لساعة الآن السادسة صباحا يوم جميل وشمس مشرقه تدخل من النافذة لتلقي بشاعاتها على وجه الفتاة النائمة لتبدأ بالتململ علي سريرها وتستيقظ علي صوت الطفل الصغير

حنين : اصحي بقي يافري هتاخر علي المدرسة

تستيقظ فريده :حضر يانينا  عشر دقائق واكون حضرت لك الفطار  روحي البسي انتي الاول

تقوم فريده وتذهب المطبخ وتقوم بتحضير الفطار لاختها حنين وتقوم باخذ الفطار الى امها المريضه في غرفتها وتقوم بمساعدتها لكي تتناول فطارها ثم تعطيها الدواء  وتذهب لترتدي ملابسها وتودع امها وتذهب لتوصيل حنين الى المدرسه ثم تتجه الى الكليه انها السنه الاخيره لها بكليه الهندسه باقي ايام علي الإمتحانات وتتخرج

{فريده  بتعيش مع اختها حنين وامها المريضه  بتدرس في كليه الهندسه وبتشتغل في نفس الوقت عشان تصرف على تعليمها وتعليم اختها وتقدر تكمل مصاريف العمليه لوالدتها }

بيرن هاتف فريده

فريده :الو ازيك يا نسمه عامله ايه

نسمه: بخير يا حبيبتي فريده في اوردر شغل جاي لي النهارده للبنت سناء في حفله هنقدم طلبات يعني وهناخد مبلغ كويس ايه رايك تيجي معانا

فريده: لا يا نسمه  انا مش هروح معاكم اخر حفله رحتها معاكم اتاخرت والفلوس كانت قليله جدا ما تستاهلش التعب اللي تعبناه ده غير اللي حصل هناك مش عارفه طبعا ايه اللي حصل انا مش هروح الاماكن دي تاني يا نسمه

نسمه : على العموم براحتك انا قلت اقول لك عشان عارفه انك محتاجه فلوس لعمليه مامتك

فريده: ابعديني عن سناء وشغل سناء يلا سلام بقى عشان انا داخله الكليه هبقى اكلمك بعدين

تدخل فريده الكليه وتلتقي صديقاتها وتلقي عليهم التحيه

شذى اقرب صديقه لها : اتاخرتي ليه كده يافري

ميرا : انتي المفروض تخدي بالك من المحاضرات خلاص الامتحانات قربت  انتظمي شويه يا استاذه

فريده : ياجماعه غصب عني اعمل ايه يعني

ميرا :انا بقول كده خايفه عليك وعلي مصلحتك

متزعليش مني

شذى :ايو يافري ميرا خايفه عليكي لاتعملي زيها وتبلطي في الكلية وتاخدي السنه بسنتين هههه

ميرا :كده ياشوشو  بتتاريقي عليه علشان سقط سنه علشان اكون معاكي

شذي: يا سلام يا اختي عشان تكون معايا برده ولا عشان تكوني مع حبيب القلب الولد الصايع اللي بيضحك عليك وياخد فلوسك يا اختي ومقشطك اول باول انت عارفه ان لو عمي عرف بالموضوع ده  هيحبسك بين اربع جدران

ميرا : وعمك هيعرف منين انا مستنيه بس يخلص الكليه بتاعته ويجي يتقدم لي وهنتجوز وساعتها بابا مش هيرفض وما تنسيش ان انا الدلوعه بكل طلباتي مجابه تفتكري بقى ممكن يرفض العريس اللي انا اخترت

فريده  : ميرا انت عارفه كويس ان شذى ما تقصدش اي حاجه انها خايفه عليك فعلا الواد دوت مش كويس ده انا ولا شذى بنرتاح له وبعدين كل شويه ياخذ منك فلوس وبيضحك عليك بيقول لك انا بجيب ملخصات هو في راجل بيقبل على نفسه ان ياخد من بنت فلوس وخصوصا لو كانت البنت دي هي اللي بيحبها ونفسه يتجوزها خلي بالك من نفسك يا ميرا

.... وبعدين بقى يلا تاخرنا على المحاضره نبقى نكمل كلامنا بعد المحاضره

{شذى بتكون وحيده ابوها ما عندوش اولاد غيرها لان والدتها والدها شغال صاحب شركه  صغيره للمقاولات شذى مخطوبه لخالد ابن عمها  [خالد بيكون اخو ميرا ايوه شذى وميرا ولاد عم ] }《ميرا واسمها الحقيقي ميرنا ابوها صاحب سلسلة مطاعم مشهوره اخواتها نادر  وخالد وهما اللى بيديره شغل والدهم وهي الصغيره محدش يقدر يتكلم معاها كل طلباتها مجابه وده بيضايق نادر اخوها الكبير》