فن الصمت

السلام عليكم

*أذا جنت مهتم أقرأ

شوف أنت عرزيزي المباوع أختصرتلك الكلام كله لأن اكو بعض منكم"البعض" ما بي حيل يقرأ كلام هواي (مابي حيل ينفع نفسة)

*لحد يكلي مكثرة كلام لأن لخصتة أكثر من ما ألخص تعريف الفيزياء

راح أحجي سالوفة صغيرة سمعته مره. أنو جان اكو شاعر محكوم علي بالاعدام فمن رادوا يجرون الحكم أنقطع الحبل وعندهم قبل ان هذا الشيء معناتها "فال خير"ف عافوا بس الشاعر ما كظ السانة وكام كال شفتوا همه حتى حبل مايعرفون يسوون ف راحوا للملك مالهم وحجوله بالسالفة وكال خل نعيد الحكم ومواري شلون ينكطع بعد وفعلاً عادوا الحكم بس هلمره ما أنكطع هالمره مات !!!!

الصمت في بعض الاحيان تكون نتايجة كلش حلوة وأقوى مقارنه بالكلام الصمت مهارة صعبة عند الناس الي متعوده تحجي ف عندي ألك كم طرقية سهلة مراح تستغني عن الصمت

1_ الاستمتاع بالاستماع: منو ميعرفها هاي؟ أنت لازم تستمتع بألي تسمعة شلون ماجان نوعة !!على سبيل المثال شخص جبير أو ولي أمرك أو اي أحد يصيح عليك كل مره وبكل مرة أنت ماتسكت وترادد وتجادل ف حاول المرة الثانيه أنو تسمع للي يحجي سواء كانت أهانة او غيرها وغيرها راح. تلاحظ قديش كلام ما عبرتة من هذا الشخص وبلأخير لو تباوع للسالفة الشخص راح يسكت و راح يهدأ الوضع وبعدين تصير وتصير المشاكل بينكم أقل صدكني هذا الشخص الي يصرخ أو غضبان عليك يريد يفرغ الطاقه السلبية بأي طريقة وهوه مايدري أنو راح يزود الطين بلة ويكون غضبه أسباب الانزعاج أو الملل الخ…

2_عد لل10 قبل الكلام: مضحكة صح ؟ أي صح مضحكة 😂 بس نتايجها كلش حلوة لأن اغلبنا يحب يحجي بدون توقف. (أنا منهم) بس لازم يحسب ألف حساب لكل كلمة كالها يعني لازم تاخذ وقتك تفكر بشنو ترد أحسن من أنو ترد بأسرع من البرق وتلوصهه سامعين بالمثل ألي يكول " الكلمة كالسهم حين تنطلق لاتعود"

3_ ركز على نفسك: هاي مثل الخدعة بس مراح تكدر تستعمله بالميديا بشكل جبير هيه طريقه تسيطر على نفسك وبعدين ؟ عزيزي المباوع أنت أكيد تحب تحجي وتشارك أرائك بكل الوقت

هنايه حاول تدقق على نفسك أستوعب شلون تنخفظ رأتك وترتفع لح يخليك تسيطر على الحماس الماله والي وترد بطريقة مرتبة مثلك وتفهم الناس بهالطريقة

4_أسأل أكثر :أنا ك جميلة ما أحب أن أحجي عن نفسي هواي لأن البعض راح يباوعلي بنضرة ان انا متكبره وانانيه لأن احجي عن نفسي وأنجازاتي وأفكاري ومثل الي ما أنطي فرصه للشخص الگبالي ف يمكن أنت شخص تحجي أكث من ما تسمع والكلام هذا يشرحلك شيصير بأول أسطر من الي حجيته توي ف الي أقصدم من أحد. يحجي وياك أساله ببدال ما تحجي عن نفسك هيج أنت صنعت رابطة بيناتكم ولاتجيب أم العيد وتليصههه

5_أوقف كل شيء ملهي: يعني باوعلي أنت بس تسمع أشعار من تلفونك وأنت تدرس لح تضل تدرس ؟ لا والله ألكاك نايم وتكنك ف جاول تكتم تلفونك وهاي أكيد الكل مسويها بقصد أو مندونه

6_ الصفاء والتأمل :ما جاي أكلك سوي تمرينات وأستشعر الحياة هوه أنت حيل مابيك حتى تقرأ هذا كله!! ف على الاقل خصص لنفسك فد 10 دقايق روح الي مكان مايهم شنو جان بس روح لأي مكان وأصفن بي صفنة أبو صابر فد كل 5_8 أيام بابا أكعد وي روحك شني نظل نعلم بيكم!!!(اشائه😆💗)

7_دور على هواية :أنت متجتف لاشغل لا مشغلة وتحاول تتعلم الصمت وهل كلان تبن هذاا ف لازم تخترعلك هواية منها الزراعة الرسم الطبخ تصوي حياكة أي شي تقضي بي وقتك وحدك

يحتاجلها صفاء ذهن وكلام. كلش قليل

وبالنهاية أدري ضوجتكم🙎🏻‍♀️

بس يالله أكيد طايحة ألي 👈🏻👉🏻💗

صراحة كتبت هذا الكلام لأن احب اتفلسف هواي وأحجي بهيج أشياء(أحب احجي هواي وصارلي ساعة اشرح. عن الصمت😂)

بس هذااا مو يعني تبتعد عن ألي تحبهم تبتعد عن اصدقائك اهلك تتجاهلهم لاااااا🙅🏻‍♀️ لأن كل الي كتبته فوك ماكو ولا وحدة تكول أنو هيج تسويييي ويالله سلام🙋🏻‍♀️

*** قم بتنزيل NovelToon للاستمتاع بتجربة قراءة أفضل!***