الزائر
الزائر 1
بدأت اسمع صوت خبط على باب الشقة..
قلت دي اكيد تهيؤات من أثر الرسالة
سمعت صوت الخبط مرة تانية..
مين اللي هيجيلي دلوقتي؟
من ساعة ما سكنت لوحدي بسبب ظروف شغلي محدش زرني في وقت زي دة
قربت من الباب و قلت مين محدش رد
قربت اكتر و بصيت من العين السحرية مكنش في حد..
طب ازاي ..؟
فكرت لثواني أن ممكن افتح الباب
بس سمعت صوت رسالة واتس جديدة
لقيت نفس الرقم بعتلي للمرة التانية
حسيت بخوف شديد مين اللي بعتلي الرسالة دي..؟
و عرف منين أن في حد هيخبط على الباب؟
ممكن يكونوا اتنين متفقين مع بعض؟
بس ايه الفكرة في ان واحد يخبط و التاني يقولي متفتحش؟
مين اللي بيهزر الهزار البايخ دة؟
الباب رجع يخبط تاني باستمرار..
صوته كان مستفز و مزعج
رحت ناحية الباب و اول ما قربت
سمعت صوت رسائل كتير عمالة تتبعت
بصيت من العين السحرية برضو ملقتش حد
طلعت كام خطوة و بصيت قدام باب الشقة
خدت كام خطوة و بصيت على السلم لتحت
رجعت تاني شقتي و انا هتجنن
و بمجرد ما قفلت باب الشقة..
جريت على الموبايل على طول و مسكته عشان انور بيه
لقيت نفس الرقم بعتلي رسالة بس بيقولي فيها
مجهول
قلتلك اوعى تفتح الباب
قلبي كان مقبوض و كنت خايف جداً
سمعت صوت خبط على الباب بس المرة دي كان من جوة من جوة الشقة..
صوت الخبط كان مستمر كنت حاسس برعب شديد
مفيش حد هناك
امال الصوت دة جه منين؟
بدأت اسمع صوت حد بيمشي في الشقة بيمشي بهدوء غريب
بدأت ازعق هو في حد هنا ؟
محدش رد
صوت الخطوات كان حوليا في كل حتة...
لمزيد من التشغيل واللعب ، يرجى تنزيل تطبيق MangaToon
