرب باركلي وراها أهلي
كعدت ضمدوا لي الجروح واخواني يصنفون ويضحكون والحمدلله والشكر كدرنا إحنا نأخذ
كاس الفوز مباراة الودية وكسب فريقنه
المنافسة لصالحه ...
رجعنا على البيت امي شافت وجي ضاجت
ماقبلت وكامت تحجي
ام محمد - بعد ماتروح تلعب شوف وجك مدمر
محمد - وين الدمار يمة ؟
عباس - من الطبيعي يمة يجيج مدمه
غير جان بحلبة مصارعة
ام محمد - شنو انه جايزة من ابني ماكو
روحة بعد ابو محمد احجي ويه
المدرب خل يفصله
ابو محمد - عوفي روح اسبح
ام محمد - ابو محمد ماتشوف صاير بي ؟
ابو محمد - هو يريد احنا شكو بعد
خله ومشى ابوي وامي بارود صارت ماحجيت رحت اخذت ملابسي ورحت اسبح سبحت وطلعت بوجي لفراشي صح متوجع بس فرحان هاي
أول منافسة الي وكدرت اكسبها لصالحي .
العصر طلعت بالباب شافتني ام جاسم كامت تخزر بي بالعناد جتفت اديه وبقيت اباوعلها بزعت الها والكيفها وطبكت باب الحوش بوجي
خربت ضحك عليها "
رجعت طبيت بالبيت وكعدت اقرأ كل سنة انه طالع اعفاء على شعبتي شاطر بدراستي المهم مروا يومين وعباس ومحمد رجعوا الكربلاء انقهرت من
رجعوا جانوا مونسيني بالبيت ...
المهم " العصر طلعت بره وشفت عالم اجوي يسكنون بيت جوارينة حايط على حايط بيتهم وبيتنا جان جانت مره ورجال ولد وبنية وياهم البنية
سبحان رب الخالقها جنها حورية بيضة ثلج شعرها بني لا هو طويل ولا هو قصير ظافرته ظفيرة ليورة باوعتلي وضحكت وانه من ضحكتلي
تجمدت بمكاني وبقيت صافن عليها عبالك
أول مرة بحياتي اشوف بنية
جميلة ومرتبة المظهر ..
يتبع ...
أريد من كل شخص يعلق (10) تعليقات وتوصلون البارت ( 1 ألف تعليق ) أو ( 500 لايك ) وعد
مني ثاني يوم انزل لكم البارت الثاني ...
رواية # النمر الأسود
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .
ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ البارت 2 }
ــــــــــــــــــــــــــــــــــــــــــــــــــــــــــــــــــــــــــــــــــ
المهم " العصر طلعت بره وشفت عالم اجوي يسكنون بيت جوارينة حايط على حايط بيتهم وبيتنا جان جانت مره ورجال ولد وبنية وياهم البنية
سبحان رب الخالقها جنها حورية بيضة ثلج شعرها بني لا هو طويل ولا هو قصير ظافرته ظفيرة ليورة باوعتلي وضحكت وانه من ضحكتلي
تجمدت بمكاني وبقيت صافن عليها عبالك أول مرة بحياتي اشوف بنية جميلة ومرتبة المظهر ..
طلعت من صفنتي من شفت ام جاسم ولدها اجوي عليهم وسلموا والصدمة الي طلعوا اقارب وطلعت
ام جاسم تصير اخت هاي المره ...
عفتهم وطبيت جوه كلت لأهلي "
حسين - نزلوا جوارين يمنه
ابو محمد - هاا هذولة بيت ابو شمس
ام محمد - اخت ام جاسم خل نكوم
نرحب بيهم عيب
ابو محمد - كوم حسين ساعدهم بنكل الأغراض
حسين - ولا عليًّ
ابو محمد - حسسيين
حسين - مادام بيت ام جاسم هناك ماروح
ام محمد - عوفه ابو محمد مايتراهمون
هو ولد ام جاسم
طلعوا اهلي وانه صعدت فوك السطح اباوع عليهم سلموا عليهم عبالك يعرفونهم من مدة طويلة مو هاي أول مرة يشوفونهم بيها المهم
خليت ونزلت اقرأ ...
ثاني يوم الصبح طلعت اريد اروح للمدرسة وشفت البنية مسوية ظفيرة صفح وشايله الجنطة بين اجتوفها وتباوعلي وانه صفنت بيها
ابتسمت وكالت "
صباح الخير
رديت "
صباح الورد
- تعرف فلان مدرسة بابا نقلني عليها وماندل ؟
- اي اندلها هاي مدرستي ؟!
- زين عادي اروح وياك انه ماندل وبنات
خالتي مايرحن اليوم
بقيت ساكت عمري كله ماماشي ويه بنية صح مدرستي مختلطة بس ماعليًّ بيهن بقت صافنة عليًّ طلعت امها شامره الحجاب شمر على راسها
وكالت '
ام شمس - عيني حسين عينك على
شموسة ترى فاهية وماتندل لا
تروح تضيع ولو تنخطف
حسين - تدللين خالة
ام شمس - شموسة امانة باركبتك
حسين - وانه كد الأمانة خالة
ام شمس - عفية عليك وليدي يلا
امشي ويا شبيج واكفة
مشيت مشت بصفي باوعلها من جوه الجوه بس تضحك وانه اضحك على واهس ضحكها باوعتلي بسرعة درت وجي وغلست منها
شمس - اسمك حسين ؟
حسين - اي
شمس - حلو اسمك
حسين - اشكرج
شمس - اسمي شمس ويدلعوني شموسة
حسين - عاشت الاسامي
شمس - طريق طويل للمدرسة ؟
حسين - اي
شمس - انه مابي حيل امشي هههه
حسين - تعودي على المشي
شمس - يمة امريكان انه خاف خل نرجع
حسين - لا تخافين ماعليهم بينه
شمس - والله اخاف
حسين - افاا عليج تخافين وانه موجود
شمس - يعني ماتخاف .!؟
حسين - بس من الخالقني يلا امشي
شمس - فدوة لا تعوفهم ياخذوني
حسين - امج خلتج امانة باركبتي شلون
اعوفج امشي يابة امشي
خطية كامت ترجف من الخوف اجت بالي الزم ايدها هناك وين تذكرت هي غريبة وحرام المسها احنا عائلتنه كلها متدينه وتخاف الله
طلعنا الأمريكان كامت تضحك وصلنا للمدرسة والمفاجأة الحلوة وياي بنفس الصف وهي اجتماعية بسرعة تأقلمت مع الوضع وصادقت بعض
البنات وكعدت ثالث رحلة يم اثنين بنات صاروا تلاثة وهي ناعمة ضاعت بيناتهن الدروس كلها انه عايف الدروس ومركز بيها ماعرف شجاني
وشبي انسطرت سطرة العباس
من شفت (شموسة )
وراها رجعنا للبيت وصلتها لباب البيت طبت للبيت يلا طبيت للبيت بدلت وتغديت وكعدت اقرأ
العصر ممطول بفراشي اجتني امي
ام محمد - حسين يمة
حسين - هاا يمة ؟
ام محمد - كوم يمة ام شمس تريدك بالباب
حسين - خير إن شاء الله ؟
ام محمد - روح شوفها خطية واكفة بالباب
حسين - خل تطب عليش واكفة بالباب
ام محمد - كتلها ماقبلت كوم
خليت وكمت لكيتها طابه بالحوش كالعادة الحجاب شمر على راسها سلمت عليها من بعيد
حسين - السلام عليكم خالة
ام شمس - وعليكم السلام وليدي ..
حسين - معتازة شي خالة ؟
ام شمس - رايده سلامتك وليدي بس رتك دير بالك على شموسة خطية ماتعرف احد بالمدرسة وشويه تستحي لأن المدرسة مختلط وانه ماريدها تختلط بنات خالتها بنات خالتها وكح نار
وبتي فقيرونة ماريدها تصير نفسهن وكحة ..
حسين - لتردينه خالة
ام شمس - وعادي تاخذها وتردها بايدك ؟
حسين - اي عادي
ام شمس - ولو جاي ازحم عليك بس شسوي مجبورة اريدك تقريها هي موهلكد بالمدرسة وانه سمعت أنت شاطر وكل سنة تطلع اعفاء بلكت الله
تدرس وياك وتصير شاطرة نفسك ...
انه هنا صفنت شلون تأمن تخلي بتها يم ولد غريب ماتخاف عليها ماتخاف من الشيطان رجعت
كالت من شافتني ساكت ومارديت
ام شمس - لما اعرفك خوش ولد واخلاقك عالية مستحيل اخلي بتي يمك تدرس ..وثاني شي اعرف اهلك حق المعرفة راح تديرون بالكم عليها
ام محمد - إن شاء الله مانقصر ويه
شموسة وتدرس ويه حسين
على الواهس
ام شمس - متقصرين عيوني هسة
اصيحها تجي تقرأ يمك ؟
حسين - صيحيها خالة
حرارة جسمي ارتفعت صارلي يومين اعرف شمس وبس يجيبون طاريها ارتبك ويتخربط وضعي وانه بعدني طفل شجاني وهيج صار بي ؟!
المهم طبيت جوه كعدت بغرفتي اجت امي جابت شمس شايله جنطتها بجتف واحد
ضحكت وكالت
شمس - شلونك حسين ؟
حسين - الحمدلله تفضلي استريحي
ام محمد - دير بالك عليها يمة وقريها زين
حسين - إن شاء الله يمة
امي ردت تسد الباب ماقبلت وكتلها "
حسين - عوفي يمة
ام محمد - بكيفك يمة
خلت وطلعت شمس طلعت كتبها وبديت اقري بيها جانت كسولة ماتستوعب بسرعة وانه اعصاب ماتحمل هيج جريت خلك وكتلها
حسين - شبيج جم مرة عدت السؤال وين بالج
شمس - لاتصيح عليًّ صارلي هواي
تاركة الدراسة وناسية
حسين - ليش تاركة ؟
شمس - الوضع مو زين بالمنطقة مالتنه
وابوي بطلني انه كايمة لبيتنه
حسين - تعاي وين كايمة ؟
شمس - بيت اهلي
حسين - بعدنا مامكملين قراية
شمس - مو تصيح عليًّ
حسين - يابة اسف بعد ماصيح عليج يلا
رجعي الكتب وخل افهمج زين بلكت
هالمرة يطبع بالدماغ
شمس - ماشي
رجعت اقري بيها وبعد عناء طويل يلا صارت تستوعب رحت وديتها لبيتهم برغم بيتهم بصف بيتنه بس هاي وصية امها اوصلها للبيت
وصلتها ورجعت بنات ام جاسم يخزرن بي عليش مادري ؟! عفتهن وطبيت جوه ثاني يوم الصبح كعدت صليت وقريت دعاء وراها تريكت
وأبوي راح لشغل وانه رحت طاير فتحت باب البره علمود تجي شمس مادري شجاني وليش جاي انتظر جيتها المهم وره ربع ساعة اجت تضحك
وجنها ضوء شمس من يشرق الصبح ...
المهم بديت اقري بيها واحسها صارت تستجوب وياي رجعنا من المدرسة وصلتها لبيتها ورجعت ثاني يوم طلعت من الصف لكيتها طالعة بره واكفة يم
ولد انه شفتها واكفه وتضحك ويا لو عيوني صارن بكصتي شلون تحجي ويا ؟ مد ايده وانطاها كتاب وهي اخذته من ايده تضحك فقدت
عقلي بسرعة دفعتها وضربت الولد بوكس
بنص وجه لزم وجه باثنين
اديه ويصبح بالم ..
حسين - شكو واكفة يم الولد هااا شكو ؟
شمس - شبيك اخته دزت كتاب اشرله
الواجبات هي غايبة اليوم ؟
حسين - امشي طبي جوه قله بنات إلا
أنتِ تدور واجبات منج مادزت على
بنات خالتج مو ربعها
شمس- هسة انه سويت كفرت خوما كفرت
حسين - امشي اكلج
خلت ومشت والولد خشمه طك دم وترزلت من المدير المدرسة والمدرسين أنت طالب مشتهد شلون تصرف هيج تصرفات وليش ضربت الولد
عاد حلينه المشكلة ورجعنا للبيت انه وياها مانتحاجه العصر طلعت بره على صياح وسيارة عالية واكفة بالباب طلعت امي عبايتها برأسها
حسين - شكو يمة ؟ وين رايحة!؟
ام محمد - ام شمس اتصلت بي بتها
متخربطة ورايحة وياها دير
بالك على البيت
حسين - خل اجي وياج
ام محمد - منو يبقى بالبيت ابوك راح
يرجع ساعة الساعة ماوصيك بعد
حسين عينك على البيت
خلت ومشت امي وياهم وانه قلبي انقبض قبض ماعرف شجاني بسرعة سديت الباب ورجعت لغرفتي عيوني تلقائي نفسهن كامن يكدن دموع
على شمس انه السبب تعاركت وياها الصبح ونقهرت وهسة تخربطت وخاف ماتت تعذيب الضمير عذبني رجع أبوي كلتله امي راحت وياهم عاد اتصل
بيها وطمنته شمس مابيها شي وراح يرجعون رجعوا وانه طلعت بره شفتها بحضن ابوها شايلها وطبوا للبيت وامي اجت تمنيت اطب لبيتهم
واشوفها بس للاسف ماكدرت اطب
انه شخص غريب عليها ...
وره أيام تصالحنه انه وياها وصرنا نروح ونرجع للمدرسة ونقرا سويه بنات خالتها تخبلوا خبال وحتى خالتها هادة على امها شلون تأمنين تخلين
بتج بيت الغريب بدل ماتخلينها يمي تقرأ تخافين على بتج من ولدي وما تخافين من حسين عليها
كوه كوه تريد تطلعني موخوش ادمي ...
المهم ام شمس مامهتمه لها لأن تعرفنه احنا شنو من ناس ونخاف الله " رحت لنادي تدرب ورجعت بطريق الرجعة شفت شمس واكفة بنص الشارع
يم بنات المنطقة ضحكت من شفتها صفنت بي وكعت بطولها بسرعة شمرت الجنطة من جتفي وركضت عليها اصيح باسمها ( شمس )
البنات كلهن التمن عليها بعدتهن عنها وكعدت شلت راسها خليته بحضني واضرب بوجهها واصيح بسمها ( شمس شمس مو احجي وياج اكعدي شمس
ماكو رد منها والبنات صاحن لامها وامي طلعت واجه ابن الجوارين بسيارته ودانه للمستشفى خطية امها طول الطريق تبجي وتدعي الله مابيها
شي وانه كاعد بالصدر يم ابن حوارينة وارجف من الخوف عليها وصلنا للمستشفى فحصها الدكتور وسوالها تحاليل طلع عدها فقر دم حاد
ونقص الحديد وفيتامين ونسبة دمها (5) ...
حسين - انه اتبرع الها
الدكتور - مايصير بعدك صغير
حسين - شنو صغير جبير انه اسحب دم
مني وانطيها راح تموت دكتور
ام محمد - اسحب منه دكتور خطية البنية انتهت
الدكتور - على مسؤوليتكم ؟
ام محمد - على مسؤوليتنه
الدكتور - تعال وراي
وراه ماتبرعت الها بالدم رجعت ودارولها
بطل دم وامي جرتني وباستني
بكصتي وكالت
ام محمد - بارك الله فيك
ابتسمت بوجه امي بعد ماداروالها الدم بفترة صحت شمس وانه باوعلها واضحك فرحان مابيها شي كتب الها الدكتور علاج لازم نجيبه من الصيدلية
ابن جوارينة راح جاب العلاج رجعنا للبيت نامت بالغرفة وانه لأول مرة أشجع واطب للغرفة غرفتها حلوة مرتبة جانت بتهم الوحيدة واكيد
يعتنون بيها ويدارونها المهم امي وامها بالصالة يسولفون كعدت بصفها اباوعلها تعبانة كلش فجأة انتابني شعور كلش قوي ماكدرت اسيطر
عليه وكتلها بصوت ناصي كلش "
حسين - شم...
ماكدرت اكمل الحجي خليت وكمت من شفت امي وامها اجوي لعدنا طلعت بره شوي واجت امي رجعنا للبيت مرت الأيام وآخر السنة امتحانات
ولازم ننجح ونقرا وانه بديت انجذب الها مو شلون مجان مشاعري فاضت فيضان عليها وبيومها رجعنا من الامتحان وهم متخربطة مودينها اهلها
للمستشفى وكالعادة عدها نقص حديد ودم رحت انه وامي عليهم نشوفها وامي وامها يحجون بره بالاستقبال وانه طبيت عليها للغرفة
جانوا معلكين لها مغذي وجهها نحلان ومصفر وتعبانة كلش هذيج شموسة الحلوة وام وجه الحلو صاير بيها خلصانة راح تخلص وتعوفني وانه
تعودت عليها وماكدر يوم ولو
لحظة بلا ماشوفها بيها "
حسين - مشتاقلج شمسي ؟
شمس - وانه هم حسين
حسين - شمسي اكو شي اريد اكله
الج بس متردد وخايف
شمس - احجي حسين ؟
حسين - احبج
شمس - شنو حسين ؟
حسين - وداعت عيونج الهايم بيهن احبج
انصدمت من كلامي وبقت تباوعلي خليت وطلعت ويه طلعتي طبن امي وامها عدل لبيتنه حيلي كله يرجف ماعرف شجاني وهيج تخربط
وضعي شعور الحب متعب ويهد الحيل مادريت بروحي انه بهذا العمر الصغير واحب واعشك الكبار ماعشكت وحبت بهاي الضروف الصعبة
وانه حبيت وعشكت من كل قلبي .
المهم اجوي اخواني كالعادة نصبوا عليًّ وانه ماتحمل اعصاب اكوم تعارك وياهم هم اثنين ماكدرلهم يلزموني ويكتلوني محمد يروح
ويرجع يكلي "
عشكان شمس الديرة ههههه
حسين - انجب محمد ماعشكان
محمد - وداعت امي حبيبه قلبي
عشكان شمس الديرة هههههه
عباس - وانه اشهد ههههه
حسين - دولوا
خليت وطلعت اضحك وفرحان المهم مرت الأيام وشمس بادلتني نفس الشعور وطلبت منها تتحجب والله سمعت كلامي ولبست حجاب ...
حسين - شمسي يخبل طالع عليج الحجاب
شمس - عززة حسين استحي هههه
حسين - يابة اسفين بعد مانتغزل هههه
شمس - اي لا تتغزل
حسين - هاهي
شمس - صدك حسين من نتخرج من
السادس شراح صير ؟
حسين - والله مامفكر بيها
شمس - صدك تحجي ماعندك حلم ؟
حسين - اي والله مامخلي حلم برأسي
ومخليها بعد على الله
شمس - ونعم بالله بس حلو واحد يرسم
حلم باله ويحاول يوصله
حسين - انه ماكو أنتِ شنو حلمج ؟
شمس - محامية
حسين - الله ربك حسين مرتك
المستقبلية محامية هههه
شمس - هههههه
حسين - ولج اطفري امج جاي صيح عليج
كامت بسرعة خايفة تخاف من امها تكشفها عدها علاقة حب وياي بسرعة كامت وطفرت على سطحهم نزلت بعد حتى ماباوعت وره ظهرها...
اما انه ماراسم حلم بالي اتجاه الدراسة
راسم حلو اصير ملاكم مشهور على مستوى العالم مو على مستوى العراق هذا هدفي وحلمي
مرت الأيام والسنوات
وصرنا بالصف الخامس اعدادي انه وياها بنفس الصف بالمدرسة طلعنا بعد مادك الجرس اشترينه من الحانوت وكعدنا وره المدرسة نحجي ...
شمس - حسين بديت اتعب من حجي خالتي وبناتها
حسين - شبيهن وياج احجيلي ؟
شمس - متعباتني يكللي لبستي حجاب علمود حسين كالج وتعلمتي الصلاة وحتى صلاة الليل كمتي تصلين علمود حسين كالج ولبستي عباية راس
علمود حسين كالج أنتِ تحبين حسين
حسين - وهن شعليهن تحبيني
ماتحبيني مالهن دخل
شمس - مادري
حسين - هاج اشربي ولا تديرين بال الهن
شمس - اتمنى اصير نفسك باردة
حسين - تصيرين وداعتي شلونج
بالامتحان جاوبتي؟
شمس - موهلكد
حسين - ليش شمس مو قرينا سويه
شمس- طارن كلهن من بالي
حسين - يلا عادي امتحان الجاي
اخليج جيبين درجة كاملة
شمس - إن شاء الله
كمنه نريد نرجع لصف لأن دك الجرس اجت
فاطمة بت خالت شمس وكالت ...
فاطمة - ليش كمتوا ابقوا كاعدين عصافير الحب
حسين - سدي بوزج لو اسده لج بقندرتي
فاطمة - بسيطة انه اعلمكم
خلت ومشت شمس كامت ترجف ماعرف شجاها ..
حسين - شمس شبيج !؟
شمس - هسة تكل لامي وتكتلني
حسين - علمود ارعطها نصين لا تخافين
عافتني ومشت قبلي لصف طبيت وراها اباوعلها ترجف من الخوف وتباوع لبت خالتها فاطمة تسوي الها حركة اصبريلي انه جنت اخر رحلة
لأن اطول طالب بالصف جنت خزرت بت خالتها من باوعتلي بسرعة دارت وجهها المهم وره ماخلص الدوام رجعنا للبيت بالطريق كتلها
حسين - سباح قلبي
شمس - هاي شنو نوب حسيني ؟
حسين - هاي كلمة جديدة ومخصوصي بس الج
شمس - ياهنيالي بيك حسيني هههه
حسين - لا بالعباس انه هنيالي بيج شمسي
شمس - اسكت اسكت اجت بت خالتي
حسين - اللهم مطولج ياروح اجني الحياية
شمس - يغارن
حسين - كلش هواي يغارن هههه
مادرتلهن بال المهم وصلت شمس لبيتهم ورجعت لبيتنه صادف شهر محرم الحرام ) وانه اعرف ارد وأقرأ ودائماً اقرأ ويه روحي شموسة ماتدري
بي المهم العصر رحت للموكب ليمنه ناس كلش قليلة مو هواي شاركت بالموكب وهنا ضليت اللطم وياهم وبهاي الاثناء اجه صاحبي الرادود ( سلام ) وكالي ...
سلام - حسين تعال اقرأ
حسين - ماعرف واستحي
سلام - صدك جذب هي مال مستحاء
دتعال اقرأ للحسين اي
شي من عندك
حسين - والله استحي وشوف عالم وانه
بعمري ماراد كدام العالم
سلام - صدك جذب حسين ماهكيتك هيج جبان وتخاف ماتقرا بمجلس الحسين (ع) .. يلا
تعال ..هاك المايك اقرأ ابدالي
حسين - إن شاء الله
حرارة جسمي ارتفعت من لزمت المايك جسمي كله كام يرجف لأول مرة بحياتي هيج أرهب تعوذت الشيطان وكلت ربي ساعدني ولا تفشلني
بمجلس الحسين (ع)
سلام ياشرلي أبدا اقرأ بلعت ريجي مرتين وراها شربت كلاص ماي..وبلشت بالصلاة على محمد وآل محمد/ افلح من صلى على محمد وآل محمد.
.وعجل فرجه الشريف
العالم صلت على محمد وآل محمد وعجل فرجه الشريف بديت اقرا بالقصيدة جنت حافظها على قلبي ودائماً اقراها بيني وبين نفسي ..
- يازينب راح ابو الغيرة ...
وره ماكملت القصيدة كلهم تعجبوا بصوتي موكب ثاني من عرفوا بي ارد وصوتي حلو وبي
بحة ونبرة حزن اجوي عليًّ
اسم الموكب قائم آلـ ...محمد زنجيل
صاحب الموكب - تعال اقرا رادود
مالتنه ميجي عندة ضروف
حسين - ماشي يابة
قريت بموكبهم بس لصراحة خايف جنت كلش هواي ومرتبك مو مثل شخص متعود وعنده عادي انه لا مامتعود المهم كملت القصيدة اجه رادود
ثاني من عامة الشعب وانطاني ورق قصائد ..
الرادود - ماشاءالله عليك صوتك يخبل وبي بحة وهاك هاي القصائد وتعال كل يوم شارك وقرالك قصيدة قصيتين علمود تتقوى ...
حسين - اشكرك خوية واجرك على الزهراء (ع)
بالليل سبحت وبدلت لبست دشداشتي السودة ورحت ويه ابوي وجماعته للمجلس هم قريت قصيتين أبوي كيف من شافني اقرأ
كمت كل يوم أروح اقرأ بالمجلس والحمدلله والشكر صارت عندي جرأة وشجاعة اقرا بدون خوف ولا تردد وصرت اتعلم من السادة والشيوخ
بالمجالس والناس أهل خبرة بالدين تعمقت بالدين مو شلون مجان يوم العاشر آخر يوم بمحرم جنه مسوين ثواب النسوان كلها مجموعة بالمنطقة
وتسوي بالشارع كلها تشترك نسوان وزلم واطفال الليلة الحجة " شمس لابسة اسود وتباوعلي وتضحك ابتسمت بوجهها ومشيت اقرأ بالمجلس ...
وره ماانتهت المجالس كعدت اقرا قران وادعية وزيارة عاشوراء اليوم حجة لوجه الصبح وثاني يوم عندي تمثيلية بتشابية انطوني دور العباس (ع)
من الفجر طلعت لتشابية واقعة الطف لبست الزي باوع الروحي صدك هيبة اتصلت بي
شمس رفعت الخط
حسين - هلا بوية شموسي شلونج ؟
شمس - زينة حسين اجيت انه اريد اشوفك وينك ؟
حسين - بعدني مطالع من الخيمة
شمس - فدوة اطلع خل أشوفك
حسين - هاي شلون ورطة هههه
شمس - فدوة حسين لا تخليها بقلبي اطلع
خل اشوفك وراها ارجع
حسين - خاف تحسديني ههههه
شمس - راح ازعل
حسين - كلشي ولا زعلج سباح قلبي
هسة اطلع وين أنتِ ؟
شمس - يم النسوان بصف الخيم مال الكفار
حسين - ليش ولج رايحة يم الكفار؟
شمس - ههههه غير بس يمهم اكو مجال
حسين - اليوم اكطعج بسيفي اصبريلي
شمس - ههههه تعال بسرعة قلبي راح
يطك على شوفتك
حسين - ادبسزز صايرة
شمس- هههه
ضحكت وسدت الخط خليت وطلعت باوع غيمة سودة مال نسوان كلشي مايبين عاد خليت
ورجعت للخيمة دزتلي رسالة
شمس - اروح فدوة للماخذ دور العباس وريشاته
حسين - هاي راح تخليني انحدر عن الطريق
لزمت التلفون وقفلته بدأ السيد يقرأ المقتل وبدت التشابية واقعة الطف ) ورة ماخلصت التشابية تغدينا ورجعنا للبيت هلكان من التعب كبل سبحت
ولفيت رأسي ونمت ماكعدت إلا المغرب خليت وصعدت فوك السطح والصدمة الي شمس
كاعدة تنتظرني فوك السطح
حسين - أعوذ بالله منين طلعتيلي ؟
شمس - حسيني جنك العباس
كطعتهم تكطع ههههه
حسين - خررب بعمي ههههه شكد فطيرة
شمس - وهذلك ركعته دفرة طار هناك وين هههه
حسين - اي
شمس - واحلى فقرة من النسوان التمن
عليك ياخذن مارد ردت اجي وياهن
وامي ماقبلت ههههه
حسين - حرامات لو جاية جان دفرت ههههه
شمس - تدفرني وتخلي النسوان ؟!
حسين - بلا زعل شمس وارجعي اكعدي
شمس - والله اسويها صدك وازعل
حسين - مايهون عليًّ
شمس - لعد لا تحجي هيج
خلت وكعدت كعدت يمها بس بعيد أبد ماقترب لها من بعيد احجي وياها حاسبها حسبه الصديقة الي من انفرد وياها مااحسبها حبيبتي
اخاف عليها من نفسي ومن وسواس الشيطان ...
شمس - حسيني طلعت عندك موهبة
حسين - اي
شمس - من تقرأ بالمواكب يومية اصعد
فوك السطح وباوعلك هههه
حسين - اي شفتج مرة ههه
شمس - اي صوتك كلش حلو اقرالي
حسين - والعباس تعبان غير مرة
شمس - ماشي يلا انه رايحة خاف
امي تجي وماتلكاني
حسين - الله وياج
خله وطفرت على سطحهم سطحنه وسطحهم واحد هيج جانت البيوت مالتنه دزتلي بوسة بالهوى ضحكت الها عدها جرأة أكثر من عندي
المهم نزل محمد من الدوام تعبان بوجه سلم وراح سبح ولف راسه ونام " سمعت صوت عياط شمس لأن بيته بصف بيتنه وامها تصيح وتغلط
باوعت لامي بسرعة كامت خلت
عبايتها براسها وكالت
ام محمد - رايحة أشوف شكو. ؟
حسين - خل اجي وياج
ام محمد - وين جاي اكعد انه رايحة اشوف شكو
راحت امي بيقت الوب مثل الحية
المكتولة على النص كعد محمد
وكالي بضحكة ...
محمد - هاا ولك شلونك ؟
حسين - زين
محمد - طولان فحل النخل شلونك بالمدرسة
حسين - زين
محمد - ترى تدري جسمك صاير يخبل ههههه
حسين - اي وإن شاء الله بالعطلة
راح اخذ الحزام الاسود
محمد - هلاو هههه ... امي وين ؟
حسين - راحت لبيت ام شمس ؟
محمد - خير إن شاء الله ؟
حسين - مادري بس سمعت صوت
عياط وصياح وراحت تشوف
شكو عدهم
محمد - هاا سويلي شي شياتين اكله كتلني الجوع
حسين - ماشي
سويتله عصرية وجبتها له اكل وأمي ماكو ماجت ابوي كعد صبيتله جاي شوي واجت امي نزعت عبايتها وكعدت بنص ابوي ومحمد
ابو محمد - خير إن شاء الله ام محمد
شعدهم بيت ام شمس ؟
ام محمد - ام شمس كاتله شمس بالصوندة
حسين - عليش ؟
محمد - شبيها هاي تخبلت تكتل بتها بالصوندة ؟!
ابو محمد - شكو صاير ام محمد ؟
ام محمد - من ورة حسين
محمد - حسين شعلي ؟!
ابو محمد - لازم درت بيهم يحبون بعض؟
ام محمد - اي داريه حسين يحبها وهي تحبه
ابو محمد - لازم نخطبها لحسين لا
يروح يصير شي بت الناس
محمد - يابة بعده صغير وينه وين الزواج ؟
ابو محمد - يخطب هسة وره مايتخرج
من السادس يعرس بنات الناس
مو لعبة افتهمت
دخل عباس مستغرب الحجي "
عباس - ولك أنت اصغر واحد بينه
وراح تزوج وانه ومحمد بعدنه
مايصير هيج يابة
ابو محمد - شسويلكم يابة انتو ماتقبلون
تزوجون..ام محمد بالليل مري بام شمس
واحجي وياها بالموضوع
ام محمد - إن شاء الله
عباس - لعد راح اعرس قبلك هههه
محمد - لا بالحسين انه قبلك معرس
شني حسين الزعطوط يعرس
واحنا لا والله جريمة
ابو محمد - الله وايدكم عرسوا ههههه
كلنا كمنا تضحك عليهم يغارون مني علمود راح اخطب شمس والله اجه الليل وانه قلبي مثل النار عليها ماعرف شلونها وشسوت بيها امها
خاف اذتها وهي مناه مريضة وتعبانة وكساع متخربطة دزيتلها رسالة ماكو رد ماكدر
اتصل خاف التلفون مو يمها ...
امي راحت عليهم وانه سكنت الجول
انتظر جيه امي ساعة هيج اجت
امي كمت بسرعة وكتلها ..
حسين - بشري يمة انطت شمس ؟
ام محمد - امها ...
يتبع ...
لا تنسون كل شخص يعلق (10) ويخلي لايك بتفاعلكم الحلو تصعد القصة .
رواية # النمر الأسود
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .
ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ البارت 3}ــــــــــــــــــــــــــــــــــــــــــــــــــــــــــــــــــــــــــــــــــ
امي راحت عليهم وانه سكنت الجول
انتظر جيه امي ساعة هيج اجت
امي كمت بسرعة وكتلها ..
حسين - بشري يمة انطت شمس ؟
ام محمد - امها وافقت وكالت خل يجي ابوه يخطبها من أبوها بالآخر الكلمة الأولى والأخيرة
لرجال مو الي وحجيها صدك
حسين - الحمدلله والشكر اروح اكل لأبوي واخواني
ام محمد - ههه روح يمة
طبيت للبيت فرحان وأخيراً شمس راح
تصرلي الي وحلالي انه وامشي
صحت على أبوي
حسين - يابة انطوني المره
محمد - هلهل عباس ههههه
عباس - ماعرف اهلهل ههههه
محمد - هلهلي يمة ههههه
ام محمد - كللوشششش
هلهلت امي بقيت واكف واضحك ابوي يضحك واخواني كلها تضحك وفرحانة نزعت
عبايتها وكالت لابوي ...
ام محمد - عيني ابو محمد امها انطت
البنية وكالت خل يمرون بابوها
ويخطبونها منه
ابو محمد - اي هسة نروح شعدنا .. يلا كوموا
محمد - حسين لا تجي
حسين - ليش مااجي ؟
عباس - لا تجي بس احنا نروح
ام محمد - شسوي رايح يمة ابقى يمي
حسين - ماشي
والله راحوا اخواني وانه الوب عليها خطية مريضة ونوب امها كتلتها ردت اتصل بيها تراجعت كلت خاف التلفون مو يمها يم امها لو يم اخوها
انوار مابي حيل يروح يفتن عليها وتنكتل
مره ثانية عاد رجع ابوي وكالت
ابو محمد - انطه المره وقرينه الفاتحة
بس شرط وره ماتتخرج من
الكلية يلا تزوج
عباس - مادري حسيته جاي يتهرب
محمد - انه هم مارتاحيت حسين بس
تتخرج من السادس عرس لا تبقى
لما تتخرج من الكلية
حسين - مخبل أبقى اتخرج مناه اتزوج مناه
محمد - اي عفية حتلوه ماعندك راتب احنا اخوانك نخصص لك راتب شهري من رواتبنه ونصرف عليك وعلى مرتك لما يصير عندك راتب
حسين - ماتقصرون هههه
والله اتفقنا بس اتخرج من السادس اعرس انه وشمس يومين واجت شمس للمدرسة صارت خطيبتي بعد واهل المنطقة كلها درت
شمس نحجزت لي هي فرحانة وانه فرحان رجعنا من المدرسة العصر التقينه فوك السطح نقرأ سويه امها اجت باوعت علينا نقرأ حسينها جاي
تراقب بينه وهاي أول مرة سويها تتختل وتباوع لنه عبالها راح اسوي شي بشمسي ماتدري بي اذي روحي وماذي ظفر من ظفر رجلينها ...
ماراحت إلا كملنا من شافتنه كملنا قراية نزلت ماكلت الشمس امها جاي ترقب بينه ادري بيها جبانة وتخاف وبسرعة تتمرض اخذت كتبها
ونزلت وانه هم نزلت ثاني يوم رحت لنادري ادرب دودة ماكو مختفي المدير يروح ويرجع
يسأل عليه اجه سألني عليه ؟
المدرب - حسين
حسين - نعم استاذ ؟
المدرب - دودة وين ؟
حسين - والله مادري
المدرب - صارلة يومين ماكو مختفي اتصل
بي مايرد ماتعرفون اخباره ؟
حسين - والله علمي علمك استاذ ماعرف باخباره واصلا ماعندي علاقه بي علاقتي فقط
بصفاء وخالد اما البقية سطحية
المدرب - خير إن شاء الله
راح المدرب اجه صفاء وكال "
صفاء - اشك بي داخل مباراة غير قانونية
حسين - جايز من روحه ؟
صفاء - عوزة الفلوس
حسين - يعني بفلوس ؟
صفاء - اي كرف فلوس بيها
حسين - هاي شلون ؟
صفاء - مراهنات يسوون عليهم ياهو ليفوز
يربح كذا مبلغ مرهون عليه
حسين - طاح حظه إذا صدك يرهن
نفسه علمود الفلوس
صفاء - كلشي استرجي منه مادامه مختفي
داخل مباراة غير قانونية ومتاذي
يطيب يلا يرجع واشوفك
عافني وراح صعد بالحلبة يدرب هو وخالد بيناتهم وانه بقيت صافن بكلامه شلون ينطي نفسه
ويراهن بيها علمود الفلوس
هيج عدهم النفس رخيصة ؟!
رجعت للبيت ويه رجعتي اجت ام شمس ..
ام شمس - عيني حسين تعال ويانه لسوك
حسين - بس اسبح واجي
ام شمس - ماشي عيوني
أخذت ملابس سبحت وطلعت امي ويانه رحنا لسوك مشي وماشاء الله على منطقتنه اربعة وعشرين ساعة عرايك ناس تكتل ناس على شغله
تافهة لو على عركة جهال لو على نبحه جلب تصير بالتفك والتواثي ناس تكتل ناس حتى
النسوان تطلع تعارك الزلم ...
المهم بعدنا ماواصلين لسوك صوت هوسة وعياط وصياح بين السيارات ناس واكفة صفح وتتفرج وناس تدفع بناس كلشي مافتهمت بس
من شفت المظهر ....
نار وشتعلت بي" من شفت هذا المظهر كدام عيوني ماتحملت ركضت عليهم وجان لازم قامة بايده ويريد يذبحها المسكينة جانت منتهية من الضرب
وملابسها مشككة ومبينه اجزاء من جسمها ...
صاحت بي ام شمس "
ولك وين مولي عوفهم يولون ؟!
صحت بيها بحركة اعصاب"
انه مو عار واعوفه ...والله اليوم إلا انهيك
صاح بي "
لك تنهي منووو ؟
- انهيك يانكس
قتربتله ماخفت منه والمسكينة كاعدة بالكاع وترجف من الخوف وأثر الضرب رفع ايده راد يضربني بالقامة بسرعة لزمت ايده وجبته
بوكس بنص وجه بحركة سريعة مني شمرته بالكاع ولويت ايده ورة ظهره وكسرتها اله اجت بالي
اموته واخلصها منه ومن قذارته ...
عفته يونون وكمت بسرعة جريت العباية من شمس وشمرتها على المره لفلفت نفسها وتبجي والعالم
من شافتني تدخلت بلغوا الشرطة ...
اجه واحد هم سكران يصيح عليًّ
- اليوم انعل شيب الخلفوك شعليك تدخل
هو اجه عليًّ يريد يضربني لزمته طيحت حظه نوب ربعه اثنين هم التموا عليًّ تلاثة ضد واحد انضربت ونضربوا ونوب العالم محد يدخل بيناتنه
اجت الشرطة لزمتهم وحتى انه انشلت وياهم ومن التحقيق عرفت متعاركين علمود ورث المره باسمها بيت واخوانها ورجلها وصديق رجلها
يردونها تتنازل وهي ماتقبل تتنازل يردون يذبحونها وصلت الحقارة والنذاله عدهم يدخلون زلم غربة على عرضهم في سبيل الفلوس شبعت قهر عليها
بعد ماعرفوا انه مجرد إنسان فاعل خير بنصهم جنت طلقوا سراحي رجعت للبيت ويه ابوي واخوي عباس ابوي تعارك وياي جم مرة كلتلك حسين
ماعليك لا تدخل ماعليك بالعالم عسا
ماتشوف ناس تذبح ناس ماعليك
لا يرحون يتوونك ...
قلب ابوي شكد بارد مايدري بي من اشوف شخص يتأذى عبالك انه جاي اتاذى مو هو وبالأخص إذا جانت مرآة ضعيفة لا حولة ولا قوة لها
شلون اعوفها الوحدها تنقتل وتتعذب
وين الغيرة والشجاعة لعد ؟!
على حجي أهلي وربعي نعوف ناس تكتل بناس ونبقى نتفرج نفس الاجانب والهنود نكتفي بالمراقبة ونمشي ولا كأنه صاير شي كدامنه ...
ثلاث أيام يلا شفت شمس خطية امها موتتها من الكتل علمود اخذت العباية منها ولفلفت المره
نوب ذابه الصوج بشمس
شمس - كطعت عليًّ الصوندة
حسين - هاي شبيها امج تخبلت
شمس - حسين تكلي أنت الساقطة
تكليله روح استرها صلختي
نفسج وسترتي غيرج
حسين - استغفرالله العظيم مو لابسة
جبه جنتي جوه العباية؟
شمس - اي والله لابسة جبة عريضة
اندري بامي شبيها وياي
حسين - لا تبجين عيوني أنتِ
شمس- تعبت حسين تعبت مادري شبيها وياي أقل حجاية مني تلزمني تكطعني نوب ايدها والصوندة عبالك حيوان كدامها مو بتها الوحيدة
حسين - شلون هسة اروح اكطع امج بالصوندة
شمس- دير بالك حسين بعد تحلف ماتنطيني لك
شمس - مو هي بكيفها ماتقبل تنطيج
لي صرتي لي وخلص شمس
شمس - اممم باي
حسين - وين شمس ؟
شمس- اخاف تدورني وماتلكاني ..بعدين اشوفك
حسين - ديري بالج على نفسج
شمس - وأنت هم
راحت شمس ثاني يوم رحنا للمدرسة وره المدرسة كعدنا نسولف سوالف امها وياها حتى انه متفاجأ منها شبيها ويانه وشغيرها من يوم لانطت
شمس الي تغيرت وصارت إنسانة ثانية ...
شمس - فاطمة
حسين - شبيها ؟
شمس- تكلي تحبين حسين
حسين - قابل مجذبة هههه
شمس - مو هيج تحسسني انه بربوك
حسين - لااا هاي قوية ههههه
شمس - حسين لا تضحك انه بيى حال
حسين - شمس سوالفج تخرب ضحك ههههه
شمس - زعلت
خلت وكامت من صدك سوتها وزعلت وانه كمت وراها طبت قبلي للصف ردت اطب صاحني الاستاذ افتح الباب مقفول على فلان شعبه
دفرته جم دفره يلا انفتح ادري باب خربان عليش تقفلوا لو بيكم دودة وحيدة رجعت لصف جان بادي الدرس بعد ماكدرت احجي ويه شمسي
حبيبتي ( وسباح قلبي )
وهاي شمس سوتها صدك وطالعة قبلي للبيت قبل الدوام ماخذه اجازة ويه بنات خالتها رجعت من الدوام شفتلك مره جبيرة بالعمر مسوكة
مابيها حيل خطية تعبر الشارع رحت عليها شلت الأغراض بدالها وصلتها لبيتهم بقت تشكر بي وتدعيلي احب اساعد العالم هذا
الطبع بي من صغري ماحب اتكبر ولا احب اشوف نفسي على أحد متواضع لقصى حد ... ودائماً
اطبق مقولة ارحم من في الأرض
يرحمكم من في السماء ...
رجعت للبيت متأخر أول ماطبيت
طلع أبوي بوجي
ابو محمد - تأخرت ؟ خوما همين متعارك ؟!
حسين - لا
ابو محمد - وين جنت ؟
حسين - ساعدت ادمي جبير بالعمر
ابو محمد - كريم مو بايدك طب جوه
خليت وطبيت ابوي يخاف عليًّ لأن يدري كتله مال نار ملتهبة أقل حجاية اكب واسوي عركة من عركة ويخاف اركعة بفصل معدل ههههه
هو مناه كلشي ماعنده غير هذا البيت الملك ...
واخواني جاي يجمعون فلوس علمود يشترون سيارة لأبوي ونصير نطب ونطلع براحتنا المهم طبيت جوه بدلت وكعدت اتغده امي تباوعلي صفح
حسين - غردي يالحنينة ؟
ام محمد - اممم
حسين - احجي يمة لا تشغلين بالي ؟
ام محمد - هيج كمل اكلك
خلت وكامت وانه ادري بيها جان عدها حجي بس ماحجت بقت ساكتة "العصر رحت للقاعة اجه دودة من شفت وجه انصدمت وجه مفلش تفلش
حسين - دودة منو وياك ؟
دودة - تعاركت ؟
حسين - ويامن ؟
دودة - بالمنطقة وين المدرب ؟
حسين - طالع
دودة - امم
خله وكعد صافن مدري وين اشرلي صفاء عود جذب مامتعارك داخل مباراة غير قانونية خفت انه مابي حيل يدري المدرب ويفصلنه كلشي ولا
انفصل ... المهم اجه المدرب ... من شافه تخبل ...
المدرب - دودة وين جنت كل هاي الفترة ؟
دودة - مريض استاذ
المدرب - شايفني غشمر كدامك كلب تدخل مباراة غير قانونية من وره ظهري موووو .. تريد
تشوه سمعتي وسمعه الناديييي
دودة - لاا استاذ ماداخل بس تعاركت
بالمنطقة وجنت نايم مستشفى
المدرب - من اليوم مالك محطة
رجل بهذا النادي برره
جره من زنده حيل وطرده خارج النادي كلنا بكنا طن هوى من طرد دودة نوب رجع علينا بارود ويهدد بس احد اشوفه مخالف القوانين حالة من حال دودة
بعد مارحم احد بيكم من وراكم راح تصير سمعة النادي على كل اللسان ومراح نكدر نشارك بي مباراة قانونية بالعراق كله ويخلون علامة × على نادي
من حقه يحجي تعب على نفسه وعلى النادي لما وصله لهاي المرحلة المتقدمة المهم ثاني يوم هم اجه دودة يتوسل يريد يرجع هم قبل وطردة
جان جدآ صارم وقاسي وكلها تدري بي قاسي وماكو بقلبه أي رحمة مال تغلط ويرجع يسامحك ويرجعك على شغلك السابق هاي من سابع المستحيلات
عنده المهم مرت ثلاث أيام ودودة كل يوم يجي ونفس الحالة ينطرد انقهرنا عليه وكلنه
بلكت يقبل يرجعه ماقبل ..
وره فترة كطع رجله وراها اجه للنادي وجه
مفلش المدرب مجان موجود سلم علينا وبقى واكف يم واحد من ربعه اجه صفاء عليًّ ...
صفاء - حسين تعال خل نروح ورة دودة
حسين - خير ؟
صفاء - نشوفه وين ماوين يروح وليش
وجه مفلش لازم وراه سر ؟
حسين - حجيك صدك بس
خاف يشوفنه ويضوج
صفاء - لاتخاف مراح نخلي يشوفنه
نراقبه من بعيد لبعيد
حسين - ماشي بس خل اجيب جنطتي واجي
صفاء - بسرعة راح يطلع
حسين - ثواني
بسرعة لميت اغراضي بالجنطة وطلعنا وراة نمشي هواي مشينه ودخلنا بمكان شبه مهجور هذا المكان بس العالم التعبانة والسكرانة أو الخطافة والسلابة وشغلات غير قانونية تصير بي
حسين - صفاء وين جايبني ؟
صفاء - هو انه جبتك لو دودة هذا وين طب ؟
حسين - قلبي نبزني خل نرجع
صفاء - انجب شنرجع غير احنا وصلنا
حسين - مادري قلبي نبزني راح يصير شي موزين
صفاء - احنا وصلنا بعد شلون نرجع
خل نطب وراه ونشوف
شيسوي يجي لهناه ؟
حسين - وشنو هاي العالم لكامت تجي ؟
صفاء - علمي علمك خل نطب ويه هاي العالم
ونسوي نفسنه منهم ونشوف
شكو وجاي يصير جوه
حسين - راح تورطنه
صفاء - اطمن ماكو شي خل نعوف الجنط
هنا ونغطي وجهنه ونطب
حسين - ماشي
شمرنه الجنط وعدلنه القماصل جانن امهات الكبوس نزلنه الكلاو على وجهنا وطلعنا نمشي ويه
مجموعة من أشخاص
المجهولين الهوية من دخلنا للمكان جان المكان كلش جبير مستودع مهجور والصدمة الي من رفعت رأسي وشفت شي ملازم اشوفه وملازم اكون
متواجد بهذا المكان القذر .
شفتلك حلبة مال مصارعين تكول مو مصارعين تكول ديوجة وجاي تصارع والعالم داير. مدايرهم صايرة وتهوس باسم فلان وفلان
طلع حجي المدرب صدك دودة يلعب اللعب غير قانوني وانه سامع بيها بس ماشايفها يكولون مرات يراهنون على الموت يبقون يصارعون لحد الموت
شي مايدخل بالعقل ؟!
ضليت ساكت لابس قمصلة ام كبوس شفت دودة يواجة واحد محترف فنون قتالية مختلطة
لزمه سكطه سكط مجان بقلبه
رحمه جان ناوي يموت دودة ...
انه بي عادة ماتحمل اشوف احد ينكتل
بسرعة نزعت الكلاو من راسي وكمت
لزمني من ايدي صفاء
صفاء - دير بالك تصعد ؟!
حسين - راح يموته
صفاء - طبه مرض هو لجابها لايده
خل نطلع بسرعة
حسين - مخبل أنت شلون نطلع ونعوفه
ولك راح يموته ؟.
صفاء - شعلينه امشي حسين
دفعت صفاء وطلعت اركض على الحلبة
بسرعة صعدت وصحت بي
حسين - عوفه
اللاعب - تنزل لو اخليك فوكه
حسين - عوفه وانه خصمك
اللاعب - تدلل ههههه
اجه رجال لابس قاط ورباط رصاصي يباوع علينه اشر بايده لولد شالوا دودة ونزلوا بي شمروا اشرلهم جابولي كفوف لبستها بسرعة صفاء
ماكو اختفه وانه ورطت نفسي ويه ملاكم ماعرف عنه شي مبين متمارس هاي المهنة ومقاتل قوي مو مقاتل شلون مجان ونوب جان اضخم مني
وانه بطرك الطول مو نفسه طول وضخامة رن الجرس وبدأ المصارعة ضربني تفاديت
الضربه رجعتها له تفاداها
جان سريع نوب جابني بضربه سوه بي رجه دماغية رجعت الضربه له ناس تضرب بناس وانه لاعب من صغري مو سهل ينال مني برغم صغر سني ...
المهم بعد عده محاولات صعبة كدرت اهزمه وكلها صارت تحجي منو هذا اللاعب وشنو اسمه ونريد نراهن عليه الرجال ابو القاط الرصاصي
اجه لعندي وانه تعبان وهلكان من
التعب خشمي وحلكي ينكطون
دم واتنفس سريع
الرجال - ٥٠٠ ألف كـ بداية وتوصل مليون وأكثر
حسين - جفيني شرك
دفعته هناك وين مسحت حلكي وخشمي ينكطون دم والصدمة الي بعدني مانازل من الحلبة واشوفلك المدرب وابوي وحمد صديق ابوي دخلوا
بقيت مجمد بمكاني ابوي عيونه بكصته
المدرب من مكانه صاح بي
المدرب - للأسف خيبت ظني بيك
حسين - استاذ...
ابو محمد - هاي تربيتي لك ترهن
نفسك علمود الفلوس
حمد - ليش هيج حسين ليش ترهن بدمك علمود الفلوس لو كايلي معتاز فلوس جان شغلتك
شغل محترم مو تلتجأ للحرام.؟! ...
حسين - والعباس مو هيج السالفة اجيت انقذ دودة
المدرب - من هاي اللحظة أنت مطرود مدة
حياتك وبعمرك مراح تدخل النادي
حسين - أستاذ بس اوكف هل افهمك
نزلت بسرعة من الحلبة ...
المدرب - لا اسمع ولا تسمعني شفتك بعيني تصارع
حسين - والحسين الشهيد اجيت انقذ دودة
المدرب - وين دودة ؟
حسين - جان هنا ؟! وين راح ؟!
المدرب - تضحك عليمن حسين عليمن
حسين - استاذ إذا ماتصدك بي اسأل صفاء
المدرب - أصلا صفاء كالي تعال بسرعة
حسين جاي يلعب مراهنات
غير قانونية
حسين - اي هو جان وياي وشاف بعيونه دودة
انكتل وانه صعدت بدالة والله مجانت
الي نية اللعب هيج اللعب
رفع ايده وراد يضربني بس وكف ايده وكال
المدرب - بس كلي منين اضربك مفلش تفلش ياحسافة بيك كلهم جنت خايف منهم إلا أنت كلت يكمل وياي ويوصل للنجومية اثاريك
وصلت للحرامية
عافني وطلع طلعت وراه اتوسل بي ماكو ماسمع مني ونوب كلت رزالة من ابوي ودوني للمستشفى هو وحمد ضمدوا جروحي ورجعنا للبيت أبوي
سولف لامي تخبلت خبال دكت واللطمت على سوايتي ابوي خابر اخواني ضاجوا علمود
مورط نفسي علمود دودة ماقبلوا
لفيت رأسي ونمت متوجع اسمع امي تكل لابوي
ام محمد - هاي إشارة من رب العالمين علمود ينفصل من النادي انه من البداية ماقبلت تسجله ادري بزري ماينجرع ودمه حار اخاف منه من العالم
وهاهي بعد ماتسجله وإذا سجلته من وره ظهري والله العظيم اخلي عبايتي براسي واهج من البيت واخليك انت ولدك حايرين بي
ابو محمد - هاهي بعد ماسجله راح اشغله
ام محمد - اي شغله وخلي يعتمد على نفسه
احسن من طيحان الحظ
ابو محمد - اي اسمعي يونون
ام محمد - سودة عليًّ مكسره تكسر من الله يكسره
ابو محمد - خلي يستاهل بلكت
يستعدل وبيطل عرايك
ام محمد - هو بس يبعد من النادي يبعد من المشاكل
ابو محمد - ياريت
بقيت الليل كله اجر حسرات انفصلت من النادي جنت جاي اتحظر للبطولة بالعطلة واخذ الحزام الاسود اثاري كلشي ماقبضت وفتن عليًّ صفاء
المهم صرت زين يلا طلعت من البيت طلعت شمس ماكو وين ؟! سألت امي كالت رايحين لزيارة صارلهم أيام خليت وطلعت اتصلت بصفاء يخاف مني
-اي انه كلتله حسين جاي يلعب بس ماكلتله ..
- حيوان فتنت عليًّ وانه من وراك تورطت
- انه شعلي مو كلتلك عوفه يولي وخل نرجع
- مو أنت ورطتني وخليتني الحكه
- شسويلك انه أنت ورطت نفسك
- بسيطة انه اعلمك
سد الخط بوجي رجعت اتصلت بي ماكو مارد اسبوعين وصرت زين وشمس ماكو لا هي ولا اهلها وين راحوا وشعدهم هلكد بالزيارة ؟!
العصر طلعت بالباب كعدت مرت من يمي فاطمة بت ام جاسم وياي بنفس الصف ونفس العمر بقت تباوع على الشارع تشوف اكو احد لا جان فارغ
فاطمة - شلونك حسين
حسين - زين شمس اهلها وين ؟
فاطمة - راحوا
حسين - وين ؟
فاطمة - لزيارة وباجر يرجعون
حسين - خير إن شاء الله
فاطمة - هسة ماتكلي جلبت بشمس
حسين - شبيج ؟
فاطمة - شبيك كاتل روحك عليها من حورها شمس اشو قزمة طولها شبر ونص وضعيفونه ومريضة ونهار كله متخربطة وراكضين بيها بين
المستشفيات والدكاترة ... حسين انسى
شمس خلتولي وشوف هاي البنات
الحلوات داير مدايرك
حسين - وين البنات الحلوات ؟!
فاطمة - انه مو بعينك حلوة
حسين - فاطمة ولي من يمي
فاطمة - حسين ترى انه احلى من شمس واطول
حسين - وهسة شنو المطلوب ؟
فاطمة - عوفها تولي
حسين - اعوف الروح وماعوف شمس افتهمتي
فاطمة - ماتكلي شايف منها ؟!
حسين - شعليج يابة ولي من يمي لا تبليني
فاطمة - أنت الخسران
حسين - وعلي طالع ربح فوك ربح
فوك ربح بحبي بشموسي
فاطمة - واليسمع شمس ملكة جمال العراق
حسين - بعيني حورية من حوريات الجنة
مو ملكة جمال عراق
فاطمة - اعمى مالومك
خلت ومشت منزعجة هاي العايزة فاطمة زاحفتلي ادري من حوري انه اجلح املح وهاي فاطمة زاحفتلي طلع سجاد تخوصر باب
بيتهم ويخزر بي ...
ابوي اجه من بره اشرلي من بعيد اكوم اطب جوه خليت وطبيت جوه يدري بي هسة اتعارك وياهم عاد ثاني يوم اجوي اهل شمس شفتهم من
فوك السطح شمس متغيرة وضعفانة أكثر من قبل صايرة جلد على عظم كمت اللوب عليها دزيت امي عليهم راحت ساعة زمان يلا رجعت
حسين - بشري يمة شبيها شمس ؟
ام محمد - مسحورة
حسين - مسحورة ؟
ام محمد - اي امها تكول مسوين لها سحر
وجان ماتت وجنت حايرة بيها
بين السادة والشيوخ
حسين - منو سوالها سحر ؟
ام محمد - ناس ماتخاف الله
خليت وصعدت فوك السطح انتظر شمس على الله تجي ماكو ماجت بالليل شمرت حصو على سطحهم علمود تجي ختلت من سمعت صوت ام
شمس تصيح "
هذا ياطايح الحظ يشمر حصو ؟!
نزلت بسرعة مابي حيل وياها بقيت اللوب بفراشي عليها عاد الصبح طلعت تروح للمدرسة امها
تخزر بي وحجت من مكانها
ام شمس - حسين من اليوم ماعليك بشمس بعد
حسين - شكو صاير خالة ؟
ام شمس - وخلاله تخلخل عظامك ماعليك بشمس بعد.. يلا امشي لبيت خالتج ترحين وتردين وياهن ولشفتج يم حسين ياويلج مني شمس
حسين - ماتحجين صاير ؟
ام شمس - جررر منااه يلا امشسييي
صاحت بيها فزت وطلعت لبيت خالتها وانه تخبلت شبيها وياي ؟! ردت احجي وياها طبت وسدت الباب حيل بوجي بقيت انتظرهن يطلعن علمود
احجي وياهن طلعن وياهن سجاد شمس تاشرلي بعيونها لا تجي وكمل طريقك عاد سمعت منها ومشيت قبلهم بس قلبي يم شمس
وصلنا للمدرسة طبيت قبلهم دخلت لصف فاطمة كعدت يمها بالرحلة فاطمة تباوعلي وترجع اباوع الشمس كمت رحت يمهن وكتلها
حسين- شلونج شمس ؟
شمس - زينة ارجع بمكانك
حسين - شمس شبيج وياي ؟!
فاطمة - نفس ماسمعت ارجع لمكانك
حسين - لا تدخلين ....
افتهمتي ..احجي شمس
شبيج وشبيها امج ؟
شمس - خلص حسين انساني
حسين - انساج ؟!
فاطمة - اي انسى شمس وكمل طريقك
حسين - ش...
خليت وسكتت من طب علينا الاستاذ رجعت لرحلتي كعدت قلبي احترك حرك أول مرة بحياتي هيج يصير بي وهيج قلبي يحركني باوع الشمس
تبجي بسكوت بالفرصة رحتلها وجريتها من أيدها لوره المدرسة كامت تبجي وفاطمة اجت ورانه ماتيهت شمس لحظة وحدة
حسين - ولي مناااه
فاطمة - شتريد منها مو كالتلك انساني شبيك لزكة
حسين - راح اضربج وافلش وججج ولي ولج وليي
فاطمة -ضرب وشوف
حسين - تعانديني
دفعت فاطمة وكعت بالكاع وشمس
تبجي وتشهك ماتحجي
هي بطبعها جبانة ...
حسين - شمس احجيلي صاير ؟
شمس - كافي حسين شبيك ماتسمع
مو كلتلك انساني بعد
حسين - شنو تيهانة انساج ؟!
شمس - اي انساني
خلت ومشت تبجي كامت فاطمة
تنكت بصدريتها وكالت ...
فاطمة - انتهيتوا
حسين - الج ايد؟
فاطمة - ياريت
رحت عليها ردت اكتلها شفت مجموعة بنات بعدت عنها ورحت لساحة ادور شمس ماكو ؟! أريد التقي بشمس اريد اعرف صاير وليش هيج امها
تحجي وليش تكلي انساني ؟!
انتهى الدوام اجه أبوها اخذها بالسيارة هي وسجاد وبنات خالتها وانه رجعت للبيت مشي هم ماكدرت التقي بيها وره الغدة كعدت اقرأ امي
حجت وياي وكالت "
ام محمد - حسين
حسين - هاا يمة ؟
ام محمد - اهل شمس ...
حسين - شبيهم ؟
ام محمد - فسخوا الخطوبة
حسين - فسخوا خطوبة ؟!
ام محمد - بعد ماينطونك شمس
حسين - شنو بكيفهم ماينطوني شمس ؟
ام محمد - اندري يمة امها الصبح اجت
علينا وكالت خلص بعد مالكم
مره عندي ومشت
حسين - شلون تريدني احرك البيت فوك راسها
ام محمد - حسين جفي الشر وعوف البنية
حسين - اموت وماعوفها
ام محمد - ولك جوز من شمس عوفها تولي
حسين - والله ماجوز شمس مرتي
شنو بكيفهم يفسخون الخطوبة
شايفينه مضحكة كدامهم
ام محمد - وين كايم ؟
حسين - بكاع الله
خليت وطلعت بره فتريت بالمنطقة روحي طالعة والصدمة الي شفت المدرب ويا دودة يمشون ويضحكون انه شفتهم سويه لو تخبلت
وتعاركت ويه المدرب صرنا ملخ انه يطردني ودودة يرده عاد لزم واتصل بابوي اجه ابوي سحلني سحل للبيت لومجاي ابوي جان كتلت المدرب
ابوي ضايج مني مو شلون مجان نزلت عدل لغرفتي قفلت الباب وكعدت روحي تلوب على شمس ومقهور من وره المدرب وصفاء النذل خبث عليًّ
كلهم حقراء وانذال مابيهم رجال شريف ؟! كلشي جنت احبه طلع من عيوني إلا شمس بقت بنص عيوني وبوسط قلبي مال اعوفها بهاي السهولة هيهات والله هيهات
لو ادري اخطفها واشرد بيها وماعوفها .
المهم يومين وانه مطالع من البيت صعدت فوك السطح ولكه شمس تنتظرني من شفتها ردتلي روحي كامت تبجي ردت احضنها من كثر شوقي لها
هناك وين تذكرت محرمة عليًّ خليت مسافة
بيناتنه هي بدون مقدمات حضنتني
كل قوتها وكامت تبجي
شمس - تعبت حسين تعبت
حسين - منو وياج ؟
بعدتها عني على كيفي بقيت لازم
كتوفها الاثنين اديه وباوعلها
تباوعلي وتبجي ...
حسين - احجي شمس منو وياج ؟
شمس - كلها ضدي
حسين - تعاي اكعدي واحجيلي
كعدنا اثنينه واحد بصف الثاني بس مسافة بيناتنه ..
شمس - حسين خسرت صحتي وعافيتي بسببهم
حسين - بسبب منو ؟
شمس - خالتي وبناتها سوولي سحر
وامي تدري وتنكر عينك عينك
حسين - خالتج ام جاسم سوتلج سحر ؟
شمس - اي
حسين - بيش ضارتها ؟
شمس - تريدني لسجاد
حسين - شنووووو ؟
شمس - اي كل مرة تجي تحجي ويه امي وتكللها لا تنطين شمس الحسين وانطيها لابني سجاد وانه ماقبلت وتعاركت وياها ولزمتني وامي كطعتني
تكطع وراها سوتلي سحر وتخربطت ...
حسين - بسيطة انه اعلمها إذا ماخليت
الكافر يبجي على حالهم
فلا اطلع حسين
جلبت بزندي باثنين اديها وكامت تبجي "
شمس - حسين مليت يومية عركة
يومية لا يجي يوم واحد
يضربك وتروح مني
حسين - لا تخافين كلشي مايصير بي..
..بس خليني اصفي الحساب
خالتج وسجاد وارجعلج
شمس - والله ماخليك
حسين - شمس خليني اروحلهم
شمس - ماخليك
حسين- شمس إذا ماخليتيني راح
يخربون بيناتنه وبعمرنا ماراح
مانصير لبعض
شمس - انه متمسكة بيك ومستحيل اعوفك
حسين
لمزيد من التشغيل واللعب ، يرجى تنزيل تطبيق MangaToon
