...- صلّوا على نبي الرحمة واللي هيشفع فينا يوم القيامة (سيدنا محمد صلَّ الله عليه وسلّم) ♥️...
...- اذكروا الله، ومتنسوش تدعوا لأهلنا في فلسطين والسودان وسوريا ولبنان وجميع الدول العربية ♥️...
...- بقلمي : دانـــا - DΛNΛ 😉💙...
.......
.......
.......
.......
.......
.......
...الكل قاعد وعلى أعصابه ومش عارفين هيتصرفوا إزاي دلوقتي ولا هيعموا إيه في الورطة دي....
...مالك اتدخل وحاول ينقذ الوضع بعد ما جاتله فكرة مش عارف هتنفع ولا لأ : مش العُملاء فرنسيين!...
...أماء لؤي بالإيجاب من وسط غضبه وده حفِّز مالك أكتر يقول فكرته اللي خطرت على باله فجأة : خلاص يبقى نكلم نور تيجي تنقذنا مش هي معاها فرنش وألماني، كلّمها دلوقتي تيجي بسرعة وعرفها التفاصيل خلاص مفيش وقت....
...لؤي عينه لمعت وابتسم وعجبته الفكرة، ازاي مجتش في باله من الأول!! مضيعش ثانية كمان في التفكير وفعلًا قام طلب نور وقالها تيجي الشركة دلوقتي حالًا عشان محتاجينها لإنهم عندهم اجتماع مهم النهارده مينفعش يتأجل وفهّمها إن المترجم اللي كانوا متفقين معاه عنده سبب خلاه ميعرفش ييجي وهم محتاجينها عشان العملاء من فرنسا وهي الوحيدة اللي هتقدر تساعدهم دلوقتي عشان فعلًا مفيش وقت يشوفوا حد بديل حاليًا....
...○●─── ･ ｡ﾟ☆: *.☽ .* :☆ﾟ. ───●○...
...آسيا مرة واحدة شهقت من الصدمة، بعد ما كانت بتعدي الشارع عادي و بـ راحة هي وكيان عشان الإشارة حمرا وكل العربيات واقفة بس أول ماشافت العربية اللي مهتمتش للإشارة واللي كانت هتدوسهم وعينها جت على سواقها اتعصبت وقامت رايحة ناحية الشباك وزعقت بعد ما استوعبت اللي حصل : إيييه مبتشووفش!!!! مش شايف قدامك الإشارة!!!!! ولا مبتعرفش تميز الألوان وأعمى -كملت بعد ما هو فتح باب عربيته ونزل وأخدت بالها من شكله وشكل عربيته وعرفت إنه غني فـ بصتله من فوق لتحت بسخرية- ولاااا إنتوا بتسوقوااا زي الحيوااانات ومش مهم اللي قدامكم تدوسوه ولا تيجي سليمةةة....
...إياد واقف قدامها وهو لسه بيستوعب إنه كان هيدوس حد ده غير إن الإشارة كانت حمرا والمفروض يقف لكنه مأخدش باله مش عارف إزاي وموقفش وكان هيتسبب في حادثة .. حمد ربنا الحمد لله إنه لحق الموقف وشد فرامل بسرعة، أخيرًا استوعب اللي حصل وسمع آخر حاجة قالتها : أنا آسف جدًا بجد مأخدتش بالي خالص من الإشارة والله يا انسة -كمل بعفوية شديدة- أنا في الحقيقة متأخر على الشغل جدًا ده غير إن راحت عليا نومة وصاحي بالعافية فمشوفتش قدامي كويس أنا بعتذر لحضرتك تاني -وبص لـ كيان واعتذرلها هي كمان اللي كانت بتابع اللي بيحصل بدهشة ومكنتش معاهم خالص-...
...كيان ابتسمت وقالت وهي بتحاول تهدي الدنيا وتهدي آسيا بعد ما اتصعبت جامد وفعلًا معاها حق دي روحهم اتلحقت بمعجزة : خلاص تمام مفيش مشكلة حصل خير والحمد لله جت سليمة ومحدش اتأذى وحضرتك اعتذرت .. يلا يا آسيا....
...آسيا بتشاور بإيدها لكيان تسكت وتستنى شوية ورجعت تبص لإياد وقالت بسخرية : إنت مفكر إننا هنصدق اللي قولته بعد ما كنت هتضيعنا بتهوّرك وتضيع روحنا في ثواني....
...إياد بصلها باستغراب وهو مش فاهم تقصد إيه، هو اعترف بغلطه واعتذر أكتر من مرة وفهمها السبب اللي خلى كل ده حصل .. في إيه بقى دلوقتي؟؟! : مش فاهم مش مصدقاني ليه!!...
...آسيا بصتله باستحقار وابتسمت وقالت بسخرية لاذعة : إنت مفكر إنك هتضحك علينا بالكلميتن اللي قولتهم دول وهنتغاضى عن عدم مسئوليتك تجاه الأرواح اللي في الطريق وطالما إنت راكب عربية يبقى إحنا اللي نوسع من الطريق ليك ولأشكالك....
...إياد مش عارف يتصرف إزاي دلوقتي ولا يقول إيه هو مكانش قصده كده أساسًا ففكر بسرعة وحط إيده في جيبه وطلع فلوس وبعدها مد إيده ناحية آسيا : عايزة كام وأنا أعوضك عن خطئي؟! دول كفاية!!!...
...آسيا بصتله بغضب كبير وحاولت تتماسك : إيه ده؟!!...
...إياد ببراءة حقيقية لإنه اعتقد إنها من الأشخاص اللي بياخدوا فلوس في المواقف دي وبيعملوا كل ده مقابل الفلوس لإنهم في الوضع ده بيبقى معاهم حق والطرف التاني الغلطان فبيستغلوا الفرصة لصالحهم : فلوس!...
...آسيا بنفاذ صبر قالت بصوت عالي : وأنا هعمل إيه بفلوسك إن شاء الله يا أفندي .. كلكوا مفكرين إن فلوسكوا هي اللي بتحل كل حاجة وبتحل كل المشاكل ناس سطحية ومريضة صحيح....
...آسيا سابته واقف مكانه بيترجم هي قالت إيه دلوقتي ومشت وأخدت إيد كيان وكملوا طريقهم وآسيا مش مبطلة كلام عليه من العصبية ... إزاي يفكر إنها بتعمل كده عشان تاخد منه فلوس إيه الناس دي هوّ فيه ناس كده بجد؟!!!...
...إياد مفكرش كتير وركب عربيته وكمل طريقه للشركة بسرعة ده يادوب أول ما يوصل مي تقوله إنهم قاعدين مستنيينه جوه في أوضة الإجتماعات أساسًا....
.......
.......
.......
.......
.......
.......
...وأخيرًا إياد وصل الشركة وراح على طول لمكتب لؤي ... لسه في وقت الحمد لله حتى لو شوية صغيرين يراجعوا فيه البرزينتيشن اللي حضرّه ... فـ خبّط على الباب ولؤي أذن له يدخل....
...لؤي أول ما شاف إياد قال بسخرية : وأخيرًا صعبنا على الباشمهندس إياد فـ حنّ علينا وقال ييجي أخيرًا عشان من غيره ومن غير اللابتوب بتاعه مش هنعرف نعمل حاجة....
...إياد عمل نفسه مسمعش حاجة وأول ما شاف عمه شريف ومالك بيه قرّب عليهم وسلم عليهم واحد واحد وواخد راحته على الآخر في الكلام عامل نفسه كإنه مش واخد باله من اللي هيولّع فيه كمان شوية بعيونه وهو بيبصله....
...لؤي باقتضاب وهوّ بيوجه كلامه للكل وبعدها لإياد بالتحديد : خلصنا سلام؟ خلصنا؟! كلام ممكن بقى نشوف اللي حضرتك عملته قبل ما ندخل الإجتماع اللي فاضل عليه أقل من ساعة! ومش هقولك تاني يا إياد إنك محتاج سكرتيرة عشان تساعدك وتبقى تلحقك وتتصل بيك لو حسّت إنك اتأخرت وخصوصًا في المواقف اللي زي كده لإن اجتماع النهارده مش قليل، عشان مش عايز الموقف ده يتكرر تاني لو سمحت....
...إياد فعلًا حس إنه محتاج لسكرتيرة جدًا وده هيخفف عنه حمل كتيييير وكبييييير : متقلقش بكرة بالكتير إن شاء الله هكون بختار واحدة. ...
...بعدها الكل قام وراحوا كلهم غرفة الإجتماعات وناقشوا هناك كل حاجة مع بعض على شاشة العرض الكبيرة وعجبهم جدًا اللي إياد أضافه وكل مرة بيعمل فكرة جديدة بينبهروا بأفكاره الرائعة وفعلًا ميبانش عليه إن عنده أفكار زي كده خالص....
...وبعد شوية الباب خبط واتفتح واللي دخل ماكانش غيرها نور شريف الباشا....
...لؤي أول ما شافها ابتسم عالآخر وشاورلها وهو بيقول : تعالي يا نونو بسرعة أفهمك الإجتماع عبارة عن إيه قبل أي حاجة، خلاص مفيش وقت كتير العملاء على وصول....
...نور قالت وهي بتقرب من مكانه بغضب طفولي وأخدت كرسي وقعدت عليه وكان في إيدها اللاب توب بتاعها حطته على الترابيزة جابته عشان لو احتاجته ولا حاجة : يووووه!!! مش قولتلك مليووون مره يا لؤي متقوليش نونو دي تاني....
...لؤي بهزار مسك خدودها بإيديه الإتنين : يا نهار أبيض على جمال الحلو بتاعنا لما يتضايق ويكشر كده....
...نور ضحكت غصب عنها .. هي اه مش بتحب الدلع ده لكنها بتضعف أوي قدام لؤي ومالك لما يدلعوها ويعتبروها زي بنتهم قبل أختهم بس لؤي بالذات أقرب منها عن بباها ومالك علاقتهم قوية جدًا وبتحبه أوي ومش بتخبي عنه أي حاجة، وهو بيبقى معاها شخص تاني خالص ومختلف عن لؤي اللي مع عيلته كمان، يعني بيحاول يبقى زي الأطفال زيها عشان يعرف يتعامل معاها ومع دماغها وتفكيرها، كانوا قريبين جدًا من وهمّ صغيرين ومازالوا محتفظين بالقرب ده وكل ما بيكبروا أكتر علاقتهم بتقوى أكتر وأكتر وخصوصًا بعد ما مالك اتجوز وسافر وهي بقت أقرب لـ لؤي كتير عنه. [يعني كده لؤي بـ 3 شخصيات بيتحول وبيبدل بينهم على حسب اللي قدامه😂]...
...نور بابتسامة ثقة : شوفت طلعت مهمة إزاي واحتاجتوني في شغلكوا ومحتاجين خبراتشي ولغاتشي....
...كلهم ضحكوا جامد ولؤي قال : هو بعد خبراتي ولغاتي اللي قولتيهم دول محدش هيرد عليكِ....
...قرب ورق الإجتماع ليها وبدأ يشرحلها كل حاجة ولإنها بتمتلك نسبة ذكاء عالية زيه فـ استوعبت بسرعة كل حاجة....
...العملاء وصلوا وكل واحد أخد مكانه وبعد التحيات والمقدمات بدأووا الإجتماع ونورهان بتترجم كل حاجة وبتوصل كل حاجة بتتقال للطرف الآخر وكل شوية لؤي يبصلها بنظرة فخر بيها وإنها بتعمل شغل عالي وقد إيه متمكنة من كل حاجة جدًا ما شاء الله ربنا يباركله فيها حبيبة قلبه....
...الإجتماع خلص و العملاء مشوا وكل واحد قام يجهز حاجته عشان ياخدها ويطلعوا، ومالك وإياد قعدوا يمدحوا في نور كتير وقد إيه فخورين بيها وبثقافِتها اللي بتوسعها بتَعلُمها حاجات كتيرة ومختلفة، واللغات اللي اتعلمتها بس كـ مجرد هواية مش أكتر جه اليوم واللي احتاجت فيه واحدة منهم وساعدتهم بيها وفي شغل مهم زي ده وفادتهم....
...○●─── ･ ｡ﾟ☆: *.☽ .* :☆ﾟ. ───●○...
...كانوا في طريقهم لأحد المولات يشتروا أدوات مدرسية جديدة وبأشكال مختلفة عشان يبدأوا بداية محمسة ومليانة نشاط لمرحلة جديدة في حياتهم وهي الجامعة....
...آسيا وهي لسه بتتكلم عن نفس الموقف : على فكرة كان المفروض أبلغ عنه وييجوا ياخدوه للقسم هو وعربيته اللي فرحان بيها....
...- " خلاص يابنتي براحة شوية بقى الراجل اعتذر مليون مره وقالك إنه صاحي بالعافية ومكنش واخد باله ده غير إنه مستعجل و وراه شغل. "...
...آسيا وهي بتبصلها بغضب لسذاجتها : وإنت صدقتي؟!...
...كيان أخدت نفَس وقالت باستغراب : آسيا إنت بجد متعرفيش إنت كنت بتتخانقي مع مين دلوقتي؟؟...
...- " أكيد طبعًا عارفة ده واحد متهوّر وحقير وعنده فلوس كتير مش عارف يعمل بيها إيه ومفكر إنها حل لكل المشاكل. "...
...\= " أنا أكيد مقصدش كده .. قصدي إن ده إياد البحيري صديق لؤي الباشا وشريكه في الشركة، يعني ده مدير اخواتك في الشغل. "...
...- " بقى هو ده إياد بيه اللي ليه سمعته واسمه والناس بتحبه وفي الآخر طلع متكبر زي الباقي ومغرور والناس العادية مش مهمة المهم هو واللي زيه -بصت لكيان وهي بتكمل كلامها- مازالتِ معجبة بيه بعد اللي شوفتيه. "...
...كيان بابتسامة واسعة وهي بتفكر في لؤي ولو كانوا قابلوه بدل إياد : أنا معجبة بـ لؤي مش إياد، بس أصلًا الاتنين عساسيل وقمامير....
...- " خليكِ إنت كده ماشية ورا إحساسك العبيط ومش شايفة الحقيقة الواضحة. "...
...○●─── ･ ｡ﾟ☆: *.☽ .* :☆ﾟ. ───●○...
...في مكتب لؤي كان قاعد بيراجع شوية ورق مهمين وبيشوف لو فيهم حاجة ناقصة، مالك دلوقتي مع بباه في مكتبه بيراجعوا ورق الإجتماع اللي عملوه سوَا ونور روّحت بما إن دورها خلص....
...إياد فتح الباب فجأة ودخل بسرعة وقال وهو بيقفل الباب : يلهوي يا صاحبي إنت متعرفش اللي حصلي وأنا في الطريق بجد الحمد لله إنها عدت على خير وإلا كان زماني واصل دلوقتي ده لو مكنتش سابتني بدون ما تعمل مشكلة وروحت جبتني من القسم بعربيتي....
...لؤي مش فاهم الواد ده بيتكلم عن إيه ومين؟! في إيه حصل لكل ده!! : ايوه يعني أنا المفروض أخمن دلوقتي بمجهودي إنت بتقول إيه وأفك الشفرات!!!!...
...°...
...° ✩ °...
...° ✩ ° ｡ °...
... ° ☆ ｡ ...
... ･ ✩ ﾟ ｡ ✩ ...
... ...
... ° ° ﾟ ｡ ...
... ✩ ﾟ ｡ ✩ ｡ ...
... ° ｡ ° ﾟ ...
... ﾟ ｡ ☆ ｡ ﾟ ...
... ° ﾟ ｡ ☆ ｡ ...
... ° ☆ ﾟ ｡ ...
... ...
... ° ﾟ ° ｡ ✩ ...
...° ✩ ｡ °...
... ✩ ° ° ...
...° ☆ ° ✩...
...°...
...<<<متنسيش الڤوت يا سكر 🤗🩵🤍>>>...
...((الفصل 1500 كلمة🙈))...
...بقلمي : دانـــا - DΛNΛ...
تنزيل على الفور
novel.download.tips
Comments