اول مشهد في الرواية واللي هيجمع بين شهاب وتمارا في كومبود شهير شهاب بيجري الصبح بدري كعادته كل يوم اول لما يصحي. وهو بيجري لفت نظره بنت بتريننج رياضي وشكلها جميل جدااا بتجري في الممر التاني عكس اتجاهه هو. وقف بص عليها شوية مش عارف ليه لفتت نظره. بس فجأة لقي في اتنين شبان بعربية سبور رايحين في نفس اتجاهها ووقفه قصادها يقطعوا عليها الطريق. استغرب وقرب علشان يشوف فيه ايه. لقي واحد منهم نزل ووقف قصادها بيكلمها.
الشاب الاول وقف قصدها وبسماجة ابتسم : هاي انتي جديدة في الكوموند هنا مش كدة
تمارا وقفت وهي بتاخد نفسها من الجري . واستغربت منه رفعت حاجبها وببرود. نعم؟! وانت مالك انت جديدة قديمة خاليك في حالك.
الشاب بغرور: انت واضح انك فعلا جديدة علشان كدة لسة ماتعرفنيش انا مودي سليم. تقريبا احنا من اوائل الملاك هنا واعرف كل اللي ساكنين هنا انتي اسمك ايه ومن عيلة مين.
تمارا بخنقة مش عارفة تداريها ابتسمت بسخرية: اهاه. انت بقي عامل فيها Boss بقي وكدة امممم. طيب بص يا بن الحلال انت تبعد عن سكتي خالص انا بالاخص. تشوفني اكنك ماشوفتنيش. امين واياك تفكر تكلمني تاني. انا يا امور مش من النوع بتاعك. فاهمني.
ولفت علشان تمشي لقت مودي مسك ايديها.
مودي:استني بس انا لسة بتكلم
وقبل ما يكمل كلامه كان دراعه في ايد تمارا ولوتله دراعه وضغطت بقوة وهي بتجز علي سنانها من الغضب وبتحزير وغضب.
تمارا: ايدك دي لو فكرت بس تلمسني بيها تاني المرة الجاية اقسم بالله هقطعهالك سامع. انا غير اي واحدة تعرفهاولما تعرف انا مين وقتها هتخاف حتي تسلم عليا .
مودي كان بيتألم وبيحاول يخلص ايده من قبضة تمارا. بس مش عارف صاحبه عمرو نزل وبيحاول يفك الاشتباك ده
عمرو: يا انسة مش كدة هو في ايه انتي بتقولي شكل للبيع وهو قالك ايه يعني سيبي ايده بقي هتكسري دراعه.
تمارا لسة متملكة من مودي ورافضة تسيبه بصت لعمرو بغضب وهي بتحزره: كلمه كمان ودراعك هيكون مكان دراعه انت سامع.
شهاب استغرب من البنت دي ازاي قادرة تعمل كدة ولقي فعلا مودي بيتألم ودراعه ممكن يتكسر فقرر يدخل. وقرب منهم بحضوره القوي كاعادته وبهدوء.
شهاب: اظن الموقف مايستدعيش كل ده كان كفاية تمشي وبس اتفضلي سيبي دراعه كدة ممكن تكسريه.
تمارا رفعت حاجبها بتحدي وبصتله بسخرية: وانت تبقي مين بقي ان شاء الله . بقولك ايه خاليك في حالك واتكل انت. مايخصكش اصلا.
شهاب اتغاظ من اسلوبها وغرورها كور قبضة ايده وقرب منها اكتر وبقوة. قولت سيبي ايده ولمي لسانك اللي عايز قطعه ده احسنلك انتي مش عارفة بتكلمي مين
تمارا بعناد : لا مش هسيبه واللي عندك اعمله انتوا واضح كدة انكم شوية عيال فافي عايزة تتربي وانا بقي هعرفكم حدودكم وان مش اي حد يتشقت.
شهاب جاب اخره منها مد ايده ومسك ايديها اللي ماسكه بيها دراع مودي وبقوة فكك ايده منها مودي مسك دراعه وهو بيتالم وبعد عنهم. تمارا اتغلت وغضبت لما شهاب مسك ايديها ولتدخل وكمان من وقفته الثابته ونظرة عنيه اللي كلها تحدي انها تقدر ترد عليه. وبكل قوة قورة قبضة ايدها وضرت شهاب بوكس في وشه .. مودي وعمرو ركبه عربيتهم ومشيوا. اما شهاب فكان لسة بيستوعب انها جاتلها الجراة تعمل كدة وتضربه . لف وشه ليها وهو بيطحن سنانه من الغيظ قرب منها علشان يرد الضربة بس اتراجع لانها في النهاية بنت.
شهاب بغضب: اقسم بالله لو كنتي راجل لكنت كومتك هنا قاطعة النفس. بس وحياة ابوكي لربيكي وادفعك تمن البوكس ده غالي بس انا مابضربش حريم بس هتشوفي هعمل فيكي ايه
تمارا بتحدي قربت منه : وانا قصادك اللي تقدر تعمله فرجني جمالك وتقدر. علي ايه وما تشغلش بالك بحكاية بنت دي علشان انا مش بنت. انا اعتبرني زي زيك ويكمن ارجل منك كمان.
شهاب بيحاول يلجم غضبه علشان فعلا ممكن ياذيها.
شهاب: لا من الناحية دي فواضح انك مش بنت ولا ينفع تكوني بنت هو ده شكل بنت لكن لاسف بنت بالاسم بس. وهيقال ضرب بنت وانتي ماتسويش في سوق الحريم جنيه. بس فعلا الكومبوند لم شوية ناس ماتستهلش انها تسكن فيه بس وحيات اهلك ماهتقعدي فيه يوم كمان مهما كنتي بنت مين يا زبالة
تمارا بترفع ايدها تضربه بالقلم : انا هعرفك مين اللي زبالة.
شهاب مسك ايدها قبل ما تضربه ولواها بقوة وهنا مقدرش يمنع نفسه وغضبه منها.
شهاب: لا بقي ده انتي عايزة تتربي وتتعلمي الادب وازي تتعاملي مع اسيادك يا بيئة واطية انتي يابت انتي مالقتيش حد يربيكي ولا ايه تلاقي ابوكي كان بيسافر يلم فلوس ونسي يربيكي لا ده انا افرمك تحت رجلي يا حليتها واكسرلك دماغك . وزقها بقوة . يالا يابت امشي من هنا واوعدك مش هتباتي فيه ليلة واحدة.
تمارا اول ما زقها لفت ولوت دراعه هو كمان. لكن هو قدر يتخلص منها بسرعة. وفضلوا كل واحد بيحاول يضرب التاني والتاني يتفادي الضربة بسرعة ومهارة لحد ما عدي من جنبهم باص مدرسة فوقفه ضرب تمارا وهي بتاخد نفسها وتمشي .
تمارا: وحياة ابوك انت لوريك واعرفك مين هو ابويا اللي معرفش يربيني ده. وابقي وريني شطارتك ازاي هتمشيني من هنا ويا انا يا انت يا زفت انت في ام الكومبوند ده.
شهاب بياخد نفسه وبسخرية: يالا يا بت انت امشي انا اللي هعرفك انا مين انتي وعيلتك كلها. وهجيبك وهتشوفي.
مشيوا الاتنين وهنا بيتوعدوا لبعض وكل واحد اقسم انه ينتقم من التاني.
................................................
في ڤيلا مهاب عز الدين
تمارا دخلت وهي متعصبة وبتنفخ لقتهم كلهم متجمعين علي السفرة بيفطروا.
مهاب استغرب من شكلها الغضبان.
مهاب: سيادة الرائد ماله زعلان ليه مين اللي عكر مزاج الجميل علي الصبح كدة.
تمارا عقدت حاجبها بغيظ: ماعاش ولا كان يا بوس. ده انا تمارا عز الدين وحياتك يا انت يا برنس لخاليه يقول انا سوسن وهتشوف.
مهاب رفع حاجبه بإستغراب: هو مين ده . انا مش فاهم حاجة؟!
نغم بقلة حيلة : هتلاقيها جرت شكل حد كالعادة. ماهي كدة عادتها ولا هتشتريها. روحها في مناخيرها زي ابوها.
مهاب : يادي ابوها وسنين ابوها. وانا مالي دلوقتي لازم ادخل في النص ليه بس.
نغم بلوم: مالك اومال مال مين. مش انت اللي ربيتها من صغرها علي انها ولد مش بنت وفضلت تشجعها كل ما تتخانق في المدرسة ولا تضرب حد مش تعاقبها . ساقت فيها والانيل بقي دهلتها شرطة وبقت ظابط حسبي الله ونعم الوكيل.
تمارا خبطت راسها بإيديها بزهق: استغفر الله علي الصبح. جري ايه يا دكتورة هو كل يوم نفس الموال . هو بقي زي الفيتامين كل يوم علي الريق كدة. ماقولنا سيادة اللواء مالوش فيه ده قراري ودي رغبتي انا وانا اللي حابة دراستي وشغلي. زي ما انس كدة دخل طب وبقي دكتور هو حر. والهانم المسنتحة اللي جانبك دي دخلت فنون جميلة تمام قشطة كدة. انا بقي ليه مش مقتنعة بموهبتي زيهم افهم بس.
نغم: موهبة ايه يا غبية انتي فيه في الدنيا بنت انثي رقيقة تبقي ظابط شرطة وطول الوقت بيچينز وتيشيرت وكاب وبتطجن في الكلام كدة وكلامها كله عن البلطجية والحرامية وتجار السلاح ايه في انوثتك فطرتك.
جودي برقة: ايوة صح فين انوثك يا هانم ده انتي بقيتي ارجل من أنس.
تمارا عضت علي شفايفها بغيظ من جودي علشان بتقوم عليها امها زيادة
تمارا: ماتتلمي يا منحنحة انتي وخاليكي في حالك هي والعة لوحدها مش ناقصة اسافين اتلمي .
مهاب بيكتم ضحته علشان عارف انها طالعة ليه فعلا.
نغم بعصبية : مين دي اللي والعة يا بنت انتي انا !! شايف يا سيادة اللواء بنتك تربيتك بتقول عليا علي امها والعة عجبك كدة.
مهاب بجدية مصتنعة : عيب كدة يا تيمو ينفع تقولي لمامي كدة.
نغم بغيظ : لا والله هو ده اللي ربنا قدرك عليه هقول ايه بس فوضت امري لله فيكم.
تمارا بمزاح: جري ايه يا ناني فوكي كدة وروقي صباحك عنب
نغم خبطت راسها بقلة حيلة : اااه ياني يامرارتي. اقولها انوثتك تقولي عنب . اقولها اي دي بس ياربي.
مهاب مال علي تمارا وغمزها: كفاية كدة امك كدة ضغطها علي وهتولع فينا خفي عليها ونبقي نكمل كلامنا بعدين.
نغم: بتتوشوشوا تقولوا ايه.
تمارا: ولا حاجة يا كبيرة ده بس البوب بيقولي حاجة خاصة بالشغل.
نغم بقرف: كبيرة وبوب. صبرني يارب.
انس خرج من اوضته وقعد معاهم.
انس: صباح الخير. مالكم علي الصبح هو انتي يابنتي كل يوم حارقة دم ماما كدة حرام عليكي ارحمي علشان ربنا يرحمك.
تمارا: بقولك ايه حياة عيالك يا شيخ فوكك مني انا روحي في مناخيري وماناقصة كلمة
مهاب: ماهو المفروض كنت انت اللي تكون مكانها دلوقتي. بس انت اللي قلبك رهيف
نغم : علي فكرة الدكتور قلبه مش رهيف . ده بيفح جسم انسان وبيشوف جروح ودم . بس الفرق انه بيعمل ده علشان ينقذ حياة انسان مش يقتله وبعدين دي اسمي مهنة في التاريخ.
تمارا: طب مااحنا كمان بننقذ حياة الناس
واللي بنقتله ده بيكون يستاهل القتل لان لو احنا ماقتلنهوش هو هيقتلنا. ومن غيرنا كانت الناس كلت في بعض. ولا ايه يا بوب كلامي غلط.
مهاب: عيب يا تيمو كلامك كله صح ده انتي بنت مهاب
تمارا ضربت كف مهاب بإنتصار: ايوة يا بوب والله ماحد فاهمني في الدنيا دي غيرك انت يا كبير تسلملي.
مهاب:هههههههههههه. اه يا بنت الايه سكر بموت فيكي يا تيمو
نغم : يا بنتي ..
تمارا قاطعتها وقامت وهي رايحة اوضتها: عنك يا دكتور انا عارفة هتقولي ايه يابنتي انوثتك وبتنجانك انا قايمة البس علشان معادي هتأخر عن اذنك. ودخلت اوضتها.
مهاب : وبعدين يا نغم خفي علي البنت شوية انتي كل ماتشوفيها تقعدي تقطمي فيها كدة .
نغم : وهو بمزاجي ماانا اعمل ايه بس خايفة عليها هتفضل لحد امتي عايشة دور الراجل ده. وناسية انها بنت والمفروض تحب وتتجوز وتخلف. هتعمل كدة ازي وهي ارجل من الرجالة اللي بتقابلهم بس .
مهاب: يا ستي كل شئ نصيب لما ربنا يأذن هتحب وتتجوز.
وبعدين انا اوعدك يوم ماتحب هتتغير لوحدها من غير ماحد يطلب منها الحب بيغير اسأليني انا ولا نسيتي مهاب عز الدين كان ايه قبل مايقابلك.وغمزها.
نغم ابتسمت وبحب بصت في عنيه: حبيبي انت طول عمرك تجنن حتي قبل مااقبلك ولحد النهاردة لسة بموووت فيك.
مهاب ابتسم : انا اللي لسة بحبك وبموت فيكي يا احلي نغم في حياتي.
أنس وجودي بصوا لبعض وضحكوا. وعزفوا كمانجا. تررااررااارا ترررا.
انس : هههههههه. ايه يا سيادة اللواء ينفع كدة راعي شعور السناجل.
جودي : ههههههه ايوة صح يا بابي اصل بصراحة انتم حبكم ده مافيش منه في زمانا ده.
نغم : مين قال كدة الحب الحقيقي موجود في كل وقت وكل زمن. بس المهم اننا نفتح قلبنا.
مهاب :ماما عندها حق. انا نفسي زمان كان من المستحيل اني اصدق اني احب واتجوز لا واخلف كمان. دي كانت معجزة. لحد ماقبلت مامتكم في حفلة دكتور ادم. خطفت قلبي من نظرة. وهو الحب مش محتاج غير كدة نظرة واحدة . كفيلة تخليك تحلم بحبيبتك كل لحظة لحد ماتقابلها تاني.
نغم قربت من مهاب :هو حبيبي بقي شاعر امتي .
مهاب غمزها ووشوشها:تعالي جوا معايا وانا اقولك من امتي .
نغم ضحكت بصوت عالي: خرجت تمارا علي صوت ضحكها بعد ما لبست غمزتها.
تمارا: العب يلا ايه يا دكتور الضحك الخليع ده. ااااه منك انت يا بوب خاربها لحد النهاردة مش مكن خلبوص كبير انت.
نغم: يابنتي بطلي اسلوبك ده. اتكلمي كويس.
تمارا بزهق : انا نازلة.
مهاب: استني لسة بدري تعالي معايا علي المكتب نشرب القهوة ونتكلم بخصوص معاد النهاردة. نغم ابعتلنا القهوة علي المكتب.
في مكتب مهاب في البيت.
تمارا: اؤمرني يا بوص.
مهاب: تمارا انا عارف انك مش محتاجة اني اقولك الكلام ده وانك بتنفذيه من نفسك. بس لازم اقولك برضوا. انتي من يوم ما اختارتي تدخلي شرطة وانا واقف جنبك وبساعدك. بس بشكل غير مباشر. وكنت دايما حريص ان ماحدش يعرف انك بنتي. حتي بعد التخرج وتعينك. انتي تفوقتي وقدرتي تعملي لنفسك اسم ومكانة في فترة قليلة غيرك ممكن يقعد سنين علشان يوصلها. بس انتي سابقة نفسك. وده عاجبني فيكي لانك طالعالي طموحك مالوش حدود. بس كل اللي فات ده كوم وحياتك من النهاردة كوم تاني. انتي رايحة مكان مش اي ظابط بيروحوا لا دول الظباط اللي من الاخر. انتي رايحة المخابرات العامة مش اي جهاز اهم جهاز في الدولة ولازم تكوني قد المسؤلية. والاهم تنسي اني ابوكي نهائي. انا كنت اتمني انك تفضلي بعيد عني وعن شغلي بس انتي اتطلبتي بالاسم علشان تنضمي للجهاز. بس انا متأكد انك زي ماكنتي جديرة بثقتي فيكي قبل كدة هتفضلي كدة للنهاية عايز الكل يحلف انك ارجل من كل شنبات الجهاز. هاه جاهز ياوحش.
تمارا بثقة وتحدي : جاهزة يا فندم واوعدك هرفع راسك كالعادة.
................................................
في قصر رعد الحديدي.
شهاب رجع وهو مش شايف قصاده من الغيظ من تمارا. وطلع اوضته ودخل ياخد حمام واول مابص في المرايا وشاف اثر البوكس بتاع تمارا جز علي سنانه من الغضب وخبط المرايا بإيده وكسرها من الغيظ.
شهاب بغل: قسما بالله يا حتة حشرة لو مافحصتك بجزمتي ماابقاش انا شهاب الحديدي. وهخليكي تتمني الموت يا بنت ال......
في اوضة رعد وهمس
همس صحيت ولفت لقت رعد نايم ولما بصت علي ظهره شافت اثار جروح الرصاص القديمة مررت اديها عليها وافتكرت وقت ماكان في غيبوبته والرعب اللي كان جواها من انها ممكن تفقده اتنهدت بألم وغمضت عنيها وحمدت ربنا انه لسة معاها وقصاد عنيها. رعد حس بيها وبلمستها ابتسم ومن غير مايلف.
رعد: لسة فاكرة مش هتنسي.
همس ابتسمت : وعمري ماهنسي انك كان ممكن تموت بسببي واروح مني. اثار الجروح دي مش في ظهرك وبس لا دي في قلبي كمان.
رعد اتنهد ولف ليها وملس علي شعرها. قلبك وهو فيه زي قلبك. ده بالنسبة ليا اوسع من الكون ده كله. بس حبيبتي انا هقولهالك كام مرة. ملكنش بسببك. الله ينتقم منهظ بقي الاتنين كانوا هما السبب. وبعدين انا كنت مستعد ادفع عمرين علي عمري وترجعي لحضني واضمك ولو لمرة واحدة وكنت اموت مش مهم.
همس حطت ايديها علي شفايفه: اياك تقول كدة تاني. ربنا مايحرمني منك ابدااااا. اااااه يارعد لو فيه منك قي الدنيا دي. كان نفسي اخلف رجالة نسخة منك . بس لاسف خلفتهم رجالة اه واخدوا منك كتيير بس مش كل حاجة. اخدوا قسوتك وغرورك. بس مااخدوش حنيتك ما اخدوش قلبك .
رعد ابتسم :ليه بس يا همستي ماهم رجالة زي الفل اهم.
همس بحزن: فل ايه بس. واحد مش راضي يتجوز اصلا وبيكره الستات عما. والتاني اللي حب من صغره واتجوز اللي اختارها. بيعاملها اكنها جارية مش حبيبته ومراته. ومش سعيد في حياته ولا مخليها سعيدة. انا بجد حزينة عليهم كان نفسي اتطمن عليهم زي البنات الحمد لله جوري وكارما كريم وامير بجد بيحبوهم وبيعملوهم اكنهم ملكات لكن ولادك بقي ممرمتين ولاد هنا. فادي مطلع عين حلا وشهاب اصلا مش شايف مايا اكنها هوا ولا حتي بيفكر فيها. والبنات بيحبوهم اعمل ايه بس انا تعبت.
رعد قربها لحضنه وبغيرة: وبعدين معاكي بقي هو ده صباحي ولا صباح ولادك . علي الريق كدة اقعد اسمع مشاكل العيال. لا ماليش فيه. انا عايزك تصبحي عليا.
همس ضحكت من دماغه هي في وادي وهو في وادي تاني خالص: هههههههههههههههه مش مممكن انت مش هتكبر بقي ده انت بقيت جد عيب كدة.
رعد غمزها: جد جد . هما اينعم ولاد الكلب دول خلفوا بسرعة وخالوني جد. بس مايهمنيش انا هفضل رعد الحديدي. انا شباب اكتر من ولادك تنكري.
همس: هههههههههههههه. هو انا اقدر بردوا طبعا انت هتفضل انت ولا يمكن تتغير ابداااا .
رعد بحنية: علي فكرة انتي كمان اصبي من بناتك. ومرات ابنك انتي لسة احلي واجمل منهم.
همس: صحيح يا رودي انا لسة حلوة زي زمان.
رعد: احلي كمان من زمان ياقلب رودي. تعالي بقي نصبح علي بعض.
فجأة سمعوا صوت زعيق وصوت فادي وحلا عالي وكمان خبط علي باب اوضتهم.
همس بقلة حيلة: عجبك كدة سامع مش ممكن الولد ده فظيع اعمل ايه بس. وبصوت عالي ايوة مين ؟
ياسو ومليكة اولاد فادي وحلا : احنا يا ناناه.
همس : تعالوا ياولاد.
دخل ياسو ومليكة وباين عليهم الحزن وخصوصا مليكة.
رعد: مالكم يا ولاد فيه ايه؟!
مليكة عيطت . وهمس اخدتها في حضنها
همس بقلق: مالك يا حبيبتي في ايه بس بتعيطي ليه
مليكة بدموع :علشان بابي ومامي بيتخانقوا. كل يوم يتخانقوا انا مش بحب اشوفهم كدة ياناناه.
ياسو : علي فكرة ده بقي عادي كل يوم هما اصلا هيتطلقوا.
رعد وهمس انصدموا من كلام ياسو
رعد بحدة: ولد انت جبت الكلام ده منين هما قالوا كدة؟
ياسو:لا بس عمر صاحبي قالي ان مامته وباباه كانوا زي مامي وبابي كدة كل يوم خناق وزعيق زبعد كدة اتطلقوا. فأكيد بابي ومامي هيعملوا زيهم.
همس عنيها دمعت رعد بصلها بحزن وكلم ياسو.
رعد: وعمر دلوقتي عايش مع مين مامته ولا باباه.
ياسو: تؤتؤ. مامته اتجوزت وجوزها مش بيحب عمر . وباباه سافر. وهو عايش مع جده وجدته. احنا كمان عايزين نعيش معاكم. علشان بنحبكم وانتم كمان بتحبونا . كمان انت يا جدوا عمرك مازعقت لناناه ولا ضايقتها. ودايما بنكون مبسوطين معاكم. تعرف ياجدو. انا عايز لما اكبر ابقي زيك لما اتجوز مش هزعل مراتي وهخليها تضحك زي ناناه. مش هخليها تعيط دايما زي مامي بابي دايما بيزعلها. وعنيه دمعت.
همس ماتحملتش كلام ياسو وعيطت ورعد كمان اتأثر بكلام ياسو مدله ايده وياسو راحله واخده في حضنه.
رعد ضامم ياسوا بقوة: تعرف ياولد انت فعلا راجل وانا متأكد انك ان شاء الله هتكون كمان احسن مني. بس انا عايز افهمك حاجة الكبار اوقات بيكون فيه في حياتهم مشاكل وهموم الاطفال صعب تفهمها . انت ماتعرفش ايه اللي بين باباك ومامتك. وبعلمك ابوك بيحب مامتك جدااا من وهو قدك كدة وطول عمره بيخاف عليها. وهو كمان لما كان قدك كدة كان زيك راجل . ماتقلقش طول ما انا عايش عمر ابوك ماهيطلق مامتك زي ابو عمر ومامته ولا انت هتكون زي عمر. انتم احفاد رعد الحديدي لازم تكونوا شجعان وقلبكم جامد. واياك اسمعك تقول الكلام ده تاني. فاهم. كمان انا مش عايزك تعمل زي عمر وتطلع اسرار بيتك برا ابدا. اللي بيحصل في البيت ده مايخرجش لالأصحاب ولا لأي مخلوق. الراجل الصح يخافظ علي بيته واسراره. وكمان نبه عمر مايحكيش اللي بيحصل في بيته. اتقفني يابطل.
ياسو: حاضر ياجدو اتفقنا.
مليكة : ناناه انتي كمان هتخلي بابي مايزعقش لمامي تاني ويحبها.
همس ابتسمت بدموعها وملست علي شعر مليكة: اه ياقلب ناناه ماتخافيش انا وجده هنتصرف . يالا يا حبايبي روحوا اجهزوا علشان المدرسة . وخالوا دادا سميرة تساعدكم في اللبس.
خرج الولاد وهمس رمت نفسها في حضن رعد.
همس بدموع: شايف يارعد احفادك بيقولوا ايه شايف اطفال في سنهم وصلوا لايه. انت لازم تتصرف مع فادي. انا مش هستني لحد مااحفادنا يضيعوا. وبيت ابننا يتخرب.
رعد طبطب عليها بيهديها واتنهد:وحاضر يا حبيبتي ما تقلقيش انا النهاردة هتصرف معاه. المهم انتي اهدي بس يالا حبيتي تعالي نجهز علشان نفطر مع الولاد.
*كلمة بس طبعا اللي قاله ياسو ده واحساسه هو واخته شئ بسيط من اللي بيحس بيه اولاد في سنهم. لما طول الوقت يسمعوا ويشوفوا خناقات بين ابوهم وامهم. وزعيق وصوت عالي واوقات كمان بيكون فيه سب والفاظ مايصحش تتقال. علشان كدة ياريت من البداية نختار صح نختار اللي يحبنا ويحترمنا . نختار اللي يقدر وقفتنا معاه. نختار اللي يتحملنا وقت تعبنا وضعفنا . مش اللي يرمينا في اول ازمة. ولو اختارنا صح والدنيا غيرتنا زي مابتغير حاجات كتيير. ياريت نفوق ونرجع لنفسنا نشوف احنا اتغيرنا ليه ونرجع زي زمان. نرجع نحب بعض نفهم بعض. هو يشوف مقصر معاها في ايه وجعها في ايه. وهي كمان تشوف قصرت في ايه وليه هو وهي بقوا في صدام دائم. الكلام ده انا بقوله لنفسي قبلكم انا مش ملاك ولا عايشة في دنيا وردي. لا . بس لازم لما الدنيا تتقفل ونوصل لطريق مسدود. نعمل وقفة ونعرف هنكمل ازاي. علشان احنا مابقناش لوحدنا . احنا ربطنا معانا جيل تاني اطفال . مستقبلهم وحياتهم مرتبطة بينا. احنا اللي هنخرج رجالة وبنات تتعرف وتتجوز ويانربي راجل بحترم مراته ويقدرها. وست تحب زوجها وتسعده. او راجل بالاسم بس ذكر مش اكتر . مش عارف اصلا يسعد نفسه علشان يسعد غيره وست غير مسؤلة انانية مش عارفة تحب بيتها وتسعد زوجها واولادها. ارجوكم راعوا ربنا في نفسكم واولادكم. .
في اوضة فادي&حلا
فادي بيلبس وهو متعصب وحلا بتلف حاوليه وهي بتزعق وتعيط.
حلا بصوت عالي: ممكن ترد عليا بقي كنت فين امبارح.
فادي بعصبية: قولتلك كنت مع ناس في شغل اقولهالك كام مرة انا تعبت انتي ايه فهمك تقيل.
حلا: لا يا سي فادي فهمي مش تقيل بس انت اللي كداب.
فادي جز علي سنانه من الغضب من اتهامها ليه بالكدب. وقرب منها وهو بيحزرها.
فادي: انتي بتقوليلي انا كداب. قسما بالله لو كررتيها تاني ياحلا ولسانك ده طول عليا لوريكي اللي عمرك ماشوفتيه. انتي سامعة.
حلا حاولت تتماسك وماتبنش خوفها منه.
حلا بثبات: ايوة نسيب الموضوع الاساسي ونتكلم في تفاهات. انت كنت فين وماتقوليش شغل. اصلك انت مش بتشتغل في مكان مااعرفهوش.شغلك مع اونكل رعد وبابي واخواتي. اشمعنا هما بقي ببرجعوا بدري وانت كل يوم والتاني سهر للصبح ايه بتشتغل من وراهم.
فادي ببرود وهو بيحاول مايتعصبش: اظن يا غبية هانم فهمتك قبل كدة اني ليا شركة خاصة بيا ضمن المجموعة دي بتاعتي انا وشغلها خاص بيا انا. وماحدش فيهم حتي ابويا ليه دخل بيها. ولا بإتفاقاتها. انتي بقي بتتوهمي اني بخونك ده شئ يخصك انتي حرة في دماغك. لكن ما تقرفنيش معاكي كل شوية انا تعبت منك ومن البيت ده. انا مابقتش طايق ادخل البيت من النكد اللي فيه زهقت.
حلا : زهقت وقرفت ؟! لا بجد وانا ايه بقي ! انا فين! انا اللي مرمية في البيت 24 ساعة زيي زي اي حاجة في البيت . اخروج بإذنك. اصحابي ازرهم مستحيل هما يزوروني وبٱذنك. امي اللي بيني وبينها كام متر. ازورها بإذنك. فوني ولابي مترقبين من سيادتك. حياتي محاصرة كإني جارية عندك. مالهاش رأي . مالهاش كلمة. كل اللي مطلوب منها انها دايما تكون مستعدة لاستقبال البرنس فادي. وبتضحك وسعيدة . وماتتكلمش. وقت مايحن عليها يرجع ويقعد معاها وبعد كدة يسيبها زي الكلبة وحيدة.
وبدموع عمرك جيت قولتلي مالك بتعيطي ليه . اختني في حضنك طمنتني. يوم ماتلقيني ببكي . تتعصب وتزعق وابقي انا الزوجة النكدية اللي مابتفهمش. بقالي سنين بطلب منك نسافر لوحدنا نخرج . نسهر. والرد دايما مشغول. مع ان.ابوك وابويا واخواتي بيشتغلوا معاك.واخواتي بيسعدوا اخواتك.شوف النور والسعادة اللي محاوطة جوري وكارما. شوف كريم وامير. بيعاملوهم ازاي . كل يوم والتاني خروج وسهر وسفر. الضحكة مش بتفارقهم. بلاش ابوك وابويا بيعاملوا امي وامك ازاي. بيقولوا انك تشبه اونكل رعد.لا مستحيل لو كنت تشبه كنت خلتني سعيدة زي ماما همس. لكن انت اناني قاسي مابتفكرش غير في نفسك. انا بجد زهقت وتعبت. وقعدت علي الكرسي وهي بتبكي بحرقة وقهر.
فادي كان بيسمعها وللحظة حاس ان كلامها صح ووجعه في نفس الوقت. لكن غروره وعنده . خالوه يكابر.
فادي بعناد: انتي اللي بتعملي كدة ومكبرة الموضوع. انا زيي زي اي راجل انتي اللي متدلعة زيادة عن اللزوم. ابوكي دلعك وامك هنا هانم . اللي مقوياكي وبتملي دماغك بأفكار تخرب بيها بيتنا وحياتنا. انتي اللي بتسمعي كلامها ومصدقاه. انا مش مطلوب مني اسيب شغلي وفلوسي واقعد جنب الهانم ادلعها واسفرها. انسي انا مش كدة . واحسنلك ماتديش ودنك لامك.
حلا بإستغراب: امي؟ امي اللي بتسهر للفجر! امي مثلا بتدبل عليك ! بتظلمك !
بس تعرف امي لو عندها حق في حاجة فهي اننا ماننفعش لبعض. واصلا جوازنا كان غلط انت ماحبتنيش . انت حبيت وجودي جنبك من صغرنا. حبيت اوامرك ليا. تحكماتك فيا وقبولي وخضوعي ليك قواك ذيادة. بس خلاص انا مش هتحمل تاني. احنا لازم نسيب بعض.
فادي كان بيلبس الكراڤات في المرايا. وانصدم من طلبها ولف ليها بتساؤل.
فادي: نسيب بعض؟! اللي هو ازاي!
حلا بحزن وخوف منه :ننننننطلق.
فادي وهو بيعصر قبضة ايده بقوة وغيظ وبيجز علي سنانه من الغضب من الكلمة اللي عمره ما فكر فيها من يوم جوازهم.
فادي بغضب قرب منها ومسكها من دراعها وضغط عليه: الكلمة دي تشليها من قاموس حياتنا نهائي. انتي مراتي لحد ماتموتي. واياك اسمعها تاني. انتي من يوم جوازنا بقيتي ملكي . ملك فادي الحديدي واللي عمره مابيسيب حاجة تخصه ابدا . ويوم مابيسيبها بيكسرها وينهيها . علشان مستحيل حد ياخد حاجة كانت ليه ابدااا. فاهمة ابدااا.
وزقها بقوة ووقعها علي السرير وهو خارج لف ليها وبعناد. وعلي فكرة مش انتي عايزة تعرفي انا كنت فين وبسهر مع مين. ااه انا كنت مع واحدة ومش واحدة بدل الواحدة 10 وكل يوم هعمل كدة وانا كدة واذا كان عاجبك. ووريني بقي الكونتيسة هنا امك هتعمل ايه معايا.
وخرج ورزع باب الاوضة وراه . وهو خارج لقي رعد واقف وباين عليه الغضب وواضح انه سمع كلامهم وخصوصا كلامه الاخير. فادي ابن رعد ومش الشخصية اللي تخاف ولا تتهز حتي لو من ابوه. بس هو بيحبه وبيحترمه. فإتوتر من شكل ابوه ونظراته ليه.
فادي : صباح الخير يا بابا.
رعد بيبصله من غير مايرد.
فادي بعصبيه : بابا حضرتك لو سمعت حاجة ياريت تفهمها صح . لان انت ماتعرفش ايه اللي حصل.
رعد قرب منه وبهدوء يرعب كاعادته: كلامنا مش دلوقتي ولا هنا . لما نوصل المجموعة لينا كلام تاني.اتفضل اسبقني علي تحت واياك تمشي كلنا هنفطر مع بعض.
وبصله بغضب وتحزير. نزل فادي بعصبية ورعد اتنهد بحيرة وخبط علي حلا.
حلا بدموع : اتفضلي يا ماما همس.
دخل رعد وابتسم بهدوء. انا بابا رعد مش ماما همس انفع ولا الف وارجع تاني.
حلا استغربت انه هو بنفسه عندها هو قليل جدااا مابيدخل اوضة حد منهم . وقفت وهي بتمسح دموعها.
حلا: يا خبر يا اونكل ازاي بس حضرتك شرفتني بجد.
رعد بصلها بحنية وهي صعبانة عليه: ممكن اعرف القمر ده بيعيط ليه ومين الغبي ده اللي يزعل الجمال ده كله.
حلا بإنكسار وضعف بكت ذيادة ورمت نفسها في حضنه . رعد ضمها بحنية وطبطب عليها.
رعد: ششششش. بس ماتبكيش ابدااا طول ما انا عايش. زي ما همس دايما تقولك احنا كمان ابوكي وامك . وطول ما انا جنبك اتطمني. وانا هتصرف مع فادي بنفسي بس المهم مااشوفكيش حزينة كدة تاني. اتفقنا.
هزت راسها في حضنه .
حلا: اتفقنا.
رعد خرجها من حضنه بهدوء وهو بيمسح دموعها. مش عايز اشوف دموعك تاني. حبيبتي لازم تكوني
فاهمة انك عندي تمام زي جوري وكارما. وموضعك انتي وفادي هتصرف فيه اكن واحدة منهم هي اللي في الموقف ده. بس في حاجة مهمة لازم تفهميها. ان لو كلام فادي مافهوش حاجة واحدة صح ولازم تنفذيها فهي ان كلمة طلاق دي تنسيها خالص وتشليها من قاموس حياتك. سامعة.
حلا بدموع: بس يا اونكل فادي بيوجعني اوي وبيجرحني اوي. انا تعت بجد تعبت.
رعد اتنهد بحزن: معلش يا بنتي ان شاء الله انا هعرف ازاي اخليه يرجع لحضنك من تاني.
حلا بسخرية: حضني! وهو فادي من امتي كان في حضني. فادي عمره ماطبطب عليا. عمره ما اخدني في حضنه بحنيه زي حضرتك دلوقتي. هما بيقولوا فادي يشبهك . لا مايشبهكش. انا بشوف منك حنية علي ماما همس ماشوفتعاش في حياتي. فادي قاسي اوي يا اونكل اوي. وبكت اكتر.
رعد بتأنيب لنفسه لان هو اللي قوي شخصية فادي واخوه من صغرهم. بالشكل ده. بس ماكنش ابدااا يقصد يكونوا قاسين علي اقرب الناس ليهم.
رعد حضنها بيهديها: خلاص يا حلا يا بنتي كفاية . انا اللي غلطان في طريقة تربيتي ليه. بس اوعدك زي ماكنت السبب في انه بقي كدة. لازم هخليه يتغير.
حلا: فادي عمره ماهيتغير.
رعد ابتسم : عيب انا مهما كان رعد الحديدي. وانا اللي مربي فادي. واللي مربي قرد عارف ايه؟
حلا ضحكت غصب عنها :ههههههههنهه. لعبه يا اونكل.
رعد :هههههههه. عجبتك انتي قرد دي صح.
حلا: ههههههه بصراحة اه يستاهلها.
رعد قرصها من خدها: صحيح اولكم . اخركم ستات وتموتوا في المصايب. يالا تعالي بقي ننزلهم احسن فادي تلاقيه بيطلع دخان من ودانه علشان انا قولتله مايمشيش ويستني نفطر كلنا. بس انا بقي عايزك تتصرفي عادي جداااا. اكن ماحصلش حاجة اوك.
حلا ابتسمت : اوك . تعرف يا اونكل. انا مش هقولك لو كنت اصغر كام سنة لا. لو بس ماكنتش حمايا وبابا فادي. كنت اتجوزتك هوا. انت اصلك ماتتسابش ابداا لقطة يا اونكل.
رعد :هههههههههه. انا بتعاكس بقي. احمدي ربنا ان همس ماسمعتكيش. هي حنينة اه بس لحد عندي وبتتحول بتغير بجنون. انتي ماتعرفيش. كانت دبحتك.
حلا: هههههه. لا لا انا عارفة هي بتحبك وتغير عليك قد ايه وبصراحة عندها حق.
رعد: طيب يالا بينا .
نزلوا كلهم واتجمعوا علي الفطار. وفادي طبعا قاعد متعصب وعايز يمشي واللي معصبه اكتر انه شايف حلا بتتكلم مع الولاد وتضحك وكمان مع رعد وهمس. اكنهم مش متخانقين. ومستغرب لانه ساسبها بتعيط. وشهاب نزل اخر واحد. وقعد وهو كمان بيتخانق مع نفسه ومش طايق حد.
شهاب بعبوث:صباح الخير
كلهم : صباح النور
همس : مالك يا حبيبي فيك ايه.
شهاب : مافيش انا كويس.
همس: مال خدك انت اتخبطت في حاجة ولا ايه.
شهاب اتعصب وساب الفطار وقام:مافيش حاجة انا ماشي عندي معاد مهم.
رعد: طيب كمل فطارك يا بني .
شهاب: لا معلش انا ماليش نفس. وخرج شهاب بسرعة.
فادي بنرفزة :انا كمان ماشي هستني حضرتك في الشركة عن اذنكم.
رعد : لا استني هنمشي سوا.
فادي : حضرتك اصلا كل واحد بيروح بعربيته. فامافرقتش. كمل حضرتك فطار ونبقي نتكلم في الشركة عن اذنكم.
خرج فادي وهو بيبص لحلا بغضب.
رعد وشوش حلا: شايفة هيتجنن اذاي وهو شايفك بتضحكي ولا همك . لو كنتي قاعدة تعيطي بقي كان زمانه منتصر وبيضحك. علشان تبقي تسمعي كلامي وانتي مغمضة.
حلا ابتسمت: طبعا هسمع كلامك. ربنا يخليك لينا.
همس: بتقولوا ايه.
رعد غمز حلا: بصراحة البنت دي بتعاكسني ابقي اتصرفي معاها انتي بقي.
وقام علشان يمشي. ورجعلها تاني . ااه وعلي فكرة بتحسدك عليا ابقي بخريني بقي .
مشي رعد وهمس مسهمة ومش فاهمة حاجة.
همس: هو فيه ايه؟!
حلا ابتسمت : هههههه. انا هقولك اصل اونكل رعد جالي الاوضة و.............. فهمتي.
همس بحب: ههههههههههه. ايوة عنده حق انا ممكن اكل اي واحدة تبصله بسناني. رعد ده حب عمري كله . حبيبتي ربنا يسعدك مع فادي ويبعد عنكم المشاكل. وماتقلقيش زي مارعد وعدك . ان شاء الله هو هيتصرف. اعتمدي عليه.
حلا اتنهدت بأمل: ان شاء الله.
......................................
في ڤيلا مروان &وريما
مروان بيلبس هدومه وريما دخلت الاوضة .
ريما: حبيبي الفطار جاهز يالا علشان ماتتأخرش.
مروان ابتسم وقرب منها وباس ايديها: تسلم ايدك يا حبيبتي . يالا بينا.
نزلوا علشان يفطروا. بس مروان ملاحظ ان ريما مابتكلش وسارحانه. مسك ايديها.
مروان: مالك ياقلبي مابتكليش ليه.
ريما اتنهدت بحزن: ماليش نفس.
مروان اتنهد بيأس منها: وبعدين انتي هتنسي امتي الموضوع ده. وترضي بالامر الواقع. حبيبتي ده نصيب ربنا قدرلنا كدة لازم نرضي ونعيش بقي.
ريما بإنهيار: ارضي بإيه؟ارضي اني ماابقاش ام؟! ارضي اني افضل محرومة من طفل اخده في حضني طول العمر؟! ارضي اني افضل اتحسر كل لما اشوف طفل بيلعب مع امه ؟! ارضي اني اموت من الوجع كل لما اشوف واحدة حامل واتمني ابقي زيها في يوم ؟! ارضي بإيه قولي ارضي بإيه؟!
مروان دمع علشانها من حزنه عليها. وحضنها بقوة.
مروان: اهدي يا ريما اهدي يا قلبي . انا والله عارف انه غصب عنك. بس بإيدينا ايه نعمله جربنا كل حاجة وسافرنا وانتي اتبهدلتي عمليات وبردوا مافيش فايدة. يبقي لازم نرضي بقضاء ربنا بقي وننسي.
ريما خرجت من حضنه وهي بتمسح دموعها. لا لسة في حاجة ماجربنهاش. ومافيش قصادنا غيرها.
مروان: حاجة ايه دي؟!
ريما نأجر رحم زي رعد وهمس زمان.
مروان ملامحه اتغيرت وانصدم: نأجر رحم؟! انتي اتجننتي صح مستحيل طبعااا
ريما : لا ماتجننتش. انا عايزة ابقي ام وانت كمان نفسك تبقي اب. يبقي ليه لا.
مروان بعصبية: علشان حرام وماينفعش اجيب ابني من الحرام . انسي انا مستحيل اعمل كدة واخلف من اي واحدة والسلام لمجرد ابقي اب.
ريما بعصبية:ليه يعني ماهو رعد عملها من سنين.
مروان: اولا رعد كان بيحب همس من قبل العملية. والعينة كانت منه هو وهي مش من مها الله يرحمها. ثانيا لما ده حصل همس كانت مراته. ثالثا بقي لان كل ده من الاول كان لعبة وفي شبههة حرمانية. . اديكي شوفتي حصل ايه. والتوأم الاتنين ماتوا. وبردوا ماخلفوش بالعملية . خلفوا لما ربنا اراد بعدها. انسي ياريما انا مستحيل اعمل كدة مستحيل.
ريما بدموع وانكسار: انت مش حاسس بيا مش حاسس بوجعي وقهرتي والنار اللي جوايا.
مروان بيحاول يهدي هو عارف ان الفكرة دي من يأسها صح غلط هي مش بتفكر غير انها تبقي ام وبس. قرب منها وحضنها.
مروان: حقك عليا انا اسف اني اتعصبت عليكي معلش. بس اصل الكلام اللي قولتيه يفور الدم. انا لو عايز ابقي اب فاعايز ده منك انتي مش من اي واحدة والسلام. حبيبتي علشان خاطري شيلي الفكرة دي من دماغك خالص. وانا هكلم الدكتور تاني يمكن نقدر نعمل اي حاجة جديدة . بس انتي توكلي علي الله وقولي يارب.
ريما بدموع: يارب.. يارب.
......................................
في ڤيلا أكمل &تسنيم التهامي
اكمل وتسنيم بيفطروا سوا ونزلت چنا تفطر معاهم.
چنا بإبتسامة : صباح الخير .
اكمل وتسنيم بإبتسامة: صباح النور .
اكمل : هاه القمر جاهز.
چنا اتنهدت بحيرة: والله يا بابي انا مش مرتاحة لشغلي مع حضرتك. انا الحمد لله مرتاحة في مكتبي وشغلي.
اكمل بقلة صبر: هنعيده تاني يا جنا وبعدين بس معاكي. مش خلاص قفلنا الموضوع ده. وبعدين هو انا طلبت منك تقفلي مكتبك شغلك ماشي زي ماهو. لكن مايبقاش ابوكي بيعمل اكبر منتجع سياحي وانتي عندك مكتب ديكور وحد غيرك اللي يعمل التصميمات والديكورات والفرش. انتي اولي من الغريب.
چنا بخنقة: الكلام ده لو حضرتك لوحدك مش معاك شركة.
اكمل : وانا مش مشارك حد غريب . رعد الحديدي وعدي دول اصداقاء عمري من ايام الجامعة مش ناس مااعرفهاش.
چنا بقلق: بس يابابي انا بسمع عن رعد وابنه انهم صعب جدااا. وتعاملهم متعب. وخصوصا ابنه فادي.و انا بصراحة خايفة.
اكمل بغضب: خايفة ؟! من ايه تبقي بنت اكمل التهامي وتخافي. ازي. يابنتي ده شغل وبعدين هما معروف عنهم الجدية والحزم مش حاجة وحشة يعني. وبعدين انا معاكي خطوة بخطوة. ولما عرضت علي رعد وعدي انك انتي اللي تمسكي الديكوات والديزاين ماحدش اعترض بالعكس رحبوا جدااا. ورعد بنفسه. نفسه جدااا يتعرف عليكي. ولو علي فادي. ماتخافيش منه قوي قلبك. وهو عارف انك بنتي واياك بس يفكر يضايقك بكلمة يشوف انا هعمل ايه.
چنا بقلق: ربنا يستر.
تسنيم: ايوة كدة خاليكي قوية زي امك ماتخليش حد يقف قصاد طموحك وشغلك والخوف ده تنسيه فاهمة. انا في سنك كنت قاعدة في دبي وعملت شركة بحالها هناك وكنت بتعامل مع وحوش. بس كنت قدها وقدرت اخليها تقف علي رجليها. واحنا معاكي . ماشي ياقلب مامي .
تسنيم ابتسمت :فاهمة يا مامي. ربنا يخليكم ليا دايما.
نزل حمزة كالعادة مستعجل وبيجري. وبيخطف الاكل.
تسنيم بتعب: يا ابني ماتقعد تاكل زي الناس ينفع كدة. تاكل علي الواقف.
حمزة بإستعجال: معلش يا سمسمة اصلي عندي بروڤة النهاردة ودي اخر بروڤة قبل الحفلة هنسافر النهاردة بالليل.
چنا بسخرية: آل يعني حاجة مهمة . دي حفلة هايفة زيك انت واصحابك.
حمزة: بس يا حقودة. ده احنا بنعمل احلي ميوزك. وقريب اوي اسم الفرقة هيسمع وهتشوفي.
چنا بسخرية: لما نشوف اخرتها معاك. يارب تفلح.
حمزة: خاليكي انتي بس في حالك انتي . عندهم حق العيال في النادي يقولوا عليكي المعقدة.
تسنيم: ولد اياك تقول لاختك كدة تاني انت فاهم .
حمزة: . الله وانا مالي هما اللي بيقولوا . وبعدين بصراحة معاهم حق.
اكمل بتحزير: اتاسف حالا لاختك يا تافه. احسن اوقف الڤيزا حالا.
حمزة بحزن مصتنع: لا لا وعلي ايه حقك عليا يا قمر انتي يا چنا يا عسل. انا اسف.
چنا : وهو في حد بيزعل من المجانين. روح يا بني ربنا يشفيك انت واصحابك.
حمزة : ماشي لما ارجع هبقي اوريكي شغل الجنان علي حق. يالا سلام.
اكمل : طيب. يالا بينا يا چنا علشان مانتاخرش علي الاجتماع.
جنا : يالا يا بابي.
......................................
في ڤيلا عدي&هنا
عدي في اوضته بيلبس هدومه وهنا معاه. وشايفها مسهمة وسارحانة
عدي رفع حاجبه : مالك ؟
هنا اتنهدت : مافيش.
عدي بقلق: ربنا يستر اصل انتي مادمتي ساكتة كدة وسرحانة يبقي يا زعلانة يا بتحضري مصيبة. هاه انهي فيهم.
هنا بعصبية: انا؟ انا بعمل مصايب ! ماشي يا عدي انت اصلك شكلك كبرت وخرفت.
عدي : هههههههههه. مين ده اللي كبر ما تخلي بالك من كلامك يا ماما. دانا ديدو. اصغر من ولادك. المهم بس ماتغيريش الموضوع مالك بجد.
هنا بحزن: صعبان عليا حال بناتي. حظهم وحش غير اخواتهم الصبيان دول متهنين. ودول متعوسين.
عدي عقد حاجبه: اعوذوا بالله ماتعوسين ليه بس كدة ماهما كويسين اهو مالهم !
هنا بإستغراب: انت بتسأل ؟! يعني انت مش شايف ان حظ بناتي الاتنين متعوس لما يوقعهم في ولاد رعد الاتنين. والاتنين طالعين لابوهم جبروت قاسين ومابيتفهموش. حلا واتجوزت فادي واهو مطلع عنيها. بيعاملها معاملة العبيد. وهي راضية وساكتة . ومايا دايبة في شهاب وهو ولا حاسس بيها مش شايفها اصلا. ولسة لحد النهاردة عندها امل انه يكون ليها في يوم من الايام. انا تعبت نفسي اشوفهم متهنين زي ما ولادي مهنين بنات رعد.
عدي اتنهد بقلة صبر: علي فكرة انا شايفك مكبرة الموضوع. اولا بقي فادي بيحب حلا وبيحبها جدااا كمان. كون ان هو بقي طبعه صعب وحبه مختلف وبيحبها بطريقته هو ومابيعرفش يعبرلها عن حبه زي ماهي بتتمني. ده شئ يرجعلها هي. لانها عارفة الكلام ده من زمان ومع ذالك وافقت واتجوزته لانها بتحبه وماحبتش غيره ولعلمك انا لو عندي شك واحد في المليون ان فادي مش بيحب حلا كان مستحيل اجوزهاله.ويارت ماتدخليش بينهم الا اذا هما طلبه ده . اما بقي مايا فهي اللي عملت كدة في نفسها. امتي شهاب وعدها بحاجة. بالعكس ده زي ماانتي قولتي مش شايفها اصلا غير اخت ليه وبنت صاحب ابوه. ومش ذنبه علي فكرة . الحب مش بيإيده. هو مش عارف يحبها المفروض بقي هي تشوف حياتها وتحاول تلاقي انسان يحبها ويقدرها. وياريت انتي تفهمي الكلام ده زيها. وتنصحيها لو بتحبيها صحيح.
هنا اتنهدت بحيرة: حاضر ححاول اتكلم معاها تاني . يالا علشان الولاد مستنينا تحت .
نزلوا الاتنين وكان كريم قاعد جنب جوري وماسك ايديها وبيبوس ايدها وبيكلمها وهي بتبتسم. وجنبهم. أمير وكارما بيتوشوشه.
وبيضحكوا . هنا كان جواها غيرة طبيعية غيرة ام شايفة ولادها بيعملوا زوجاتهم معاملة برينسيسات. وبناتها مش سعداء في حياتهم . بصتلهم بحزن وقعدت. اما عدي كان فخور ان ولاده. عارفين ازاي يعاملوا زوجاتهم. ويفهموهم والضحكة مش بتفارق وشهم. ودي حقيقة الست اللي بتضحك ووشها منور وهي جنب جوزها هو السبب في الضحكة دي. هو اللي بيخلي اللي حاوليها يحسدوها ويغيروا منها . مش هي اللي تكون مكسورة وحزينه وهي شايفة غيرها سعيدة. والعكس كمان علي فكرة الست اللي بتقدر تحتوي جوزها بتكون السبب في سعادته. المهم. عدي وهنا قعدوا.
عدي بإبتسامة: صباح الخير ياولاد.
كلهم : صباح النور.
مايا نزلت من فوق :صباح الخير ازيكم.
كلهم : صباح النور.
عدي: مايا عايزيك قبل ماتخرجي.
مايا : حاضر يا بابي.
كريم بيوشوش جوري: بقولك ايه ماتيجي نخطف يومين ونسافر سهل حشيش.
جوري:ياريت بس الولاد والدراسة.
كريم: ياقلبي فكك. ماما وطنط همس ماجودين هياخدوا بالهم منهم. المهم انتي موافقة.
جوري: طبعا يا بيبي موافقة.
كريم غمزها :خلاص يا وردتي. هظبط الشغل معاهم النهاردة ونخلع بالليل اوك.
جروي ابتسمت: هو انا قولتك بحبك النهاردة.
كريم ابتسم: اممم مش فاكر تعالي نطلع فوق ونفتكر سوا.
جوري:هههههههههه. مابتصدق انت.
كريم: ههههههه. اكيد.
أمير بيكلم كارما: كوكي قوليلي تحبي تسهري النهاردة فين علشان اظبط الدنيا.
كارما: حبيبي اي مكان. وبعدين مش لازم احنا لسة كنا ساهرنين من يومين مش مهم.
امير: ازاي بس يا كوكي ده النهاردة بالاخص لازم نسهر.
كارما: اشمعن النهاردة!
أمير قرب منها وبص في عنيها:علشان زي النهاردة انا اخدت اهم قرار في حياتي. اتشجعت وصارحتك بحبي ولقيتك مستنياني اتكلم. كنت هطير من الفرح. يوم مايتنسيش.
كارما ابتسمت بحب: بحبك يا امير بحبك اوي اوي.
امير: باس ايديها. وانا عمري ماههحب غيرك يا حبيبتي.
......................................
في مبني المخابرات العامة.
شهاب داخل بحضور يخطف العين كاعادته بس كان موده متعصب وغضبان من اللي حصل مع تمارا. دخل مكتبه وقابله مؤمن صاحبه. مؤمن شاف آثر الضربة بتاعة تمارا استغرب.
مؤمن: صباح الخير يا بوب. مالك ايه الخبطة دي.
شهاب جز علي سنانه وخبط المكتب بغيظ. ورفع سماعة الفون وكلم مسعد بيشتغل معاهم في الجهاز.
شهاب : مسعد تعالي بسرعة.وقفل الفون.
مؤمن: مالك يا بوب في ايه.
شهاب: مؤمن الله يكرمك ابعد عني انا مش طايق نفسي علي الصبح بدل ما غيظي يطلع عليك انت.
مؤمن بإستغراب : ياليلة بنبي شكلك قافش قفشة بنت تيت.
مسعد دخل : تحت امرك يا باشا.
شهاب طلع فونه وطلع صورة تمارا.
شهاب: شايف البنت دي عايز تاريخ اللي جابوا اهلها من يوم ماتولدت. وبسرعة هي ساكنة معايا في نفس الكومبوند.
مسعد: علم يا باشا ابعتلي الصورة علي الواتس. والليلة تكون عندك كل بياناتها.
شهاب : نعم يا خويا ليلة مين. انا عندي اجتماع مع اللواء عدلي اخرج الاقي المعلومات كلها بدل ما اعلقك انت بدلها.
مسعد : حاضر يا باشا تحت امرك عن اذنك.
خرج مسعد ومؤمن الفضول هيقتله .
مؤمن: ماتقولي يابوب مالك البت دي عملت ايه.
شهاب مسح وشه عايز يهدي: هقولك.......
مؤمن سمع شهاب وفطس من الضحك: ههههههههه. اقسم بالله بت رجولة بالبوكس. دي بت عايزة تتكرم ده رجالة بشنبات ماقدروش يعملوها وهي لبستك البوكس كدة علي خوانة. هههههههههه
شهاب بنرفزة: مؤمن اتكتم احسنلك. وربنا اطلع كل غيظي منها فيك.
مؤمن بيكتم ضحكه وفون شهاب رن اللواء عدلي ورد
شهاب : ايوة..... . تحت امرك يا فندم دقيقة واكون عند سيادتك. وقفل.
انا داخل لاللواء عدلي ولما اخرج هروقك يامتخلف.
خرج شهاب ووصل عند مكتب اللواء عدلي وخبط ودخل.
شهاب: تحت امرك يا فندم.
اللواء عدلي: اتفضل يا سيادة المقدم. علشان تتعرف علي الرائد تمارا عز الدين اللي هتكون معاك في المهمة الجديدة .
شهاب بيلف علشان يشوف هي مين انصدم لما لقاها تمارا هي البنت اللي قابلها الصبح. وهي كمان كانت مصدومة وهي شايفاه قصادها.
شهاب بصدمة: انتي؟!
تمارا بصدمة اكبر: انت ؟!
خلص الفصل الاول وياريت تكون بداية عجبتكم. وبجد بجد وحشتوني . وياريت اقدر اسعدكم في الدقايق اللي بتقضوها معايا. وان شاء الله النشر هيكون 3 ايام في الاسبوع . الاحد والثلاثاء والخميس.
وكل سنة وانتم طيبين وعيد سعيد عليكم ويارب تكون عديتي ليكم عجبتكم وان شاء الله الفصول اللي جاية تعجبكم. اشوفكم الحلقة اللي جاية. وعايزة اعرف رئيكم في الحلقة ايه. وتوقعاتكم للي جاي ايه.
.
...ΩΩΩΩΩΩΩΩΩΩΩΩΩΩΩΩ...
اللواء عدلي مستغرب من شكلهم المصدوم. وعلامات الغضب اللي علي وشهم.
اللواء عدلي بإستفهام: انتم تعرفوا بعض ؟!
شهاب وهو بيعصر قبضة ايده و هو علي وشك يردلها البوكس اقوي واعنف. جز علي سنانه بغيظ.
شهاب: معرفة سودا علي دماغها. انا علي جثتي اشتغل مع الغبية دي . دي اخرها تقف كارته مع سواقين الميكروباص.
تمارا بغضب قربت منه: وانا مستحيل اشتغل مع واحد زيه . ده كبيره يروح يلعب مصارعة شوارعي وكمان هياخد علي قفاه . وبسخرية بجد اخر حد كنت اتخيله ان انت تبقي شهاب الحديدي اللي الجهاز كله بيعمله حساب ومن ساعة ماجيت واسمه بيرن . عالم مابتعرفش تقدر صح.
شهاب مسكها من دراعها بقوة : ماتلمي لسانك ده لحسن وديني اقطعهولك ولا يرمشلي جفن انتي سامعه.
اللواء عدلي بغضب ضرب المكتب بقوة: بس . فيه ايه انتوا نسيتوا اني موجود ولا ايه.
شهاب زقها بقوة : اسف يا فندم. بس بعد اذنك . دي تخرج من المهمة وتجي بدالها اي واحدة تانية . دي مستحيل تنول شرف انها تشتغل مع شهاب الحديدي. انا في مكتبي لحد ماسيادتك تتصرف عن اذنك.
خرج شهاب وتمارا بتغلي من الاهانة اللي حاست بيها .
اللواء عدلي بقلة صبر: تمارا. انتي تعرفي شهاب منين . وايه سر غضبه منك بالشكل ده .
تمارا بتمسح وشها بغيظ بعد ما ملامحها احمرت من الغضب. : انا اول مرة اشوف وشه النهاردة الصبح و........
اللواء عدلي بحيرة: يعني انتي ضربتيه بالبوكس!
تمارا وهي عاقدة حاجبها بغيظ: ايوة . وكان نفسي اناوله التاني وهو واقف من شوية . بس عملت حساب وجود سيادتك .
اللواء عدلي ضحك : هههههه. لا يا شيخة؟!
وبجدية. تمارا. اولا كدة علشان تبقي فاهمة انتي مش هتخرجي من المهمة انتي هتكملي مع شهاب بس الاول لازم نشوف طريقة نحل بيها سوء التفاهم اللي بينكم ده.
تمارا وقفت وهي معترضة : لا يا فندم. انا مش ممكن اشتغل مع شهاب ده مستحيل .
اللواء عدلي: لا هتشتغلي معاه. ولعلمك كون ان اول مهمة ليكي هنا في الجهاز تكون مع شهاب الحديدي. دي هتكون نقلة في شغلك ونقطة مهمة في ملفك. شهاب مش اي ظابط. شهاب بنطلبه في القضايا الصعبة واللي شبه مستحيلة بس هو مافيش مهمة فشل فيها طول عمره ذكي وبيعرف ازاي يرجع بالمطلوب منه. وكون ان انتي تشتغلي معاه. فده ضمان انك هتنجحي في اول مهمة ليكي معانا. وتقدري تسألي اللواء مهاب هو ادري واحد بشهاب. ولعلمك شهاب من تلامذة والدك. وبيحبه جدااا.
تمارا بعناد: بردوا لا يا فندم. واسفة اني برفض اول امر باخده من سيادتك. بس ده لو اشتغلت معاه وربنا في اول ليلة معاه ههحطله سم واسمه .
اللواء عدلي ابتسم: مش هتعرفي. وعموما جربي وشوفي هو هيعمل ايه. يالا اتفضلي علي مكتبك. دلوقتي وانا هحلها مع شهاب وابلغك.
تمارا بضيق : حاضر يا فندم عن اذنك.
......................................
شهاب خرج من عند اللواء عدلي وهو غضبان زيادة . وقابل مسعد .
مسعد بتردد: باشا دي بيانات البنت اللي طلبتها بس فيها مشكلة .
شهاب اصلا خلاص مابقاش مهتم يعرف هي مين لانه عرف. اخد منه البيانات وهو عاقد حاجبه . خلاص مش مهم ومشي.
مسعد لحقه : ثواني يا باشا انا بس عايز سيادتك تشوف هي بنت مين.
شهاب عقد حاجبه زيادة : بنت مين يعني.
مسعد بخوف : اتفضل شوف بنفسك.
شهاب بصله بإستغراب وبص في البيانات. عقد حاجبه لتاني صدمة يقابلها لما عرف انها بنت اللواء مهاب عز الدين. ضغط علي الورقة اللي فيها البيانات بقوة وغيظ لدرجة انها اتقطعت في ايده من شدة قبضته. ودخل مكتبه بسرعة البرق.
في مكتب تمارا دخلت مكتبها وهي متغاظة من الورطة دي. ازاي هتشتغل مع شهاب وهما مش طايقين بعض ولا حتي متفقين. قلعت الچاكت بتاعها وعلقته ورفعت اكمام القميص اللي تقريبا رجالي مش حريمي . وقعدت علي الكرسي. رفعت رجليها علي المكتب. كانت نفس حركة ابوها مهاب دايما يقعد كدة وهي كانت دايما تقلده. رجعت راسها لظهر الكرسي وهي بتتنهد هتعمل ايه مع شهاب.
في مكتب شهاب . رايح جاي وهو بيغلي ومش مصدق ان هي دي تمارا بنت اللواء مهاب الراجل اللي كان قدوته من لما كان .لسة في اكادمية الشرطة وهو بيسمع عنه واتمني يقابله ولما اتخرج وقابله واشتغل معاه حبه جدااا. واتعلم منه كتيير كمان عمره ماكان يتخيل ان دي تكون بنته . بقي في حيرة مش عارف هيتعامل معاها ازاي . بس اللي هو متأكد منه انها لو كانت بنت مين عمره ماهينسي يعاقبها علي اللي عملته معاه.
مؤمن دخل لشهاب.
مؤمن : ايه يا بني لحقته تتكلمه في المهمة الجديدة.
شهاب رفع حاجة : مافيش مهمة لحد ماتتغير الحشرة دي.
مؤمن : نعم؟! تتغير ليه مالها ماهي فل اهي دي بت حكاية.
شهاب: انت مش هنتغير هتفضل حمار كدة . ايه علاقة ده باللي انا بقوله . دي لسانها 300 متر عايز يتشال كله ويتحطله فلتر.
مؤمن غمزه : ايه يا بوب هي غمزت ولا ايه.
شهاب بسخرية : غمزت . والله حمار. انت عارف البت دي تبقي مين.
مؤمن: مين؟!
شهاب: تبقي هي البت اللي انا قابلتها الصبح.
مؤمن مصدوم ومتنح: اللي علمت عليك!
شهاب بغيظ : ماتحترم نفسك مين دي اللي علمت عليا انت هتستهبل ولا ايه.
مؤمن: بيكتم ضحكته. اسف . طيب هتعمل ايه. اظن لازم تظبط معاها وتلايمها بقي ولا ايه.
شهاب : نعم يا خويا الايمها مع مين. دي اخر واحدة ممكن تشتغل معايا. ده انا اجيب واحدة من الشارع احسن منها. اسمع انا داخل عند اللواء عدلي هتكلم معاه هي خلاص خرجت من عنده وغارت راحت مكتبها.
مؤمن: ده انت متابع بقي وبتراقب تحركاتها .
شهاب اتنهد بقلة صبر من غباؤه: مش بقولك حمار آل اراقبها آل. اوعي من وشي .
خرج شهاب علي مكتب اللواء عدلي.
......................................
في مجموعة شركات رعد الحديدي.
في غرفة الاجتماعات كلهم قاعدين
رعد وعدي واكمل وچنا ومروان وفادي .
رعد بجدية: امممم. تمام يا چنا طيب كلميني اكتر عن فكرتك للتصميم وليه فرعوني مش شايفاه تقليدي.
چنا بثبات بتحاول تكون واثقة من نفسها: ابدا يا فندم.مش تقليدي ولا حاجة لانه مش مجرد رسم فرعوني عابر لا ده هيكون المنتجع كله بالتصميم الفرعوني الشاليهات والخشب وكمان قدام كل حد من حضراتكم علي الفلاشة اللي مجهزاها رسم جرافك 3d. بيظهر كل التصميم اللي في خيالي . انا كمان عملت لكل مجموعة شاليهات تصميم خاص بيها بيمثل فترة من فترات حكم الفراعنة كمان كل مجموعة هيكون ليها اسم مثلا كيلوبترا . او حاتشبثوت او اياح حتب. وكل مجموعة ليها بوابة بإسمها عليها شعار الرمز اللي بتمثله كمان حمامات السباحة مش هتكون تقليدية كالعادة هتكون ليها تصميم يوحي انها فعلا في العصر الفرعوني. وداخل الشاليهات هتكون كل التفاصيل علي اعلي دقة وحضرتكم تقدروا تشوفوا التصميمات واحنا بنتكلم.
فادي اصلا مش مقتنع بوجود چنا وكان مكتفي بالتصميم اللي هو عمله مع بعض الخبراء الاجانب . وبضيق.
فادي بسخرية: واشمعن بقي كل الملوك اللي اخترتيهم ستات ايه الفراعنة ماكنش فيهم رجالة ولا ايه!!
چنا بصت لأكمل اكنها بتقوله هو ده اللي كنت خايفة منه. بس فضلت ترد عليه.
چنا بثقة وجدية: لا يامستر فادي كان فيهم رجالة وبعدين انا ضربت مثل ناقولتش كل الاسماء اللي انا عملت بيها التصميم. وحضرتك لما تفتح الفلاشة هتلاقي ان فيه مجموعة رمسيس التاني ومجموعة مينا ومجموعة خوفو.
فادي فتح التصميم ولقي فعلا الكلام اللي قالته صحيح.
رعد بإنبهار بأفكارها وتصميمها : ده انتي حتي تصميم السراير والصالونات عاملاها فرعوني وكمان التويلت الداخلي تصميه هايل انتي فانة يا چنا.
چنا ابتسمت: ميرسي لحضرتك ياريت اقدر اعمل شئ مشرف يليق بإسم المشروع ده.
فادي بغضب: بس انا مش موافق علي التصميمات دي. دي تكلفة كبيرة ومالهاش لازمة احنا في غنا عنها. ممكن نكتفي بكام تمثال في المنتجع وخلاص. وننفذ التصميم اللي عملته مع الخبرا الالمان.
رعد ابتسم بثقة علي دماغ ابنه اللي حافظها وكان متأكد من رأيه. طيب عايز اعرف رييكم ايه ايه رئيك يا عدي.
عدي بإعجاب : حقيقي هايل تصميم يجنن زي صحبته ماهو مش ممكن الجمال ده يعمل حاجة وحشة . انا عن نفسي موافق.
اكمل : خالي بالك وافتكر انها بنتي واني ممكن اتصل بمدام هنا تشوف شغلها معاك.
عدي اتنهد بزهق: ليه بس السيرة دي. خالينا مع القمر اللي قاعد ده هو في جمال كدة كنت مخبيها فين دي يا أكمل ايه رئيك يا قمر انتي سيبك من ام الاجتماع الخنيق ده وتعالي اعزمك علي الغذاء. وربنا ماهتروحي مع ابوكي تاني انا عارف.
كلهم ضحكوا عدي مش هيكبر هيفضل دمه خفيف وبيفك اي توتر بيكون في المكان اللي هو فيه وده اللي هو كان يقصده لانه حاس ان چنا متوترة وقلقانة من فادي .
رعد : ههههههه. كنت متأكد انك هتعاكسها.
اكمل : چنا اياكي تروحي معاه ده راجل هلاس انا بحزرك.
چنا ابتسمت بسعادة: هههههه. لا لا ماتقولش علي اونكل عدي كدة ده كييوت جدااا وانا موافقة علي العزومة دي.
عدي بثقة: شايفين يا عواجيز انت وهو اهو دخلت دماغها. بس بيني وبينك بقي بلاش اونكل دي قوليلي يا ديدو.
رعد : هههههه ماشي الكلام ده كله متسجل وحالا هيوصل لهنا.
عدي : عيب عليك يا صاحبي بتبعني .
رعد : طيب استني لما نشوف رأي مروان. ايه رئيك يا مروان
مروان بإنبهار: بصراحة شئ خيالي ولو اتنفذ زي ما انا شايف في الجرافك هيكون اكبر واشهر منتجع سياحي في مرسي علم. انا بحيكي يا بشموهنسة چنا .
چنا براحة ابتسمت : اشكرك مستر مروان.
رعد بص لاكمل: طبعا مش محتاج اسألك مين يشهد لبنته يا حبيبي.
أكمل: لا انت عارفني في الشغل مابعرفش ابويا. لو ماكنتش شاطرة وموهوبة ماكنتش اصلا هرشحها تشتغل معانا.
رعد :تمام انا كمان موافق علي التصميمات. وان شاء الله هنبدأ التنفيذ بس طبعا يا چنا انتي هتسافري مرسي علم وتقعدي في الفندق بتاعنا عناك لحد ما المنتجع ده ينتهي علشان تكوني موجودة مع المهندسين هناك. وطبعا هتنزلي اجازة كل اسبوع او ماتنزليش براحتك . تمام كدة.
چنا بسعادة لان ده اول مشروع كبير وبالحجم ده تشارك فيه ابتسمت بسعادة : ميرسي بجد لحضرتك وان شاء الله اكون قد المسؤلية واشرف المجموعة بشئ قيم وممتاز.
فادي غضب من قرار ابوه واللي تجاهله بيه تماما. بس حاول يتماسك علشان ماحدش ياخد باله.
أكمل شايف وعارف الخوف اللي جوا چنا من وجودها مع فادي واللي متأكد انها مش هتقدر تتعامل معاه.
أكمل : احممم. رعد اظن كدة فادي مش هيكون ليه دخل بالتصميم ومش هيسافر مع چنا.
رعد فهم أكمل قلقان من ايه
رعد: لا فادي انا محتجله هنا معايا مابقدرش استغني عنه نهائي. مروان هو اللي هيسافر مع چنا ويتابع معاها كل حاجة واي حاجة تحتاجها مروان هيتصرف هو اللي هيمسك المشرع ده معاها تحت اشرافنا طبعا.
فادي جز علي سانه زيادة هو كدة بيبعد عن المشرع نهائي.
أكمل قام هو وچنا:طيب انا همشي انا وچنا وان شاء الله ححدد معاد سفر چنا مع مروان تعالي معانا يا مروان علشان نتكلم.
مروان : تمام يالا بينا.
رعد ابتسم وسلم علي چنا: مبروك يا چنا اكيد مشاركتك معانا هتضيف للمشروع نجاح اكبر انا متأكد.
چنا بإمتنان: اتمني يا فندم واوعدك هعمل اقصي جهدي. عن اذنك. وبصت لعدي وسلمت عليه. معلش بقي يا ديدو هنأجل العزومة مرة تانية بقي.
عدي ابتسم: ماشي يا قمر انا منتظر المعاد بقي ولو اني كان نفسي انا اللي اسافر معاكي بدل مروان ياباختك يا عم مروان هتهيص انت.
مروان : ههههههه. لا انت عارف انا جد يا خويا ماليش في الهلس.
خرج أكمل ومروان وچنا. وعدي شاف نظرات اللوام من فادي لابوه ونظرات التوعد اللي بتاقبلها من رعد. ففضل انه يسيبهم لوحدهم.
عدي : احممم. انا في مكتبي عن اذنكم.
خرج عدي وفادي قرب ابوه وهو غضبان ورعد واقف ثابت وحاطط ايده في جيبه منتظر فادي يتكلم .
فادي: ممكن افهم ليه حضرتك وافقت علي تصميماتها مع انك قولتلي انك هتقعد معاها بس علشان أكمل مايزعلش ليه خرجتني من المشروع ده واديته لمروان هو اللي يشرف عليه.
رعد بهدوء راح علي مكتبه وفادي وراه وقعد
رعد: اولا بصراحة انا كنت ناوي فعلا اقابلها مجاملة لاكمل. لكن لما شوفت تصميماتها وشغلها فعلا ممتازة .كمان البنت عندها ثقة وجدية في شغلها بهرتني بصراحة .
ثانيا انا بعدت حضرتك عن المشروع ده علشان عايزك جنبي هنا ماتسافرش . خصوصا ان الفترة اللي جاية دي انت لازم تفوق لنفسك وتشوف مراتك واولادك. مراتك اللي هاملها ولا بتسأل فيها دي وولادك اللي مابتعرفش عنهم حاجة. يااخي ده انا بشوفهم اكتر منك. عارف انت لو كنت فعلا بتلعب بديلك انا ماكتاش صبرت عليك كل ده. لكن المشكلة انك بتسهر مع اصحابك او فعلا بتبقي بتشتغل لكن يا بني كدة ماينفعش . المفروض مراتك واولادك ليهم الاولوية. يا فادي فوق يا بني قبل فوات الاوان.
فادي بعصبية : اااه. انا بقي كدة فهمت هي الهانم الصبح اشتكتلك مش كدة طيب والله لما ارجعلها.
رعد بغضب قام وقف:انت هتنسي نفسك ولا ايه . وهو انت كمان مش عايزها تشتكيلي ولا ايه. انت نسيت ان انا ابوك. ولا عايزها تشتكي لابوها اللي سايبها امانة عندنا وساكت عليك وعلي غباوتك علشان خاطري علشان عارف انها في حمايتي. اسمع انت لازم تغير معاملتك مع حلا انت ليه يا ابني قاسي كدة انت لو قسيت علي الدنيا بحالها الا مراتك دي حبيبتك من وانتم عيال. ليه كدة بس.
فادي فاك الكرڤات بتاعته بضيق وقعد بتعب: يا بابا انا تعبت انا راجل من حقي ارجع بيتي الاقي مراتي مستنياني بإبتسامة تنسيني تعبي وقرف الشغل. مش كل ما ادخل البيت الاقيها بتعيط وقالبة حياتي نكد. ومصرة اني بخونها. انا راجل عايز مراتي تريحني تحسيني انها سعيدة معايا مش طول الوقت كأبة ولوم وعتاب وزهق. بهرب بقعد مع اصحابي او حتي هنا في الشغل بفضل اقعد اشتغل احسن ماارجع وابدأ وصلة النكد بدري.
رعد اتنهد وقعد قصاده : طيب ماتخدها في حضنك وطبطب عليها ريحها وفهمها انك ليها مش لغيرها.
فادي بعناد: وانا مين ياخدني في حضنه هي الست هي السكن هي اللي المفروض تحتويني تنسبني الدنيا وانا في حضنها. انا تعبت منها. بجد تعبت. انا نفسي تبقي زي امي كدة امي عمرها مادخلنا البيت ولقنيها مكشرة دايما مبتسمة بشوف ضحكتها بحس انها بالدنيا واللي فيها. انا عايزها زي امي طول عمرها بتقولك حاضر وبس عمرها مازعلتك.
رعد بقلة صبر: يا ابني افهم ربنا قال الرجال قوامون علي النساء. القوامة مش بالنوع دي بالفضل اللي ربنا فضل بيه الراجل علي الست انك انت اللي تصلح انت اللي تحتوي انت اللي تبدأ. انت اللي لازم تخليها تحسب الدقيقة في بعدك . وكمان مافيش حد يبقي نسخة من حد. وبعدين مين قالك ان امك مش بتزعل مني ولا بتغير . دي بتبقي واحدة تانية لما بس تشوف واحدة بتبصلي لحد النهاردة وبعد ماكبرنا لسة بتغير. بس انت مش بتشوف ده لاني انا مش بسمح بكدة . بنسيها اي حاجة تزعلها لان ببساطة دي حبيبتي قبل ماتكون مراتي وام ولادي.
واتنهد بتعب يا فادي الست. زي الراجل لو مالقتش راحتها مع زوجها هتدور عليها مع غيره لازم تفهم كدة. خالي بالك من مراتك.
فادي بعصبية وغضب: انت بتقول ايه يا بابا ده يبقي اخر يوم في عمرها ده انا ادبحها.
رعد بخبث: ومين قالك اني اقصد الخيانة . انا اقصد انها تصمم علي الطلاق مثلا وتشوف راجل يحبها ويحتويها.
فادي بيحاول يطرد فكرة بعدها عنه من دماغه وبعناد: تصمم زي مايعجبها وانا مستحيل اطلقها. وهفضل كدة وهي اللي تتغير مش انا هي الست هي اللي تتغير علشاني.انا مش همشي علي مزاجها واياك بس المحها بتبص لراجل تاني . او بتشتكي لحد حتي لو حضرتك . المفروض دي اسرارنا وحياتنا ماتطلعش لحد. عن اذن حضرتك انا عندي شغل.
خرج فادي بعصبية وعناد ولعلمكم فادي نموذج موجود منه كتيير بيعاند ويكابر ومابيشوفش الحقيقة الا متأخر. ورعد اتنهد بحيرة هو ماحبش يضغط عليه اكتر من كدة لانه عارف شخصية ابنه مش سهل يستوعب ويتغير من كلمتين. محتاج وقت وهو قرر يصبر عليه لحد ما يفوق لنفسه.
......................................
في قصر رعد الحديدي
هنا وهمس قاعدين بيشربوا قهوة . وهنا واضح عليها العصبية والتوتر. وهمس فاهمة وبتحاول تداري وتغير الموضوع.
همس بتردد: بقولك ايه يا هنا عايزين نسافر كلنا كام يوم كدة اي مكان ايه رئيك.
هنا بصتلها وهي عارفة انها فاهمة سبب توترها: همس حلا مالها شكلها زعلان ومعيطة.
همس سابت القهوة بتوتر: ايه لا لا مافيش حاجة هي قالتلك انها زعلانه من حاجة.
هنا : لا ماقلتش وده اللي بيحرق دمي زيادة. بس انا ام بحس بولادي وبوجعهم زيك تمام .
همس بحزن: عندك حق. بس عادي ممكن تكون مضغوطة بسبب الولاد والدراسة وكدة.
هنا بعصبية: لا ياهمس مش كدة. اكيد فادي مزعلها انا بس عايزة افهم هو ليه بيعمل معاها كدة اومال لو ماكنش بيحبها من صغرهم وهي بتموووت فيه ومابتتحملش عليه الهوا. ليه جاي عليها كدة ليه زاللها كدة هي ايه مالهاش اهل. بس هقول ايه هي اللي مرخصة روحها ياما قولتلها تسيبه يعرف قيمتها وترجع بيت ابوها هي اللي مابتسمعش الكلام.
همس : ايه بس اللي بتقوليه ده ياهنا عايزة تخربي بيت ولادنا حرام عليكي. طيب وياسو ومليكة احفادك مافكرتيش فيهم. كمان حلا وفادي بيحبوا بعض وعمرهم مايستغنوا عن بعض ابدااا. فادي بس اللي طبعه صعب شوية . بس والله قلبه ابيض وبيحبها.
هنا: عيطت . انا ام ياهمس افهمي. بتقطع وانا شايفة بنتي حزينة واديما دموعها واقفة في عنيها. بنتي اللي دايما منكسرة وساكتة وراضية بأفعال جوزها اللي اكنه اشتراها مش متجوزها. انا ام شايفة بنتها التانية حياتها واقفة علي واحد مابيفكرش فيها وهي مستنياه يحن عليها . اللي قدها واصغر متجوزين ومتهنين وهي واقفة محلك سر. طب قوليلي انتي اعمل ايه انا مقهورة يا همس مقهورة. وفضلت تبكي بوجع ام حقيقي.
همس كمان عيطت لانها هي كمان ام وحاسة بيها ومش عاجبها اللي همافيه.
همس بدموع حضنت هنا: عارفة والله وعندك حق بس والله فادي بيحب حلا وان شاء الله احنا مش هنسكت لحد ما يبقوا كويسين وفادي يتغير. وشهاب والله مابيفكر في الستات ولا الجواز اصلا يعني مش علشان مايا بالاخص. لا والله ده بيحبها زي اخواته البنات تمام. واديكي شايفة هو لا حب ولا اتجوز يعني مش بسببها. وبعدين انا خايفة مشاكل الولاد تفرق بينا ياهنا انا ماليش غيرك من بعد ما هبةاختي زمان اتجوزت وسافرت مع جوزها وانا مابشوفهاش الا كل كام سنة مرة لما تنزل اجازة. انتي بقيتي اختي وصاحبتي اوعي ياهنا تدخلي اللي بينا في مشاكل الولاد.
هنا بإستغراب: انتي بتقولي ايه مستحيل طبعا. همس انتي كمان اختي واللي ماليش غيرها. انا كمان طول عمري وحيدة ويوم ماعرفت ان ليا اخت كانت ماتت وانا اتجوزت جوزها. ماتقلقيش عمرنا ما هنفترق. بس احنا لازم نساعد ولادنا يعيشوا سعداء ماشي.
همس ابتسمت: ماشي ان شاء الله كل حاجة هتبقي كويسة .
......................................
في مبني المخابرات العامة في مكتب اللواء عدلي.
شهاب بعصبية: يافندم انا ممكن عادي اطلع المهمة دي لوحدي مش محتاجلها.
اللواء عدلي: لا لازم تكون معاك ست وهي انسب واحدة.
شهاب : انا اجيب واحدة من الآداب احسن منها دي بت غبية وهتبوظلي الدنيا .
اللواء عدلي بتعب: ياشهاب افهم . احنا عارفين تمارا كويس وهي انسب واحدة ليك . انت بس حاول تخرج المشاكل الشخصية برا الشغل انت من امتي كدة . ده راجل بشنب قصادك بتشتغل معاه وبرا الشغل بتجيب اجله ايه اللي جرالك.
شهاب بيحاول يهدي: ادي حضرتك قولت راجل . مش حته بت لو رزعتها قلم هترقد اسبوع في بيتهم وياريتها فاهمة كدة. دي متخيلة انها تقدر تقف قصادي وتعمل راسها براسي. دي لازم تتغير
اللواء عدلي بتصميم:وبعدين يا شهاب انت من امتي بتناقشني في الاوامر.
شهاب:يافندم حضرتك انا مش ممكن اشتغل مع البني آدمة دي . هي فاكرة نفسها مين. لا انا مهما كان شهاب الحديدي . مش هتيجي حته بت لسة مترقية من يومين تقف قصادي مستحيل.
اللواء عدلي بتعقل: ياشهاب افهم البنت اللي مش عجباك دي رائد مش لسة يعني متخرجة. وممتازة في شغلها وتقاريرها كلها مشرفة وسمعتها رائعة. وهي اكتر واحدة مناسبة تكون معاك في المهمة دي.
شهاب بيحاول يهدي بس متغاظ:يافندم ارجوك لو عايزني اتزلي المهمة دي يبقي البنت دي لازم تتغير. دي فاكرة نفسها حاجة. وبعدين الترقية اللي اترقتها دي لسة من يومين وكمان استثنائي. وانا بقي شاكك انها مجاملة لابوها مش اكتر.
اللواء عدلي بحدة: لا بقي ده انت زوتها اوي. مجاملة ايه هو احنا شغلنا فيه مجاملات. ثم ان ابوها مالوش علاقة بشغلها. وهي نفسها بتتعمد ماتجبش سيرت ابوها لحد ولا بتعرف حد ان اللواء مهاب ابوها . واللي بيعرف بيبقي بالصدفة مش عن طريقها ابدا. واخر كلام ياشهاب انت وهي اللي هتنفذوا المهمة دي مفهوم.
شهاب بضيق وهو من جواه بيتوعد ليها. يافندم ازاي بس هنكون فريق واحد وانا مش طايق ابص في وشها. لو سامحت استبعدها ورشحلي غيرها.
اللواء عدلي بتصميم: قولت لا واتفضل بقي جهز نفسك علشان هبلغك بمعاد السفر في اي لحظة.
خرج شهاب وهو مش طايق نفسه ودخل مكتبه وفي قمة غضبه. ودخل وراه مؤمن.
مؤمن بترقب : خير ايه اللي حصل وافق ولا لا؟
شهاب مسح خصلات شعره بغيظ وخبط المكتب بقوة: لا مصمم انها تكمل معايا بس وحياة ابوها اللي مسنودة عليه لاربيها واجيب مناخيرها الارض واعرفها مين هو شهاب الحديدي.
مؤمن بخبث غمزه: بس حياة عيالك يا شيخ بالراحة عليها دي موزة تهبل. دي خسارة في الشرطة دي عايزة تتحط في كتالوج.
شهاب بقرف:ايه مين دي اللي موزة دي عاملة زي الفراخ البيضة مالهاش طعم ودمها يلطش. وكمان مسترجلة وفاكرة نفسها زينا متخيلة انها ممكن تاساوي بيا. ده انت زوقك زفت.
مؤمن مصدوم وفاتح بوقه: مين دي اللي مالهاش طعم وتقرف انت عبيط ده الجهاز كله وقف علي رجل لما جات النهاردة. دي عليها اااا.
شهاب بغيظ: اقفل بوقك وتكتم مش ناقصة اباحة انت فاهم. انا اصلا مش طايقها ولا طايق سيرتها. اشبع بيها يا خويا.
مؤمن بهيام: ياااريت هي بس تبصلي برضي وانا اجري وراها هوا. المهم انها مش داخلة دماغك.
شهاب بسخرية : انت اهبل يالا مين دي اللي تدخل دماغي . لا هي ولا غيرها تدخل دماغ شهاب الحديدي. انا ماليش في الستات. وانت عارف فمترغيش كتيير بقي.
مؤمن بوقاحةوبيكتم ضحكته: مالكش في الستات اومال ليك في ايه! ههههههههههههه
شهاب : ضربه بالبوكس . قولتلك اتلم انا مش حمل هزارك البايخ ده.وانا اصلا مش طايق نفسي. تستاهل بقي البوكس ده.
مؤمن بيتألم وبيعدل فكه من ضربة شهاب :اااااه. الله يخربيتك ايد دي ولا مرزبة كتك داهية فيك وفي اللي يهزر معاك. بس تعرف انا فرحان فيك . مافيش حد وقف قصادك واداك علي دماغك وروقك غير البت دي.بت ب100 راجل .
شهاب جاب اخره مسكه من هدومه وهزه بقوة: بقي كدة طيب انا بقي رايحلها مكتبها وهوريك مين اللي هيروق مين.
وزقه بقوة وخرج زي الاعصار علي مكتب تمارا. فتح الباب بقوة ودخل تمارا اتفاجأت مين اللي فتح الباب من غير استأذان ده. وقامت وقفت . شهاب كان في قمة عصبيته لكن دي كانت زي ما تكون اول مرة يشوف فيها مالامحها اول مرة الصبح كانت لابسة كاب وووشها متعصب. ومن شوية في مكتب اللواء. كانت لامة شعرها وبالچاكت الرجالي ده. دلوقتي شعرها تقريبا مفكوك وقلعت الجاكت والقميص مع انه رجالي لكن كان مفتوح شوية مقدرش يخبي انوثتها بشكل كبير. عنيها اول مرة ياخد باله من لونها الرمادي وفضل يحقق في ملامحها وهو بيهدي نفسه اللي كان زي الطبول.
تمارا كانت متفاجأة من دخوله من غير ما يخبط. وهي كمان استغربت انها ساكته وبتبصله ملامحه حادة وقاسية بس بتشع رجولة طاغية اول مرة تقابل زيها. بس فاقت علي عنيه اللي بيمررها علي ملامحها وبفطرتها اللي مهما حاولت تخالفها بقوة شخصيتها انكسفت وبدأت تعدل هدمها بعصبيه ولمت شعرها بسرعة وراحت تلبس الچاكت بتاعها.
تمارا بعصبية وتوتر : ااانت يا بني آدم ماعندكش زوق . ازاي تدخل كدة من غير ماتخبط. ايه داخل زريبة.
شهاب ابتسم بغرور لانه حاس بكسوفها اللي غلب شخصيتها المسترجلة. حط ايده في جيبه وبثقة واستفزاز.
شهاب: هو انا فتحت عليكي اوضة نومك. ده مكتب يا شاطرة وبعدين لما الامورة بتتكسف ومابتتكشفش علي رجالة تقعد في بيتهم تتعلملها طابخة تنفعها. لكن هنا كلنا متعودين علي كدة بندخل من غير ما نستأذن رجالة بقي ماعندناش اللي نخبيه.
منكم كلكم بقي ايه رئيك. وهتشوف. الايام اللي جاية هتثبتلك.
شهاب قرب منها بشكل يرعب وهمسلها بوعيد: الايام اللي جاية دي شايلالك بلاوي هتشوفي اللي عمرك ماشوفته علي ايدي يا تمارا. وهتعرفي مين هو شهاب. علشان ماتخلقش لسة اللي يقف قصادي وخصوصا لو كانت حته بت زيك.
تمارا ابتسمت بسخرية: البت اللي مش عجباك دي. هي اللي خالتك تيجي لحد عندها وانت بتاكل في نفسك من غيظك ودمك المحروق. وانا وانت والايام يا شهاب.
شهاب ضحك من ثقتها الغريبة دي: هههههه. انتي يا بنتي مش واخدة بالك من فرق النوع اني راجل وانتي بنت. ولا حتي من فرق الطول والحجم. يابنتي انا لو ضربتك قلم خدك اليمين هيلزق في خدك الشمال انت مش واعية ولا ايه. بلاش كل ده مش واخدة بالك من فرق الرتب. انتي ناسية اني اعلي منك ولا ايه. غيرك هنا بيقف تعظيم سلام لشهاب باشا مش واقفة تناطحيني كلمة بكلمة . فوقي يا شاطرة علشان هتتعبي معايا اوي.
تمارا: لا مابخدش بالي نظري ضعيف واللي عندك اعمله ووريني شطارتك.
شهاب بسخرية: امممم. نظرك ضفيف علي كدة بكرة في اختبار الرماية اللي انا هعملهولك. هتسقطي وهشيلك من المهمة واجيب غيرك.
تمارا بعصبية : لا ماتقلقش هفوز فيه انا احسن منك في الرماية. ولعلمك انا معاك في المهمة دي غصب عنك ومش هسيبك.
شهاب ابتسم بثقة وقرب منها بشكل كبير وبص في عنيها وبصوت هادي: ده انا عجبتك بقي وحبيتي اللعب معايا.
تمارا اتوترت: اااانا . لا انت مخك راح لبعيد انت اخرك افضل اقرف فيك واعرفك انك ولا حاجة. انا مافيش راجل يملي عنيا وخصوصا انت.
شهاب ابتسم بغرور: ماشي هنشوف. انا هسيبك تشوفي شغلك اللي انا هبعتهولك
وجهزي نفسك للهزيمة بكرة علشان مافيش حد لسة اتفوق عليا في الرماية . سلام يا امورة.
خرج شهاب علي مكتبه وهو بقي جواه شعور غريب هو كاره وجودها ولا دخلت دماغه علشان بتتحداه. بس اللي قدر يفهمه من نفسه. انه عجبه اللعب معاها.
اما تمارا كانت متغاظة من نفسها. دي اول مرة تحس انها مهزوزة قصاد اي راجل. ليه ده الوحيد اللي قدر يوترها كدة ويخليها تبقي كدة. وليه بتتكهرب لما تبص في عنيه . وهي كمان ابتسمت في النهاية وحاست انها عجبنها لعبتها معاه. وقررت تجاريه للاخر.
انتهت الحلقة واشوفكم الحلقة اللي جاية. وعايزة اعرف تواقعتكم للي جاي فادي هيعمل ايه مع حلا؟
حلا هتفضل زي ماهي ولا هتتغير؟
تمارا هتقدر تتغلب علي شهاب فعلا؟
شهاب هيخضع لتمارا ولا لا؟
امام عمارة بمدينة الشيخ زايد. حمزة التهامي بيركن عربيته بسرعة وهو مستعجل ونزل من العربية واخد الجيتار بتاعه ومشي بسرعة علشان يدخل العمارة. وهو داخل كان فيه بنت رقيقة وجميلة وشكلها بسيط داخلة العمارة وكانت متوترة ومتلخبطة وخايفة. ومن قلقها خبطت في حمزة ووقعت الجيتار بتاعه حمزها بصلها وشاف خوفها اللي ظاهر في عنيها .
البنت بخوف: يالهههوي يالههوي انا اسفة والله اسفة. يا استاذ حقك عليا.
حمزة بهدوء: اهدي مافيش حاجة حصل خير.
البنت بقلق: لا شكله انكسر بالله عليك ماتزعل والله مااقصد.
حمزة حاس انها متوترة بزيادة شاورلها بإيده بهدوء: اهدي من فضلك. مافيش حاجة ماانكسرش انتي ليه خايفة كدة مالك. انتي جاية لمين هنا .
البنت بتحاول تهدي: ااانا بشتغل هنا.
حمزة مستغرب بشتغلي هنا فين؟
البنت: في شركة الدعاية والاعلان اللي في الدور 12.
حمزة بضيق : اهاه. انتي جديدة صح.
البنت : ايوة النهاردة اول يوم.
حمزة شايف انها بنت بسيطة واضح من لبسها ومستغرب هي ازاي اشتغلت في الشركة دي. خصوصا انه عارف سمعتها وان صاحبها راجل بتاع ستات ومش محترم. وواضح عليها انها مش فاهمة حاجة.
حمزة سلم عليها:انا حمزة التهامي بغني وبعزف جيتار. انا وفرقتي في الاستديو اللي قصاد الشركة اللي بتشتغلي فيها.
البنت ابتسمت وسلمت عليه: اهلا بحضرتك.
حمزة ابتسم: انتي اسمك ايه.
البنت: فتون.
حمزة ابتسم بإعجاب: واااو اسمك جميل لايق عليكي فتون.
فتون بخجل: متشكرة اوي عن اذنك علشان هتأخر.
حمزة وقفها: استني هنطلع مع بعض في الاسانسير كدة كدة نفس الدور .وبتردد. بس ااا عايزك تاخدي بالك كويس.
فتون بإستفهام : من ايه؟!
حمزة بضيق: بصي انتي شكلك غلبان ومش فاهمة حاجة. بصراحة الشركة دي يعني سمعتها مش تمام. والبنات اللي فيها معظمهم مش زيك. انتي شكلك مختلف.
فتون بخجل من لبسها: ااانا عارفة اني مش زيهم هما احسن مني بسس..
حمزة قاطعها : انتي فهمتي ايه. لا انا مااقصدش كدة. اقصد انك انتي الاحسن. انتي واضح انك بنت ناس حتي لو علي قد حالهم لكن اللي بيجوا هنا مالهمش اهل اصلا. حتي الاعلانات اللي بيعملوها. لشركات مالهاش اسم. وبتتعمل تحت السلم وبتتعرض علي قنوات غريبة كدة مالهاش اي ثلاثين لازمة. وياريتك اصلا تسيبي الشغل ده. ده مش مكانك.
فتون اتنهدت بقلة حيلة: حتي لو كان كلام حضرتك صح. اانا محتاجة الشغل ده جداا. وكمان اخدت منهم فلوس امبارح. من مرتب الشهر ده. وبصراحة مش هلاقي شغل بالمرتب ده في مكان تاني. خصوصا اني معايا ثانوية عامة بس مش شهادة عالية. ووبعدين انا ماليش دعوة بحد انا هشتغل سيكرتيرة ماليش في شغلهم.
حمزة قلق اكتر: وازي هتشتغلي سيكرتيرة وانتي مش معاكي شهادة عالية ولا لغات!
فتون بقلق من أسألته: هتعلم هما قالولي كدة. عن اذنك.
حمزة وقفها تاني: فتون انا طالع معاكي. استني.
وركبوا الاسانسير وهما فيه حمزة بصلها ومش عارف ليه خايف عليها هو يعرفها منين علشان يدخل ويسألها الاسألة دي كلها. بس جواه قلق عليها مش طبيعي.
حمزة : وصلنا اتفضلي.
خرجوا وحمزة بصلها تاني وبص لباب الشركة وقلبه مقبوض.
حمزة:فتون مش عايزك تزعلي من كلامي. انا بجد ماعرفكيش واول مرة اشوفك بس حقيقي قلقان عليكي . ارجوكي خالي بالك من نفسك. ولو احتاجتي اي حاجة تعاليلي انا في الاستديو اوك.
فتون ابتسمت: لا ابدا مش زعلانة انت كتر خيرك بتحزرني . ربنا يسترها معايا ومعاك. متشكرة اوي عن اذنك.
حمزة بص في عنيها قد ايه جميلة كلها جميلة فعلا اسم علي مسمي فتون وهي فتنة. وده اللي مخوفه عليها. جمالها.
حمزة : اتفضلي وابقي اسألي ماشي.
فتون بصتله ولوسامته وزوقه واتنهدت بسعادة واتمنت لو كانت تقدر تفضل معاه وقت اطول.
فتون: حاضر باي.
دخلت الشركة وحمزة فصل باصص عليها لحد ما دخلت وبعدين دخل الاستديو .
......................................
امام ڤيلا أكمل التهامي مروان وقف بعربيته وچنا قاعدة جنبه.
چنا بإمتنان: متشكرة جداا. بصراحة حضرتك تعبت نفسك ووصلتني. انا بعتذرلك انا في العادي باخد عربيتي لكن انا النهاردة كنت جاية مع بابا. بس الشركة اتصلوا بيه كان لازم يمشي. ويارتني ركبت عربيتي ماكتاش تعبتك كدة.
مروان بصلها وابتسم : ماهو لو كنتي اخدتي عربيتك ماكنتش نولت شرف توصيلك ولا ايه.
چنا بخجل :ااانا كنت هتصل بتاكسي بس انت اللي اصريت.
مروان: طيب هو مش انا اولي من التاكسي وبعدين يا ستي اعتبريني السواق بتاعك عادي.
چنا : هههههههه. لا طبعا مش للدرجة دي. انت مجامل اوي
مروان بإعجاب لا إيرادي. ومن غير مايحس. قالها: وانتي جميلة اوي. ورقيقة اوي.
چنا كانت اول مرة تحس ان قلبها بيدق لراجل مهما شافت بس مروان نوع من الرجالة قليل جدااا زي ابوها راجل بكل معني الكلمة ملامحه شخصيته صوته كلامه حتي هزاره مختلف. بصتله بإعجاب وابتسمت بخجل
چنا: ميرسي بجد. اااانا هنزل بقي.. ااا بقول ايه ماتتفضل تدخل نشرب قهوة ماما جوا.
مروان انب نفسه هو ليه قال كدة وازي قال كلمة اعجاب لواحدة غير ريما وخصوصا چنا فرق السن بينهم اكتر من 20 سنة ازاي قال كدة. خصوصا انه ماكنش بيهزر ده اكن الكلام خرج من قلبه. ملامحه اتغيرت وبقت جد كاعادته.
مروان: احممم. لا لا متشكر مش هقدر عندي شغل كتيير. اتفضلي انتي.
چنا استغربت هو ليه ملامحه اتغيرت كدة ولهجته كمان: احمم. طططيب. احنا المفروض نسافر امتي.
مروان بيحاول مايبصش في عنيها وباصص قصاده: هجهز كل حاجة وابلغك.
چنا بحزن هزت راسها ونزلت من العربية.
مروان اول ما نزلت ساق بسرعة واتنفس اكنه كان حابس نفسه وهي معاه. اكنها خطفت الهوا من حاوليه. احساس هو عارفه كويس وجربه في اول مرة قابل فيها ريما. ولما افتكر ريما ابتسم. وطلع فونه واتصل بيها......
ريما : الوو.
مروان بحب: وحششتتيني.
ريما ابتسمت : وانت كمان وحشتني. ايه الاستاذ مزوغ من شغله وبيكلمني ليه.
مروان ابتسم اكتر: انا ازوغ من الدنيا بحالها علشان بس اسمع صوتك. هو انا عندي اغلي منك.
ريما اتنهدت براحة: بحبك .. بحبك اوي. ربنا مايحرمني منك ابداا.
مروان غمض عنيه وقلبه بيتألم ومقبوض حاسس ان في شئ غريب بيحصله لسة مش فاهم هو ايه:ولا يحرمني منك ابدااا. بقولك ايه جهزي نفسك انا جايلك ساعة بالكتير وهكون عندك هنقضي اليوم ونتغذا برا.
ريما بفرحة: حاضر هجهز بسرعة باي.
مروان: باي.
قفل معاها وغصب عنه لقي نفسه بيفكر في چنا. افتكر لون عنيها الازرق اللي لون البحر. وابتسم.
مروان: دي مش عنين دي اكنه البحر ساكن في عنيها. بنت غريبة ازاي بالجمال والعقل والرقة دي. ولسة من غير جواز. واتنهد يا بخته اللي تكون من نصيبه.
ورجع انب نفسه تاني: ااااوففف. هو فيه ايه انا ايه اللي جرالي من امتي انا ببص للستات. دي الوحيدة اللي عجبتني كانت ريما. ليه چنا. اوففف. استغفر الله العظيم . مالك يا مروان انت شكلك خرفت باين.
ولبس نظارته الشمس. وكمل سواقة وراح لريما.
......................................
في ڤيلا اكمل التهامي.
في أوضة چنا.
چنا رجعت وقعدت تفتكر .اول ما وصلت شركة رعد مع ابوها. وشافت مروان اول مرة ولما جات تسلم عليه هي ليه من اول مابصت في عنيه سهمت اكنها لقت حاجة تايهة منها وكانت بتدور عليها. قلبها دق ولما سلمت عليه ولمست ايده. جسمها اتكهرب بشكل غريب. مروان في الاصل اصغر من رعد كتييىر. كمان برغم فرق السن بينها وبينه. لكنه رياضي وحتي ملامحه مايبنش عليها انه اكبر منها كتير. وسيم ملامحه رجولية حتي الشعرات القليلة البيضاء اللي ظاهرة بين خصلات شعره زيداه وسامه اكتر. فهي ماحستش ان مروان اكبر منها للدرجة دي. بس حاست بحزن ماتعرفش ايه سببه. لما شافت خاتم الجواز في ايده وعرفت انه جوز اخت رعد.
لكن غصب عنها مش عارفة تبطل تفكر فيه. شغل عقلها وتفكيرها بطريقة غريبة. وهي سرحانه دخلت تسنيم امها واستغربت من سرحان چنا. قربت منها وقعدت جنبها. وطبطبت علي كتفها.
تسنيم: چنا .. چنا.. چنا
چنا انتبهت ليها: ااايوة . نعم.
تسنيم عقدت حاجبها : مالك سارحانة ليه. وليه رجعتي علي اوضتك من غير ما تيجي تقوليلي ايه اللي حصل في الاجتماع. وليه ماروحتيش مكتبك ؟!
چنا : ابدا الحمد لله عجبهم التصميم. وهنبدأ ننفذ.
تسنيم ابتسمت: طيب جميل مالك بقي.
چنا بتردد: مامي ممكن اسألك سؤال.
تسنيم: اه طبعا اسألي.
چنا: هو انتي وبابي حبيته بعض ازاي.
تسنيم ابتسمت : ليه بتسألي ما انا حكتلك قبل كدة!
چنا: لا انا عارفة حكايتكم. انا اقصد امتي اول مرة حسيتي انك بتحبيه وعرفتي ازاي وكان احساسك ايه وقتها.
تسنيم اتنهدت وابتسمت: انا من واحنا صغيرين بحبه. ودايما عايزاه جنبي واحنا في المدرسة كنت دايما لما اشوفه بيكلم اي بنت ازعل وابقي مش طيقاها ولا طايقاه. وفضلت كدة لحد ما دخلت الجامعة معاه كان هو سابقني . وفي يوم لقيت واحدة من صحابي شافته معدي جنبنا قعدت تبص عليه وتتغزل فيه. وقتها زعلت منها وزعقت معاها وسيبتها ومشيت. وهو اخد باله وجه ورايا ندهلي ماردتش عليه . مسك ايده وبص في عنيا وكانت اول مرة يكون قريب كدة ويبص في عنيا. وسألني زعلانة ليه. وقتها جسمي اتكهرب وقلبي دق ونفسي اتخنق. حاسيت ان نفسي ارمي نفسي في حضنه واقوله بحبك . بس سكت زي كل مرة. وهو كمان كان بيحاول يداري حبه. من يومها وانا اتأكدت اني بحبه بجد مش مجرد تعود وخلاص.
چنا كانت بتسمعها وهي سارحانه في مروان واللي حاست بيه هي كمان وغمضت عنيها واتنهدت.
تسنيم استغربت: بس انتي مالك في ايه . اوعي يكون اللي في بالي احكي بسرعة.
چنا بتوتر: اااايه لا لا مافيش. ااانا بس كنت بسألك عادي مافيش حاجة حصلت.
تسنيم بخيبة امل: ياخسارة كنت فاكراكي طبيتي.
چنا بحزن: انا شكلي كدة ماليش نصيب احب . شكلي هفضل كدة اتفرج من بعيد.
تسنيم: ليه بتقولي كدة انتي الكل بيجري وراكي. انتي بس افتحي قلبك.
چنا بألم : واحنا بنفتح قلبنا بإيدنا ولا هو بيتفتح لوحده. بيتفتح لما بيلاقي اللي هو بيدور عليه. مش اللي احنا بنشاور عليه. بس اوقات اللي هو ليفتحله بيكون صعب يدخل. لانه مش لينا لغيرنا .
تسنيم حاست ان چنا مخبية حاجة وانها حزينة بس فضلت تسيبها هي اللي تيجي تحكي.
تسنيم: حبيبتي كل شئ بأوان ونصيب ربنا يبعتلك اللي يحبك وتحبيه ويفرح قلبك المهجور ده. يالا انا هروح اشوف ورايا ايه.
خرجت تسنيم وچنا اتنهدت. وابتسمت بسخرية: هاه. يحبني واحبه ويفرح قلبي المهجور. مافتكرش. واضح انه هيفضل مهجور.
......................................
في نادي شهير قاعدة مايا وصاحبتها شيري.
شيري: وبعدين يا بنتي مالك.
مايا بزهق: هيكون مالي . هو فيه غيره.
شيري بنفاذ صبر: شهاب بردو. يا بنتي فكك منه شوفي غيره الف غيره بيتمنوا بس تبصيلهم. ليه هو بس مش فاهمة.
مايا : علشان بحبه . بحبه يا غبية فاهمة. ومش بإيدي انساه كدة عادي . شهاب ده مايتنسيش. ده حبي الوحيد.
شيري : اه بس ده لما يبقي بيحبك هو كمان . مش حب من طرف واحد.
مايا: وانا اعمل ايه هو اللي مش شايفني او بمعني اصح مش عايز يشوفني. عارفة شهاب مشكلته ايه.
شيري بتعب : مشكلته ايه.
مايا بوجع: انه قافل قلبه وعنيه. مش شايف حد غير نفسه. عارفة هو بس لو يشيل الغشاوة دي. ويفكر فيا ولو دقيقة والله هخليه يحبني. بس هو يبطل يقولي انتي زي چوري وكارما.
شيري بفقدان امل منها : انا بقول ناكل احسن. علشان سيرة شهاب بتجوع.
مايا بغيظ: اوفففف. بقرة بتموتي في الاكل اطفحي يا ختي. كاتك داهية.
......................................
في المساء في قصر رعد همس خبطت علي اوضة حلا بس ماحدش رد. فتحت الباب ودخلت لقت النور ماطفي وحلا مش موجودة. بس سمعت صوت مزيكا هادي وضوء خافت من تراس اوضتها قربت لقتها قاعدة بتبكي بصوت واطي وضامة رجليها وبتسمع اغنية توجع. حتي همس وجعتها وبكت علشانها.
(خد بالك عليا اليسا)
خد بالك عليا دي مش معاملة تعاملني بيها . وابقي افتكر ليا ايام تعبت عشانك فيها.
يااااريتك بس تفهمني وماتستهونش.بواحدة تبقي مجروحة ومابتبينش .
دي الواحدة قد ماتضحي وتستحمل. اول مابتفكر تنسي مابتستأذنش.
كاااان في حاجات نقصاك وانا كملتها. وحاجات كتيير مش حلوة فيك جملتها.
انا فرصة لو ضيعتها هتزعل عليها.
ياااريتك بس تفهمني وماتستهونش. بواحدة تبقي مجروحة ومابتبينش.
مين غيري عايشة تخاف عليك طول عمرها. مين غيري هتسيب روحها ليك لو سيبتها.
مين غيري لو تحتاجلها قوام هتلاقيها.
يااريتك بس تفهمني وماتستهونش. دي الواحدة قد ماتضحي وتستحمل وتستحمل. اول مابتفككر تنسي مابتستاذنش.
همس دخلت وقعدت جنبها ولما حلا حاست بيها رمت نفسها في حضنها. همس طبطبت عليها.
همس: ششششش. باااس. ايه يا حبيبتي بس ليه كل الدموع دي. احنا اتفقنا علي ايه. اهدي اهدي حبيبتي.
حلا بدموع: عارفة انا لسة من شوية كلمت فادي. بسأله هيتأخر قالي نامي انا مش هرجع دلوقتي وقفل الفون في وشي حتي ماسألنيش عاملة ايه. اتعشيت ولا مستنياه. الولاد ناموا ولا لا. انا حاسة اني بقيت متقطعة مافيش مكان سليم. فادي ماسبش حته فيا ماوجعهاش.
همس: بس كل ده لازم يتغير. هو مش ابني. بس لازم يتربي ويعرف انه في حياته ست لو لف مليون سنة مش هيعوضها.
حلا : ازاي مش فاهمة؟!
همس ابتسمت : انا هقولك. الراجل اللي زي فادي ابني كدة. بيبقي خلاص ضمن الست اللي معاه. وعرف اولها واخرها. ولازم بقي نغير الفكرة دي. فادي لازم يحس انه مايعرفكيش. مش فاهمك مش عارف انتي بتفكري في ايه. لازم ينشغل بيكي. ياتري فين وبتعمل ايه. حتي وانتي قصاده. يبقي هيتجنن ياتري انتي بتفكري في ايه.بس كل ده وانتي هادية وناعمة ومش زعلانة وبتبتسمي.
حلا مسهمة ومش مستوعبة: ازاي بردوا كل ده مش فاهمة!
همس شدت ايديها: قومي تعالي معايا.
اخدتها ودخلت الاوضة وفتحت الدلاب وطلعت منه فستان لحلا يجنن لونه احمر
همس: الفستان ده بقالك قد ايه مالبستهوش.
حلا بخجل : ااااا. احمم. يعني كتيير.
همس: ايوة يعني شهر شهرين !
حلا: لا تقريبا سنة. بس بلبس حاجات تانية.
همس: حبيبتي انا عارفة انك واخدة بالك من نفسك انتي جميلة اصلا. بس اوقات الموضوع بيحتاج شوية اغراء. يعني زي الفستان ده. انا عايزاكي تدخلي تاخدي شاور وتيجي بسرعة.
حلا : بس. اصل .
همس قاطعتها: هو مش انتي يأستي من فادي. جربي بقي كلامي.
حلا بيأس: يا ماما فادي مش بيجي بكدة . الموضوع كله مابياخدش نص ساعة تغير ويبقي كيوت ولذيذ. وبعدها بخ. بيرجع زي ما كان فامش مستاهلة بقي كل ده.
همس بخبث: ومين قالك. ان التغير هيحصل في وقتها. اللي هتعمليه دلوقتي ده مجرد سلمة تطلعي عليها مش اكتر. روحي بس بسرعة اما مستنياكي.
حلا دخلت اخدت شاور وخرجت لبست الفستان وكانت فعلا جميلة وهمس كانت بتصرحلها شعرها زي الاميرات.
همس بإعجاب: ماشاء الله زي القمر.
حلا بحزن: كل ده جربته مافيش فايدة.
همس : بس كان من غير تعليمات ماما همس. اديني ودنك بقي واسمعيني كويس. وتنفذي اللي هقوله بالحرف. فاهمة. المهم تجمدي وتمسكي نفسك.
حلا هزت راسها : حاضر .
......................................
في ڤيلا مروان وريما
مروان: هههههههههه. طيب ايه قولك بقي ان انا كمان فرحان فيك.
شهاب متنرفز: حتي انت يا مروان عيب عليك والله.
مروان: اصلها بصراحة دخلت دماغي بت تمام وقلبها ميت.
شهاب بغيظ: تصدق اني غلطان اني جتلك. انا ماشي.
مروان : هههههههه استني بس رايح فين. هو انت يالا ليك حد غيري ده احنا صحاب ولا ايه.
شهاب هدي وابتسم:طبعا صحاب انت اقرب صاحب ليا . انت اللي ربتني وعلمتني ازاي اكون ظابط شاطر. وادتني خبرتك وياما وقفت جنبي. انا عمري مااعتبرتك جوز عمتي . ولا عملت حساب لفرق السن اللي بينا. تملي شايفك في سني.
مروان بثقة: طبعااا يالا انا هفضل شباب طول عمري. تنكر اني دايما الوحيد اللي بيغلبك في البوكس.
شهاب: ههههههه. لا ماانكرش بس بردوا بتغلبني بمزاجي . انا اللي بخاف عليك تتعب اصل اكيد العضمة كبرت ههههههههههه.
مروان: عضمة مين ياغبي انت . طيب تعالي تحت في الچيم كدة ونشوف مين اللي هيقطع مين.
شهاب: لا ياعم انا عايز انام. تصبح علي خير. انت كمان اتطلع لعمتو ريما انا عارف هي مش بتعرف تنام غير وانت جنبها يا حونين.
مروان: هههههههههه. بتتريق طيب ياخويا. ايه قولك بقي اني عندي احساس قوي ان اخرتك علي ايد البنت دي. ودي اللي هتربيك يابوب.
شهاب ضحك بقوة: هههههههههه. مين دي اللي تربيني . انت شكلك كبرت و خرفت. يارومي زي مابتدلعك عمتو ريما.اتطلع اتطلع ياخويا واياك اسمعك تقول الكلام ده تاني . انا هفضل شهاب الحديدي. البوب يا كبيير.مفيش واحدة ممكن تهزني مهما كانت مين.واقسم بالله لربيها واعلمها الادب واخليها تقول حقي برقبتي.
مروان حط ايده في جيبه بثقة وابتسم ورد عليه: هنشوف وبكرة تجيلي هنا وافكرك. وانت بتشتكيني من حبها اللي سكن قلبك.اوعي تفتكر ان اللي انت فيه ده عادي تؤتؤتؤ. لا ياحبيبي هي لو ماكنتش خطفت جزء من قلبك وتفكيرك. عمرك ماكنت هتنشغل بيها بالشكل ده. كانت مرت في حياتك زيها زي غيرها وهتشوف.
شهاب سكت وهو بيسمع كلام مروان وحاس انه بيوريه اللي هو مش عايز يشوفه ولا يصدقه. انه اول مرة ينشغل بست ايا كانت مين. وبعدين اتعصب وطرد الفكرة من دماغه قبل مايصدقها.
شهاب بعصبية: ااايه. اايه اللي انت بتقوله ده. قوام خلتها تاخد حته من قلبي وعقلي. ماناقص كمان تقولي خادت حته من الطحال. ايه مالك مش بقولك كبرت وخرفت اوعي ياعم انا ماشي.
شهاب مشي ومروان ابتسم هز راسه من شهاب وعنده واللي متأكد انه مش هيسلم بسهولة.
......................................
في قصر رعد الحديدي.
في اوضة رعد هو قاعد بيتابع شغل ليه علي الاب توب ومتابع همس اللي رايحة جاية قصاد بلكونة اوضتها مستنية ولادها يرجعوا. وتطمن عليهم وهو كالعادة غضبان وغيران. حتي من ولاده. وبعد فترة فقد صبره شال الاب توب و قام راحلها.
رعد بغيرة: ممكن بقي تجي تقعدي معايا افرضي باتوا برا افضل انا كدة لوحدي وانتي واقفة هنا مستنية ولادك.هما ايه مش هيكبروا بقي ولا ايه دول بقوا رجالة.
همس ابتسمت علي عصبيته وغيرته اللي خلاص حفظتهم واتعودت عليهم وبقت خبيرة في التعامل معاهم. قربت منه وحضنت وشه بحنية بين ايديها.
همس: حبيبي هو اللي مش ناوي يكبر وهيفضل يغير علي همسته حتي بعد مابقت جدة.وكمان بيغير من ولاده اعمل فيك ايه بس.
رعد هدي ولان من لمستها وحنيتها وباس ايديها اللي حاضنة وشه: ايوة هفضل اغير عليكي لحد ما اموت انتي ملكي انا وبس. انتي حته مني انا مش من ولادك فاهمة انتي روحي.
همس ابتسمت بحب علي اجمل واحن وارجل زوج ممكن يكون في حياة اي ست. رعد اللي قصاد الناس بيكون رعد فعلا لكن معاها هي بيكون ارق من النسيم.
وبعد شوية رجع فادي وبعده شهاب وهمس اتطمنت علي ولادها ورجعت لرعد لانه مستحيل ينام من غير حضنها.
رعد كان غضبان ودخل سريره ولما حاس بيها ماقربش منها. همس عارفة انه لسة صاحي قربت منه وحضنته. وابتسمت وهمست في ودنه.
همس: حبيبي لو يقدر ينام من غير حضني انا ماقدرش اهون عليك تسيبني صاحية لحد الصبح.
رعد مابيقدرش يتحمل بعدها بيعشقها ابتسم ولف ليها واخدها في حضنه.
رعد: ولا انا عمري اقدر عيوني تغمض من غير حضنك وريحتك اللي بتنسيني الدنيا كلها. بس قبل ماانيمك. لازم تدفعي تعويض عن التأخير.
همس ابتسمت: هههههه. انا بقالي سنين بدفع ايه لسة ماخلصتش .
رعد غمزها بخبث: لا لا كله الا كدة دي حقوق الدولة ولازم تتسدد. يالا اكفي الابجورة دي علشان انا عايز حقي حالا......
......................................
شهاب دخل القصر وقبل مايدخل شاف فادي قاعد علي البيسين وسارحان. قرب منه وقعد جنبه.
شهاب: ايه يافادي مالك قاعد لوحدك كدة ليه ماطلعتش فوق ليه.
فادي كان ماسك راسه بتعب وباصص في الارض رفع راسه ورجع ظهره للكرسي بزهق.
فادي: مافيش.
شهاب رفع حاحبه: مافيش! كل اللي انت فيه ده ومافيش. مالك ايه متخانق مع حلا كالعادة.
فادي بزهق: انا تعبت بجد انسانة اتخلقت علشان تتعبني مابتسمعش الكلام ومتدلعة وطول الوقت عياط عايزاني افضل احايل وادادي دي انيل من ولادها. حاحة تحرق الدم. طول عمري كان نفسي في واحدة زي امي كدة نسمة تداوي الجرح. مش نكدية كدة. اوففف.
شهاب بسخرية: ههههههه. انت اللي بتقول كدة. عايز واحدة زي امك . يا راجل احمد ربنا طيب دي حلا دي بالاخص اكتر واحدة انا شوفتها نسخة من ماما. هادية ورقيقة ومابتردش الكلمة بكلمة يا ابني انت معاك جوهرة. اومال بقي لو كنت متجوز واحدة زي القضا اللي طلعتلي في البخت النعاردة دي كنت قولت ايه. كائن مالوش ملامح ماتعرفلها ست من راجل بت عايزة تتفور ويتعملها سوفت وير. لسانها مبرد يالهههوي.
فادي عقد حاجبه بغيرة من كلام شهاب عن حلا. بس حاول مايبينش: احممم. ومين دي بقي !
شهاب بزهق: تؤتؤ سيبك احكيلك بعدين. انا عايز اتطلع انام انت كمان اتطلع لمراتك. احمد ربنا يافادي وسايس مراتك غيرك مش طايل ضفرها. انا عن نفسي لو ماكناش مراتك كنت اتجوزتها دي لقطة يا ابني. يالا تصبح علي خير.
فادي كان جواه ناار من كلام شهاب عن حلا معقول هو بس اللي شايف عيوبها. والكل شايفها جوهرة. معقول اخوه اتمني يتجوز واحدة زيها. اتعصب اكتر وقام طلع اوضته. واول مافتح الباب لقي النور هادي وخافت ولقي حلا في قمة جمالها واناقتها ملامحه هديت وقرب منها كانت قاعدة بتتفرج علي الTv. شافته ابتسمت وقامت. قربت منه.
حلا :اهلا حبيبي حمد الله علي السلامة.
فادي مستغرب : الله يسلمك خير لابسة كدة ليه!
حلا : عادي كنت زهقانة فقلت اسلي نفسي.
فادي ابتسم بخبث: امممم. طيب. ياريتك تزهقي كل يوم كدة.
حلا بغيظ: ليه وانا كنت مهملة ولا وحشة انا دايما حلوة.
فادي: انا ماقولتش كدة. انتي اه دايما جميلة بس الفستان ده بقالي كتيير ماشوفتوش عليكي كمان الميكب ده جميل اوي. حاسك رجعتي زي قبل جوازنا.
حلا قربت منه بحنية: ما انت لو موجود في البيت وقت اطول كنت شوفتني في كل حالاتي. لكن انت دايما بتيجي متاخر. بكون زهقت وشيلت الميكب ونمت.
كانت بتتكلم بهمس وهي بتملس علي خده. فادي بصلها برغبة قوية هو بيعشقها بيغير بجنون. علي جمالها. قربها منه اكتر. بس هي بعدت عنه.
حلا بدلع: تؤتؤ مش دلوقتي ادخل يالا خد شاور وانا هستناك. قولي اتعشيت ولا اجهزلك عشا.
فادي ابتسم: بصراحة ما اكلتش من الظهر. وهموت من الجوع.
حلا ابتسمت : بعد الشر عليك حالا هجهزلك عشا وقربت من الباب علشان تنزل فادي كان رايح الحمام بس افتكر انها هتخرج من الاوضة بالشكل ده لحقها بسرعة ومسكها من دراعها بغيرة.
فادي: استني هنا انتي هتنزلي المطبخ بالشكل ده.
حلا : اه وفيها ايه مانا قاعدة في البيت.
فادي بيجز علي سنانه: والبيت ده مش فيه رجالة. ممكن حد من الخدم ولا الحرس يشفوكي. او حتي شهاب انتي اتجننتي . امشي غطي درعاتك دي بشال ولا حاجة
حلا ابتسمت بنصر : طيب طيب. براحة هروح البس شال.
لبست الشال ونزلت وجهزت العشا وفعلا اتعشوا سوا. وبعد وقت طوييييل. فادي بيقوم من جنب حلا في السرير وبيطلع سيجارة بيشربها.
حلا قامت وقربت منه : فادي.
فادي : هاه.
حلا: ممكن اسألك سؤال وترد عليا بصراحة.
فادي بقلة صبر: وانا من امتي بكدب عليكي. انتي اللي شكاكة.
حلا بتعب: يا اخي خدني علي قد عقلي وقولي حاضر هجوبك بصراحة هتخسر ايه بطل مناهدة.
فادي هز راسه بنفاذ صبر: حاضر هجاوب بصراحة قولي.
حلا : انت بتحبني؟
فادي بإستغراب: نعم! بعد السنين دي كلها لسة بتسألي !
حلا : جاوبني علشان خاطري.
فادي قربها ليه و بص في عنيها : انا مش بس بحبك. اللي جوايا ليكي ده شئ اكبر من الحب بكتير. انا فتحت عنيا من صغري لقيتني بحبك وبغير عليكي. طول عمري حاسس انك ليا حته مني ملكي حاجة عايز اخبيها عن الدنيا بحالها. وتقولي بحبك. لا مش بحبك انا بعشقك بعشقك بجنون.
حلا غمضت عنيها بإرتياح ودمعت بتنهيدة: اااااه يا فادي ليه ليه. مابسمعش منك الكلام ده. ليه بستخسر فيها الحب ده. انا مااستاهلش. ليه دايما قاسي وجامد.
فادي مسح دموعها: ابدا انتي تستاهلي اكتر من كدة بكتيير. بس انا مابعرفش ابقي كدة دايما منحنح وطري. انا بحبك وانتي عارفة. يبقي خلاص
بقي نعيش مبسوطين وكفاية .
حلا برجاء: فادي ممكن وحياتي تفضل كدة حنين ورقيق. بلاش عصبية وزعيق.
فادي : حاضر ححاول بس انتي تفضلي كدة. تسعديني وتبطلي نكد وعياط وشك وغيرة.
حلا بغيظ: وهو انت هتبطل شك وغيرة.طيب تعالي نسافر يومين في اي حته.حتي لو هنا في مصر. اقولك تعالي نروح فندق مراسي او مرسي علم.
فادي بعصبية: لا انا مش بحب السفر بتفضلي تقرفيني عايزة انزل البحر ونتخانق وانا علي جثتي تلبسي مايوه. وكمان وانا ماشي معاكي بحس ان كل الناس بتبص عليكي زي ماتكوني فرجة .
حلا بزهق: طيب نخرج نتعشي برا اي حاجة.
فادي بعصبية اكبر: هو اي حاجة وخلاص. انا بحب اكون معاكي في البيت. مابحبش اعرضك علي الناس.
حلا بغضب: ياسلام هو كل اللي بتخرج مع جوزها يبقي بيستعرضها. واشمعن اخواتك.ماهما بيسافروا دايما.
فادي:و هو انتي فاكرة اني مبسوط باللي اخواكتك عاملينه في اخواتي. سهر وسفر. بس هقول ايه رجالة هرجعة . لا انسي عايزاني ابقي هادي اسمعي الكلام .
حلا رفعت حاجبها: اهاه. وابقي امينة وانت سي السيد صح.
فادي ابتسم: صح براڤوا عليكي. وتبطلي تشكي فيا وتحلي عني.
حلا بتفكير : امممم. طيب انا هحل عنك واشغل نفسي.
فادي : تمام براحتك بقي المهم عايز هدوء.
حلا بمكر: ماشي عموما انت هتبقي مضتطر تشوفني كل يوم في البيت والشركة.
فادي: نعم! شركة ايه!
حلا : شركتنا بتاعة بابايا وبباك. انا هشتغل معاكم هكون مديرة الحسابات الجديدة من بكرة.
فادي قام من السرير اكنه قرصه عقرب: انتي باينلك اتجننتي ولا ايه . كلام ايه ده ومين اذنلك بكدة.
حلا ببراءة: انا اذنت لنفسي وكمان اونكل رعد رحب جدااا. وهستلم شغلي من بكرا.
فادي بغضب وشه احمر : حلا انتي بتهزري صح.
حلا بإستفزاز: تؤتؤتؤ. بتكلم جد. تصبح علي خير.
فادي بعصبية مسكها من دراعها وهزها بعنف: انتي بس لو فكرتي رجلك تخطي برا البيت هيكون اخر يوم لينا مع بعض.
حلا بتحدي: وانا موافقة شيل ده من ده يرتاح ده عن ده.
فادي بعدم استيعاب: نعم . انتي تقصدي ايه!
حلا : اقصد نتطلق. وكل واحد يعيش حياته زي مايعجبه.
فادي : انتي اتجننتي اكيد. انتي كنتي في حضني من دقايق ودلوقتي عايزة تطلقي. ومرتبة لكل حاجة. ايه كان تمثيل.
حلا بدموع: عمري مامثلت عليك. كل كلمة وكل لمسة خرجت من قلبي. بس انت اللي مش عايز تفهم هتفضل اعمي. واناني. عايز مني من غير ما تديني. وانا تعبت عايزة اخد واعيش حياتي. عايزة اخرج برا سجنك ده... و نصيحة مني افتكر حلا كويس. علشان حلا اللي تعرفها دي خلاص انتهت. وصدقني هتوحشك. وهتتمني ترجع زي ماكانت
فادي : هتقدري تعيشي من غيري!
حلا بوجع: مجبرة انت اللي مش عايزني.
فادي : انتي اللي مش عايزاني . انا بخيرك في ايدك اختاريني.
حلا : ياما اخترتك. وجه اليوم اللي لازم اختار نفسي.
فادي بقوة: تمام وانا عند وعدي قدامك لبكرة لو شوفتك في الشركة هتكوني طالق ياحلا. تصبحي علي خير.
......................................
شهاب دخل اوضته وغير هدومه وهو لسة بيفكر في تمارا وفي كلام مروان عنها. اتغاظ اكتر . وراح لركن البوكس الخاص بيه في أوضته. وفضل يضرب بقوة وهو وغضبان لحد ماتعب وعرق. كان بياخد نفسه بصعوبة من التعب والارهاق.
شهاب بتوعد : ماشي انا وانتي والزمن طويل يا تمارا. ان ماكنت اوريكي. هتكون مهمة غبرة عليكي بإذن الله. وهناك هبقي انا وانتي وماحدش هيرحمك مني .
خلصت الحلقة وكالعادة بشكركم علي متابعتكم وارايكم اللي بجد بتنسيني تعبي . ومستنية كالعادة بردوا تواقعتكم. للي جاي.
حلا فعلا هتختار حريتها علي حساب حبها. وهل هي غلطانة؟
فادي فعلا ممكن يطلقها وينفذ تهديده؟
مايا هتعمل ايه مع تمارا وهيتعرفوا علي بعض ازاي؟
شهاب هيعمل ايه في تمارا في تحدي الرماية.
چنا ومروان ايه ممكن يحصل بينهم؟
وهل القلب يقدر يحب اتنين في وقت واحد ؟
لمزيد من التشغيل واللعب ، يرجى تنزيل تطبيق MangaToon
