...بقلمي : دانـــا - DΛNΛ 😉💙...
.......
.......
.......
.......
.......
.......
...((الإقتباس الأول))...
...رايحة تعمل اللي قالتلها عليه بعد ما قفلت المكالمة معاها، ولما جت عشان تلف وترجع عشان تسأل عن مكان الفرع التاني لقت فجأة شاب في وشها وخبطوا في بعض ولسوء الحظ [×××] كان في إيده كوباية قهوة فـ وقعت على هدومهم همّ الاتنين بس بهدلته هو أكتر وخصوصًا إنه لابس قميص أبيض تحت جاكيت البدلة....
...[÷÷÷÷] وهي مش مصدقة اللي حصل فجأة ده فقالت وهي باصة للشخص اللي قدامها بغضب : يانهارك أبيض إيه اللي عملته ده؟!! إنت مبتشوفش!!!...
...[×××] كان لسه هيعتذر ويخلص الموضوع بسرعة على قد ما يقدر عشان مش فاضي خالص ليها وباين إنها مش هتعديها على خير ده غير إنه محتاج لسه يطلع يغيّر هدومه اللي اتبهدلت ... لكنها سبقته قبل ما يتكلم وقالت بتريقة : أيوه صح وهتشوف إزاي وإنت لابس نضارة سودة مبتبينش حاجة خالص وماشي بيها بكل غرور -كملت بتريقة أكتر بعد ما أخدت بالها من هدومه- طالما مبتعرفش تشوف بيها لابسها ليه ولا لازم تكمل الطقم كله اسود في اسود وتبقى عامل زي بتوع المافيا كده -قصدها على بدلته الكلاسيك إنها سودة والنضارة كمان ده غير جزمته وشعره وكل حاجة-...
...[×××] مش عارف يرد يقول إيه ولا إيه .. ده إيه البنت المجنونة دي هي ملقتش غيره وتطلع كبتها فيه، يعني هي كانت القهوة اتكبت عليها لوحدها دي حتى بهدلته أكتر وكمان مش سايباله فرصة يتكلم نهائي وشغالة تهزيق فيه : تصدقي كنت هعتذرلك مع إني مش غلطان لكن بعد كل اللي قولتيه ده، انتِ متستاهليش اعتذار حتى....
...\= " ما براحة على نفسك شوية ياعم هولاكو هو أنا كنت مستنية منك اعتذار أصلًا على أساس اللي زيك بيعرفوا يعتذروا يعني!!!! "...
...○●─── ･ ｡ﾟ☆: *.☽ .* :☆ﾟ. ───●○...
...((الإقتباس الثاني))...
...\= "بلاش أحسن أوريكِ هعمل إيه عشان مش هيعجبك فأفضلك تقصري المسافات وتروحي بسرعة تغيّري عشان أسيبك تروحي الزفت الحفلة."...
...قالت بتحدي وثقة أكبر وهي عايزة تشوف أخره ويوريها هيعمل إيه لو مسمعتش كلامه، عايزة تشوف هل غيرته عليها حقيقية ولا بيمثل وهي متفرقش معاه : لأ بجد عايزة أشوف هتعمل إيه وهتخليني أسمع كلامك إزاي، إنت ملكش الحق تتكلم عن لبسي أصلًا لإن ده مكنش جزء من اتفاقنا....
...لؤي كان قرّب يفقد أعصابه من المجنونة دي اللي كل شوية تقول مكنش في اتفاقنا مكنش في اتفاقنا والجملة دي بتعصبه جدًا وخصوصًا في المواقف اللي زي كده، فـ قرب منها بهدوء وببطء وملامحه مبينة إنه مش ناوي على خير لو معملتش اللي قاله : آسيا متختبريش صبري واسمعي الكلام....
...طبعًا هي مهمهاش مدى جديته اللي بيتكلم بيها لأول مرة وهدوءه المزيف وهو بيتكلم .. اللي واضح أوي إن ده أقرب تشبيه أو التشبيه الحقيقي لجملة هدوء ما قبل العاصفة وقالت بهدوء وبراءة مصطنعة : على فكرة بجد الفستان مفهوش حاجة وإنت اللي مأڤور، وزي ما قولتلك مش هغيره طالما عاجبني وإنك ملكش الحق تتكلم معايا في حاجة تخصني وتفرض رأيك عليا....
...لؤي زعق بغضب مش قادر يسيطر عليه أكتر من كده : هو إنتِ شايفاني بريالة ولا مركب قرون!!!...
...مفهمتش معنى كلامه وهو قرب وشه منها ووصل لطولها وبقى قُصادها بالظبط، وقال باقي كلامه بصوت أشبه بفحيح مخيف : عشان أبقى شايف مراتي بالمنظر ده ولابسة فستان قصير لأ ده حتى مش فستان ده أشبه بقُمصان النوم، وقال إيه ده اللي هتروحي حفلة عيد ميلاد صاحبتك بيه والكل هيشوفك كده!!! إيه هو حد قالك إني حاطط رجولتي في التلاجة؟؟!!...
...آسيا رجعت خطوة لورا وهي بتضحك بهيستيريا غريبة وبعدها اتكلمت بهدوء مصطنع وكإنها بقت مجنونة بجد : هو إنت ماشبعتش من تمثيل دور الحبيب؟!! -كمّلت كلامها وهي بتشاور بإيديها الإتنين حواليها- بص حوالينا كده إحنا لوحدنا يا لؤي بيه لوحدنا في الأوضة يعني محدش هنا غيرنا أنا وإنت وبس ف فكك من الحبتين دول وإنك عامل نفسك غيران وعايش الدور لإن أنا وإنت عارفين إن مفيش حاجة بينا حقيقية كله عالورق وبس!!...
...لؤي قرب منها ومسكها جامد من دراعها وشدها أكتر ليه بقوة وعنف، وقال بنبرة تحذيرية غير قابلة للنقاش : بطلي تخرجيني عن شعوري عشان ماتشوفيش وش تاني مني مش هيعجبك وهيلخبطلك كل أفكارك عني، وساعتها هتتمني ماكنتيش تشوفيه عشان عمري ما عاملتك إنت بالذات بيه أبدًا بس شكلك كده عايزة تشوفيه....
...آسيا تراجعت شوية وخافت لإنها حست إنه مش بيهزر بكلامه ده وممكن يقلب فعلًا بس ثواني هو بيكلمها كده ليه هو مين عشان يقولها تعمل إيه ومتعملش إيه طالما معملتش حاجة خارج عن ورق اتفاقهم ولعبتهم المزيفة يبقى ملهوش حاجة عندها، فردت وهي بتحاول تتصنع الثبات وقالت بتحدي وسخرية لاذعة : إنت اللي بطل كدب شوية... والحمقة الكدابة دي وفّرها لما نبقى قدام أهلك أو أهلي، أنا مش فاهمة إنت بتعمل كل ده دلوقتي ليه عايز إيه مش فاهمة برضو؟...
...- "عايزك تغيّري القرف اللي إنت لابساه ده بدل والله احلف مانتِ طالعة من البيت في يومك اللي مش فايت ده فـ عدّي الليلة عشان هي مش ناقصاك بتهوّرك ده عالمِسا يا آسيا."...
...زفرت بنفاذ صبر وهي بتربّع إيديها وبعدت عينيها لبعيد بعد ما كانت بتبصله ومازات قصاده ومسافة صغيرة بس بينهم وكانت عايزة تعترض تاني على كلامه ومش هاممها برضو عواقب اللي بتعمله ده وثابتة على موقفها وده جننه أكتر فـ ماداهاش فرصة تستوعب اللي هيعمله لإن قدرته على تحمل عنادها اللي مش بيخلص واسفزازها ليه وصلت لأعلى درجة، وفي لحظة شفايفه بقت على شفايفها بعد ما سحبها من فكّها بإيد واحدة وهي رفعت نفسها تلقائيًا على أطراف صوابع رجلها عشان توصل لطوله ولو شوية بعد ما شدها بعنف....!!!...
...شعور غريب حست بيه جواها أول ما قرب منها ورعشة خفيفة شعرت بيها من قربه وقلبها بيدق جامد وهي حاسة إنه سامعه وبوضوح من كتر قوة ضرباته وكهربا غريبة سرت في جمسها من طريقته المجنونة الغير متوقعة وعشان متفقدش توازنها لفرق الطول بينهم مسكت دراعاته الإتنين بإيديها، وهو مسك وشها بإيديه الإتنين عشان يعرف يتحكم براحته وضغط على شفايفها أكتر بشغف مشتعل وهو مُتيم باللحظة وبيتمنى الوقت يقف عند اللحظة دي ويفضلوا كده لأطول فترة لإنه مش عايز يبعد عنها ولا عن شفايفها اللي بيتمناهم كل يوم وأخيرًا عرف يوصلهم في الواقع بعد ما كان أكتر حاجة يقدر يعملها إنه يتخيل إنهم ملكه دلوقتي وأخيرًا التخيل إتحول لحقيقة....
...مكنش عارف هل يطفي نار غيرته منها بالبوسة دي... ولا يثبتلها ملكتيه وإنها بتاعته وبس... ولا الإتنين!!!!!...
...مرت لحظات قليلة قبل ما يحس بضربات خفيفة منها على دراعاته اللي كانوا ماسكين وشها، ففصل البوسة بعد ما حس بحاجتها للهوا....
...سند جبهته على جبهتها وهو بيقول بهمس خطير عملها رعشة خفيفة في جسمها كله وأنفاسهم اختلطوا وهم بيحاولوا يدوا للرئتين الهوا اللي طالباه عشان يفضلوا على قيد الحياة بعد البوسة اللي خطفت أنفاسهم : وده كمان كدب وتمثيل يا آسيا؟!...
...♩ ...
...♫ ...
...♭ ...
...♬ ...
...♪ ...
- إيه توقعاتكم يا حلوين ؟؟! 🫣🙈
- كلموني عن حماسكوا 🙈❤️🔥
- شاركوني آرائكم! 🤩💙💜
- وبس كده استودعكم الله الذي لا تضيع ودائعه لحد ما نتقابل تاني إن شاء الله 🫂🫶🏻
...بقلمي : دانـــا - DΛNΛ 😉💙...
.......
.......
.......
.......
.......
.......
...أسماء الشخصيات اللي هتقابلوها خلال رحلتنا ^^...
...(مش كلهم أدوار رئيسية، في اللي هيكونوا ضيوف شرف لمدة معينة وبس!!)...
...آسيا | كَيان | يَقِين | مازِن | كريم | أحلام | فوزية | لُؤي | إياد | نورهان | شِريف | زينب | مالِك | داليا | وِسام | مي | أحمد | وائل | رؤى | نَديم | إيڤا | إريك | كاي | أسيل | كِنزي | فارس | أزهار | أفكار....
...دوركوا بقى هو إنكوا تعرفوا دور كل واحد فيهم إيه في حكايتنا اللي هتحسوا معاها من خلال الأحداث بشعور الإستمتاع والسعادة من بدايتها حتى نهايتها إن شاء الله..💗🎀...
...بس ده ميمنعش إنكوا هتلاقوا جنون وعبط من أبطالنا هتستغربوه~~🤭😂😂...
...على فكرة ده يعتبر زي ملخص لـ فصل أو 2 من الرواية عشان بحكيلكم بالتفصيل وفي نفس الوقت ملخص عن حياتهم لحد ما هنبدأ لإني مش عايزة أمط في الأحداث عالفاضي وتبقى الرواية مملة فحطيت المعلومات اللي هتحتاجوها هنا في التعريف عشان يبقى كأنكم عيشتوا معاهم قصتهم حتى الآن وحتى الفصل الأول اللي هنبدأ من عنده أحداث جديدة فـ لازم يكون عندكوا فكرة عن حياتهم اللي فاتت بشكل عام... فهمتوني 😌♥️...
...○●─── ･ ｡ﾟ☆: *.☽ .* :☆ﾟ. ───●○...
...<<نبدأ بقى بتعريف الشخصيات الرئيسية يا حلوين>>...
...[عـيـلـة مـحـمـود الـعـمـيـد]...
...《《《 آسيا 》》》:...
...هي بنت 17 عام مرحة وحيوية جدًا بتحب الهزار والضحك طول الوقت ونادرًا ما بتكون جدية غير لما الموقف يحتاج فعلًا لكن ده ميمنعش إنها متهورة ومتسرعة جدًا في تصرفاتها، عيونها واسعة ورموشها طويلة ومقوسة وعلى الرغم من إن لون عيونها اسود إلا إن عيونها جُمال أوي لدرجة إن أي حد يشوف آسيا يتشدلها بس بسبب شكل عيونها؛ لشكلها المميز والجذاب، شفايفها عادية بس لونها الأحمر الخفيف الطبيعي مِدّي لوشها جمال أكتر، بشرتها قمحاوية، وشعرها قصير بلون القهوة، بتلبس دايمًا كعب لإنها قصيرة أوي وبملامحها الطفولية وقُصرها بيبان عليها أصغر من عمرها بكتير، وده مدايقها إن محدش شايفها كبيرة بس هي تقريبًا متعرفش إنه بيتقال عليها طفلة بسبب أفعالها وتصرفاتها أكتر من طولها وشكلها، أصغر واحدة في اخواتها ولسه مخلصة تالتة ثانوي والنتيجة طلعت ونجحت بفضل الله أولًا ثم مجهودها وكان نفسها في كلية فنون جميلة وأخيرًا حققت حلمها لإنها بتحب الرسم جدًا والتصميم ودايمًا عندها أفكار جديدة ومميزة ونفسها تشتغل في شركة هندسة معمارية أو مدنية وتبقى المصممة بتاعتهم وتبقى مشهورة، لبسها واسع وبتفضّل الجيبات الواسعة المنفوشة عن الفساتين عكس بنت خالتها وصديقتها المقربة والوحيدة كَيان، بتحب جدتها جدًا وهي أقرب واحدة ليها وجدتها بتفضلها عن باقي أحفادها بس مش بطريقة أوڤر، يعني مش بتفرّق حد عن التاني في المعاملة بس آسيا ليها معزة خاصة لإنها اتولدت بمعجزة بعد ما كملت 7 شهور ولما اتولدت كان في خطر على حياتها بس فضلت عايشة الحمد لله وجدتها هيّ اللي اختارت إسمها، آسيا بتحب القراءة جدًا وشايفة فعلًا إن الكتاب خير صديق، وأفضل الكتب عندها هي سلسلة جرايم المحقق شيرلوك هولمز وطول وقت فراغها بتحب تقرأ روايات، ومؤخرًا حبت الكتابة جدًا وفتحت صفحة على تويتر بتحب تنزل فيها جُمل مقتبسة عن اللي مرّت بيه خلال يومها....
...●●●●●●●●●●●...
...《《《 يَقين 》》》:...
...أخت آسيا الكبيرة، 23 عام متخرجة من حوالي سنة تقريبًا من كلية حقوق، وكان حلمها بعد التخرج ومازال إنها تكون محامية وتبقى شاطرة في مجالها لإنها بتحبه جدًا وداخلاه عن حب، بشرتها فاتحة وعيونها خضرا زي مامتها وخالتها، رموشها قصيرة لكن شكلهم مميز ومخليين شكل عيونها جمال زي أختها، مُحجبة ملتزمة الحمد لله، متوسطة الطول يعني طولها مناسب لسنها .... بتحب اخواتها وبنت خالتها جدًا وجدتها اللي اتبقتلها من ريحة مامتها وخالتها وملهاش غيرهم في الدنيا، ودايمًا دورها كأم أكتر من دورها كأخت وحفيدة وهي حابة كده، تقدر تعمل أي حاجة حرفيًا أي حاجة بس لأجل سعادة كل فرد من عيلتها....
...●●●●●●●●●●●...
...《《《 كَـيـان أمـجـد الـسـنـوسـي 》》》:...
...بنت خالة آسيا ويقين، قد آسيا في السنة الدراسية لكن كيان أكبر بسنة في العمر، بشرتها قمحاوية لكن مايلة أكتر لدرجة أغمق، بعيون ضيقة زي بباها وبلون العسل، شعرها طويل ومابتحبش الشعر القصير خالص يعني في اختلافات كتير بين اهتماماتها واهتمامات بنت خالتها زي ما إنتوا شايفين أعزائي المتابعين ... شعرها لونه اسود وفيه لمعة حلوة أوي، أطول من آسيا بشوية حلوين، وكأنها ما صدّقت بقى دايمًا بتتريق على قُصر آسيا حتى وهي قصيرة زيها بس برضو فيه فرق كام سنتي لو سمحتوا فهيّ كده أطول😂 .... معظم لبسها فساتين واسعة عشان بتحبهم وبترتاح فيهم جدًا، نجحت في تالتة ثانوي وهتدخل فنون جميلة مع آسيا لإنهم بيحلموا بيها من زمان وبيرسموا دايمًا مع بعض وبيبتكروا حاجات سَوا ودي نقطة من النقط المشتركة بينهم، بتحب أفراد أسرتها اللي عايشة وسطهم وملهاش غيرهم بعد وفاة أهلها وملهاش اخوات لإن اختها التوأم اتوفت في بطن مامتها وربنا مرزقهاش بحد بعدهم....
...●●●●●●●●●●●...
...《《《 كريم 》》》:...
...27 عام، بـ بشرة قمحاوية وعيون سودة واسعة ورموش عادية يعني مش طويلة ولا قصيرة، طويل بجسم رياضي وهوّ ومازن توأم واخوات زي الأصحاب مع بعض في كل حاجة وأي حاجة، خريجين تجارة وأخيرًا جاتلهم الفرصة يقدروا يشتغلوا في إحدى الشركات الكبيرة اللي نفسهم يتوظفوا فيها من زمان، همّ اللي بيصرفوا على البيت من بعد ما بباهم سابهم من وهمّ مراهقين عندهم 15 سنة ومرجعش تاني ومحدش يعرف عنه حاجة .. هل اتجوز ؟؟! هل يعرف إن مراته أم عياله ماتت في حادثة وعايشين لوحدهم مع جدتهم ؟!! ، بيحب أخته آسيا أكتر واحدة وعلاقتهم مقربة جدًا وآسيا بتحب تتشارك أسرارها أكتر مع كريم من أي حد وبتقوله على كل مشاكلها وكل حاجة بتحصلها وبيحلهالها وهوّ كمان....
...●●●●●●●●●●●...
...《《《 مازن 》》》:...
...27 عام، بشرته غامقة، بعيون لونها بني ضيقة وسودا ورموشه طويلة، طوله قريب لكريم وجسمه رياضي زيه لإنهم بيهتموا بالرياضة جدًا وبقت جزء مهم من حياتهم لأهميتها وفوائدها، هو الأكبر لإنه اتولد الأول وحرفيًا مبياخدش قرار من غير ما يشاور أخوه والعكس صحيح، طبعه حاد شوية عكس كريم جدًا في النقطة دي لإن كريم شخصية منفتحة ومرحة وبتحب الضحك والهزار لكن مازن تحسوه جاد دايمًا بس ده ميمنعش إنه غير مع عيلته بالذات وبيتأقلم معاهم لما بيقعدوا كـ أسرة وبياخد راحته في الكلام....
...»»----> 🎀 <----««...
...♩...
...♫...
...♭...
...♬...
...♪...
...»»----> 🎀 <----««...
...[عـيـلـة شـريـف الـبـاشـا]...
...《《《 لؤي 》》》:...
...شاب 25 عام، متخرج من كلية هندسة قسم عمارة بامتياز، بيحب مجاله جدًا عشان كده شاطر فيه ومسك شغل الشركة من بباه بعد التخرج، وإياد بقى شريكه في الشركة وبيشتغلوا سَوَا، بشرة لؤي بيضا نوعًا ما، وعيونه متوسطة الحجم ولونها بني فاتح ورموش طويلة إلى حدٍ ما، وشعره مش طويل ولا قصير لكن ناعم، طويل وجسمه رياضي ومظبوط، بيهتم بأكله أوي، وحياته مش بتمشي غير بنظام وترتيب وتخطيط ميعرفش يسيب يومه يمشي عشوائي خالص، من وهو صغير وهو طفل ذكي ودماغه شغالة وكان شاطر جدًا، مكنش بيحب يصاحب حد عشان مش عايز يثق في حد ويخذله مش بيحب شعور إنه يبقى مخدوع في حد هو بيحبه، وأول حد صاحبه كان إياد لإنه لقاه مختلف عن أي حد وأكتر حد فاهمه، وقتها كانوا في ثانوي أول مرة شافوا بعض وحتى الآن مازالوا قريبين من بعض وأكتر من أصحاب بكتير، لؤي أقرب لإياد من أخوه مالك حتى ودراعه اليمين مفيش حاجة بتمشي من غيره، وبيعتمد عليه جدًا والثقة بينهم متبادلة....
...●●●●●●●●●●●...
...《《《 إياد وائل البحيري 》》》:...
...25 عام، لؤي صديقه المقرب والوحيد، لإنه أكتر حد جدع وشهم وراجل قابله في حياته ودايمًا واقف جمبه في كل حاجة، إياد معندهوش غير أخ واحد وأكبر منه بس علاقتهم مش قريبة خالص فـ لؤي كل حاجة بالنسباله وممكن توصل لإنه يضحي بحياته عشانه، هم اخوات لكن مش نفس الأم ولا نفس الأب، إياد ببشرة قمحاوية بس أفتح شوية وعيونه واسعة وبـ لون السما الصافية ورموشه قصيرة، شعره قصير ولونه اسود، مش طويل أوي لكن جسمه رياضي جدًا زي لؤي....
...●●●●●●●●●●●...
...《《《 مالِك 》》》:...
...أخو لؤي الكبير، 29 عام متجوز من 4 سنين، مراته إسمها داليا أصغر منه بأربع سنين، بشرتها قمحاوية وعيونها سودة ضيقة وبرموش طويلة، أقصر من مالك لكن مازالت طويلة، طيبة أوي وعسولة، ربنا رزقهم بـ بنوتة بعد جوازهم بسنة وحاليًا عندها تقريبًا 3 سنين وشوية إسمها وِسام وشقية أوي لكنها محبوبة من العيلة كلها فـ هي أول حفيدة برضو وأول ما العين شافت، مالِك بشرته قمحاوية وعيونه بني ضيقة برموش قصيرة، في نفس طول لؤي تقريبًا وبجسد عريض لكن مش رياضي، بعد ما أسسوا فروع لشركاتهم بره مصر هو سافر بأسرته وأسس فرع في إيطاليا بنفسه وطوّره وكان على تواصل دايمًا مع أهله وخصوصًا لؤي وإياد عشان بيتابعوا الشغل سَوَا هنا وهناك وأخيرًا رجع بلده اجازة طويلة شوية يقعد مع أهله عشان افتقدهم جدًا بعد غُربة 3 سنين....
...●●●●●●●●●●●...
...《《《 نورهان 》》》:...
...20 عام دلوعة العيلة، الكل بيناديها نور كاختصار وأسهل، بصوا بقى نور دي حرفيًا واخدة كل الدلع عشان أصغر واحدة بقى وكده، فرفوشة أوي وبتعمل جو في أي قعدة وطول ما همّ مابيتكلموش غير عن الشغل وهي بطبيعة الحال بتزهق عشان مبتبقاش فاهمة حاجة فدايمًا بتقلب الجو لصالحها وتخليه ممتع بدل ملل الشغل، طلباتها كلها أوامر هي بس تطلب ومالك ولؤي مش بيتأخروا أبدًا، وعلى الرغم من مشاغباتها دايمًا مع اخواتها إلا إنها بتحبهم جدًا وبتحترمهم وبتسمع كلامهم جدًا وشايفاهم قدوتها، شخصية وسام تقريبًا شبهها جدًا وشقية زيها لما كانت صغيرة، وطبعًا نور أوقات بتغير من وسام علي لؤي بس بهزار يعني عشان من ساعت ما جت من السفر وهو بيهتم بيها جدًا، وبيشتريلها كل حاجة عايزاها، وبيلعب معاها دايمًا لما يرجع من الشغل، وبقت واخدة وقت فراغه كله يعتبر وده أوقات بيخلي نور تتذمر على لؤي إنه خلاص بقى مبقاش بيهتم بيها زي الأول من بعد ما أستاذة وسام شرّفت. 🤭😭...
...°...
...° ✩ °...
...° ✩ ° ｡ °...
... ° ☆ ｡ ...
... ･ ✩ ﾟ ｡ ✩ ...
... ° ° ﾟ ｡ ...
... ✩ ﾟ ｡ ✩ ｡ ...
... ° ｡ ° ﾟ ...
... ﾟ ｡ ☆ ｡ ﾟ ...
... ° ﾟ ｡ ☆ ｡ ...
... ° ☆ ﾟ ｡ ...
... ...
... ° ﾟ ° ｡ ✩ ...
...° ✩ ｡ °...
... ✩ ° ° ...
...° ☆ ° ✩...
...°...
...»»----> 🎀 <----««...
- حبايب قلبي اقرأوا التعريفات مرة واتنين عشان تحفظوا أسماء ومعلومات الأبطال الرئيسيين للرواية عشان هنبدأ قريب إن شاء الله في تنزيل الفصول وباقي الشخصيات هتعرفوها مع الوقت خلال الأحداث...😌🩵🤍
- مستنية رأيكوا عن الشخصيات ومين أكتر حد عجبكوا ومتحمسين تعرفوه أكتر مع الأحداث 🙈🙈🤍🫶🏻
- اه صحيح نسيت اسألكوا إيه رأيكوا في النجوم اللي فوق؟؟! أنا اللي عاملاها 🙈😍
فضلت حوالي ساعة تقريبًا بعملها وكل شوية أغير الأماكن وأبدل دي بدي وهكذا لحد ما استقريت على المنظر ده، مع إنه مش أحسن حاجة بس ده اللي استقريت عليه في الآخر عشان الموضوع مُتعب بجدد😅
عجبكوا شكلها ؟؟!
هتلاقوني بحطها في نهاية كل فصل إن شاء الله 🫣😌🤝🏻💕💕
..."بسم الله الرحمن الرحيم"...
.......
.......
.......
...نبتدي روايتنا الجديدة وأتمنى ننهيها على خير إن شاء الله~~...
...متحمسة جدًا لدعمكوا...🙈🫶🏻...
...ومستنية رأيكوا أكيد عشان حقيقي حقيقي يهمني 🥹🩵🤍...
...- الأول متنسوش تصلّوا على نبي الرحمة واللي هيشفع فينا يوم القيامة (سيدنا محمد صلَّ الله عليه وسلّم) ♥️...
...- ثانيًا اذكروا الله، ومتنسوش تدعوا لأهلنا في فلسطين والسودان وسوريا ولبنان وجميع الدول العربية ♥️...
...《 قراءة ممتعة يا حلويييين 💫💕 》...
...- بقلمي : دانـــا - DΛNΛ 😉💙...
...»»----> 🎀 <----««...
...يوم جديد من آخر أيام فصل الصيف، الصبح الساعة 7 جوه شقة بسيطة متواضعة وبداخل مطبخ البيت في 3 بنات اتنين منهم اخوات والتالتة بنت خالتهم، بيحضّروا الفطار بدري عشان التوأم النهارده أول يوم ليهم في الشركة اللي كان نفسهم يشتغلوا فيها من زمان وأخيرًا عرفوا يقدموا فيها والإتنين اتقبلوا الحمد لله، بعد ما سابوا شغلهم القديم وهم متخانقين مع صاحب الشغل عشان مهما عملوا مكنش بيرقّيهم زي باقي زملاتهم وكان مستقصدهم عشان بنته كانت معجبة بمازن فـ حاول يبين في عينيها قد إيه هو وأخوه فاشلين وميستحقوش يشتغلوا عنده أساسًا وإنهم مش مجتهدين ولا واحد زي مازن فقير ومحلتهوش حاجة يستحق جوهرة وبرنسيسة زيها....
...يقين بصوت عالي وهي بتقطع البطيخ مكعبات وبتحطه في طبق كبير عشان آسيا تسمعها من بره : أسووش تعالِ طلعي الصينية من الفرن كفاية كده عليها والله شوية وهتتحرق....
...آسيا وهي داخلة المطبخ بعد ما حطت الأطباق الجانبية على السفرة : لأ لسه سبيها شوية كمان تاخد اللون الدهبي....
...يقين وهي بتبص في الفرن عشان تشوف لون الفطاير اللي صحت من الصبح بدري عشان تعملهم لإنها عارفة إن كريم ومازن بيحبوها جدًا وحطت فيها الحشو المفضل للكل : طب ماهي أخدت اللون وشكلها حلو أهو، هتسبيها أكتر من كده هتتحرق وساعتها هخليكِ لوحدك تاكليهم....
...آسيا وهي بتضحك جرت على الفرن عشان تطلعها : طب وعلى إيه هطلعها حاالًااا....
...كيان ضحكت عليها وهي واقفة جمبهم بتجهز الشاي ... آسيا طلّعت الصينية وحطت الفطاير في أطباق و ودتهم على السفرة، وكيان كمان خلصت الشاي وقبل ما تصب حطت في كوباية كل واحد نعناع أو قرنفل على حسب كل واحد بيحب إيه وبعدها صبت الشاي وطلعته برضو، ويقين قالت لآسيا تروح تصحّي اخواتها لو لسه نايمين عشان يلحقوا يفطروا وتنادي جدتها اللي كده كده صاحية عشان مبتنامش من بعد صلاة الفجر وهي حاليًا قاعدة في البلكونة بتحب تقعد فيها الصبح بالذات عشان بتحب هدوء الصبح والكل نايم وكمام الهَوا وريحته في الوقت ده تحفة....
...آسيا لقت اخواتها صاحيين أصلًا وجاهزين فنادتهم واتجمعوا كلهم على السفرة يفطروا ويشربوا الشاي....
...بعد ما قعدوا والكل بدأ ياكل آسيا أول حد قطع الصمت اللي بينهم وعي بتقول بفضول وبتوجه كلامها لكريم بالتحديد : إنت قولتلي إسم الشركة اللي هتشتغلوا فيها إيه ؟...
...كريم وهو بياكل الفطاير باستمتاع من طعمها الرائع، ضَحك عليها وهو بيقول : أنا مقولتش حاجة أساسًا لإن ببساطة أول مرة تسأليني....
...مازن هو اللي جاوب على سؤالها بهدوء كعادته : هنشتغل في شركات الباشا للهندسة المعمارية....
...كيان بانبهار وهي مش مصدقة لإنها عارفة إن الشركات دب كبيرة ومشهورة ومش بتقبل أي حد لازم يكون مؤهل : إيه ده بجد!! شركات الباشا بتاعتنا!! يعني اللي احنا عارفينها!!!...
...أماءت يقين بتأكيد وجاوبتها بأيوه -هي عارفة اسم الشركة من أول ما قدموا- وعلى وشها ابتسامة كبيرة لإنها فرحانة ومتحمسة ليهم أكتر من نفسهم وبتتمنالهم بداية جديدة في الشركة دي ويقدروا يحققوا كل اللي نفسهم فيه....
...أحلام [جدتهم] وهي بتبص لمازن وكريم بفخر وثقة فيهم ومررت عينيها على باقي أحفادها : ربنا يكرمكوا ياولاد بناتي أكتر وأكتر وعقبال ما أفرح بيكوا كده يارب....
...مازن وكريم ابتسموا لجدتهم بحب والكل أمِّن على كلامها....
...آسيا وهي مش فاهمة إيه الشركة دي لإنها أول مرة تسمع عنها : ثواني ثواني إيه شركات الباشا للهندسة المعمارية دي؟! دي شركة كبيرة يعني!!...
...أماءت كيان بالإيجاب وردت عليها بتفاعل سريع : ةأيوة يا أسوش دي مشهورة جدًا كمان إزاي مانتيش عارفاها، الشركة دي صاحبها اللي أسسها اتقاعد وسلّم الشغل لإبنه [لؤي] وصاحبه المقرب اللي في نفس الوقت يبقى شريكه [إياد] اللي اتعرف عليه عن طريق شراكة شركات الباشا وشركات البحيري من أكتر من 20 سنة وإياد ده اشترى أسهم في الشركة وبقى ليه نسبة وبقى شريك لؤي في شركته وأخو إياد الكبير هوّ اللي ماسك شركات أبوه بره....
...آسيا وهي بتفتكر إنها فعلًا سمعت عن الحوار ده وإن الإعلام والصحافة كانوا عاملين ضجة عالموضوع ده وطالعين يقولوا إزاي يسيب الشركة وهي بالحجم والشهرة دي دلوقتي لإبنه الصغير وصاحبه بالسهولة دي ومعطاهاش لإبنه الكبير قبل ما يسفَّره يمسك شركاته بره ولا يرجعه : هيّ دي نفس الشركة اللي سمعنا الحوار الكبير اللي طالع عنها وانهم بيقولوا إنه ابنه الصغير ليه مسافرش وأسس فرع جديد لوحده زي أخوه الكبير واشمعنى هوّ اللي يمسك الأفرع الكبيرة والأساسية اللي هنا....
...كيان بموافقة : أيوه بالظبط هي دي نفس الشركة....
...آسيا وهي بتوجه كلامها لإخواتها وقالت بتساؤل : ةطب وما لقِتوش غير الشركة دي؟؟ يعني مش يمكن ابنه ده يطلع مش كُفء وميقدرش يحافظ على الشركة وساعتها تفضلوا تدوروا على شغل جديد تاني....
...كريم قال بعقلانية يحاول يفهمها الحقيقة بدل الشوشرة اللي الإعلام عملوها : ابنه مسك الشركة أهو داخل في سنتين ولسه الشركة محافظة على إسمها وسمعتها ومحصلش حاجة من اللي الصحافة كانت بتتوقعه وبعدين أكيد شريف بيه كان عارف إنه هيدّي الشركة لابنه لؤي في يوم من الأيام عشان كده سفَّره برّه يدرس هندسة معمارية ومدنية وبعدها تجارة وإدارة أعمال ويفهم الشغلانة صح وكان معاه إياد وبعدين أول ما رجعوا سلّمهم الشركة على طول....
...أماءت آسيا بتفهم بعد ما استوعبت وجهة نظر أخوها واتمنت لهم التوفيق من قلبها وإن ربنا يرزقهم على قد تعبهم وجهدهم الحقيقي اللي بيبذلوه دايمًا....
...وبعد ما كريم ومازن خلصوا فطار استأذنوا عشان يمشوا وقبلها طبعًا كان لازم يبوسوا إيد وراس جدتهم وهي كالعادة دعيتلهم ربنا يوقف قصادهم ولاد الحلال دايمًا ويسهلهم كل صعب وأهم حاجة يرزقهم ببنت الحلال عشان نفسها قبل ما ربنا ياخد يروحها وتقابل بناتها تشوف أحفادها متجوزين وكل واحد في بيته ومأسسين أسرة سعيدة ويكونوا مبسوطين هي مش عايزة أكتر من كده من ربنا....
...وعلى الساعة 10 آسيا وكيان جهزوا عشان يروحوا يقدموا في الكلية بما إنت النتيجة طلعت من زمان خلاص والتقديم فتح من بدري فـ يشوفوا الورق المطلوب ويبدأووا يعملوه عشان يلحقوا يخلصوا كل حاجة، عشان خلاص الدراسة هتبدأ كمان حوالي شهر أو أقل كمان....
...ويقين نزلت تجيب شوية حاجات ناقصة البيت عشان عايزة تجهز الغدا المُفضل لنور عيونها اخواتها الكبار....
...وأحلام راحت تقعد مع جارتها وصديقة عمرها [فوزية] اللي لما مابيكنش حد في البيت وأغلب الوقت عمومًا بيقعدوا سوا سواء عندها أو هي تجيلها، وبيفْضلوا يتكلموا عن أحفادهم وحاليًا بقالهم كام يوم بيخططوا وبيدوّروا على عروستين لكريم ومازن طالما مش ناويين يتجوزوا ويفضلوا يأجلوا في الموضوع وهي زهقت وعايزة تشوف أولاد أحفادها قبل ما تموت فقررت تدوّر بنفسها على البنت المناسبة هي وصحبتها وشريكتها في كل حاجة فجابوا أسماء ومعلومات عن كل بنات المنطقة اللي هم فيها وحاليًا همّ قيد البحث عن المواصفات اللي محددنها ((بحبهم بجد تيتا فوزية وتيتا أحلام دول عساسيل الرواية بالنسبالي أساسًا 😭💞))...
...○●─── ･ ｡ﾟ☆: *.☽ .* :☆ﾟ. ───●○...
...وفي مكان تاني في أحد فروع شركات الباشا كان لؤي المدير التنفيذي للشركة قاعد في مكتبه الكبير والواسع بيراجع أوراق الإجتماع عشان لو في حاجة ناقصة أو أي أخطاء والإجتماع ده هيتعَقَد كمان ساعتين مع العملاء الفرنسيين وهيتم توقيع عقد شراكة بينهم والإتفاق على جميع الشروط عشان المرحلة الأولى من المشروع الجديد هيتم تنفيذه بمساعدتهم ... وبعد شوية دخلت سكرتيرته [مي] بعد ما خبّطت وسمحلها تدخل، دخلت وفي إيديها صينية فيها القهوة السادة المفضلة له واللي بيشربها يوميًا.........
...مي بابتسامة وهي بتقرب من المكتب : مستر لؤي اتفضل القهوة بتاعت حضرتك....
...لؤي بعملية : ماشي يا مي سبيها عندك وشوفيلي المُترجِم وصل ولا لسه....
...- " حاضر يا فندم .. حضرتك محتاج حاجة تانية؟! "...
...\= " حاليًا لأ تقدري تتفضلي. "...
...وقبل ما تخرج خبطت راسها بإيدها علامة على إنها أخيرًا افتكرت إنها مجابتلهوش فطار قبل ما يشرب القهوة، إزاي أصلًا نست؟!! بس برضو هو متكلمش ولا قال عايز يفطر فـ لفّت وقالت باستغراب : مستر لؤي هو حضرتك فطرت ولا أجيب فطار لحضرتك حالًا قبل القهوة؟...
...لؤي بابتسامة بعد ما افتكر إنه نسي يقولها إن أخوه مالك رجع ويعرفها إنه مش هيفطر في المكتب طول ما هوّ موجود : لا يا مي أنا النهارده فطرت في البيت عشان مالك جه من السفر إمبارح بالسلامة الحمد لله والفترة دي هفطر معاهم في البيت قبل ما آجي....
...أماءت مي بتفهم وبابتسامة قالت قبل ما تخرج : تمام.. وحمدلله على السلامة لمستر مالك....
...بعد حوالي أكتر من ربع ساعة من التركيز التام في الورق اللي قدامه سمع الباب بيخبط، فكّر إنها مي فقال بعفوية وبصوت عالي يسمعه اللي بره "تعالي يا مي" وثواني وكان أبوه شريف وأخوه مالك هم اللي بيدخلوا مكتبه وهوّ اتفاجئ لإنه ميعرفش إنهم جايين محدش قال حاجة على الفطار الصبح....
...لؤي وهو بيقوم من كرسيه وبيقرب منهم بابتسامة : بابا، مالِك إنتوا جيتوا إمتى؟!!...
...شريف بابتسامة مماثلة : لسه واصلين بس أساسًا كنت هاجي لوحدي عشان بقالي فترة مجتش الشركة وأشوف آخر الأخبار وكده ماهو مش عشان اتقاعدت وسيبتلك كل حاجة مجيش وأخد فكرة كل فترة عن اللي بيحصل وأعرف آخر الأخبار .. فلما عرفتهم في البيت إني هاجي لقيت مالك بيقولي إنه عايز يحضر معانا اجتماعات النهارده ويعرف أكتر عن مشروعك الجديد فجبته وجينا....
...لؤي وهو بيبتسم لـ مالك وبيصافحه : يحضر معانا وماله ده يشرفنا أصلًا، والله ليه وحشة بقاله كتير محضرش معانا لا اجتماعات ولا مؤتمرات وكأنه ماصدق يسافر وأدينا أهو أول مرة نشوفه من وقتها....
...مالك بابتسامة واسعة : يابني ما انت عارف حوارات الشغل اللي مابتخلصش هوّ أنا كنت مسافر ألعب يعني....
...لؤي ضحك وبعدها وجه إيده ناحية الكراسي اللي قدام المكتب وقال : تعالوا اتفضلوا اقعدوا واقفين ليه....
...لؤي بعد ما بباه وأخوه قعدوا وهو كمان لف وقعد ضغط على زرار في التليفون الأرضي، عشان يتصل بمي وأخد التليفون عشان لما ترد وقال وهو بيقربه من ودانه : ها تشربوا إيه؟...
...شريف : قهوة سادة....
...مالك : وأنا مظبوطة....
...لؤي قال لـ مي تجيبهم مكتبه وقفل،...
...مالك بتساؤل : أومال إياد أفندي فين مش باين يعني مجاش النهارده ولا إيه؟...
...- " ومايجيش ليه ده إحنا في يومين مينفعش فيهم اللعب والمرقعة نهائي، هتلاقيه في مكتبه المفروض بيراجع البرزينتيشن اللي عمله للإجتماع. "...
...10 دقايق وكانت مي داخلة بالقهوة، إدت لكل واحد فنجانه وهي بتدي لمالك بتاعه سلمت عليه : حمدلله على السلامة يا مستر مالك لسه عارفة النهارده من مستر لؤي إنك جيت من السفر إمبارح....
...رد مالك بابتسامة زينت وشه : الله يسلمك يا مي....
...وقبل ما تطلع وجهت كلامها لـ لؤي وقالت بنبرة عملية وقلق في نفس الوقت من رد فعله : مستر لؤي أنا من وقت ما حضرتك قولتلي أكلم المترجم عشان ميتأخرش وأنا مش عارفة أوصله خالص وخلاص متبقاش وقت قبل ما يبدأ الإجتماع، هنعمل إيه....
...طبعًا لؤي ابتدى يتعصب لإن الإجتماع ده مهم جدًا وماينفعش يحصل فيه أي أخطاء، واتساءل بنبرة شبه عصبية : يعني إيه المترجم ده كله لسه مجاش ومش عارفة توصليله!! أومال هنَعقِد الإجتماع إزاي مع العملاء؟؟...
...مي نزلت وشها للأرض ومش عارفة تقول إيه ولؤي كمل بس وطي صوته شوية وحاول يتكلم بهدوء عشان يعرف يفكر : طيب ما تواصلتيش معاه من بدري ليه كنا نشوف حد غيره وبعدين نشوف عذره إيه اللي يخليه مايردش ولا ييجي ويتأخر كده، مش على آخر كام دقيقة تيجي تقوليلي المترجم مش جاي وهنعمل إيه....
...مي رفعت وشها وقالت بدفاع : أنا مكلماه من بدري والله وقالي إنه في الطريق بس دلوقتي تليفونه اتقفل فجأة ومش عارفة أوصله وحتى الآن موصلش....
...مالك : يمكن حصله حاجة في الطريق أكيد معاه عذره وإلا يومه مش فايت يعني إيه ميجيش وهو عارف قد إيه الإجتماع مهم....
...شريف بتفكير : طيب منضيعش وقت أكتر من كده وروحي شوفي أي حد تاني يحل محله مينفعش نأجل الإجتماع ده بالذات عشان دي لسه أول دولة هنستثمر معاها في مشروع لؤي وإياد الأول كـ رؤساء للشركة....
...أماءت مي، وبسرعة جرت على مكتبها تعمل اتصالاتها عشان تشوف بديل بسرعة بأي طريقة ممكنة ولو المترجم اللي متفقين معاه وصل في المعاد يبقى كويس بس محتاجين نلاقي بديل في حال مجاش لإن مفيش وقت أساسًا....
...لؤي مسك تليفونه وبيتصل بـ إياد عشان ييجي مكتبه حالًا بس مبيردش فـ اتصل تاني وهو بيقول بعصبية خفيفة : فين إياد الزفت، مبيردش ليه هو كمان!!...
...○●─── ･ ｡ﾟ☆: *.☽ .* :☆ﾟ. ───●○...
...وفي مكان تاني في ڤيلا وائل البحيري في أحد غرف الدور التاني كان نايم في أمان الله وبأريحية على سريره لحد ما سمع صوت التليفون المزعج وهو بيرن مرة واتنين وقام في المرة التالتة أخيرًا الحمد لله بس عشان يشوف مين الرخم اللي بيتصل بيه في الوقت ده والناس كلها نايمة في حد يتصل بحد من النجمة كده!!! وكان متعصب لحد ما مسك التليفون وشاف الساعة ولقاها 10 ونص فاتفزع وقام بسرعة واتعجِّب إزاي المنبه مصحاهوش واتأخر كل ده في النوم ده الإجتماع الساعة 12 كده مش هيلحق، أكيد سبب نومه كل ده الإرهاق اللي جاله من ورا البرزينتيشن اللي فضل يجهز فيه إمبارح بالليل وسهر عليه، دخل يشوف مين اتصل بيه لقاه لؤي فقال بسخرية لنفسه ((أكيد بيتصل عشان يهزقني على التأخير طب والله معاه حق أصلًا ده أنا يادوب أجهز بسرعة واروحله قبل ما غضبه يزيد عشان مش بعيد أول ما يشوفني يرمي عليا أي حاجة قُصاده.))...
...قام من عالسرير على طول ودخل التويلت وربع ساعة وكان جاهز وبيحط آخر لمسة على الأوتفيت بتاعه وهي البرفان وأخد موبايله والمفاتيح واللاب توب ونزل على طول يركب عربيته وطار على الشركة بس لـ حظُّه المنيّل بعيدًا عن صحيانه متأخر والنهارده فيه اجتماع مهم لكن عشان وهو ماشي على سرعة عالية مأخدش باله من إشارة اللون الأحمر وعقبال ما بطّأ وشد فرامل كان في بنتين قدامه بيعدوا الطريق كان هيدوسهم لولا ستر ربنا لحق يقف على آخر لحظة فـ نتيجة لوقوفه المُفاجئ؛ عجلات العربية احتكوا بالأرض جامد وعملوا صوت قوي مزعج و.......!!!!!!!!...
...°...
...° ✩ °...
...° ✩ ° ｡ °...
... ° ☆ ｡ ...
... ･ ✩ ﾟ ｡ ✩ ...
... ...
... ° ° ﾟ ｡ ...
... ✩ ﾟ ｡ ✩ ｡ ...
... ° ｡ ° ﾟ ...
... ﾟ ｡ ☆ ｡ ﾟ ...
... ° ﾟ ｡ ☆ ｡ ...
... ° ☆ ﾟ ｡ ...
... ...
... ° ﾟ ° ｡ ✩ ...
...° ✩ ｡ °...
... ✩ ° ° ...
...° ☆ ° ✩...
...°...
...<<<متنسيش الڤوت يا سكرة إنت وهي😭🩵🤍>>>...
...- الفصل ده 2100 كلمة...
...- إيه رأيكوا في بدايتنا يا قمرات... عايزة اقرأ آرائكوا 🥹🥹💗🎀...
...- بجد الرواية دي من أقرب الروايات ليا لإني كتبتها بكل مشاعري وأحاسيسي وحسيت أحداثها وكإني عايشة مع شخصياتها فـ مستنية منكوا إنتوا كمان تحسوا نفس إحساسي وتشعروا بكل المشاعر مع أبطالنا وكإنكوا معاهم عشان كده صدقوني هتستمتعوا أكتررر 🥺🥰🫂💕...
...((تفااااااعل ثم تفااااااعل ثم تفااااااااعل متنسووووش عشان ده اللي بيشجع أي كاتب مبتدئ أو غيره إنه يقدم أفضل ما عنده~~!!!!))...
...بقلمي : دانـــا - DΛNΛ...
لمزيد من التشغيل واللعب ، يرجى تنزيل تطبيق MangaToon
