الجدول الزمني لرمضان اخر الفصل👇🏻

اول شي بنتكلم عن الي يواجهوا مشكله في الدراسه او انك ما تريد تدرس او عندك تراكمات انا بحاول اعطيك حل

باعطيك اول سؤال

ليش تدرس؟

اذا كانت اجابتك هي عشان الامتحان

اجابتك شبه صحيحه انا ما بقول ان اجابتك غلط

بس بعطيك مثال:

انت ليه تصلي ليه تصوم عشان نكسب الاجر ليش نكسب الاجر عشان نفوز بالجنه صح الي فهم اوكي والي ما فهم بفهمك

ركز معي

الصلاه والصوم \=الدراسه

الاجر\=درجات الامتحانات

الجنه\=النجاح «الشهاده»

ولو كنت انت الى الان وانت تفكر ان لازم تدرس عشان تتجاوز الامتحان حاول تغير من تفكيرك وتقنع نفسك ان الامتحان مجرد وسيله تحدد مستواك مجرد اداه ربط للوصول للنجاح. __________________________________________

انت فكر في امك ابوك اخوك الاشخاص الي يتعبون من اجلك من اجل مستقبلك لذالك لازم تنجح

اغلبكم عنده اعداء اذا كنت تريد الفوز انجح

اذا كان عندك شخص يستهتر فيك او يسخر منك لانك جالس فوق الجوال 24ساعه

اوكي خليك على ما انت اذا كنت تريد يسخر منك اكثر واكثر اما اذا كنت تريد تنتقم ما تروح تضربه واتسخر منه انت ادرس بصدق بنيه احباط ظنونهم بك

انا عندي بنت عمتي

كان عندي انستجرام وتيك توك وواتساب...

راحت وقالت للعائله كامل اني ما بنجح لاني جاله فوق الجوال 24ساعه وانا صراحه كنت حقيقه مدمنه على الجوال وبعد محاولات كثير عشان ابعد عن الجوال ما اقدر وبعدين جأتني فكره انو احذف كل التطبيقات الى كنت انا مدمنه عليهم صح كنت امسك الجوال واتذكر انه ما عندي شي اسويه في الجوال واتركه

____________________________________________

انا كنت من النوع الي ما يذاكر ساعات كثيره

اذا كنت مثلي ما تحب تدرس كثير

احنا اليوم 18رمضان باقي 12فقط

وانت عندك تراكمات في الدروس انت لازم تتعب اعتبرها عقوبه ادرس بشكل مكثف

1-لازم تنام 8الى10 عشان تحافظ على تركيزك.

2-لازم تدرس 6-8ساعات على حسب التراكمات

3-لازم تاخذ استراحه اذا بتدرس ساعه خذ استراحه15دقيقه. اما اذا بتدرس 30خذ استراحه5دقائق.(وقت الاستراحه ماتروح عند الشاشه او على الجوال اذا كنت تدرس في الليل روح سوي لك شراب تحبه او تاكل خضروات او فواكه الاهم مو شوكلاتة اما اذا كنت في النهار وانت صايم تكلم مع شخص تحبه او استنشق هواء)

4-لازم تكون في غرفه منعزله الضوضاء وما يكون فيها الا كتبك وقلم وورقه

5-الجوال الجوال خليه بغرفه غير الغرفه الي انت جال فيها

6-لازم تشرب ماء كثير لان الماء يساعد على التركيز

7-استخدمي قصاصات الورق الملونه

8-نظم مكان دراستك

9-لازم تكافئ نفسك على كل انجاز

انزلي شوي

بسوي لكم جدول حاول تلتزم بيه لرمضان

____________________________________________

اولا: الفتره الصباحيه

من بعد السحور 6-10بتكون درست خمس ساعات

وبعدين سوي الي تريده

وبعد الفطور 9-11 وبتكون درست ثلاث ساعات

وبيكون خمس ساعات دراسه في الصباح وثلاث ساعات بعد الفطور \=ثمان ساعات دراسه في اليوم

كافئ نفسك مثلا شاهد افلام او العب بالجوال او اقرا رواياتك المفضله

📌 تذكر انه لازم تنام 8-10 حاول تغير روتينك 📌

📌وتتركه استراحه منتظمه بين كل فتره وفتره📌

____________________________________________

الفتره المسائيه

من بعد الفطور 1-9 بتكون درست خمس ساعات

سوي الي تريده

وقت الظهيره (بعد الظهر)4-2 بتكون او من بعد السحور 8-6الصباح وبيكون درست ثلاث ساعات

وبيكون خمس ساعات بعد الفطور ولاث ساعات وقت الظهيره( او بعد السحور )\=ثمان ساعات في اليوم

📌 تذكر انه لازم تنام 8-10 حاول تغير روتينك 📌

📌وتتركه استراحه منتظمه بين كل فتره وفتره📌

________________________________________

اذا كان عندك اي مشكله في الدراسه اكتب في التعليقات ونحل لك المشكله

تمنياتي لكم بالتوفيق