كالعاده نايمه على سريري وفجأة احس جسمي يعرگ وعيوني صعب أن افتحها احس خشبة على گلبي ثقل مو طبيعي!!

فتحت عيوني واشوف الدنيا ظلمة وحاشكةة راسي على مخخدتي.. واون..

فكرت ببالي بيش الساعه هسه اكيد قبل الاذان بشويه كـ العاده يعني..!!

زين آني يومية اگعد هالوكت وعلى نفس الححلم

او كابوس بمعنى أصح

كعدت بوضع الجلوس على سريري.. وافرك بوجهي حيل حيل كأن من حسوي هيچ حتروح الأفكار من راسي ويبطل يجيني هالحلم

يلي صرت اشوفه بأغلب وقت نومي.. معكرلي صفوو نومتي وزاعجني وكأن صار جزء من يومي

كعدت على حيلي ونفضت بطانيتي نزلت اقدامي ع الارضيه البارده من أثر السبلت المفتوح..

وقبلها ألقيت نظره ع الساعه الجداريه الحمره الي اختاريتها ويا اختي

الساعة 5:30 .. دنيا صبح او فجر معنى اصح

وكفت على طوللي واخذتلي صفنه مدري ليش..

تمطيت بكسل ورفعت شعري المنكوش عبالك ساحره وطالعة من معركة مهزومة

اخذتلي نظره ع أختي النايمه وماحاسه بالدنيا وكفشتها منثورة ع المخده

اي اي يابه احنا كولنا مكفشات لان شعرنا طويل ووممنوع نگصةة لو حتى كذله ممنوع منع بات من القياده العليا..

شلت موبايلي بأيدي وطلعت حتى اشرب مي فتحت الثلاجة شربت مي واخذتلي صفنه باقي كبه من العشه..

غمضت فتحت ماكو نعاس بعيني راح بح

يلا مابقى شي للصبح اعتبره ريوگ.. فتحت گدر الخبز حميته بسرعه وطلعت الكبه هيه وباردة.. خليت الخبزه ع الكاونتر

وسحبت الصاص تللتهاا فتحت الملح هم درت رشة. خفيفه..

َ

سديت الثلاجة ولملمت وسحبت الكرسي وگعدت اكل وافكر.. مره اكل واخذذلي صفنةة

واستمع لتمجيدات الجامع مابقى شي ويأذن حتى اگوم أصلي

بلش المؤذن بـ الله اكبر الله اكبر

لبيك ياحبيب الله.. اكلت اللگمةة.. الاخيره وكمت للمغسله

وغسلت وجهي وتوضيت.. شكََد أحب أجواء الفجر

رحت الاختي كعدتها و صليت وكمنا سوه..

انسدحنا كل وحدة ع السرير الخاص بيها وعيوننا ع السگف

حچيت :-اگولچ انتي نعسانه؟

ردت عليه _ لا عيوني تكول عيون ذيب مدا ينامن

'' عيون ذيب؟ ! والبارحة المهره الاصيله تريد خيال ومدري شنو كل شوي سالفه ولج منين متعلمة هالحچي..

_هههههههه عادي حتى انتي كمتي تلكفين من المسلسل الدانشاوفه

_احنا شوازانه نشوف مسلسل بدوي؟! وورايه جامعه اني اروح احجيلهم هيج ههههه

همزين لسه مااتأثرت بس انتي بعد كم يوم تنسين لهجتج

_من انساها انتي تذكريني درو كشخة وطكتها ضحكة

عاد اني وصلتلي رأساآ شمرت عليها المخده من يمي مخده احتياط يم راسي مخليتها وكملت

_لچ كلبه عوع مالگيتي غير درة كشخة اصلا كمت اكره هالسالفه..

هوه مهتلف وزايعته الدنيا اصلا.. برررره من الصباحيات عكرتيلي مزاجي وذكرتيني بي "

كملت كلامي بضجر.. ولچ معقولة يسويها البخت ويجي العرس حازم (ابن عمي)..؟؟

_اي ممكن ليش لا.. اصلا ممكن هواي.. تجيبه سليمة رويده وتجي..

نفخت بضجر.. اووووو بس لو نخلص من سوالف رويدة العار احنا بخير

_اشش اسكتي لتسمع هسه وتسويلنا عرس من الصبح

_اي مو فد مندله.. طز يابه لتضلين جبانه..

_مو جبانه،، بس اتلافى المشاآكل اما انتي ف عرمه محد يلحگچ بالتغريد هههههه

_ هسه صرت عرمة مو ولج عود من تكب العيطه خيفيدج هدوئج ياكلوچ ويشربوچ لعد اني مو چنت نفسچ شفت حقي وحقج مأكول ف طلعت لساني

-هوف االعالم العايشين وياهم يجبرونا يعني

_اي

ردت عليه.. لعد اني من باچر شوفي اذا خليتها تعيط عليه لو تحجي شي بالعرس اذا مااشرشحها تشرشح

َفتحت عيني حيل _ يا ولج اي لو طخة لو اكسر مخة لو هيج لو هيج ماعندج حل وسط وغميتها بأيدي

گام تضحك وكالت يلا نامي ترا بس يسمعون صوتنا يگولون كعدن ليسمعهم عبالك عدنة حش الزرع ونوكل الحلال واحنا بيتنا بي ٤ نفرات يطلع نفر يطب نفر

--ضحكت على سوالفها ولفيت راسي ونمت

گعدت على صوت تگطگ بالمطبخ ومخبوصة الأمة صحت بصوت عاالي...

يااااناااس اصواتكم كووولو وحده مخموده صخام بوحهكم ان شاء الله اخ راسي وشلت المخده خليتها فوگ راسي واعصر بعيوني اريد بس أرجع انام