انا جوري بنت عادية شعري اسود طويل عيوني بني فاتح بشرتي بيضاء قصيرة نوعا ما عندي 24سنه متخرجة من كلية ألسان معنديش اخوات عندي اصدقاء كتير بس عندي صديقه واحدة مقربة
مش بحب الروايات والقصص بس عندي رواية أرض زيكولا استوب لاني بجد بعشقها من كتر ما انا بحبها مصدقه انها قصه حقيقيه كل اما اتكلم مع حد واقوله انها قصه حقيقيه يضحك عليا ويقولي ده اللي هو ازاي بطلي هبل وكلام من ده كتيررر بس انا لسه عند موقفي
في يوم كنت بتصفح على الفيسبوك عادي جدا فجاة ظهر اكونت باسم يامن خالد حسني الاسم مش غريب عليا بس مش فاكرة سمعته فين طنشت الموضوع ونزلت تحت اساعد ماما في تحضير الاكل
جوري: محتاجة اساعدك في اي يا ست الكل
مريم (الام):انا عملت كل حاجة مش باقي غير السلطة
جوري بابتسامة لطيفه: خلاص انا هعملها وهكلم بابا اشوفه خرج من الشغل ولا لسه
مريم: تمام يا حبيبتي
وبالفعل روحت وكلمت بابا وهو قالي انو في الطريق بس جاه على بالي نفس الاكونت اسم الاكونت مش غريب عليا حاسة اني سمعت بيه قبل كده وفضلت افكر حوالي نصف ساعة
مريم برفعة حاجب:اي ده يا جوري معملتيش السلطة ليه
لكن انا كنت سرحانة وبفكر في الاكونت ومخدتش بالي منها
مريم بعصيبة:جوررررري
جوري بخضة:في اي يا ماما خضتيني
مريم:اصمالله عليكي بقالي ساعه بكلمك وانتي ولا هنا
جوري: معلش يا ماما ما اخدتش بالي
مريم: معملتيش السلطة ليه
جوري وهيا بتخبط دماغها: اوبس نسيت
مريم بغضب:غوري مش عاوزة منك حاجة ربنا ميعوزني لحد(نفس كلمة امي😂😂) واخدت حاجات السلطة عشان تعملها
جوري بضيق:يووووه كله من الاكونت الزفت
ودخلت المطبخ عشان اصلح ماما بكلمتين اصل هيا طيبة اووي لو قولتلها معلش هتسامحني عادي ودي اكتر حاجه بحبها فيها
جوري: مالك بس يا ست الكل
مريم:مليش
جوري: خلاص حقك عليا متزعليش والله كنت هعملها بس مش عارفه سرحت ونسيت
مريم:كله من الرواية الزفت ارض زيكولا واخدة عقلك كله
جوري بضيق: ماما متقوليش عليها كده
وفجأة سكتت وهيا بتفتكر حاجة
جوري بصراخ:اااااايوة افتكرت
مريم باستغراب: افتكرتي اي
جوري لو قولتلها هتقول عليا اني هبلة وانو ده تشابه اسماء
جوري:لا مفيش ياماما بس المفروض كنت متفقة مع نور اننا هنتغدا سوا واتاخرت عليها
مريم: تمام يا جوري روحي بس مترجعيش متأخر
جوري وهيا بتبوسها من خدها: حاضر يا ست الكل
ودخلت اوضتي غيرت هدومي وخرجت عشان اروح عند نور صاحبتي
احب اعرفكم على نور صاحبتي من الطفولة معايا في كل لحظة هيا طويلة شوية وشعرها بني ناعم وويفي من تحت بشرتها بيضاء عيونه بني غامق
هيا الوحيدة اللي مصدقة فعلا انو ارض زيكولا أو بتطبلي باباها متوفي وعايشة هيا ومامتها لوحدهم
وصلت عند بيت نور وخبطت
نور برفعة حاجب:كل ده تاخير يا هانم
جوري بسعادة: عاوزة اقولك على حاجه مهمه جدا جدا جدا جدا جدا جدا جدا جدا جدا
نور بضحك:كل ده مهم والله حاسه في الاخر انها هتطلع حاجة تافهة زيك
جوري:لا والله حاجة مهم جدا ولو طلعت صح حياتنا هتتغير جدا
نور :طب قولي شوقتيني الله يخربيتك
جوري:امك هنا
نور:ده شكل الموضوع كبير فعلا بس متقلقيش هيا راحت عند خالو
جوري قعدت على الكنبة وطلعت فونها وطلعت اكونت الشاب واديت الفون لنور
نور بضحك: اوباااا انتي بتكرشي عليه
جوري:بطلي هبل اكرش اي وزفت اي شوفي الاسم كده
نور باستغراب:يامن خالد حسني. برضو ماله اسمه
جوري:ركزي في الاسم اووووووي خالد حسني
نور وقد بدأت تستوعب فعلا
نور:قصدك انو ابن خالد اللي في ارض زيكولا
جوري بتنهيدة:ايوة
نور : جوري خلينا صراحيين مع بعض دي رواية يعني حد اخترعها من دماغه وبعدين هتلاقي تشابه اسماء مش اكتر
جوري:لا مش تشابه اسماء انا حاسة انو فعلا ابنه
نور :طب ابعتيله طلب صداقة
جوري بغباء:لي
نور بغيظ :هو اي اللي ليه مش انتي بتقولي حاسه انو ابنه
جوري :وبعد ما ابعتله طلب صداقة افرضي مقبلهوش
نور :ياستي ابعتي وملكيش دعوة
جوري:لا انا مش هبعت
نور :اومال هتعرفي ازاي إذا كان ابنهما
جوري :امممم تمام هبعتله
وفعلا بعتله طلب صداقة وانا خلاص اتاكدت انو هو ابن خالد ومني معرفش لي كنت متأكدة كده
نور:هاااقبله
جوري بضحك:هو هيقبله في ثانية يا هبلة
نور :تصدقي فعل
جوري:فين الاكل انا عصافير بطني بتهوهو
نور :طفسه دايما كرشك حامي كده طب اتكسفي حتي
جوري وهيا متجهة للمطبخ :اتكسف ههههه ضحكتيني اقسم بالله ده انا عارفة بيتكم اكتر منك
نور: هههه حصل على يدي
وفعلا حضرنا الاكل واكلنا وبعدها فضلنا نتكلم شويه لحد ما فوني ارسال اشعار من الفيس
نور :شوفي بسرعه احسن يكون قبل الطلب
جوري : حاضر + يابنتي ده انا مش متحمسة كده
نور :يابت انا بدأت اصدق فعلا انها حقيقيه
جوري برفعة حاجب:نعم يا ختي بداتي اومال لما كنت بحكيلك وانتي تقوليلي فعلا
نور بضحك:كنت بطبلك
يلا شوفي قبل الادد ولا لا
جوري:اشطا
وفتحت الفون وفعلا لقيته قبل الادد اللي بعته
جوري:ده قبل الادد
نور بسعادة:ابعتيله بسرعة
جوري:طب ابعتله اقول اي
نور بتفكير :مش عارفه
جوري: بصي انا هروح عشان اتاخرت ومريم هتنفخني وهفكر واشوف هبعتله اي
نور :تمام بس تحكيلي عملتي اي
جوري:اشطا
وفعلا مشيت من عندها وانا بفكر هبعت ليامن اي
البارت خلص ياريت القي تفاعل
كاتبة مبتدئة
بقلمي:مي محمد
لمزيد من التشغيل واللعب ، يرجى تنزيل تطبيق MangaToon
