سبوع

ملك/ يووووه ايه يا سى ريان مش هنروح السنادى دى تاسع مره اغير بقى وتقولى ضيق ومبين مبين ايه يا سى ريان

ريان/ ملك نصار لو لقيته بيبصلك كده ولا كده ولا اى مخلوق هقتلو و اقتلك واقتل نفسى ارحم من اللى هيحصلى

ملك/ نعمين وحته يا دكتور البهايم والله لو مقمت دلوقتى قدامى لهروح ببدله رقص قال ضيق قال

الباب خبط

ريان/ ايوه ايوه اخلصى يختى عم خضر وصل

ملك بدلع مصطنع من نرفزته

ملك/ حاضر يا بيبى هحط جلوس اجى

ريان/ ها اه حاضر طيب انا خارج

فتح الباب علشان يخرج خبط في عم خضر

عم خضر/ يا دكتور ريان صوتك جايب اخر الكفر براحه على البنته انت شكلك مبتعرفش تتعامل مع الجنس الناعم زيى

ريان/ وانت كنت تعرف جنس ناعم ؟

عم خضر بغرور/ طبعاً ده انا كل بنات الكفر بتجرى ورايا علشان شعرى الناعم وعيونى اللى تهبل هيحححح

ريان/ هيييحححح ايه يا عم خضر انت اقرع أصلاً احنا هنصيع ههههههههههه

خرجت ملك بقفطان طويل وفردت شعرها وحطت جلوس

عم خضر بصفير/ ده انا متجوز غوله ايه الجمر ده

ريان/ عم خضر دى مراتى

عم خضر/ بنتى دكتور ريان

اخد اديها تحت ضحك ملك وهى متانجچه مع عم خضر

وريان ماشى وراهم لحد موصلو للعربيه

ريان وهو بيكلم ملك بهمس/ بصى انتى هتقعدى مع الحريم متخرجيش من اوضه الحريم هبقى اتصل بيكى بعد ما السبوع يخلص نروح على طول مفيهاش بيات

ملك/لا تقلق يا ابو الصحاب اخوك عارف كل حاجه

ريان/ والله انا عارف ان إحنا مش هنطلع من هنا من وراكى قاعد مع سواقه توك توك تقوليلى اخوك

ملك/ تطول يلا

ريان/ احم احم احترمينى انا جوزك

ملك/ جوزوك سحليه عرجه يا ريان الكلب

عم خضر/ انزلى يا بنتى ده الباب الورانى بت خديجه بتى مستنياكى جوه هتخدك عند الحريم

*****★********★*******★********★*

في السرايا

فى اوضه من اوض الحريم وبالتحديد اوضه صفاء

(صفاء مرات نصار التانيه)

بتجهز ابنها علشان السبوع بتاعه

وفجأة دخلت عندها حنان (مرات نصار التالته)

حنان بغيظ/ عاجبك حال نصار

صفاء/ مالو الكبير

حنان/ شايفه ليل نهار جاعد في اوضه بنت زينب ولا كأنو مجابش غيرها

صفاء بهدوء/ بتو بتو وهو حر يجعد معاها ولا مع مين ما حب

حنان/ كيف عاد انا طول عمرى اعرف ان الصعايده يموتو على ضفر الواد اول مره اشوف اللى عندو البت بالدنيا وما فيها ده إحنا جابينلو بدل الواد سته

وادى سبعهم بين ايدك

صفاء/ ملناش صالح هملينى دلوك وروحى شوفى الكبيرة تأمر بحاجة

🌼🌼🌼🌼🌼🌼🌼🌼🌼🌼🌼🌼🌼🌼

عند فاطمة

كانت وقفه قدام المرايا و لبسه قفطان بسيط من اللون الزيتى مطرز بلون الذهبى

وفردت شعرها الطويل

فجاه خبط الباب

ودخل نصار بهدوء بيبص لبنته بتفحص كانت جميلة جداً

نصار/ يااااه ده الجمر طل ده انا هفضل ارفض عرسان الدنيا كلها علشان محدش ياخد منى الجمر ده كلو

ابتسمت فاطمه وهى بتلف ليه العمه

نصار/ نعمه يا نعمه

فجأة تدخل نعمه

نعمه/ امرك يا كبير

نصار/ تخليكى جار فاطمه عند الحريم واللى تجول ليها كلمه خبرينى وانا اطخو فهمه

نعمه/ امرك يا كبيرنا تعالى يا بنتى

################################

فى نفس السرايا

فى الصالون الطويل العريض تجلس تلك العجوز الكهله

نزل نصار خلف نعمه و هو ممسك بيد فاطمه

وهو يبتسم لها وما انت سمع صوت تلك العجوز حتى كشر

الحجه بديعه/ ما انت بتضحك اهو عاد اومال مدرلنا الوش العكر ليه

ما انت سمعت تلك الصغيرة صوتها حتى اختبأت خلف ابوها وهى ترتجف فهى تخاف منها اكثر من الموت

نصار/ نعمه خدى فاطمه جار الحريم

الكبيرة وهى عينيها تكاد تخترق فاطمه

/ لساتك بنص لسان عاد يا بت زينب

نصار/ ملكيش دخل بيها يا مرت ابوى احسن الله في سماه مش هسيبك حيه

الكبيره بغضب/ بتهددنى عاد يا ولد المهدى

نصار/ ابعدى عن بتى وحسك عينك اسمع انك حتى هوبتى بحيتها قبلها هنكون بنصلى عليكى وبنوزع شربات

الكبيرة/ وانا كنت عملتلها ايه يا ولد المهدى ده انا عشلت عارها مستنيها تنزل راسنا في الوحل

فجأة دخلت خديجه ومعاها ملك

فخرج نصار للاحتفال مع الرجال ب الذبح و الغناء والزمر

يتبع.............

بقلمي ياسمين محمد 🖤

*** قم بتنزيل NovelToon للاستمتاع بتجربة قراءة أفضل!***