من كثر ما مشتاك يمكن انجنيت
اكل بصل مثروم حسبالي جكليت
الدهر صاير چاي والدنيا قوري
ليش اليحب يا هواي ينضرب بوري
لمن اشوف هواي يخدر شعوري
خدرت بالفانوس حسبالي قوري
شوفو زماني شلون من يأذي يأذي
خلاني شجرة موز بين الشواذي
وين البخت يفلان وتكلي مبخوت
صرت اشتغل دفان محد رضى يموت
زين البخت وياك واصل لهل حد
احفر كبر للمات كالو عدل رد
كَالوا بعد سنتين ونوزع بيوت
تاليها حتى المات ما عنده تابوت
فيتر صرت يا ناس والعيشة كشرة
وين اليضب الروح بسبانة عشرة
دورلي فيتر زين من روحي مليت
لا بدي لا رنكات بس شاصي ضليت
من كثر ما مشتاك خبلت نفسي
اشرب نفط بالكوب حسبالي ببسي
................
نلتقي بكم في الجزء الثاني من برنامج دراميات فيطيه...
لمزيد من التشغيل واللعب ، يرجى تنزيل تطبيق MangaToon
