السلام عليكم
͡
͡
͡
͡
كاتبه (مجهوله)
بقلمي (اڤيان)
انتم (فراشاتي)
ربّما أنا البُركان المُشتعلّ في ندبةِ
ربّما أنا العجز في ذاك الشارع
ربّما أنا الصُّراخ المؤلم...
لاتنسون تفاعل وتعاليقكم الحلوه..
___________________________________
ريتاج جو مطر ويجنن ودنيه ليل ومضلمه كاعده بره اتأمل جمال سماء وتحت مطر اجت كوثر كعدت بصفي
كوثر … صح دنيا برد ومطر بس شيطفي بركان البداخلي.
ريتاج … تعدي كوك فتره وتعدي كاعدين اني وياها وحده تواسي ثانيه وكل وحده جرحها اكبر من ثاني المطر صارت تنزل قوي قررنه كل وحده تروح لبيتها لان جو صار مومناسب نكعد اكثر واجواء جانت تجنن وفضفضنه هواي
«««««««««««««««««««
كوثر … رحت لبيت طبيت جوه لبست غير ملابس لان تبللت وصار كل ملابسي ماي رحت لشباك وكفت كدامه وحطيت سماعات ب اذني لاخر صوت وشغلت قصيده (ياخذني جرحي)
حرفياً هاي قصيده تدواي كل جروحي وبداخلي بركان روحي طالعه بس الحمدالله على كل حال ودائماً اردد الله موجود تعدي
كوثر تعدي صيري قويه كافي قهر كل ناس هيج وضليت اوسي نفسي واشغل هاي قصيده واضل ارددها ورتاحيت اكثر من قريت دعاء عهد ودعاء عاشوراء يساعدوني كلش ويتخفف جروح البداخلي وانسه شويه ضغط لان حرفياً تعبت من كلشي احسد شكو شخص مرتاح حتى ابتسامه صارت صعبه ومالي واهس بشي كلبي ميت كلش مكسوره بس ميخالف الله موجود
««««««««««««««««
ريتاج … كعدت صبح وساعدت امي سوينه ريوك وكعدو كل اهلي
ريان… صباح الخير ريتاج
ريتاج… صباح النور اخويه اكعد اصبلك چاي
خلصو اكل وريان راح لمحل وبابا راح لدوامه هوه مدرس انكليزي واني بدلت حتى اروح لمدرسه رحت على كوثر نروح سوه دكيت باب طلعت امها
ريتاج… صباح الخير خاله كوكو وين
جميله … صباح النور حبيبتي كوثر ماتكدر تجي مريضه كلش
ريتاج… بس ادخل اشوفها ضل بالي دخلت وشفتها شكد مريضه لزمت ايدها وكعدت يمها هيه جانت نايمه ضليت ادعي الها ايات القران كريم وابجي لان نقطه ضعفي يصيرلها شي كمت حتى اروح لمدرسه واني امسح دموعي بيدي ماكدر اشوفها هيج اموت الف موته
رحت لمدرسه
نرجس… ها كوك وينها
ريتاج… مريضه كولش متكدر تجي
نرجس … سلامتها امشي نفوت ضيم سادس كتلنيي
ريتاج … اي والله بس احنه كدها ونطلع منها
كملت دروس وردتت بس ارجع لبيت اروح اشوف كوثر شلون صارت رجعت وغيرت ملابسي بسرعه وشمرت كتب وجنطه طلعت واني مستعجله رحت يم كوثر شفتها مثل ماهيه وحاطه كانونه كوه تفتح عيونها
اطمنت عليها وماتكدر تحجي كوه تنطق حرف رجعت لبيت صاحتني ماما
حسناء … تعاي نروح لبيت خالج
ريتاج … يمهه مالي خلك ضايجه على كوثر
حسنا… امشي وياي بنات خالج مشتاقيلج
ريتاج… وافقت اروح بس كوه رتبت نفسي وتكشخت ولبست ساعه وحجاب طلعت اني وماما اجه ريان ياخذنه وصلنه نزلت من سياره ماما دخلت لبيت خالي اني ضليت شويه بسياره احاجي ريان سئلته عن بضاعه وملابس جديده اذا نازل بل محل يجيبلي
ريان … اي جبت ملابس جديده بس ادفعيلي فلوس يله اجيبلج
ريتاج… چا غير انته اخوي منين اجيبلك فلوس يله من ارجع لبيت لازم اشوف الملابس واريد اخذ وحده هديه لكوثر
ريان… يابه تدللين بنت حسام تددللين
ريتاج …فديت ابن حسام شكد احبه ومايخلي شي بخاطري نزلت من سياره ولمحت شخص يباوعلي من بعيد دخلت لبيت خالي وكعدت ويه بنات كلهن ملتمات وحده تحجي على عمتها وحده تشتكي من اطفالها وثالثه تشتكي من سلفتها وحده تشتكي لثانيه واني بالي يم كوثر اتصلت نرجس عليه
نرجس… شلونج ريتاج
ريتاج… الحمدالله بخير حبيبي وانتي شخبارج سلمت عليها وهيه سلمت وسئلت عن كوثر كتلها مثل ماهيه شويه مريضه ماخذه برد خلصت المكالمه وقررنه نطلع اني وبنات خاليوفعلا طلعنه لسوك هنه راحن يشترن ملابس واني شتريد سماعات وهديه لكوثر خلصنه وطلعنه من سوك عبرن الشارع بنات ضليت اني وكفت شويه حتى ارد على مكالمه ماما طمنت علبه وكالت ديري بالج على نفسج خلصت وقفلت جهاز ابوع حتى اعبر شارع واني بنص شارع دعمتني سياره وفقدت وعي شخص شالني واخذني لمستشفى وتبرعلي بدم حالتي صارت حاله ومتت من وجع راسي تفلش بس مجان اكو شي غريب
حيدر … كومي والله اسف ماعرف وعلي ماقصد اختي كومي فدوه ضميري موتني
ريتاج … ماما وين اريد امي
حيدر… الحمدالله على السلامه متت خوف وعلي شلون صرتي كليلي
ريتاج… زينه والله لتبجي ميخالف
حيدر… اسف والله اسف خفت عليج
ريتاج… البنات وينهم ماما وين
حيدر… ماعرفهم بس اكو بنات بره من دعمتج بل غلط كلهن التمن واني شلتج وجبتج وهنه هم اجن وياي
ريتاج… تمام روح مبيه شي صرت زينه
حيدر … تبرعتلج بدم
ريتاج … حرام مو
حيدر… لا الذنب عليه
ريتاج… دروح يله شكرا ماقصرت
حيدر … رايح بس ديري بالج على نفسج
ريتاج… صار … طلع من غرفه المستشفى وعيونه كل شويه يدمع ويرجف ومبين شكد خاف عليه وماعرفه اني ولايعرفني اجت امي
حسناء… سوده بوجهي يروح امج
ريتاج… يمهه مبيه شي والله صرت زينه شبيج
حسناء … فرفحت روحي عمت عيني عليج يابنتي شنو اليوجعج كليلي
ريتاج … يمهه زينه والله زينه +مرت ساعات واني بل مستشفى واجا ريان وبابا وكوثر هم اجت هيه ومريضه وتعبانه
كوثر …وينها ريتاج لچ متت من خوف طلعتت ركض وابجي شلون صرتي كليلي
ريتاج … كوك زينه صرت احسن فقدت دم تبرعلي حيدر
كوثر … الف الحمدالله على سلامتج شنو حيدر منو
ريتاج … هذا الدعمني ديله بعدين احجيلج تفاصيل هسه صيحي ماما نطلع كافي مليت اجت ماما وكوثر ساعدوني اكوم وكمت اكدر امشي الحمدالله رحنه لبيت وصارت وقت متاخر تغطيت انام وسمعت اشعار جهازي قررت افتحه شفت طلب مراسله واسم حساب حيدر رديت احسن الحمد الله
حيدر … سامحتيني مو والله ماقصد
ريتاج… ماسمحتك اخوي بس منين جبت حسابي ممكن اعرف؟
حيدر … اخذت يوزرج من بنت خالج بس ماكلج مني لان حلفتني ماحجي واني اخذت يوزر علمود اعتذر وابرر موقفي
ريتاج… اعتذراك على عيني وراسي يله باي اخوي
حيدر … بس ممكن طلب
ريتاج… اطلب
حيدر … لاتفهميني غلط كل يوم دزي رساله وعتبري محد يشوفها غيرج واوعدج مادز شي اني بس انتي دزي شي تحبي والتكرهي اي شي يصير وياج وانه بس اشوف كلشي ماحجي
ريتاج … بس توعدني شي الاحجي محد يعرفه غيرنه اني وياك ورب العالمين
حيدر … خلص وعد راح امسح رسائل واغير صوره حساب اخلي مال بنيه حتى لحد يفكر غلط ويصير مشاكل بسببي
ريتاج … تمام وفعلا مسح كل رسائل ومرت يومين صرت زينه بس راسي شويه يوجعني كوثر اجتني هيه هم صارت زينه ونامت يمي وتحجيلي قصه عن واتباد واني حبيت البرنامج وجنت اكول لنفسي انطي قصتي لكوثر لان هيه حلمها تصير كاتبه
___((معلومه الكاتبه هيه اني صديقه ريتاج وياكم اختاريت اسم غيمه لان احبها وبعدين احجيلكم شنو سر هذا اسم))
ريتاج … وصرت افكر بيني وبين نفسي وشفتها فكره حلو انو انطيها القصه بل مستقبل ضلينه لوقت متاخر نحجي وانفتح موضوع حيدر
كوثر … احجيلي شلون هيج صار
ريتاج … راح اختصرلج رحنه لسوك وي بنات خالي ودعمتني سياره اخذنه لمستشفى واتبرعلي بدم واخذ حسابي من بنت خالي
كوثر … وليش اخذ حسابج
ريتاج … حتى يعتذر واني عذرته
كوثر … ديله حيدر محجوز الي
ريتاج … انجبي ماقبل اغار عليج
كوثر … دسكتي عمي سكتي اول وتالي اني راح احب بس موهسه بعدني 18من اصير 20
ريتاج … كملتي اريد انام وانتي ضلي وياي
كوثر … اضل يمج حبيبي نامي انتي
ريتاج … وانتي تبقين كاعده
كوثر … اي داقره واتباد عندي قصص متراكمه
ريتاج … شسم القصه بله؟
كوثر … اجرام مستباح لثلاث ندبات + لچ اله اخذ شخص مثل ابهر
ريتاج … تحلمين هذا نوع فردي يله تصبحين على خير
كوثر … ضليت اقره القصه وصلت لبارت اخير من خلص ضليت ابجي مثل زعطوطه بس اعترف القصه خليتها بوسط كلبي وقفل باب وضليت ابحث عن القصص لان اعشق واتباد
_______
ريتاج … خليت راسي جوه بطانيه ماكدرت انام فتحت جهاز شويه شويه حتى كوك لتسمعني فتحت انستا دزيت لحيدر رقمي مال واتساب لان جنت ناويه احذف انستا دزيت رقم وحضرته ومسحت الحساب اجاني اشعار واتساب دزلي بس نقطه ((.)) عرفت هوه
كلت لكوثر شكتب اسمه بل واتساب
كوثر … عبالي نمتي لج وبعدين اسم منو؟
ريتاج … مانمت شكتب اسم حيدر بواتساب شبيج
كوثر … زين هوه حنون وكذا مو
ريتاج … كللش حنين كللش
كوثر … شو جيبي جهاز اخذت جهاز منها وكتبت على اسمه (صفات الابهر)
يله هاج لتدوخيني بعد سلميلي علي
ريتاج … اخذت منها الجهاز وعجبني الاسم صفات الابهر حبيته دزيتله رساله وكتبت
((هل سيحبني احدهم ك حُب لابهر لجمرته))
جان متصل وفتح رساله وقت متاخر 2ونص بليل ليش منايم لحد هسه معقوله مرتبط فكرت هواي بلعت ريك خفت بس تعوذت من شيطان واكيد ماعنده بعدين اني شعليه واذا
غمضت عيوني ردتت اغفى وصلتني اشعار واتساب مكتوب
((ابهر عاف مخدرات وادمن جمرته واني بدون مخدرات جربت شعور ادمان))
ريتاج … ضليت صافنه على رساله وعيوني تلمع تفاعلت وي رساله بقلب وضليت اسئل نفسي معقوله يقصدني لو غير وحده لا لا اكيد مو اني شني هاي باوعت على كوك بعدها كاعده تصمم على ابهر وجمره لان عشكت القصه واني كلش حبيت الاسم وعباره نمت نمت اني لان كلش جنت تعبانه ………
____________________________________________
اختمو البارت بصلاه على نبي وال بيته 💗
الهم صلى على محمد وال محمد.
استغفرالله.
الحمدالله.
سبحان الله.
اشوفكم بخير وانتضروني بارت جديد (فراشات اڤيان)
لمزيد من التشغيل واللعب ، يرجى تنزيل تطبيق MangaToon
