توبة فتاه 🩷

في حي من احياء القاهره وخاصة في بيت من بيوت القاهره المتواضعه ندخل غرفة بطلتنا والتي كانت ترتل من كتاب الله بصوت عذب وبعد انتهائها اغلقت المصحف ثم صدقت واخذت جوالها لتقرأ أذكار الصباح وبعد انتهائها أنار جوالها باسم صديقتها عائشه

حوراء/السلام عليكم ورحمة الله وبركاته كيف حالكِ ي عائش ي حبيبتي عساكِ بخير

عائشه/بأفضل حال الحمد لله رب العالمين  ها ي ستي يلا عشان الجامعه المحاضره اتبقي عليها ساعه

حوراء/ادام الله حمدك يحبيبي خلاص هلبس ونازله وبعدين اي لازمة التعليم مش فاهمه هو احنا لينا غير المطبخ

عائشه بهيام/ياااه ي بت امته بقي ييجي ابن السُّنه ويخلصنا من القرف ده انا انا ي حوراء افضل سهرانه اذاكر الماده الغلسه دي مش بحبها اثلاا

حوراء/قال يعني انا اللي بطيقها ده انا اطيق البت سوزي الملزقه دي وماطيقهاااش

عائشه بضحك/تيب يلا ي اخت حوراء المحاضره اتبقس عليها ساعه البسي وانت خارجه رني عليا عشان انزلك

حوراء/تمام السلام عليكم  ورحمة الله وبركاته

عائشه/وعليكم السلام ورحمة الله وبركاته في رعاية الله

بعد انتهائها من المكالمه ارتدت ادناء باللون الاسود والنقاب والبيشه والجوانتي وخرجت القت التحيه علي أمها وأبيها واستأذنت منهم ثم ذهبت للجامعه

دعونا نعود للوراء قبل هذا اليوم ب ثلاثة أشهر وخاصة في غرفة حوراء

حوراء/الو ايوه ي عائشه بقولك هتروحي الحفله اللي رودي عملاها

عائشه/اكيد ي كبير اومال مش هروح يعني

حوراء/يبقي تمام هلبس واديكِ رنه

عائشه/تمام باي

ارتدت حوراء فستان ضيق من تحت (تخيلوه انتم بقي) وارتدت الطرحه واخرجت قُصه ثم وضعت ميكب وارتدت اكسسوارات وخرجت

حوراء/مامي انا رايحه حفلة واحده صاحبتي

والدة حوراء /ي حوراء ي بنتي حرام اللي انتِ بتعمليه ده دي مش طريقة لبس ولا ده اللبس اللي أمرنا بيه ربنا شوفتي صاحبتك علياء ملتزمه باللي أمرنا بيه ربنا ورسوله صلى الله عليه وسلم

حوراء/يا مامي انا لسه صغيره وبعدين متقارننيش بحد دي متشدده خالص لا وكمان مش راضيه تحضر عشان هيبقي في اغاني وهي كده هتغضب ربنا غير لبسها اللي بيحسسني انها شوال فحم

والدة حوراء بحزن/روحي ي بنتي ربنا يهديكِ ويصلح حالك ي رب

لتذهب حوراء وهي وعائشه الي الحفله والتي لم تكن ملابس عائشه تختلف عنها كثيرا

عائشه/هاي ي رودي اي الحفله القمر دي

رودي/هاي  ي عائشه يحبيبي انتِ اللي عيونك قمر امال فين حوراء

حوراء/انا هنا يا رودي يلا بينا نشعلل الجو

وبعد الكثير من الرقص جلسوا جميعا لِ تقول رودي/تعرفوا ي بنات اي اللي ناقص الحفله دي

لِ تختلف الاراء من هذا ل ذاك ليصمت الجميع بعدما عجزوا عن معرفة الاجابه

عائشه/وبعدين بقي يا رودي ما تقولي

رودي /الشيخه علياء

ليضحك الجميع لِ تقول فتاه /اسكتي ي رودي ده احنا روحنا نعزمها عشان الحفله راحت رفضت وقالت انها مش هتقدر تحضر طول ما هو شئ بيغضب ربنا

رودي/لا وكمان لما رنيت عليها قعدت تديني مرشح في الحجات دي مسكينه بجد مش عارفه ليه هي معاشتش سنها زينا

وجلسوا يتكلمون وهم مقتنعون انهم يقولون هذا من باب الشفقه وانهم يريدون مصلحتها

بعد اسبوع من هذا اليوم كانت علياء في مسجد الجامعه تصلي فريضة الظهر وكانت كاشفه وجهها لانه لم يكن موجود غيرها هي وبعض البنات والتي كانت من ضمنهم حوراء وعائشه

سجدت علياء وظلت علي هذا الوضع حتي انتهي جميع البنات من الصلاه ولم يلاحظ احد طول سجدة علياء غير حوراء وعائشه الذين ركضوا ناحية علياء واخذوا  يوقظوا فيها ولكن لا حياه لمن تنادي بعد فتره دخل عامل في المسجد فاسرعت حوراء بتغطية وجه علياء

حوراء/الحق يعمو احنا كنا في الحمام  ولما طلعنا لقينا علياء مرميه كده

العامل/متقلقيش ي بنتي ان شاء الله خير ثم انحني ليحملها لتسرع عائشه بالحديث

عائشه/لا مينفعش ي عمو هي مش بتسمح لاي راجل غريب يلمسها

العامل/خلاص هنادي الزائره الصحيه تشوفها

بعد قليل اتت الزائره الصحيه

الطبيبه/البقاء لله وحده دي ماتت

لتحل الصدمه علي وجه كلا من حوراء وعائشه ثم ينفجران في البكاء

بعد مرور شهر علي هذه الحادثه نجد حوراء نائمه علي سريرها بغرفتها وهي تحلم ب علياء كالعاده منذ وفاتها ولم تكن وحدها كانت معها عائشه حيث كانوا يجلسون في مكان به نباتات خضراء ويوجد علي بعد منهم ليس بالبعد الكثير بحر بديع المنظر ويجلسون مكونين حلقه

حوراء/ها ي علياء هتكلمينا عن اي النهارده

عائشه/علياء عاوزاكِ تكلمينا عن النقاب عشان عاوزه البسه

علياء ببسمه/اللهم بارك انا فخوره بيكم ي بنات انكم قربتوا من طريق ربنا

حوراء/وده بفضلك من بعد ربنا سبحانه وتعالي

لتأخذ علياء تحدثهم عن النقاب ثم استيقظت حوراء علي صوت المنبه من أجل صلاة الفجر وتقوم بالاتصال علي عائشه

عائشه/السلام عليكم ورحمة الله وبركاته

حوراء/وعليكم السلام ورحمة الله وبركاته يلا ي عائش يا حبيبتي عشان صلاة الفجر

عائشه/حاضر ي حوراء يلا سلام عليكم

بعد الانتهاء من صلاة الفجر  جلست حوراء علي فراشها تقرأ الاذكار والورد اليومي وبعد الانتهاء تذكرت اول حلم زارتها به علياء بعد مرور يومين علي وفاتها

(في اول حلم)

علياء/السلام عليكم حوراء حوراء

حوراء /وعليكم السلام اي ده علياء عامله اي سمحيني ي علياء سمحيني علي كل كلمه وحشه قولتها في حقك

علياء/مسمحاكِ ي حوراء وبعدين ازاي مش اسامحك وانتِ سترتيني عند وفاتي والرسول صلي الله عليه وسلم قال من ستر مسلما في الدنيا ستره الله في الآخره انا جايه اقولك جزاكِ الله خيرا علي سترك ليا في الدنيا وجيبالك الهديه دي معايا ووصلي شكري ل عائشه والهديه دي ليها

ثم تختفي علياء لتقول حوراء/علياء علياء استني

ثم تنظر الي الهديتين وتفتحهم لتجد فيهم خمارين وفساتنين

ل تبكِ حوراء وتستيقظ من نومها وهنا بدأوا حوراء وعائشه في الالتزام والتقرب الي اللع وارتدوا الخمار الي ما يقارب خمسة اشهر وبعدها ارتدوا النقاب ب فضل الله

عوده للوقت الحالي

حوراء/قبل ما نختم الفصل حابه اقول ان انا قد اي كنت غبيه فعلا في البعد عن ربنا وسبت لذة الطاعه عشان مفاتن الدنيا عايزه اقول ان الدنيا دي فتنه احنا عايشين فيها ويا بخت من استطاع أن ينقذ نفسه من بحر المعاصِ بفضل الله وتوفيقه عايزه اقول انه اتقوا يوما ترجعون فيه الي الله مفيش حاجه اسمها انا لسه صغيره عايزه اعيش حياتي انا لسه صغيره هتمتع ب شبابي ولما اكبر واتجوز هبقي التزم و و و كل  الكلام ده مش هيفيدك مش هيفيدك يوم القيامه وانت بتتحاسبي مش هيفيدك لحظة انقباض روحك مش هيفيدك وانتِ لوحدك في القبر مش هيفيدك شئ من ده خالص ايوه كلنا فينا غريزة حب الزينه واننا عايزين نبقي في أبهي طله بس صدقا كل ده يهون فريح يوم واحد في الجنه كل ده في داهيه فريح نعيم الجنه ورضا ربنا سبحانه وتعالي هتقولي كلام الناس كلام الناس لا بيقدم ولا بيأخر والناس اللي انتِ عملالهم حساب مش هيقفوا جانبك ساعة حسابك ده ربنا سبحانه وتعالي بيقول يوم يفر المرء من اخيه وامه وابيه وصاحبته وبنيه لكل امرء يومئذ شان يغنيه ده اهلك نفسهم هيهربوا منك يوم القيامه هيبيعوكِ يبقي ليه احنا نخاف علي زعل الناس وكلامهم ي اختي في الله فليرضي من يرضي وليسخط من يسخط اختاري رضا ربنا سبحانه وتعالي دي معجزه لما يكون ربنا راضي عنا ياااه يااه علي جمال الالتزام والقرب من ربنا  عارفه اني طولت في الكلام بس فدايا ي حوبايب انا قمر اثلا ودمي ثكرر سلام عليكم بقي عشان الست الوالده مستنياني في المطبخ أشهق علي الملووخيه انتظروني في نصايح تانيه كتير كات معاكم الاخت حوراء شكشك نلقاكم في نصائح اخري مع البت عائشه ها ي نهار فلل البت عائشه كانت قيلالي ابقي انزليلي تحت بقالها ساعه ملطوعه في الشمس  دي هتشلوحني علي سياخ لحمه يلهوي يلهوي يلهوي امي بتنادي وقالتلي لو نديت اكتر من مرتين هنفخك بقول ليكم لي في رعاية الله وادعولي بالرحمه كنت طيبه والله س س سلام عليكم

(عارفه اني طولت في الكلام بس وجهت نصيحتي بالطريقه دي ايوه في كلام كتير عايزه اقوله بس حوراء هتتنفخ لو قعدتها اكتر من كده

حوراء /طااه كويس انك عارفه

انا/اتوكسي روحي ي اخت شوفي والدتك  بتنادي هتتنفخي

حوراء/عاااااا هتنفخ

انا/نكمل كلامنا وسيبكم من الهبله دي

عائشه/بس بس

انا/نعم خير بتنادي علي قطه

عائشه/قوللهم عائشه بتسلم عليكم وهي اللي هتنصحكم الفصل الجااي

انا/عيوني افديكِ الساعه احنا عندنا كام عائشه يعني

عائشه /الله يكرمك يا رب و...

انا/خلاص انتِ هتشحتي اوعي كده تيب ي جوماعه سيبكم من الهبل دوول وخليكم معاايا ان شاء الله نتقابل في النصيحه الجايه مع عائشه شكشك🙂😂

سلام عليكم ورحمة الله وبركاته في رعاية الله 🩵)

بقلم/أمة الله 🌺

علت أصوات المؤذنين لِ صلاة فجر يوم الجمعه لتستيقظ البطله الثانيه ل روايتنا  علي صوت منبه الجوال الخاص بها أخذت تردد مع المؤذن ثم رددت دعاء ما بعد الآذان وبعد الإنتهاء أمسكت بالجوال وقامت بالاتصال علي رفيقة دربها حوراء

عائشه/السلام عليكم ورحمة الله وبركاته اي ده انتِ صاحيه

حوراء/وعليكم السلام ورحمة الله وبركاته أيوه ي عائش ي حبيبتي صاحيه بس جزاكِ الله خيرا برده انك رنيتي برده عشان كان ممكن اكون نايمه وتكونِ انتِ سبب في استيقاظِ لِ صلاة الفجر

عائشه/جزانا وإياكم اضعافا مضاعفه يا عيوني يا رب ...أي خدعه ي باشا عدي الجمايل بقي

حوراء/تصدقِ انك بنت قفيله اتوكسِ يلا ي اخت نصلي

عائشه/تومام متزوقيش طااه يلا سلام عليكم ورحمة الله وبركاته

حوراء/وعليكم السلام ورحمة الله وبركاته

قامت بطلاتنا توضئوا وأدوا فريضة الفجر ثم جلسوا لقراءة وردهم والأذكار

قامت عائشه بالرن فيديو غلي حوراء

عائشه/السلام عليكم ورحمة الله وبركاته وحشتك صوح

حوراء/ وعليكم السلام ورحمة الله وبركاته صوح الصوح كومان ي باشا

عائشه بضحك/قلب الباشا ها يلا نسمع ل بعض الجديد والمراجعة

حوراء/يلا بينا ي ثاحبي

أخذوا الاثنتان يسمعون الي بعضهم ما حفظوه من القرءان وبعد انتهائها

عائشه/اللهم اجعل القرءان نور صدرنا وزاهد أيامنا وانيس وحدتنا في القبر

حوراء/اللهم آمين...تعرفي ي عائش ان حفظك للقرءان يعود بالنفع علي أولياء أمورنا

عائشه/ازاي مش فاهمه

حوراء/يعني لما تحفظي القرءان الكريم بإذن الله وحده ييجي ربنا سبحانه وتعالي يلبس والدك ووالدتك هدوم ملوك وتيجان وحاجه كده قمر الكل بيبقي مستغرب لي اللبس ده اشمعنا هما كل ده بيبقي عشان أولادهم بيكونوا حفظة القرءان

عائشه بدمع يلمع بعينها/اللهم بارك اللهم بارك أي الجمال ده اللهم اجعلنا من حفظة كتابك الكريم

حوراء/آمين يا رب يلا ي بت ننام عشان نقوم نصلي الضحي ونحضر نفسنا لِ صلاة الجمعه ونروح الندوه بعديها متشوقه اوي لِ لقاء النهارده

عائشه/تمام ي حبيبتي سلام عليكم ورحمة الله وبركاته في رعاية الله

لتغلق الاثنتان ويذهبوا للنوم

الساعه ١١:٠٠ تستيقظ حوراء وتقوم بالاتصال علي عائشه

عائشه/السلام عليكم ورحمة الله وبركاته

حوراء/وعليكم السلام ورحمة الله وبركاته صحي النوم ي كبير يلا صلاة الضحي وعشان نلحق صلاة الظهر

عائشه/حاضر يلا سلام عليكم ورحمة الله وبركاته

لتغلق الاثنتان تتجه حوراء وتؤدي صلاة الضحي  وبعد الإنتهاء

والدة حوراء /ي حوراء ي حور انتِ ي بت ي حور

حوراء/نعااام نعم ي امي انا هنا مش في الدوله المجاوره انا يعني

والدة حوراء/تعالي تعالي ياختي تعالي اعملي الملوخيه

حوراء/عونيا عونياااا بس بقولك اي انا هعمل الملوخيه بس

والدة حوراء/أهم حاجه تعملي حاجه معايا

لتخرج من الغرفه وعندما جاءت حوراء ل تخرج إذ بقنبلنه تنفجر بها

عمرو/عايزه تسممينا ي بقره حلوب ي بني آدم برأس كلب عايزه تعملي لينا الملوخيه عشان تسممينا ملقتيش غير الاكله اللي بحبها وتعمليها طااه جربينا في اكله تانيه مش دي ردي عليا ساكته ليه عايزه تموتينا

حوراء بتذمر/اي حيلك حيلك كل ده وعايزين ارد عليك ارد ازاي حضرتك وانت مش سايب لي فرصه اوعي كده من وشي قال نفسي في اخ ولد قال تعالوا خدوه وعليه هديه كمان

عمرو من ورائها/سمعتك علفكره ي آنسه

لتشيح له حوراء بيدها

عمرو بصدمه/دي بتشوحلي بايديها خودي ي بت

لتجري حوراء علي المطبخ

والد حوراء /عمركم ما هتتغيروا ابدا

♡♡♡♡♡♡♡♡♡

في منزل عائشه

بعدما انتهت عائشه من صلاة الضحي خرجت من غرفتها وذهبت الي ابيها في الصالون الذي يقابل غرفتها

عائشه/سلام عليكم ورحمة الله وبركاته ازيك احاج عامل اي

والد عائشه/تعالي ي بكااش عايزه اي من الآخر

عائشه/انا بنتك صح بنتك والله وانت احسن اب في الدنيااا دي كلها بس يا رب يكرمك ويحفظك و....

أدهم من الخلف/انتِ هتشحتي خلصي يختي عاوزه اي

عائشه بصدمه وفرحه/اي ده ادهم انت جيت امته

أدهم/امم جيت النهارده قبل الفجر بس قلت اسيبك نايمه واقابلك الصبح اي مش هتسلمِ عليا ولا اي

عائشه/ابدا ي معلم هو انا عندي كام ادهووم ثم تجري عليه وتقوم باحتضانه

والد عائشه/قعدوا اعملوا فقرة العشق الممنوع دي وانسي انتِ كنتي جايه ليه

عائشه بتذكر/اه صوح ي حااااج خلي أمي متخلنيش اعمل معاها حاجه النهارده

والدة عائشه من الخلف/لي بقي ان شاء الله كنتي ناقصه ايد ولا رجل ولا صحه

عائشه بغباء/لا ي امي الحمد لله انا سليمه بس ليه بتقولي كده

والدة عائشه بتشنج/يا رب صبرني عل ما بلتني يا رب

لتنظر لها عائشه بتذمر

لتقول والدة عائشه/بعينك ها بعييينك هتعمل يعني هتعمل واقولك حاجه هتغسلي المواعين

عائشه بفاه مفتوح/نوعااام اغسل ايي ده انا اخلل في المطبخ ده انا ابطئ انسانه في غسيل المواعين

ادهم/طيب ي جماعه مضطر انا بقي امشي ورايا مشوار مهم

الجميع /في رعاية الله

عائشه/هاا كنا بنقول اي

□□□□□□□□□□□□□□

في الطريق كان أدهم يسير في الشارع ذاهبا لإحضار سيارته بينما من فوقه كانت حوراء تقوم ب رمي المياه لتسكب نصفها علي قميص أدهم

أدهم بغضب/اععع اعمل اي بس يا ربي اتعارك يعني علي الصبح

ليذهب أدهم الي البيت مره اخري ل تبديل ملابسه بينما في الأعلي

حوراء بشهقه/يا نهااار اي ده انا كبيت مايه علي الولا

والدة حوراء/عملتي اي ي آخرة صبري

حوراء براءه مصطنعه/مين انا ما عمولت شي انا خلصت ورميت المايه فكك يلا نشهق علي الملوخيه

والدة حوراء/يلا بينا ي معلم

■■■■■■■■■■■■

في منزل عائشه

دق أدهم الباب لتفتح له عائشه

عائشه باستغراب/اي ده ي أدهم مين اللي علم عليك

أدهم /علم عليا انا أدهم عز الدين حد يقدر يعلم عليه احم يعني دي واحده كانت بترش مايه فكبت عليا يعني

والدة عائشه/هااا يضنايا يبني تعالي ي حبيبي تعالي هطلعلك هدوم غير وروح مشوارك

عائشه بلوية فم /اي الأوفر ده ..ده انا يوم ما كبيت علي نفسي مايه ساقعه قالتلي سيقي ونضفي مكانك ما علينا اما اروح اغسل المواعين وبعدين ارن علي البت حوراء عشان نتقابل علي معاد اللقاء

والد عائشه/عيله كلها هبله وهي وصاحبتها حله ولقت غطاها هيشلوني والله🤦‍♀️

《《《《《《《《《《《《《《《

استوووووب يحزنني قول وصلنا للنهايه عزيزي القارئ ايوه ايوه بالظبط لحظة الودااع

يُسرني قول ان الروايه هتبقي ميكس عجيب يعني خلطبيطه بالصلصه رومانسي علي ديني علي نصائح علي معلومات دينيه علي اجتماعي وبهارات من عندي هااا والآن يمكنني قول في رعاية الله والسلام عليكم ورحمة الله وبركاته لا تنسوا الصلاه علي الحبيب المصطفي واسيبكم مع حوار مع اخت عائشه

عائشه/شكرا شكرا السلام عليكم ورحمة الله وبركاته كيف حالكم ي احباب عساكم بخير حبيت اختم انا البارت النهارده وهتكلم عن القرءان عارفين جمال انك تكون مخنوق وتقوم مره واحده تقرأ في المصحف أو تصلي وتشتكِ لله عز وجل اكيد بتحس براحه رهيبه القرءان بيكون ونيس لينا كلنا في القبر بيكون النور اللي في حياتنا بفضل الله فيه حكايات عن الصبر واليقين قولوا  ما هو احساسكم عندما تفتحون كتاب الله وتجدوه فاضي تماما لا آيات ولا أي شئ ها جربت الاحساس يبقي ليه بتكابر ومُصِر انك تبعد عم طاعة الله وقراءة وحفظ القرءان حاليا تلاقي بعض الأشخاص اما يكونوا مخنوقين يشغلوا أغاني لا ومش أي اغاني ب موسيقي كمان ونسينا القرءان السبب الثاني بعد الله في تخفيف الحزن  الله آياته كلها طمأنينة اخواتي في الله واللهِ البعد عن الله لا يجلب سوا المعاناه وعدم الراحه خلينا كلنا نقرب من ربنا ونواظب علي قراءة القرءان فما أجملها من صفات استودعكم الله بقي عشان الست الوالده هتنفخني ورايا مواعين وطبيخ س س سلام عليكم ورحمة الله وبركاته ❤️

بقلم /أمة الله🌺

ارتفعت أصوات قرءان الصلاه في جميع المساجد والجميع يسيرون متجهين الي صلاة الجمعه ومن ضمنهم والد حوراء واخيها عمرو

والد حوراء/اي ده ي عمرو مش ده عمك عز الدين والد أدهم

عمرو/أيوه ي بابا بس مش اللي فريحه ده ادهم ....اي ده ده الواد أدهم بس جيه امته

والد حوراء/يلا نلحقهم

ليذهبوا إليهم

والد حوراء/السلام عليكم ورحمة الله وبركاته

والد عائشه وادهم/وعليكم السلام ورحمة الله وبركاته

عمرو /ازي حضرتك ي عمو عامل اي ...ابو الاداهيم عاش من شافك ي راجل مقولتش انك جاي يعني بس واحشني واللهِ

أدهم بتشنج/بعيدا عن ابو الاداهيم دي بس ي بغل انت مش احنا علي تواصل كل يوم ولا انا كنت بتكلم مع عفريتك ده انت كان ناقص تكلمني في الحلم

عمرو بتذمر/في اي ي جدع مينفعش يعني اتمحن شويه

ادهم/لا مينفعش وبعدين الواد عامر لسه منزلش من السفر هو كمان

عمرو/ الواحد ناقص تلاجات في حياته لما تجولي انت والأستاذ عامر الفريزر بذات نفسه

ادهم بغموض/كان لازم نرجع عشان الشغل

عمرو/اهو الشغل ده اللي هيجيب اجلي

والد ادهم/خلاص بقي وصلنا المسجد

ليدخلوا الي المسجد في انتظار صلاة الجمعه

♡♡♡♡♡♡♡♡♡♡♡

في منزل عائشه

عائشه/احاجه أم ادهم أحاجه أم ادهم

والدة ادهم/اي اي بقره بتنادي وبعدين اي احاجه دي

عائشه/ي أمي ي حبيبة قلبي انتِ ليه مصره انك تجيبي فيا كل العبر

والدة ادهم/انتِ فيكِ كل العبر اصلا ...اخلصي عايزه اي

عائشه/اظن اني غسلت المواعين وطبخت عملت مسقعه وقليت بطاطس ونضفت مكاني انا ماشيه بقي

والدة ادهم/قصدك غرقت المطبخ ...وملحتي المسقعه زياده عن اللزوم ...وحرقتي البطاطس ...ووسختي المكان حواليكِ يا رب ي ترحمني ي تاخدني روحي ومتجيش تاني

عائشه/اله في اي ي امي هتنشري غسيلنا الوحش هو انا ناقصه نشر غسيل

والدة ادهم/روحي ي حبيبتي ربنا معاكِ عشان هتشل

عائشه/تيب سلام عليكم بقي عشان ارن ع البت حوراء

والدة ادهم/في رعاية الله

ذهبت عائشه ل ترن علي حوراء

■■■■■■■■■■■■

في منزل حوراء

والدة حوراء/عااااااااااا ي حورااااء خدي تعالي خدي بس هتفاهم معاكِ

حوراء بخوف مصطنع/نعم استني بس ارمي السلاح اللي في ايدك ده

فكانت تمسك ابو ورده سلاح الأمهات العظيم في ايدها

والدة حوراء/تعاااالي انا انا تعملي فيا كده

حوراء براءه مصطنعه/عملت اي يعني ل كل ده دلقت عليكِ طبق الملوخيه وانا بطلعه بالغلط كان غظب عني طب اقولك اعتبريني عيله وغلطت

والده حوراء وهي تلبس ابو ورده/يا رب الرحمه من عندك يا رب يا رب صبرني علي ما بلتني

حوراء بغباء/مالك ي ماما ده ربنا اذا احب عبدا ابتلاه

والدة حوراء بتشنج/يااااا رب

ليرن جوال حوراء ويضئ باسم عائشه

والدة حوراء/ردي علي الهبله التانيه ردي انا داخله ارص الاكل

حوراء/السلام عليكم ورحمة الله وبركاته

عائشه/وعليكم السلام ورحمة الله وبركاته أيوه ي حوراء لبستي ولا لسه

حوراء/انا هلبس اهو وطالعه ونبقي نصلي في المسجد

عائشه /تومام اما تخلصي رني عليا يلا سلام عليكم

حوراء/وعليكم السلام ورحمة الله وبركاته

ذهبت حوراء لترتدي ملابسها المكرونه من فستان باللون الأسود

وارتدت نقاب ماليزي باللون الأسود وقامت بمدارات عيونها

وقامت بالاتصال علي عائشه/السلام عليكم ورحمة الله وبركاته أيوه ي عائش هنزل استناكِ تحت قدام البيت وانتِ عدي عليا

عائشه/حاضر ي حبيبتي يلا سلام عليكم

لترد عليها الاخري السلام ثم تغلق معها وتقوم بالاستئذان من والدتها وتنزل لاسفل للذهاب الي المسجد

وصلت عائشه الي حوراء وبعد السلامات توجهوا الي المسجد واول ما فُتح باب المسجد وجدوا من يندفع ناحيتهم مثل القنفذ

عائشه/يلهوي علي الغباااء اي يا بت يا رودي انتِ اتهبلتي ولا اي في حد بيستقبل جد كده

رودي بتذمر/اله وحشتوني اجدعااان مش من حقي يعني

حوراء/حشا لله قطع لسان اللي يقول كده لازم تستقبلينا استقبال ملوكِ

رودي بغرور مصطنع /اي خدعه 😉

(ايوه بالظبط هي رودي اللي كانت معاهم في الحفله وكانوا حوراء وعائشه من احد اسباب التزامها )

ليدخلوا الي المسجد ويقوموا بالتسليم علي جميع الصُحبه  ويجلسوا لبدأ اللقاء

المعلمه/السلام عليكم ورحمة الله وبركاته عاملين اي ي حبيبات عساكم بأفضل حال متتصوروش كمية السرور والسعاده اللي بتبقي في قلبي لما نجتمع كلنا هكذا قبل ما نبدأ اللقاء حابين نبدأ ب كل بدايه كل مره اول حاجه نحمد الله كما ينبغي لجلال وجهه وعظيم سلطانه علي نعمة  تجمعنا علي طاعة الله سبحانه وتعالي وتاني حاجه النيه اننا قاعدين وبنستمع بنية التقرب الي الله سبحانه وتعالي النهارده مش انا بس اللي هتكلم النهارده كلنا هنتكلم في اللقاء ده والنهارده موضوعنا هيكون عن الصُحبه الصالحه وحوراء هتنشد لينا بعد ما نخلص اللقاء ها مين حابب يبدأ

رودي/انا ممكن ابدأ

المعلمه/اتفضلِ ي حبيبة روحي

رودي/الصُحبه الصالحه شئ مهم في حياتنا كلنا لازم كل واحد فينا يكون فيه في حياته صحبه صالحه لأن علي رأي المثل الصاحب ساحب سواء كان الصاحب ده محترم او مش ولابد أيوه ممكن تكون البنت محترمه وبتصلي وكل حاجه بس مش ملتزمه بالزي الشرعي مقولتش حاجه بس الخمار فريضه ولا نختلف علي هذا قبل اي حاجه ادعولِ ارتدي النقاب وإن أبي يوافق

المعلمه/أسأل الله أن يرزقك النقاب ي رودي ي حبيبتي

رودي/آمين آمين.....اكمل بقي الصحبه الصالحه نعمه انك تكون موجود في حياتك صُحبه صالحه تفكرك بمواعيد الصلاه تفكرك بالاذكار ل تكمل وهي تنظر لِ حوراء وعائشه يتصل بيك عشان صلاة الفجر يعينك علي طاعة الله سبحانه وتعالي

عائشه بتكمله/لو عملت ذنب بدون قصد يغضب الله سبحانه وتعالي يرجعوك للطريق الصحيح وينصحوك يكونوا سبب بعد ربنا سبحانه وتعالي في انك تقرب من ربنا تعرفك الحلال من الحرام تعينك علي الطاعه تكون خير العون والخليل الرسول صلي الله عليه وسلم بيقول اي (المرء علي دين خليله فلينظر احدكم من يخالل)

أخذ الجميع يتكلم ويتكلم وعندما انتهوا أخذت حوراء تنشد (ليس الغريب)فأبدعت بصوتها الجميل

وبعد الإنتهاء ذهب الجميع الي المنزل وفي الطريق

رودي /بنات بنات بناااات

حوراء/نعم نعم نعم خير مش في الدوله المجاوره احنا لازقين فيكِ

عائشه/خير ي رودي قولي انقطيني

رودي بحزن/انتم عارفين اني بحب ابن عمي عارفه ان الحب مش حرام وانه مينفعش اروح اصارحه بيه وكل اللي اعمله اني ادعي ربنا في صلاتي لو كان خير ليا يجعله من نصيبي والحمد لله بفضل الله بعمل كده وعمري ما أفعل شئ يغضب ربنا وبابا النهارده قال لي انه جاي من السفر بكره او بعده بالكتير ومش عارفه اعمل اي

عائشه بجديه/احنا كلنا عارفين ان الحب مش حرام ي عمري بس الحرام انك تصارحيه بيه وترتبطي بيه وتكلموا وهو ميجوزش ليكِ

حوراء/عائشه معاها حق وطول انتِ ما بتعملي الصح ومش بتبوحي ليه بمشاعرك وتصارحيه ومتبعه ما اوصانا به الرسول صلي الله عليه وسلم وامرنا به الله سبحانه وتعالي يبقي بإذن الله خير

رودي/جزاكم الله خيرا ي بنات مش عارفه اقول ليكم اي صدقا بشكركم علي وجودكم جامبي بفضل الله سبحانه وتعالي

لتقوم حوراء بضربها علي ايدها/احنا مفيش بينا الكلام ده ي حرمه

عائشه/يلا ي جوماااعه بقي عشان جوعاااانه ومقتوله نوم

رودي بغلاسه/اومال مموتيش ليه

عائشه/نينينيني

ليذهب الجميع الي الي المنزل علي وعد باللقاء مره اخري

************

في منزل حوراء

حوراء/السلام عليكم ورحمة الله وبركاته يا قومممم اشتقتم لي صحيح اكيد اكيد

والدة حوراء بلوية فم/اش اي يختي بقولك اي اكلك في المطبخ غيري وكلي واغسلي المواعين مكانك

حوراء/انا شكلِ جيت عنوان غلط

عمرو بسخريه/لا هو العنوان ي اخت

والد حوراء/سيبكم من الهبل شويه المهم ادهم ابن عز الدين جه من السفر وعايزين نعزمهم يوم الأحد علي العشا

والدة حوراء /ينوروا ي حج ده احنا نستقبلهم احسن استقبال

حوراء بصدمه مضحكه/حضرتك كنتِ هتطفحيني الاكل اي الاحترام ده

للضحك الجميع عليها وذهبت حوراء ل غرفتها لتأدية فريضة العصر☺️❤️

□□□□□□□□□□□□□□□

بس استووووووووب اقفي ي ماما انتِ وهي عندك مش هنختم الفصل المره دي ب واحده من بطلاتنا لإن النصيحه قلناها في الفصل وهي الصحبه الصالحه اسيبكم مع الأخت رودي تختم هي

رودي /السلام عليكم ورحمة الله وبركاته تس تس معايا كلكم اقدم الشكر ل كاتبه الروايه انها سابت لي الميكروفون

انا/الله يكرمك يا رب

رودي /اي خدعه اسكتي بقي نقدر نقول حاليا وصلنا لآخر فصلنا النهارده عارفه اني هوحشكم لحد الفصل الجاي يلا في رعاية الله يلا ي ماما انتِ وهي هنرش مايه😉😁😁

♡♡♡♡♡♡♡

هُزمت امام عينيك مُرحبا بالهزيمه❤️