"في أعماق عيون ياقوت، كان هناك بحر من الأسرار. ماضٍ مظلم، وهوية حقيقية لا يعرفها أحد."
1
"اليوم نبدأ فصلًا جديدًا في قصتنا."
في الصباح الباكر داخل مقر حوائطه شبه محطمه ومتهالكة ويركض الفئران والحشرات بداخله، اجتمع الجميع حول الرئيس وعلى وجوههم علامات خوف من نظرة الرئيس الحادة والتي ظلت تحدق بهم في صمت وكأنه هدوء ما قبل العاصفة...
حتى خرج أخيراً الرئيس "ياقوت" عن صمته وقال وهو يوجه نظره الى احد افراد عصابته"عزيز"
-عامل ايه يا عزيز؟ طب مش كنت تقول انك عايز تهرب من هنا، كنت سهلت ليك الوضع، بدل ما تتسلل زي الحرامية كدا.
عزيزبخوف:
_صدقنى يا ريس كنت بس رايح أطمن على بنتي وراجع.
ياقوت:
_بنتك!!!! ومالها بقي بنتك؟
عزيز:
_دي مريضة سرطان يا ريس، وداخله عمليات و لازم أروح أشوفها.
ياقوت:
_باسم ايه رأيك في اللى بيقوله دا!!
باسم:
_والله انا عن نفسي مش مصدق.
ياقوت:
_وانا لو جيت للحق مش بحب التمثيل والكذب.
عزيز بترجي وخوف:
_أرجوك سامحنى يا ريس.
ياقوت:
_ معقول أسامح خاين!!
عزيز:
-أرجوك.
باسم:
-اللي يخون مرة يخون ألف.
ياقوت:
_زين!
زين:
_أمرك يا ريس.
ياقوت:
_خده فسحه.
زين:
_اعتبره حصل يا ريس.
عزيز:
_أرجوك لاء بلاش يفسحونى.
سحب زين عزيز بقوة حتى أختفى صوت صراخه بالسماح تماماً.
باسم بإستفهام:
_حصل ايه علشان تعمل فيه كدا مفهمتش؟
ياقوت بغضب:
_خاين كان بيسرب معلومات عننا للعدو.
باسم:
_فهمت.
ياقوت:
_صحيح ايه اخبار العملية اللى بيعملها ماجد؟؟
باسم:
_لحد دلوقتي موصلناش اي خبر.
ياقوت:
_علي.
علي:
_نعم يا ريس.
ياقوت:
_اتصل علي الغبى ماجد شوفه وصل لإيه؟
علي:
_عُلم يا ريس.
ياقوت:
_باسم انا عندي مشوار مهم هخلصه بسرعة و انت هنا مكانى لحد مارجع.
باسم:
_ماشى يا ياقوت.
بعد مغادرة ياقوت بساعتين عاد ماجد ولكن كان معه كارثة.
ماجد:
_باسم انا عملت مصيبه!!
باسم:
_مصيبة ايه اللي عملتها يا غبى؟
ماجد:
_بعد ما قتلت الراجل وخلاص خلصت عليه واخدت الفلوس، اكتشفت ان فى بنت سمعت كل حاجة وشافت كل اللي حصل اضطريت اخطفها واجيبها هنا، يتصرف الريس معاها بقي، معرفتش اتصرف.
باسم بغضب:
_يعني البنت شافت كل حاجة فبدل ما تخلص عليها هناك جبتها هنا علشان تكشفنا كلنا صح انت عارف لو البوليس شم خبر هنروح كلنا ف خبر كان.
ماجد:
_كنت عايزني اعمل ايه يعني؟؟؟ ما انا كنت خايف ومستخدمتش عقلي.
باسم:
_وانت من امتى بتستخدم عقلك السميك دا.
علي:
_باسم عنده حق صراحة، غلطت غلط كبير.
زين بسخرية:
_شكلي هفسحك انت كمان زي ما فسحت عزيز الله يرحمه.
ماجد وقد اتسعت عينه من الصدمة:
_عزيزإتقتل!!! ليه هو ايه اللى حصل؟؟ الظاهر فاتني كتير.
وسط هذا الحديث لمح الجميع احدهم يتحرك داخل كيس كبير.
ماجد:
_باسم البنت فاقت اعمل ايه دلوقتي؟؟
باسم:
_هتاخد البنت دي زي مهيا كدا ترميها في الغرفة المقفولة في الدور الأرضى.
ماجد بقلق:
_يعنى افتح ليها الكيس ولا اسيبها فيه؟؟
باسم:
_يا أغبي حد شوفته فى حياتي اكيد...
علي:
_باسم سيبلي أنا الطلعة دي انا هجوبه.
باسم:
_اسمع كلام الناس اللي بتفهم اتفضل يا على.
علي:
_انت هتسيب البنت زي مهيا مقفول عليها بس هتفتح ليها فتحة بسيطة علشان تتنفس منها.
باسم:
_اخرس يا غبى، ملكش دعوه باللي قالوا الغبي دا انت هتاخد البنت دى وتدخلها الغرفة وتفتح ليها الكيس وبعدين تكتم بوقها وتربطها علشان لا تهرب ولا تتكلم، لحد ما نشوف ياقوت هيعمل ايه.
علي:
_فكرة عبقرية.
باسم:
_اخرس.
حمل ماجد الكيس فوق ظهره ونزل بهِ إلى الدورالأرضى وفتح باب الغرفة ودخل وبعدما دخل وضع الكيس علي الأرض وقفل الباب بالمفتاح، وفتح الكيس.
_مين انتم يا مجرمين يا قتالين القتلة ؟؟والله لبلغ عنكم البوليس خرجونى من هنا، حد يساعدني.
ماجد:
_بصى يا حلوة متتعبيش نفسك محدش هنا هيسمعك او هيساعدك ياريت متتعبيش نفسك وصوتك، ومتصدعنيش كمان أصلى مش ناقصك.
_خرجونى من هنا.
ماجد:
_هو العربى انتِ مش بتفهميه ولا ايه!! مش مهم انا كدا كدا هربطك يلا متسمعنيش صوتك بقي.
قيد ماجد الفتاة مثلما أمره باسم بالضبط.
وبعد نصف ساعة...عاد ياقوت
ياقوت:
_ها يا ماجد عملت ايه!! العملية تمام.
ماجد بتردد:
_ايه..اا.اه..طبعاً والفلوس أهى كمان، بس هو في مشكلة صغيرة قد كدا🤏🏻.
ياقوت:
_وايه بقى المشكلة دى يا ماجد؟؟؟ دا انا ما صدقت تنجح عملية ليك.
ماجد:
_هو في الحقيقة يعني..
باسم بلا مبالاة:
_في حد شاف اللى حصل دا، و الغبى ماجد جابوا هنا.
ياقوت بغضب:
_يعنى ايه حد شاف العملية؟؟؟
ماجد بخوف:
_يعنى حد شافني وانا بقتل المعلم سيد، وبعدين خطفته وجبته هنا.
ياقوت بغضب:
_يعنى جبتلنا بدل المصيبه اتنين، الأولي لما شاف الشخص دا العملية والتانية لما جبت الشخص دا هنا.
ماجد:
_ارجوك سامحنى علي غبائى يا ريس.
ياقوت:
_وفين بقي الشخص دا؟؟؟
باسم:
_البنت موجودة فى غرفة فى الدور الأرضى.
ياقوت:
_بنت!!!!!
باسم:
_مع الآسف بنت.
ياقوت:
_ياربى صبرني علي غباء ماجد، في أى غرفة بقى؟
ماجد:
_اللي علي الشمال.
نزل ياقوت لكي يرى المصيبة االتي حضرها ماجد إلى مقرهم.
فتح ياقوت الباب ووجد فتاة مقيدة في مقعد وجد بمنتصف الغرفة.
ياقوت:
_اهو دا بالظبط اللى بيحصلك لما تحشرىي نفسك فى حاجة متخصكيش.
_مممممممممممممممم.
ياقوت:
_عايزة تقولى حاجة!!!
هزت البنت رأسها فنزع ياقوت اللاصق.
_خرجوني من هنا يا مجرمين يا قتالين ألقت...
شعر ياقوت بالازعاج فقام بإعادة اللاصق وقال:
_ايه كل دا؟؟ انا صدعت منك في دقتين....وبعدين نخرجك دا ايه!!! أنا بجد أول مرة اشوف انسان بيحلم وهوا صاحى.
_طيب يعنى هتعملوا فيا ايه؟؟
ياقوت:
_كلك نظر بقي، واحدة مخطوفة مثلاً هنعمل فيكي ايه!!!!
_لو هتطلبوا فيديا فأهلى مش هيقدروا علي دفعها هما بيدفعولى فلوس الكلية بالعافية.
ياقوت:
_عادى اصلاً ممكن نقتلك ونبيع اعضائك لتجار الأعضاء.
_السنادى اخر سنة ليا فى كلية التمريض العسكرى لإنها اكتر حاجة ماشية في البلد وقبضهم كويس أقدر أديه لأهلى وأساعدهم بيه، كان نفسى أطلعهم عُمره، كانت خلاص امتحاناتى علي الأبواب مش باقي غير شهر، بسبب انى خرجت اتمشي شوية واغير مكان مذكرتى، وقعت نفسي في مشكلة وهموت دلوقتى.
ياقوت:
_عندى استعداد ارجعك الكلية دلوقتي كدا كدا ساعة ونص بس وتكونى هناك بس بشرط.
_ايه هوا؟
ياقوت:
_تمسحى الليلة دي من دماغك خالص ولا كإننا خطفناكى ولا كإنك سمعتى حاجة، قولتى ايه؟؟
_موافقة، بس رجعنى دلوقتي.
ياقوت:
_الوقت اتأخر مينفعش، عايزك تعرفى حاجة لو نطقتى كلمة واحدة بس هقتلك انتِ وعيلتك، اقدر اوصل ليهم بسرعة متتخيلهاش انتِ.
_والله مهنطق بكلمة واحدة، بس انا لو مدخلتش الكلية انهاردة مش هعرف ادخل بعد كدا علشان الكلية داخلية وليها مواعيد، والباب هيتقفل انهاردة وهيفتح الاسبوع اللي جى يوم الجمعة.
ياقوت:
_انتِ بتكلمي رئيس عصابة كلمتى واحدة.
_تمام هثق فيك، صحيح اسمك ايه بقي؟؟
ياقوت:
_المفروض متثقيش في رئيس عصابة مافيا علشان بيغدر عادى.
_بس انا حساك طيب.
ياقوت:
_غبية ومغفلة، على العموم اسمى ياقوت.
_اسم جميل اوى، وايه بقي اللى خلاك رئيس عصابة مافيا؟
ياقوت:
_تاني بتتدخلى فى حاجة متخصكيش.
_كنت بسأل عادي!!!!
ياقوت:
_ما هوا العادي وفضولك دا اللى وصلك لهنا.
_معاك حق، المهم انا اسمى أسيا وهكمل 21 قريب.
ياقوت:
_21!!! لكن شكلك بيقول مراهقة.
اسيا:
_كلكم بتقولوا كدا بس دا طبيعة شكلى وجسمى، بعد ما اخلص الكلية هنزل تدريب لمدة سنتين، وبعدين هاخد رخصة مزاولة المهنة.
ياقوت:
_وتحققى احلامك، الطموح حلو بردو.
اسيا:
_كل واحد عنده طموح انت بقي طموحك ايه؟؟
ياقوت:
_حاجة متخصكيش.
اسيا:
_هوا ممكن يعنى تفكني بقي؟؟
ياقوت:
_صح اخدنا الكلام ونسيت افكك، بس شكلك مبسوطة كدا خليكي شوية كمان.
اسيا:
_لا ارجوك.....ارجوك.
ياقوت:
_انا هفكك بس لو فكرتى تعملى حركة غبية، هتروحى انتِ وطموحاتك في التراب.
اسيا:
_تمام فكني يا ياقوت.
بعدما حرر ياقوت اسيا.
اسيا:
_اخيراً بحس بإيدى ورجلى، شكراً يا ياقوت.
ياقوت:
_خليكى عاقلة للأخر كدا.
اسيا:
_انت هتمشى!!!
ياقوت:
_اه همشى عندك مانع.
اسيا:
_لا براحتك.
بعدما خرج ياقوت، صرخت اسيا صرخة قوية، فعاد ياقوت ليرى ما يحدث ؟!
صرخت اسيا بقوة فتح ياقوت الباب.
_اسيا: الحقني يا ياقوت في صرصار في الغرفة خدني من هنا بسرعة.
_ياقوت: بقى بتصرخي علشان شوفتي صرصار، لاحول ولا قوة إلا بالله انا ناقصني بلاوي انت السبب يا ماجد.
_اسيا: ممكن توديني غرفة تانية اصل انا خايفة، وياسلام لو نظيفة.
_ياقوت: انتِ مخطوفة وكمان هتتأمري.
_اسيا: من فضلك بليز.
_ياقوت: امشي قدامي اخلصي.
_باسم: ياقوت تعالى هنا، ايه اللي بيحصل بالظبط؟؟
_ياقوت: هتفضل البنت دي هنا لحد بكرة.
سحب باسم ياقوت بعيداً كي لا تسمع اسيا ثم قال:
_خلي بالك البنت دي ممكن تكون جاسوسة ها.
_ياقوت: مظنش دي شكلها عبيطة.
_باسم: خلي بالك بس.
_ياقوت: متقلقش.
_اسيا: كان بيقولك ايه الشخص دا؟؟؟
_ياقوت: وانتِ مالك هو انتِ مراتي!!!!!
_اسيا: وانت تطول اصلاً.
_ياقوت: طب امشى يا قصيرة.
_اسيا: انا مش قصيرة على فكرة.
_ياقوت بضحك: لا قصيرة.
_اسيا: من اراد ان يشم الورود فلينحني.
_ياقوت: والله معاكي حق.
_اسيا: شوفت، اه صح هي الغرفة فين علشان تعبت.
_ياقوت: انتِ عجوزة 😂😂😂.
_اسيا: لا والله بس كسولة اوووووي.
_ياقوت: هعمل نفسي مصدق، على العموم الغرفة في اخر الممر.
_اسيا: هانت هانت، بس مقركم دا مش حلو خالص وكئيب وألوانه وحشة، ومش نظيف.
_ياقوت: مش نظيف وكئيب، شكلك حبه ترجعي لنفس الغرفة بتاعت الصرصار.
_اسيا: خلاص خلاص اسفة.
_ياقوت: برافو عليكي يلا ادخلي الغرفة بقى.
_اسيا: وصلنا.
_ياقوت: اه.
فتحت اسيا الباب، ووجدت الغرفة مرتبة نوعاً ما والسرير نظيف.
_اسيا: اخيرا مكان نظيف.
_ياقوت: بتقولي ايه مسمعتش!!
_اسيا: ها....ااا...بقول شكرا شكرا.
_ياقوت: اه بحسب.
_اسيا: لا اطرح.
_ياقوت: انا بعرف اضرب كمان لعلمك.
_اسيا: انت عصبي ليه يا اخ ياقوت يعني بهزر معاك🙂.
_ياقوت: معاكي تليفون؟؟؟
_اسيا: لا مش معايا، هو في البيت عند اهلى، علشان مينفعش اروح كلية التمريض بالتليفون ممنوع.
_ياقوت: ماشي هصدقك، ليكون بعلمك الغرفة دي بتاعتي، اياكي تلعبي في حاجة فيها انتِ فاهمة، انا في الغرفة اللي في وشها يعني الباب في الباب بلاش اي حركة سخيفة.
_اسيا: انا قلت بردو الغرفة المترتبة دي اكيد لحد مهم، ما طبعا ما انت رئيس العصابة.
_ياقوت: انتِ مين بعتك يا بت ها؟؟؟ جاسوسة صح!!!!
_اسيا: دا شكل جاسوسة بذمتك!!
_ياقوت: صراحة لاء😂.
_اسيا: شوفت انا اهبل مما انت متخيل، انا حتى ليسة بتفرج على سبيستون.
_ياقوت بسخرية: كان نفسي اشغلك التلفزيون على الكارتون المفضل ليكي بس معندناش معلش بقى يا صغننه يلا نامي دلوقتي وبكره بليل هنروح عند الكلية.
_اسيا بعصبية طفولية: انت بتتريق صح.
_ياقوت: والله ما قادر امسك نفسي من الضحك اسف.
_اسيا: انت بتسخر مني يا ياقوت طيب اطلع بره....وياريت مشوفش وشك غير بكرة بليل يا متنمر.
_ياقوت: ما انا كدا كدا طالع متزوقيش، واكيد يعني مش عحب ابقى مع طفلة زيك في مكان واحد.
_اسيا: ابادلك نفس ذات الشعور....بره.
_ياقوت: خليكي اعده عاقلة ومتمسكيش حاجة متخصكيش علشان كدا كُخ وغلط يا صغيرة.
_اسيا: انت عارف اللي بتتريق عليها دي لو اتعصبت هتعمل فيك ايه!!!!
اقترب ياقوت من اسيا بخطوات ثابته، فبدأت اسيا ترجع خطوات للوراء.
_ياقوت: هتعملي ايه بقى يا ام شبر ونص؟
ارتفعت دقات قلب اسيا وقالت بتردد:
-ولا حاجة اخرج لوسمحت.
خرج ياقوت وعلى وشه ابتسامة غير معروف نيتها.
_اسيا: بجد مزعج لكن وسيم ازاي دا بقى!!!
بعدما نزل ياقوت إلى الاسفل.
_باسم: البنت دي هتجيب اجلنا اكيد.
_ماجد: انا اسف ياريتني قتلتها وقتها.
_علي: انا نفسي افهم انت مخك دا شلته وحطيت بداله ايه بطيخة!!!
_زين: تصدق يا علي فعلاً الواحد في الحر دا محتاج بطيخ، تحبوا اقطع ليكم راسه.
_ماجد: كفايا بقى سخرية وتنمر.
_ياقوت: خلصتم كلامكم الفارغ دا خلاص، اسمعوني بقى.. البنت دي لا جاسوسة ولا حاجة وبكرة بليل هخلص منها
_باسم: هتقتلها!!
_ياقوت بعصبية: مش بحب حد يقاطع كلامي، هتمشي البنت دي من هنا ومش هتقول حاجة لحد وإلا هتودع عيلتها، وياريت محدش يهوب نحية الغرفة اللي فيها هي تحت حمايتي مفهوم.
_زين/على/ماجد/البقية: مفهوم يا ريس.
_ياقوت: باسم فين صوتك!!!
_باسم بغيظ وغضب مكتوم: مفهوم.
_ياقوت: برافو، انا هروح انام وانتم كمان يلا تعبتم كتير انهاردة.
_ماجد: وانا معاهم!!
_ياقوت: اه ولا معترض تحب يفسحك زين زي ما عمل مع عزيز.
_ماجد: لا يا ريس شكراً، والله هاين عليا ارقص من الفرحة.
_ياقوت: كفايا مسخرة وروح نام وانت كمان يا باسم يلا روح نام.
_باسم: رايح...رايح.
على الساعة ١٢ خرج باسم لكي يستنشق بعض الهواء.
_باسم لنفسه: هو الريس ومعترضتش، بيتحكم في كل كبيرة وصغيرة بقول مش مهم، بيعمل كل حاجة منغير ما ياخد حتى رأيي وبعدي، انما يتعصب عليا علشان بنت دي لاء بقى لازم اروح اتكلم معاه.
عاد باسم إلى المقر وصعد إلى الدور الثالث الدور الذي يوجد به غرفة ياقوت.
فتح باسم غرفة ياقوت بهمجية وغضب.
_اسيا: ايه الهمجية دي يا حيوان!! في حد يدخل لغرفة حد كدا، مش لازم تخبط الأول، الظاهر اهلك معرفوش يربوك.
_باسم بغضب: الحقيقة اهلي مكنوش فاضين كانوا بيصيفوا في مالديف، انتِ بتعملي ايه هنا!!!
_اسيا: وانت مالك؟؟؟
_باسم: انا اصلاً على اخري متخلنيش ادفنك هنا.
_اسيا: متقدرش علشان انا هنا تحت حماية ياقوت.
_باسم بغضب: بتتحديني تمام.
خرج باسم المسدس ووضع يده على الزناد واستعد لإطلاق الرصاصة.
وقفت اسيا متسمرة غير قادرة على النطق بعد ان سرت في جسدها رعشة الموت.
وسط رعشة الموت التي تسير في جسدها صرخت صرخة قوية تستنجد ب ياقوت.
استيقظ ياقوت من نومه بعد مسمع صرخة اسيا فهب من سريره بسرعة وفتح الباب، اتصدم ياقوت من اللي شافه وبسرعة مسك يد باسم ونزل المسدس.
_ياقوت: باسم انت اتجنيت!!! ايه الشجاعة دي جي تقتل حد حطيته في حمايتي وبتكسر كلامي كمان.
اقتربت اسيا ووقفت وراء ياقوت تماماً.
_باسم: بتتعصب عليا بسببها لا وكمان نيمتها في غرفتك وكمان عطيتها الشجاعة الكافية انها تهيني وتقولي يا حيوان ومش كدا وبس لا قالت اهلي معرفوش يربوني، ودلوقتي شايفني انا الغلطان.
_ياقوت: انتِ عملتي كدا يا اسيا؟؟
_اسيا بخوف: اه، كنت خلاص هنام لقيته بيفتح الباب بهمجية وغضب فقلت كدا علشان خفت.
_ياقوت: طيب عندها حق!!
_باسم وقد احتلت الصدمة وجهه واحتل الغضب قلبه: انت اكيد اتجنيت، انت بتغلط صاحبك علشان بت مخطوفة وكنت هموتها.
_ياقوت: انت قلتها كنت هتقتلها وانا قلت محدش يهوب نحيتها وانها في حمايتي ها....اعمل فيك ايه بقى!
_باسم: امسك المسدس اهو اقتلني!!
_ياقوت: اكيد مش هخصرك علشان طفلة معاقة زي دي، روح نام يا باسم والصباح رباح.
غادر باسم ورأسه في الأرض دون ان ينطق.
_اسيا: هو انت قلت طفلة معاقة ولا انا سمعت غلط!!!
اقترب ياقوت من اسيا مرة اخرى.
_ياقوت: اه قلت عندك مانع.
_اسيا بتردد: لا لا.
_ياقوت: برافو.
_اسيا: ياقوت استنى.
_ياقوت: نعم.
_اسيا: هو مفيش مفتاح هنا اقفل بيه الباب علشان ميتكررش نفس الموقف تاني.
_ياقوت: كان في مفتاح وضاع، بس انا ممكن انام معاكي هنا لو خايفة ايه رأيك؟؟
_اسيا بخجل: امشي اطلع بره يا ياقوت.
_ياقوت: تمام خلى بالك من نفسك بقى.
_اسيا بتحدي: اكيد اصلاً انا مكنتش خايفة لعلمك يعني.
_ياقوت: اه صح صح عارف طبعاً، بأمارة صرختك اللي صحت المقر كله اه، ولا مسكتك في دراعي.
_اسيا: اطلع بره يا ياقوت.
خرج ياقوت وقفل الباب وهو هيموت من الضحك.
بعد عشر دقايق بالظبط خرج ياقوت ومعاه مفتاح الغرفة.
وقف ياقوت امام باب غرفته، يستعد يموت من الضحك مرة تانية.
فتح ياقوت الباب بقوة، صرخت اسيا صرخة عالية، وقف ياقوت يضحك بصوت عالي مدة خمس دقائق متواصلة.
_اسيا: خلصت ضحك؟؟؟
_ياقوت بضحك: صراحة ليسة شوية.
_اسيا: ليسة شوية اممم!!!
-من جواها: والله لوريك اصبر هيجيلك يوم.
قامت اسيا مسكة المخدة وحدفتها في وشه، وقالت:
_كدا بقى توقف ضحك وهزار سخيف.
_ياقوت: ايه ذنب المخدة طب، بس تعرفي حرفياً مضحكتش كدا قبل كدا.
_اسيا: يا سم.
_ياقوت: سم!!! طيب انا غلطان كنت جايب ليكي المفتاح بس خلاص .
_اسيا: المفتاح بتضحك عليا صح!!!
_ياقوت: لاء اهو حتى🔑.
_اسيا بصوت ناعم: طيب هاته.
_ياقوت: مش انا سم، مش هديهولك.
_اسيا: انا اسفة هاته بقى.
_ياقوت: لا.
_اسيا: بليز.
_ياقوت: نو.
_اسيا: من فضلك.
_ياقوت: لاء.
_اسيا: لوسمحت.
_ياقوت: لا.
_اسيا: من فضلك يا احسن رئيس عصابة.
_ياقوت: اممم قوليها من قلبك تاني.
_اسيا: من فضلك يا احسن رئيس عصابة.
_ياقوت: مش حاسسها.
_اسيا: المفروض اقولهالك ازاي!!
_ياقوت: قوليها من قلبك كدا وانتِ مبتسمة.
_اسيا وهي متعصبة بس هتموت من الضحك: من فضلك يا احسن رئيس عصابات ممكن المفتاح.
_ياقوت: ماشي اوكيه حبيتها دي.
_اسيا: المفتاح!!!!
_ياقوت: هو انا مقولتلكيش!!!
_اسيا: لاء مقولتليش!!
_ياقوت: مش المفتاح هيفضل معايا انا بس.
_اسيا: معاك!!!!
_ياقوت: اه يعني انا دلوقتي هخرج وانتِ هتفضلي في الغرفة هنا وهقفل الباب ووقت ما اعوز ادخل هفتح الباب.
_اسيا: اه بس انا كدا محبوسه هنا.
اقترب ياقوت من اسيا وقال بجدية:
_ الظاهر انك نسيتي انتِ هنا مخطوفة مش بتصيفي يا اسيا، تمام اتمنى تاخدي على الغرفة بسرعة بقى.
_اسيا بحزن: بس....
مدهاش ياقوت الفرصة وخرج وقفل الباب بالمفتاح.
_ياقوت: اسف لكن دا لمصلحتك.
دخل ياقوت الغرفة.
_ياقوت: امتى هتنتهي القصة دي؟؟ كل حاجة بقت ممله، ولكن أعترف كان اليوم بوجودها مختلف، انا نسيت ازاي اضحك مع وجودي هنا ولكن اليوم كان بجد مختلف.
في غرفة باسم.
_باسم: مش هسامحك يا ياقوت، بسبب بنت تهيني كدا.
في غرفة اسيا.
_اسيا: بس انا وثقت فيك ليه حبستني!!! 💔.
ردت اسيا على نفسها.
_مكنش ينفع تثقي في رئيس عصابة.
_اسيا: بس هو طيب.
_مفيش رئيس عصابة طيب.
_اسيا: معاكي حق.
فضلت اسيا تعيط لحد ما نامت.
اما ياقوت ففضل واقف في الشباك ومجاش ليه نوم.
وبالنسبة لباسم فضل يكسر الحاجات اللي في غرفته من الغضب.
في الصباح.
نزل ياقوت علشان يفطر مع الكل زي عادته بس ملقاش باسم نزل.
طلع ياقوت لغرفة باسم.
خبط على الباب.
فقال باسم:
_ماليش نفس افطر، افطروا انتم.
فتح ياقوت الباب بغضب.
_ياقوت: ايه اللى عامله في غرفتك دا!!!!
_باسم بتريقة: قلت يمكن تحن عليا وتديني غرفتك.
_ياقوت بغضب: كفايا لعب عيال يا باسم انت اكبر من كدا بكتير، بلاش عبط وانزل يلا للفطار، وانا هبعت حد يروق اللي عملته دا.
_باسم: بما ان مستفدناش من البت دي بأي حاجة، جيبها تنظف الغرفة.
_ياقوت بغضب انطبع على وجهه: انا امبارح عديت اللي عملته، بس لحد هنا و كفايا مش هكرر كلامي اللي قلته يا باسم، ياريت بقى تلم الدور وتغني للشيطان اللي بيوسوسلك دا، بدل والله لتزعل مني جامد.
_باسم: وماله انا هسكت، علشان انا عارف ان نهايتنا هتكون على إيد البنت دي.
_ياقوت: يارب صبرني.
خرجوا هما الاتنين.
بعد ما وصل ياقوت و باسم عند ترابيزة الأكل.
_ماجد: اتأخرتم اوووي وانا مقدرتش امسك نفسي وكلت انا اسف.
_باسم: انت خنزير.
_ياقوت: صحة وعافية، يلا كلوا انتم كمان، اه صحيح في اكل تاني ولا خلص.
ساب باسم المعلقة من ايده وبص لياقوت بغضب.
_زين: الحقيقة في بس يستحسن لو ينزل علاء السوق.
_ياقوت: تمام علاء استعد علشان هتجيب الاكل والمرادي هتاخد حد معاك.
_علاء: عُلم يا ريس.
_ماجد: انا عايز اروح معاه، انا كدا كدا ماليش في القتل، انا بحب الطبخ.
_علاء: خليك هنا مش ناقصني بلاوي.
_ياقوت: لا لا خدو معاك يا علاء.
اكل ياقوت اكله بسرعة، وقام يحضر اكل لأسيا.
خبط ياقوت على الباب قبل ما يدخل، ملقاش رد، خاف ياقوت على اسيا وفتح الباب بسرعة.
كانت اسيا نايمة نوم عميق، فحط ليها الاكل بهدوء على الترابيزة، ولكن قرب منها علشان يشوفها ولكن بسرعة اتقلبت اسيا فرجع ياقوت للورا. فتخبط جسمه في الترابيزة.
_اسيا بغضب: انت بتعمل ايه هنا؟
_ياقوت: جبتلك الأكل علشان تاكلي.
_اسيا: ميمكن حاطط في الاكل سم مثلاً.
_ياقوت: متكليش انتِ حرة.
_اسيا: انا اساسا مش مستنياك تجبلي اكل لإن انا بقرف، وانتم المقر بتاعكم في حشرات و صراصير.
_ياقوت: انا غلطان موتي هنا من الجوع والعطش كمان.
_اسيا: يكون احسن بردو.
_ياقوت: على فكرة السرير دا ياما مشى عليه صراصير كتير.
هبت اسيا من على السرير بسرعة فتكعبلت ووقعت على وشها.
وقف ياقوت يضحك عليها، واخد الاكل وخرج حتى من غير ميمد ايده ويساعدها.
_اسيا: هو ليه اتغير كدا فجأه!! كان المفروض يساعدني اقوم بدل ما يضحك عليا.
وقف ياقوت بره عند الباب وسمع كلامها.
_ياقوت: انا بجد اسف.
نزل ياقوت والحزن على وشه باين.
_باسم: ايه العروسه طردتك؟؟
حط ياقوت الاكل في المطبخ وخرج مسك في باسم وبدأ يضربه بقوه.
كان ياقوت بيتخيل ايه صدقتم.
حط ياقوت الاكل في المطبخ وخرج من المقر ومشى.
اتصدم باسم من ردة فعله فراح يتأكد اذا كان خرج فعلاً، ولما اتأكد طلع بسرعة لغرفة اسيا.
مسك باسم مقبض الباب وحاول يفتحه، وبدأ يزعق جامد.
_باسم: افتحي الباب دا بدل ما اكسره عليكي.
_اسيا بخوف: المفتاح مع ياقوت.
_زين: اخي باسم من فضلك احترم كلام ورغبة اخونا الريس ياقوت، هي كدا كدا ماشية بليل خلاص.
نزل باسم وعنيه بتطلع شرار.
اما زين فقال:
_الريس مش موجود بس هو قال محدش يهوب نحيتك فكان لازم ادخل مش اكتر.
غرقت اسيا في دموع مش بتخلص.
بعد مرور ساعة رجع ياقوت.
_ياقوت: اسيا ممكن ادخل؟
اسيا بصت عند الباب ومهتمتش، ففتح ياقوت الباب، ولقا عيونها لونها احمر من العياط.
_ياقوت: مكنتش اعرف اني هوحشك لدرجة انك تعيطي عشاني.
_اسيا: عشانك!!!! انا بعيط على اليوم الاسود اللي جمعني بيكم كلكم.
قفل ياقوت الباب وحط الاكل على الترابيزة، وقرب من اسيا بلطف.
_ياقوت: هو باسم ضايقك تاني؟
اسيا خافت تتكلم او تقول اي حاجة وفضلت انها تسكت خالص.
ياقوت كرر نفس السؤال تاني، واسيا اصرت على السكوت.
_ياقوت: انا اسف على كل اللي حصل ليكي.
_اسيا: انا عايزة ارجع الكلية.
_ياقوت: والله هرجعك يجي الليل بس والموضوع هيخلص.
_اسيا: مش هفضل هنا لبليل، انت سيبني وانا هرجع البيت وخلاص واجي الكلية الاسبوع اللي بعده.
_ياقوت: انا مش هينفع اسيبك تخرجي من هنا، ارجوكي افهمي دا.
_اسيا: ليه يعني؟؟
_ياقوت: علشان ممكن حد يترصدك ويقتلك او يفتكرك بتشتغلي معانا، وتتخطفي تاني.
اسيا من الصدمة والخوف قربت من ياقوت وحضنته وفضلت تعيط.
_ياقوت: اسيا كفايا عياط ارجوكي.
_اسيا: انا خايفة يا ياقوت، وعايزة امشي من هنا.
تفهم ياقوت الوضع وخوفها دا.
_ياقوت: يلا يا اسيا هنمشي.
_اسيا: هتخرجني من هنا؟
_ياقوت: اه.
نزل ياقوت ومعاه اسيا.
_ياقوت: علي الساعة حداشر بالدقيقة تكون عند الكلية بتاعت التمريض على بعد ساعة وشوية من هنا ومعاك سلم تمام واياك تقول لحد وخصوصا باسم.
_علي: امرك يا ريس.
ركب ياقوت الماتور ومعاه أسيا راكبه وراه.
كانت أسيا في منتهى السعادة، وكإنها حرة تماماً.
وقفت أسيا وياقوت سايق وقالت بأعلى صوت عندها:
_وأخيراً انا حره.
ضحك ياقوت على طفولتها وأفعالها، ساق بسرعة أكتر، فمسكت أسيا بقوة في قميصه.
_ياقوت: ايه خايفة؟
_أسيا: لاء، بس لو تقلل السرعة هيكون أحسن.
_ياقوت: طيب حاضر، بس تحبي نروح فين إحنا قدامنا ست ساعات؟
_أسيا: عايزة أشوف البحر.
-خافت أسيا تطلب من ياقوت انها تشوف عيلتها لحسن يغدر بيها ويقتلهم.
_ياقوت: سهلة يلا بينا.
لمزيد من التشغيل واللعب ، يرجى تنزيل تطبيق MangaToon
